<< #တစ်ယောက်တည်းလည်း_ပျော်အောင်နေပါ >>

Khant Naing

 

ဖတ်စေချင်လို့ copyယူလာပေးတယ်။ပုံနဲ့တော့မဆိုင်ဘူးပေါ့ရယ် ဒါပေသိ စာရသမပျက်ပါဘူး😁😁😁😁😁😁

<< #တစ်ယောက်တည်းလည်း_ပျော်အောင်နေပါ >>

လူရယ်လို့ဖြစ်လာမှတော့ လူ့အဖွဲ့အစည်းထဲမှာ စုစုရုံးရုံးနဲ့
သိုက်သိုက်ဝန်းဝန်း နေတာက ကောင်းတာပေါ့လေ
နောက်ပြီး အဲ့ဒီလိုဖြစ်အောင်နေနိုင်ဖို့ကိုလည်း
ကြိုးစားသင့်ပါတယ်...

ဒါပေမဲ့ သေချာစဉ်းစားကြည့်ပြန်တော့လည်း ကိုယ့်စိတ်နဲ့
ခန္ဓာတောင် မမြဲဘူးဆိုမှတော့ ကိုယ့်ပတ်ဝန်းကျင်
ဆိုတာလည်း ကိုယ့်အနားအမြဲရှိနေမှာ မဟုတ်ပြန်ဘူး...

ကိုယ့်မိဘ၊ ကိုယ့်သားသမီး၊ ကိုယ့်ချစ်သူ၊ ကိုယ့်ခင်ပွန်း၊
ကိုယ့်သူငယ်ချင်း၊ ကိုယ့်မိတ်ဆွေ၊ ကိုယ့်ဆွေမျိုး၊
ကိုယ့်မောင်နှမ၊ ကိုယ့်လုပ်ဖော်ကိုင်ဖက် စသဖြင့်ပေါ့...

ဘယ်သူ့ဘယ်သူမှ ကိုယ့်အနားမှာ အချိန်ပြည့် ဒါမှမဟုတ်
ကိုယ်လိုအပ်ချိန်တိုင်း ရှိနေပေးနိုင်မှာ မဟုတ်ဘူး
ဒီတော့ အသက်ရှင်နေတုန်းမှာ ကိုယ့်အနား ကိုယ်နဲ့အတူ
အမြဲရှိနေမယ့်သူဟာ ကိုယ်ကိုယ်တိုင်ပဲ သေချာတယ်...

ဆိုတော့ ကိုယ်က တစ်ယောက်တည်းရှိနေချိန်မျိုးမှာ
နေတတ်အောင်နေနိုင်ဖို့ အဲ့ထက်ပိုရင် ပျော်အောင်နေနိုင်
ဖို့က အရမ်းအရေးကြီးတယ်၊ ကြိုးလည်း ကြိုးစားရမယ်...

တစ်ယောက်တည်းဖြစ်ပြီဆိုရင် အထီးကျန်လာတယ်၊
အထီးကျန်လာပြီဆိုရင် သူ့ရဲ့နောက်ဆက်တွဲဆိုးကျိုးက
အားငယ်လာမယ် ပြီးရင် စိတ်ဓာတ်ကျလာမယ်၊
အဲ့ဒါအဓိကအချက်...

ဒီတော့ တစ်ယောက်တည်းဖြစ်နေချိန်မှာ အထီးကျန်
တယ်လို့ မခံစားရအောင် ဘာလုပ်နေမလဲဆိုတဲ့
မေးခွန်းက အရေးကြီးလာပါတယ်...

၁- ရည်မှန်းချက်ထားပါ...
ကျောင်းသားဆိုလည်း ပညာရေးရည်မှန်းချက်ပေါ့
ဝန်ထမ်းဆိုလည်း အလုပ်အကိုင်ရည်မှန်းချက်ပေါ့
စီးပွားရေးသမားဆိုလည်း လုပ်ငန်းရည်မှန်းချက်ပေါ့
ရည်မှန်းချက်ထားပြီး ကြိုးစားနေရသူတွေဟာ
တော်ရုံတန်ရုံဆို အထီးကျန်တယ်လို့ မခံစားရပါဘူး...

၂- ဝါသနာနောက်လိုက်ပါ...
ကိုယ်ဘာဝါသနာပါလဲ၊ ဝါသနာပါတာကို လေ့လာ
လိုက်စားဖို့ ကြိုးစားပါ၊ ပန်းချီလား၊ ဓာတ်ပုံလား၊
ဖက်ရှင်လား၊ ဂီတလား၊ ဟင်းချက်တာလား စသဖြင့်ပေါ့...

၃- အားကစားလုပ်ပါ...
ဘောလုံးကန်တာ၊ ရေကူးတာ၊ အပြေးလေ့ကျင့်တာ၊
Gym ဆော့တာ စသဖြင့်၊ ဘာအားကစားမှ ဝါသနာ
မပါဘူးဆိုရင်တောင် လမ်းလျှောက်လို့ ရပါတယ်...

