ဂျွန်ပေါလ်ဒေဂျိုးရီးယား (သို့မဟုတ်) ပြဿနာကို အခွင့်အလမ်း အဖြစ် ပြောင်းလဲလိုက်သူ။

Bamaw Thein Pe added 2 new photos.

ဂျွန်ပေါလ်ဒေဂျိုးရီးယား (သို့မဟုတ်) ပြဿနာကို အခွင့်အလမ်း အဖြစ် ပြောင်းလဲလိုက်သူ။
ဂျွန်ဟာ ၁၉၇၁ ခုနှစ် (သူ့ အသက် ၂၇ နှစ်)မှာ ဆံပင်အလှပြင်ပစ္စည်းတွေရောင်းတဲ့ Redken ကုမ္ပဏီမှာ အရောင်းသမား အလုပ်ရတယ်။ အဲဒီအချိန်က Redken ကုမ္ပဏီဆိုတာ ဆံပင်အလှပြင်ပစ္စည်းတွေ ထုတ်လုပ်တဲ့ အမေရိကန်နိုင်ငံက ကုမ္ပဏီတွေထဲမှာ အကြီးဆုံးပါ။ သူဟာ လစာဒေါ်လာ ၆၀၀ နဲ့ ကားအသုံးစရိတ် ၁၂၅ ဒေါ်လာပဲရတယ်။ တနှစ်ခွဲအကြာမှာ အရောင်းဋ္ဌါနကြီး ၂ ခုရဲ့မန်နေဂျာ ဖြစ်လာတယ်။ သူ့လက်အောက်မှာ အတွင်းရေးမှူးအမျိုးသမီး ၂ ယောက်နဲ့ ဝန်ထမ်း ၄ ယောက်ရှိတယ်။ ၁၉၇၅ ခုနှစ်မှာ သူအလုပ်ဖြုတ်ခံလိုက်ရတယ်။ အလုပ်ဖြုတ်ခံလိုက်ရတာက သူအလုပ်မှာမကြိုးစားလို့၊ သူ့ဋ္ဌါနတွေမှာ အမြတ်နဲလို့ မဟုတ်ပါဘူး။
သူဟာ ဝန်ထမ်းနဲနဲလေးနဲ့ ကုမ္ပဏီအတွက် ဝင်ငွေအများကြီး ရအောင် ရှာပေးနိုင်ခဲ့ပါတယ်။ အဲဒါကို တခြားမန်နေဂျာတွေက မနာလိုဖြစ်ပြီး အထက်ကို မဟုတ်မမှန် လုပ်ကြံတိုင်ပြောကြလို့ အထက်လူကြီးက အထင်မှားပြီး သူ့ကို ဖြုတ်လိုက်တာပါ။

