မှတ်ဥာဏ်ပြန်ကောင်းလာအောင် ဘယ်လိုလုပ်မလဲ

Zaw Win Naing

 

မှတ်ဥာဏ်ပြန်ကောင်းလာအောင် ဘယ်လိုလုပ်မလဲ
=================================

လူတွေဟာ အရွယ်ရောက်စမှာ ဦးနှောက်ရဲ့ ဆောင်ရွက်နိုင်စွမ်းက အလွန်ကောင်းတာမို့ အရာရာကို မှတ်မိလွယ်ပါတယ်။ မှတ်ဥာဏ် သိပ်ကောင်းတတ်ပါတယ်။ ဒါပေမဲ့  အဲဒီနောက်မှာတော့ အသက်ကြီးလာလေ မှတ်ဥာဏ်က ပိုကျလာလေပါပဲ။ ဒါတွင်မက ယနေ့ ကာလ လူနေမှုဘ၀ ပုံစံကလည်း မှတ်ဥာဏ်ကို ကျဆင်းစေပါတယ်။ နေ့ တိုင်းမှာ သဘာဝပတ်ဝန်းကျင်နဲ့ ထိတွေ့ မှုနည်းလာပြီး လေထုညစ်ညမ်းမှုတွေနဲ့ ကြုံတွေ့ နေရတာ။ ဓာတုဗေဒပစ္စည်းတွေနဲ့ ထိတွေ့ နေရတာ။ အစာကောင်းကောင်း မစားတာ။ ကောင်းကောင်း မအိပ်တာ။ စိတ်ဖိစီးမှု များတာတွေကလည်း ဦးနှောက်ရဲ့ လုပ်ဆောင်နိုင်စွမ်းကို ကျဆငိးစေပါတယ်။

ဒါပေမဲ့ မှတ်ဥာဏ်ကို ပြန်ကောင်းလာစေဖို့ ကိုယ်ရဲ့ဦးနှောက်စွမ်းရည်ကို မြင့်မားလာစေဖို့၊ ဆေးတွေသောက်ဖို့ မလိုပါဘူး။ ကိုယ်ရဲ့ လူနေမှုပုံစံကို ကျန်းမာရေးနဲ့ အညီ ပြောင်းလဲလိုက်ရုံပါပဲလို့ ဆေးပညာရှင်တွေက ဆိုပါတယ်။ အောက်မှာ ဖော်ပြထားတဲ့နည်းတွေကို လိုက်လုပ်ရုံပါပဲ။ တကယ် သေချာလုပ်မယ်ဆိုရင် တကယ်ကို မှတ်ဥာဏ်ကောင်းလာမှာပါလို့ ဆေးပညာရှင်တွေက ထောက်ခံထားပါတယ်။

*** သင့်တော်သော အစားအစာကိုစားပါ ***

မှတ်ဥာဏ်ကောင်းလာဖို့ ကိုယ်ဘာစားတယ်။ မစားဘူးဆိုတာက သိပ်ကိုအရေးကြီးပါတယ်။ လတ်ဆတ်တဲ့ ဟင်းသီးဟင်းရွက်တွေကို စားဖို့ က အရေးကြီးပါတယ်။ သကြားနဲ့  ကာဗိုဟိုက်ဒရိတ်ဓာတ်များတာတွေကို ရှောင်ရပါမယ်။ နောက်ပြီးတော့ ငါးကြီးဆီသောက်ပါ။ ပြီးတော့ ငါးများများစားပါ။ အုန်းဆီကလည်း ဥာဏ်ကောင်းစေတဲ့ အထဲမှာ ပါ,ပါတယ်။ အုန်းဆီဆိုတာ အုန်းသီးကနေ အဆီထုတ်ထားတဲ့ အဆီပါ။ အခုဆိုရင် အုန်းဆီကို ဦးနှောက်ရောဂါတွေ အတွက် ဆေးတွေမှာပါ သုံးနေကြပါပြီ။

*** လေ့ကျင်ခန်း ***

ကိုယ်လက်လေ့ကျင့်ခန်းတွေက ဦးနှောက်ထဲက အာရုံကြောတွေကို နှိုးဆွပေးပါတယ်။ ဒါကြောင့် သူတို့ အချင်းချင်းကြား အပြန်အလှန် ဆက်သွယ်မှု အားကောင်းပြီး ဦးနှောက်စွမ်းရည်ကို ထက်မြက်စေပါတယ်။ ၂၀၁၀ ဆေးပညာရှင်တွေရဲ့ လေ့လာချက်တစ်ခုအရ လေ့ကျင်ခန်း ပုံမှန်လုပ်သွားမယ် ဆိုရင် မှတ်ဥာဏ်ကောင်းစေရုံသာမက ဦးနှောက်ထဲက သွေးလည်ပတ်မှုကိုပါ အားကောင်းစေတဲ့အတွက် အရာရာကို သင်ယူလေ့လာရ လွယ်ကူတယ်လို့ ဆိုပါတယ်။