၎- စာဖတ်ပါ...
စာဖတ်ခြင်းဟာ အထီးကျန်ခြင်းကို ကုစားပေးမယ့်
အကောင်းဆုံးကုထုံးလို့ ပြောလို့ရပါတယ်၊ စာတွေက
တဆင့် ကိုယ်မရောက်ဖူးတဲ့နေရာတွေ၊ ကိုယ်မကြုံဖူးတဲ့
သူတွေနဲ့ ကိုယ်မသိသေးတဲ့ အကြောင်းအရာတွေကို
ကိုယ်နဲ့ တွေ့ဆုံစေပါတယ်...

၅- မီဒီယာကို အသုံးချပါ...
ဂျာနယ်တွေ၊ မဂ္ဂဇင်းတွေရှိမယ် နောက်ပြီး သီချင်းတွေ
နားထောင်မယ်၊ ဆိုမယ်၊ ရုပ်ရှင်ကြည့်မယ်၊ တီဗီတွေ၊
ရေဒီယိုတွေရှိမယ်၊ website တွေရှိမယ်ပေါ့ စသဖြင့်...

၆- ခရီးထွက်ပါ...
ခရီးတွေထွက်ခြင်းအားဖြင့် အတွေ့အကြုံသစ်တွေရမယ်၊
ကိုယ်မမြင်ဖူးတာတွေ၊ ကိုယ်မစားဖူးတာတွေ ကြုံရမယ်၊
စိတ်ကိုယ်လန်းဆန်းပြီး အားအင်သစ်တွေ ရလာမယ်၊
အထီးကျန်တဲ့ခံစားမှုကို မေ့သွားစေမယ်...

၇- ပရဟိတလုပ်ပါ...
ကိ်ုယ်အားတဲ့အချိန်တွေမှာ လိုအပ်တဲ့နေရာကိုသွားပြီး
ပရဟိတလုပ်တာဟာ တစ်ချက်ခုတ် နှစ်ချက်ပြတ်တဲ့
အလုပ်မို့လို့ ကြိုးစားကြည့်သင့်ပါတယ်၊ ဒါမှမဟုတ်လည်း
ဘာသာရေးလိုက်စားတာမျိုး၊ တရားအားထုတ်တာမျိုး
စသဖြင့်ပေါ့...

၈- ကိုယ့်အားကိုယ်ကိုးပါ...
တစ်ယောက်ယောက်လုပ်ပေးမှ ရမယ်ဆိုတဲ့စိတ်ကို
ဖျောက်ပါ၊ တစ်ယောက်ယောက်မရှိရင် ငါမရပ်တည်နိုင်
ဆိုတဲ့ ခံစားချက်ကိုလည်း အမြစ်ကလှန်ပစ်ပါ၊
ကိုယ်လုပ်မှ ကိုယ်ရမယ်၊ ကိုယ့်ခြေထောက်ပေါ်
ကိုယ်ရပ်မယ်၊ ဘယ်သူမှမရှိလည်း နေတတ်တယ်ဆိုတဲ့
ခံယူချက်နဲ့ ယုံကြည်ချက်ကို မွေးပါ...

၉- ကျန်းမာရေးကို ဂရုစိုက်ပါ...
တစ်ယောက်တည်းရှိနေချိန်မှာ ကျန်းမာနေဖို့က
တော်တော်အရေးကြီးတယ်၊ မဟုတ်ရင် ပိုဆိုးသွားမယ်၊
ဒီတော့ ကျန်းမာရေးကို ဂရုစိုက်ပါ၊ လိုက်စားပါ၊
တစ်ယောက်တည်းဆိုပြီး ဖြစ်ချင်တာဖြစ်ပုံစံမျိုး
မနေမိပါစေနဲ့...

၁၀- စိတ်ကိုလေ့ကျင့်ပါ...
လူတွေက အထီးကျန်လာပြီဆိုရင် ဘာခံစားရလဲဆိုတော့
ငါဟာ အပယ်ခံဖြစ်နေပြီ၊ ဘယ်သူမှ ငါ့ကို အလိုမရှိကြဘူး၊
ငါမရှိလည်း အားလုံးဟာ သာသာယာယာပဲ စသဖြင့်ပေါ့၊
အဲ့ဒီစိတ်ကိုဖျောက်ပါ၊ ကိုယ်သည်လည်း လူတွေထဲက
လူပဲဖြစ်တယ်၊ ကိုယ့်ဘဝနဲ့ ကိုယ့်ပတ်ဝန်းကျင်ကို
အမြဲတမ်းအကောင်းဆုံးဖြစ်အောင် ကြိုးစားနေတယ်၊
အားလုံးနဲ့ သင့်တင့်လျောက်ပတ်အောင်နေတယ် စသဖြင့်
အဲ့ဒီလိုပဲတွေးပါ၊ အဆင်ပြေပါလိမ့်မယ်...

Wai Phyo Maung
5.Mar.2017