ဒါပေမယ့် သူ့ရဲ့ အတိတ်သမိုင်းကြောင်းကို ပြန်ကြည့်ရင်တော့ Jack Ma ဟာ တစ်လကို 12 ဒေါ်လာသာ ရတဲ့ အင်္ဂလိပ်စာပြဆရာအဖြစ် အသက်မွေးခဲ့ဖူးတာကို တွေ့ရမှာဖြစ်ပါတယ်။

 

Sai Kham Leng

 

လတ်တလောမှာ တရုတ်နိုင်ငံရဲ့ အချမ်းသာဆုံးပုဂ္ဂိုလ်စာရင်းဝင်ဖြစ်တဲ့ Jack Ma ဟာ ဒေါ်လာ 23.3 ဘီလီယံ အထိ ချမ်းသာနေပြီဖြစ်ပြီး သူ့ရဲ့ ကုမ္ပဏီဟာ သမိုင်းမှာ တန်ကြေးအကြီးမားဆုံးအဖြစ် ဒေါ်လာ 150 ဘီလီယံတန်ဖိုးနဲ့ အများပိုင်ကုမ္ပဏီပြောင်းခဲ့တာဖြစ်ပါတယ်။ ဒါပေမယ့် သူ့ရဲ့ အတိတ်သမိုင်းကြောင်းကို ပြန်ကြည့်ရင်တော့ Jack Ma ဟာ တစ်လကို 12 ဒေါ်လာသာ ရတဲ့ အင်္ဂလိပ်စာပြဆရာအဖြစ် အသက်မွေးခဲ့ဖူးတာကို တွေ့ရမှာဖြစ်ပါတယ်။

သူ့ရဲ့ အောင်မြင်မှုတွေဟာ အံ့မခန်းလောက်စရာဖြစ်ပေမယ့် သူဟာ ခင်ဗျားတို့ ကျုပ်တို့ထက် အဆပေါင်းများစွာ ပိုပြီး ကျရှုံးခဲ့ဖူးပါတယ်။ တိတိကျကျဆိုရရင် ဘဝပျက်လောက်တဲ့ အထိ ရခဲ့တဲ့ ဒဏ်ရာတွေဟာ တော်တော်များခဲ့ပါတယ်။ အဲဒီထဲကမှ သာမာန်လူတွေအတွက် နလန်မထူလောက်စရာ ဖြစ်သွားနိုင်ပေမယ့် Jack Ma ကတော့ ကျော်လွှားနိုင်ခဲ့တဲ့ အခက်အခဲ (၇) ခုကို ရွေးချယ်ဖော်ပြရမယ်ဆိုရင်

(1) ကျောင်းသားဘဝမှာ စာမေးပွဲပေါင်းများစွာကို ကျရှုံးခဲ့ပါတယ်။

ကျွန်တော်တို့ မိဘတွေဆိုရင်တော့ ဘယ်လိုပြောမယ်မသိဘူး။ Jack Ma ကတော့ သူငယ်တန်း (၂) ကြိမ်၊ အလယ်တန်း (၃) ကြိမ်၊ တက္ကသိုလ်ဝင်ခွင့် ကို (၂) ကြိမ် ရှုံးခဲ့ပါတယ်။ ဒါပေမယ့် သူစိတ်ဓာတ်မကျခဲ့ဘူး။

(2) တက္ကသိုလ်ဝင်တန်းစာမေးပွဲမှာ သင်္ချာမေးခွန်းမှာ အမှတ် (၁၂၀) ပေးတာ (၁) မှတ်ပဲ ရခဲ့တယ်။

သူ့ရဲ့ Alibaba ကုမ္ပဏီဟာ နည်းပညာကုမ္ပဏီဖြစ်ပေမယ့် Jack Ma ကတော့ အခုချိန်ထိ သင်္ချာညံ့ဆဲပါပဲ။

(3) ဟားဗတ်တက္ကသိုလ်ကို ဝင်ခွင့်လျှောက်လွှာတင်တာ (၁၀) ကြိမ်တိတိ အပယ်ခံခဲ့ရတယ်။

(၁၀) ကြိမ်အပယ်ခံရတာထက် (၁၀) ကြိမ်အထိ လျှောက်လွှာတင်ခဲ့တာက သူ့ရဲ့ မလျှော့တဲ့ ဇွဲကို ပြနေပါတယ်။

(4) တက္ကသိုလ်က ဘွဲ့ရပြီးချိန်မှာ ကုမ္ပဏီအခု (၃၀) ကိုလျှောက်ခဲ့တယ်။ အကုန်လုံးက ပယ်ချတာ ခံခဲ့ရတယ်။