*** တစ်ချိန်တည်းမှာ ဦးနှောက်ကို အသုံးချတာမျိုးတွေရှောင်ပါ ***

အလုပ်မျိုးစုံကို တစ်ချိန်တည်းလုပ်ပြီး ဦးနှောက်ကို တရကြမ်း အလုပ်ပေးခြင်းက မှတ်ဥာဏ်ကို ထိခိုက်စေပါတယ်။ မေ့လည်း မေ့လွယ်စေပါတယ်။ ကိုယ့်ခေါင်းမှာ အကြောင်းအရာ တစ်ခုကိုမှတ်ဖို့ အချိန်ရှစ်စက္ကန့်လောက် လိုပါတယ်။ ဒါကြောင့် ဈေးဝယ်ရင်းဖုန်းပြောတဲ့ လူတွေဟာ မကြာခဏ ပိုက်ဆံအိတ် ဘယ်နားချမိမှန်း၊ အိမ်သော့ ဘယ်နားချမိမှန်း မသိတာမျိုးတွေ ဖြစ်တတ်ပါတယ်။ ဒါကြောင့် တစ်ချိန်တည်းမှာ အလုပ်တွေတစ်မြုံတမကြီး လုပ်တာမျိုးကို လုပ်နိုင်တယ်လို့ မထင်ပါနဲ့ ။ မကြာခင် ကိုယ့် မှတ်ဥာဏ် ချို့ယွင်းလာတာကို တွေ့ရမှာဖြစ်ပါတယ်။ ဒါကြောင့် တစ်ကြိမ်မှာ အလုပ်တစ်ခု၊ အရာတစ်ခုမှာပဲ စူးစိုက်လုပ်ကိုင်ပါ။ ဒါက ပိုထိရောက်သလို အလုပ်လည်း ပိုဖြစ်ပါတယ်။

*** ကောင်းကောင်းအိပ်ပါ ***

အိပ်ပျော်တာက မှတ်ဥာဏ်ကို အားကောင်းစေတဲ့အပြင် ကိုယ့်ရဲ့စွမ်းဆောင်ရည် တွေးခေါ်သုံးသပ်ချက်တွေကိုလည်း တိုးတက်စေပါတယ်။ တစ်ညလောက် ကောင်းကောင်းအိပ်ချလိုက်ရင် နောက်တစ်နေ့မှာ ခေါင်းကြည်ပြီး အေးဆေးစွာတွေးခေါ်လို့ ရစေပါတယ်။ စာရအောင်လို့ ညလုံးပေါက် စာကျက်မယ်၊ တစ်ခုခုကို ညလုံးပေါက် ဇောက်ချလုပ်မယ်ဆိုတာတွေဟာ ဦးနှောက်ကို ပင်ပန်းစေရုံသက်သက်ပါ။ ပင်ပန်းနေတဲ့ ဦးနှောက်က စာလည်း ပိုမရသလို ဖန်တီးဥာဏ်ကိုလည်း ကျဆင်းစေပါတယ်။ ဒါကြောင့် တွေးခေါ်မှု၊ ဖန်တီးမှု အားကောင်းစေချင်တယ်ဆိုရင် အိပ်ရေးဝဝအိပ်ပါ။

*** လူမှုဆက်ဆံရေး ပုံမှန်ရှိပါစေ ***

စိတ်ပင်ပန်းမှုနဲ့ စိတ်ဓာတ်ကျဆင်းတာက မှတ်ဥာဏ်ကို ထိခိုက်စေပါတယ်။ ကိုယ့်မှာ သူငယ်ချင်းမိတ်ဆွေတွေ။ မိသားစုတွေနဲ့ လူမှုဆက်ဆံရေး ကောင်းခြင်းက စိတ်ဓာတ်ကျတာ ၊ စိတ်ဖိစီးတာတွေကို သက်သာစေပါတယ်။ ဒါကြောင့် မိတ်ဆွေတွေနဲ့အတူ သွားလာလည်ပတ်တာ၊ စားသောက်တာ၊ မိသားစုနဲ့ သိုက်သိုက်ဝန်းဝန်း နေနိုင်အောင် ကြိုးစားပါ။

*** စိတ်သွက်လက်တက်ကြွမှု ရှိပါစေ ***

ပဟေဠိတွေ ကစားခြင်း၊ သတင်းစာတွေမှာ ကိုယ်မဖတ်ဘဲ ချန်ထားတဲ့အကြောင်းတွေကို လိုက်ဖတ်ခြင်းမျိုးတွေ လုပ်ပါ။ အိမ်ပြန်လမ်းကိုလည်း တသမတ်တည်း မပြန်ဘဲ တခြားလမ်းကနေ မောင်းကြည့်ပါ။ ဂစ်တာ၊ တယော၊ စန္ဒယားတို့လို ဂီတတူရိယာတွေကို လေ့လာသင်ကြားပါ။ အားတဲ့အခါ လူမှုရေးအဖွဲ့ အစည်း တစ်ခုခုမှာ လုပ်အားပေးပါ။ ဒါတွေကို စိတ်ကိုအလုပ်ပေးပြီး မှတ်ဥာဏ် ပိုကောင်းလာစေပါတယ်။

*** စနစ်ကျမှုရှိပါ ***

ကိုယ့်ရဲ့အိမ်၊ အလုပ်စားပွဲ ရှုပ်ပွနေရင်၊ မှတ်စုစာအုပ်တွေ ဖွာလန်ကြဲနေရင် ပိုပြီးမေ့လွယ်တတ်ပါတယ်။ ဒါကြောင့် အစည်းအဝေးရက်စွဲတွေ၊ လုပ်ဆောင်စရာရှိတာတွေကို ပြက္ခဒိန်ပါတဲ့ မှတ်စုနဲ့ သေချာမှတ်ပါ။ အိမ်သော့၊ ပိုက်ဆံအိတ်၊ တခြားမရှိမဖြစ် ပစ္စည်းတွေကိုလည်း သေချာတဲ့  နေရာတစ်ခုမှာ ပုံမှန်ထားပါ။ ဒီလိုတစ်နေရာတည်း ထားခြင်း၊ စနစ်ကျခြင်းက အရာရာကို အလွယ်တကူ မှတ်မိစေပါတယ်။

လင်းလင်း
( ကိုးကား Mayo Clinic)
The Ladies News