အခက်အခဲဆိုတာ ဘဝမှာ ရှောင်လွှဲလို့ မရတဲ့ အရာပါ။ ယောက်ျား၊ မိန်းမ အသက်အရွယ်မရွေး အခက်အခဲတွေနဲ့ ကြုံတွေ့နေရတာပါ။ အခက်အခဲနဲ့ ရင်ဆိုင်ကြရင် သာမန်လူအများစုနဲ့ အောင်မြင်ကြီးပွားသူတွေရဲ့ တုံပြန်မှုတွေဟာ ကွာခြားပါတယ်။ အဲဒီအကြောင်းကို ရေးပြချင်တာပါ။
သာမန်လူများစုဟာ အခက်အခဲနဲ့ ရင်ဆိုင်ကြုံတွေ့ရင် ဖြေရှင်းဖို့ မကြိုးစားဘဲ ရှေ့မတိုး ရပ်နေကြတယ်။ တချို့ကျတော့ ရင်မဆိုင်ရဲလို့ နောက်ကြောင်းပြန်လှည့်ပြေးကြတယ်။ တချို့က အခက်အခဲကို ရှောင်ကွင်းဖို့ ကြိုးစားကြတယ်။
သူတို့ ဘာကြောင့် အဲဒီလို ဖြစ်နေရတာလဲ။ အခက်အခဲနဲ့ ရင်ဆိုင်ရမှာကို ကြောက်လို့ပါ။ အမှန်က အခက်အခဲဆိုတာ ကြောက်စရာမဟုတ်ဘူးဆိုတာကို အောင်မြင်ကြီးပွားသူတွေရဲ့ ခံယူချက်သဘောထားကို အတုယူစေချင်ပါတယ်။
အောင်မြင်ကြီးပွားချင်သူတွေလည်း တကယ်တော့ အခက်အခဲနဲ့ မကြုံတွေ့ချင် ရင်မဆိုင်ချင်ပါဘူး။ တတ်နိုင်ရင် ရှောင်လွှဲချင်ပါတယ်။ ရှောင်လွှဲမရဘူးဆိုရင်တော့ သာမန်လူတွေလို နောက်ပြန်လှည့်ပြေးတာ၊ ဘာမှ မလုပ်ဘဲ ရပ်နေတာတွေ မလုပ်ကြဘူး။
အခက်အခဲကို ဖြတ်သန်းကျော်လွှားဖို့ အဖြေရှာတယ်။ အဖြေရရင် ကျော်ဖြတ်ဖို့ ကြိုးစားတယ်။ သူတို့ ရောက်ချင်တဲ့ ရည်မှန်းချက်ပန်းတိုင်ကို ရောက်ဖို့ အဲဒီအခက်အခဲတွေဟာ အဟန့်အတားတွေ ဖြစ်နေကြတယ်။ အခက်အခဲတွေကို မဖြေရှင်း မကျော်လွှားဘဲ ဘယ်လိုမှ ရည်မှန်းချက်ပန်းတိုင်ကို မရောက်ဘူးဆိုတာ ကောင်းကောင်း နားလည်သဘောပေါက်ထားကြလို့ပါ။
– တရုတ်စကားပုံတစ်ခုရှိတယ်။ “ဖြေးဖြေးပဲ သွားသွား၊ မြန်မြန်ပဲ သွားသွား၊ ဆက်သွားနေဖို့ လိုပါတယ်။ ရပ်မနေပါနဲ့” တဲ့။- အင်္ဂလိပ် စကားပုံ တစ်ခုရှိတယ်။ “အောင်မြင်ချင်ရင် အခက်အခဲနဲ့ တွေ့တဲ့အခါမှာ မကြောက်ပါနဲ့။ အခက်အခဲကို မတွေ့ရင် မရအရ လိုက်ရှာပြီး ပိုက်ဆံနဲ့ ပေးဝယ်ပါ” တဲ့။
ဝန်ထမ်းတစ်ယောက်ဟာ သူ့လစာလေးနဲ့ မိသားစုစားဝတ်နေရေးအတွက် မဖူလုံဘူးဆိုတာ သိနေတယ်။ ဒါပေမဲ့ အဲဒီမလောက်မင လစာလေးနဲ့ပဲ အလုပ်ဆက်လုပ်နေတယ်။ ဘာဖြစ်လို့ မလုံလောက်တဲ့ လစာလေးပဲ ရတဲ့ အလုပ်ကထွက်ပြီး တခြားအလုပ်မရှာရတာလဲ။
အကြောင်းက သူဟာ သက်သက်သာသာ နေရတဲ့ ဘဝဖြစ်တဲ့ comfort zone ကနေ မထွက်ရဲလို့ပါ။ ဒီလိုပဲ အဲဒီ comfort zone ထဲမှာပဲ အောင်းနေရင်းနဲ့ အသက်ကြီးလာတော့ ပိုက်ဆံစုမိဆောင်းမိ မရှိလို့ ဝမ်းနည်းနောင်တရရုံကလွဲပြီး ဘာမှ မတတ်နိုင်တော့ဘူး။ ဘဝတစ်ခု ပြန်စဖို့ကလည်း ဘဝကလည်း နိဂုံးချုပ်လုနီးနေပြီ။
ဒီလို အဖြစ်မျိုး မကြုံရလေအောင် comfort zone ထဲမှာ အောင်းမနေပါနဲ့။ အဲဒီထဲက ထွက်ပြီး ကြုံတွေ့လာတဲ့ အခက်အခဲတွေကို ကျော်လွှားလိုက်စမ်းပါ။ ဘယ်တော့ လုပ်ရမှာလဲ။ ဒီနေ့ စလုပ်ပါ။
“ကမ္ဘာပေါ်မှာ အရမ်းတော်၊ အရမ်းထူးချွန်၊ အရမ်းဉာဏ်ရည်မြင့်သူတွေ အများကြီး ရှိပါတယ်။ ဒါပေမဲ့ သူတို့ဟာ အောင်မြင်ကြီးပွားသူတွေ ဖြစ်မလာကြပါဘူး။ ဘာကြောင့်လဲ။ သူတို့ဟာ အရမ်းစဉ်းစားပြီး အရမ်းလည်း သတိထားကြသူတွေ ဖြစ်ကြတယ်။ ဒီတော့ အပြောင်းအလဲ လုပ်ရမှာ၊ အခက်အခဲနဲ့ ကြုံမှာကို ကြောက်ပြီး ဘာမှ မလုပ်ကြလို့ပါ” –
Credit to original writer
http://kanaung.net/post-no-3984
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။