သူလျှောက်ခဲ့တဲ့အလုပ်က မျိုးစုံပါပဲ။ ဘယ်အလုပ်ကမှ သူ့ကိုလက်မခံခဲ့ပါဘူး။ ရဲဝန်ထမ်းလုပ်ဖို့တောင် ဝင်လျှောက်ခဲ့ပါသေးတယ်။ ရဲဝင်လျှောက်တော့ သူ့ကို အင်တာဗျူးတောင် မလုပ်ခဲ့ဘူး။ စကားလေး (၃) လုံးနဲ့ပဲ အငြင်းခံခဲ့ရပါတယ်။ “You’re no good” တဲ့။

(5) KFC မှာ အလုပ်သွားလျှောက်တဲ့သူ (၂၄) ယောက်ထဲမှာ သူတစ်ယောက်ပဲ အငြင်းခံခဲ့ရတယ်။

KFC တရုတ်မှာ စဖွင့်တော့ အလုပ်တွေခေါ်တဲ့အခါ သူလဲသွားလျှောက်ခဲ့ပါတယ်။ သူနဲ့အတူတူ အင်တာဗျူးတဲ့သူ (၂၄) ယောက်ထဲမှာ ကျန်တဲ့ (၂၃) ယောက်ကို ခန့်ပြီး သူ့ကိုတော့ မခန့်ခဲ့ပါဘူး။

(6) Alibaba ကို ငွေကြေးထောက်ပံ့မှု ရှာဖွေတာ အဆင်မပြေခဲ့ဘူး။

သူ့ကို ကမ္ဘာ့အချမ်းသာဆုံးစာရင်း ဝင်စေမယ့် Alibaba ကို စထောင်ခဲ့ပြီး ပထမ (၃) နှစ်မှာ အမြတ်လုံးဝ မရှိခဲ့ဘူး။ dot-com bubble လို့ခေါ်တဲ့ နည်းပညာကုမ္ပဏီတွေ အစုလိုက်အပြုံလိုက် ပြိုလဲကြတဲ့ အချိန်မှာ သူ့ကုမ္ပဏီလဲ ပြိုလဲလုနီးပါးဖြစ်ခဲ့ရတယ်။ တစ်ကြိမ်မှာဆိုရင် Alibaba ဟာ ဒေဝါလီခံရလုနီးပါးအထိ ဖြစ်ခဲ့တယ်။

(7) သူ့ရဲ့ Alibaba ကို စတင်တည်ထောင်စဉ်က ငွေကြေးထည့်ဝင်ခဲ့သူတွေကို ရာထူးတိုးမပေးခဲ့ဘူး။

CEO တစ်ယောက်ရဲ့ အဆိုးဆုံး ဆုံးဖြတ်ချက်လို့ဆိုရမယ့် ဒီဆုံးဖြတ်ချက်ကို သူချခဲ့တုန်းက သူ့ကို ပထမဆုံး ငွေကြေးထောက်ပံ့ခဲ့တဲ့ သူငယ်ချင်း 18 ယောက်ကို သူတစ်ခါတည်းပြောခဲ့တယ်။ ဘယ်သူမှ မန်နေဂျာအဆင့်ကနေ အထက်ကို တိုးပြီး မခန့်တော့ဘူးလို့ သူပြောခဲ့ပါတယ်။ ဒီဆုံးဖြတ်ချက်ဟာ မှားတယ်လို့ နောက်ပိုင်းမှာသူဝန်ခံခဲ့ပါတယ်။

တကယ်လို့များ သင်ဟာ အရှုံးတွေနဲ့ ရင်ဆိုင်နေရပြီဆိုရင်..
Jack Ma ရဲ့ဘဝကို သတိရပါ။ ဆုံးရှုံးမှုတွေနဲ့ ရင်ဆိုင်ရတိုင်း နောက်မဆုတ်တမ်းကြိုးစားရင် တစ်နေ့မှာ အောင်မြင်မှုရမယ်ဆိုတာကို တရုတ်နိုင်ငံရဲ့ အချမ်းသာဆုံးစာရင်းဝင်၊ ကမ္ဘာ့အချမ်းသာဆုံး စာရင်း နံပါတ် (၃၃) မှာ ရောက်ရှိနေပြီဖြစ်တဲ့ Alibaba ရဲ့ ပဲ့ကိုင်ရှင် Jack Ma က သက်သေခံနေပါတယ်။

အောင်မွန်ချမ်း (Myanmar Leaders)
-----
ဤဆောင်းပါးကို လုပ်ငန်းရှင်များရောင်းဝယ်ရာ www.baganmart.com မှ ပံ့ပိုးကူညီပါသည်။