ဂျွန်ဟာ မတရားအလုပ်ဖြုတ်ခံလိုက်ရလို့ ဝမ်းနည်းစိတ်မကောင်းဖြစ်ရပေမဲ့ စိတ်ဓါတ်ကျမသွားပါဘူး။ ဘာကြောင့်လဲဆိုတော့ အဲဒီကုမ္ပဏီမှာ ၄ နှစ်ကြာအောင် လုပ်ခဲ့တာကြောင့် သူ့အတွက် အကျိုးအများကြီး ရလိုက်တယ်လို့ ခံယူမိလို့ပါ။ အဲဒီအကျိုးတွေက - ၁) သူများအခိုင်းခံဝန်ထမ်းဘဝမှာ မနေချင်တော့ပဲ ကိုယ်ပိုင်ကုမ္ပဏီတခု ထူထောင်ချင်စိတ် ဖြစ်ပေါ်လာခဲ့တယ်။ ၂) Redkenက ထုတ်လုပ်တဲ့ အလှကုန်ပစ္စည်းတွေရဲ့ အားနဲချက်တွေကို သိနေလို့ အဲဒီပစ္စည်းတွေထက် ပိုကောင်းတဲ့ပစ္စည်းတွေ သူလုပ်ပေးနိုင်တယ်ဆိုတဲ့ ယုံကြည်စိတ် ဖြစ်ပေါ်လာခဲ့တယ်။ ၃) ပစ္စည်းထုတ်လုပ်တာ၊ ရောင်းချတာ၊ ဈေးကွက်ရှာတာစတဲ့ နယ်ပယ်စုံကိုလဲ နှံ့ နှံ့ စပ်စပ်နားလည်သဘောပေါက်သွားတယ်။ ၄) ဆံပင်အလှပြင်တာကို လူကြီး၊ လူငယ်၊ ယောက်ျား၊ မိန်းမ လူတိုင်းစိတ်ဝင်စားကြတာမို့ ဆံပင်နဲ့ ပါတ်သက်တဲ့ ဈေးကွက်ဟာ အကြီးကြီးပဲဆိုတာကို သိလိုက်တယ်။ ဆံပင်အလှပြင်နဲ့ ပတ်သက်တာတဲ့လုပ်ငန်း လုပ်ရင် ကြီးပွားချမ်းသာနိုင်တယ်ဆိုတာကို သိလိုက်တယ်။ ဒါကြောင့် သူဟာ ဆံပင်အလှပြင်လုပ်ငန်းလုပ်ဖို့ အခွင့်အလမ်းကို ရှာကြံပါတော့တယ်။ မိတ်ဆွေတစ်ယောက်နဲ့ စပ်ပြီး PMS ကုမ္ပဏီကို ထူထောင်လိုက်တယ်။
နောက်တော့ ဂျွန်ဟာ ဒေါ်လာသန်းပေါင်းများစွာ ပိုင်ဆိုင်တဲ့ PMS ကုမ္ပဏီပိုင်ရှင်ဖြစ်နေပါပြီ။ သူနဲ့အကျိုးတူစီးပွားဖက် မစ်ချဲဟာ ၁၉၈၉ ခုနှစ်မှာ ကွယ်လွန်သွားခဲ့လို့ PMS ကုမ္ပဏီဟာ ဂျွန်တဦးတည်းပိုင် ဖြစ်လာခဲ့ပါတယ်။ သူ့ရဲ့PMS အလှပြင်ပစ္စည်းအမျိုးပေါင်း ၉၀ ကျော်ကို အမေရိကန်နိုင်ငံနဲ့ အခြားနိုင်ငံပေါင်း ၇၀ ကျော်က ဆံပင်အလှပြင်ဆိုင်ပေါင်း တစ်သိန်းကျော်ဟာ နှစ်စဉ်တစ်ဘီလီယံဖိုး ဝယ်ယူနေကြပါတယ်။
အခု သူ့ရဲ့ပိုင်ဆိုင်ကြွယ်ဝမှုဟာ အမေရိကန်ဒေါ်လာ ၄.၆ ဘီလီယံ ဖြစ်နေပါတယ်။
တကယ်လို့ သူ့လို မတရား အလုပ် ဖြုတ်ခံလိုက်ရပြီဆိုရင် ဘာဖြစ်သွားမလဲ။ လူ ၁၀၀ မှာ ၉၉ ယောက်ဟာ မကျေမနပ် ဒေါသထွက်နေကြမယ်။ ဒါမှမဟုတ် မစားနိုင် မသောက်နိုင် အိပ်ယာထဲမှာ တပိန်ပိန် တလိမ်လိမ်နဲ့ ပူဆွေးနေလိမ့်မယ်။ ဒါမှမဟုတ် သူငယ်ချင်း အပေါင်းအသင်းတွေကို ငိုကြွေးရင်ဖွင့်နေကြမယ်။ ဒါမှမဟုတ် ကံဆိုးလိုက်တာဆိုပြီး ကံကို ယိုးမယ်ဖွဲ့ ကျိန်ဆဲနေလိမ့်မယ်။
ဂျွန်ကတော့ အဲဒါတွေ တစ်ခုမှ မလုပ်ဘူး။ အလုပ်ဖြုတ်ခံလိုက်ရတော့ ကိုယ်ပိုင်လုပ်ငန်း လုပ်လို့ ရပြီဆိုပြီး ဝမ်းသာသွားတယ်။ အဲဒီလူဟာ အခက်အခဲ ဒုက္ခ (problem) ကို အခွင့်အလမ်း (opportunity) အဖြစ် ပြောင်းလဲလိုက်တယ်။
သူ့ရဲ့ မှတ်မှတ်သားသားစကားများ
- အောင်မြင်သူနဲ့ မအောင်မြင်သူတွေမှာ ကွာခြားတာတခု ရှိပါတယ်။ အဲဒါက အောင်မြင်သူတွေဟာ မအောင်မြင်သူတွေ မလုပ်ချင်တဲ့အလုပ်တွေကို လုပ်ကြတယ်။
- သေချာပေါက် အောင်မြင်ချင်သလား။ သူများတွေ မလုပ်ချင်တဲ့ အလုပ်ကို လုပ်ပါ။
- ရင်းနှီးစရာငွေ မရှိသူဟာ တခြားအရာတွေမှာ ပိုရင်းနှီးရတယ်။ အဲဒါက သူများတွေထက် အများကြီး ပိုတွေးရတယ်။ အများကြီး ပိုတီထွင်ရတယ်။ နည်းလမ်းသစ်တွေ အများကြီး ပိုရှာရတယ်။
- အောင်မြင်မှုကို အစပျိုးပေးလိုက်တာက ရှုံးနိမ့်မှုပါ။
- ရောင်းတာကို ငြင်းပယ်ခံရဖို့ ပြင်ဆင်ထားပါ။ တကြိမ်ငြင်းပယ်ခံရတိုင်း လိုချင်တဲ့ပန်းတိုင်ကို ခြေတလှမ်း ပိုနီးကပ်သွားပြီလို့ မှတ်လိုက်ပါ။
- ရောင်းတာကို ငြင်းပယ်ခံရလို့ လဲသေမသွားပါဘူး။
- လုပ်ချင်တာကို လုပ်ရင်းပျော်နေရမှ ဘဝဟာ တန်ဖိုးရှိပါတယ်။
- ထုတ်လုပ်တဲ့ပစ္စည်းဟာ အကောင်းဆုံးအရည်အသွေးရှိမှ လူတွေဟာ ထပ်ခါတလဲလဲပြန်ဝယ်ကြမယ်။
- အောင်မြင်မှုဆိုတာ ငွေကြေး အများကြီးရှိတာ၊ အာဏာပါဝါ ရှိတာ၊ ပစ္စည်းတွေ အများကြီးပိုင်ဆိုင်တာတွေ မဟုတ်ပါ။ လူသိသိ၊ မသိသိကိုယ်လုပ်နေတဲ့ အလုပ်ကို အကောင်းဆုံးဖြစ်အောင် လုပ်နေခြင်းကမှ အောင်မြင်မှုပါ။
ကျနော့်ရဲ့ ဒုတိယစာအုပ် "ဆင်းရဲနွံမှ ချမ်းသာဘုံသို့" စာအုပ်ထဲက ကောက်နူတ်ချက်လေးပါ။