ဘီလျံနာသူဋ္ဌေးကြီး လီကာရှင်းရဲ့ တန်ဖိုးရှိသော စကားများ။

ဗန်းမော်သိန်းဖေရဲ့မျှဝေလိုသောအတွေးများ added 2 new photos.

ဘီလျံနာသူဋ္ဌေးကြီး လီကာရှင်းရဲ့ တန်ဖိုးရှိသော စကားများ။
သူ့မိသားစုဟာ စစ်ဘေးရှောင်ဖို့ တရုတ်ပြည်ကနေ ဟောင်ကောင်ကျွန်းကို ထွက်ပြေးလာခဲ့တယ်။ ဟောင်ကောင်ရောက်ပြီး သိတ်မကြာခင်မှာပဲ သူ့အဖေဟာ တီဘီရောဂါနဲ့ ကွယ်လွန်သွားတယ်။ အဲဒီအချိန်မှာ သူ့အသက် ၁၄ နှစ်ပဲ ရှိသေးတယ်။ ဒါပေမဲ့ သားအကြီးဆုံးဖြစ်တာမို့ မိသားစုတာဝန်ယူဖို့ ကျောင်းက ထွက်ပြီး ပလတ်စတစ်စက်ရုံတခုမှာ အလုပ်ဝင်လုပ်တယ်။ နောက် အရောင်းကိုယ်စားလှယ် လုပ်တယ်။ တနေ့ကို ၁၆ နာရီအထိ အလုပ်လုပ်တယ်။ လူပျိုဖြစ်လာတော့ သူများတွေလို မပျော်နိုင်ဘူး။ အလုပ်ပဲလုပ်ရင်း ပိုက်ဆံစုတယ်။ စုလို့ရတဲ့ငွေလေးနဲ့ ပလတ်စတစ်စက်ရုံလေး ထောင်လိုက်တယ်။ တနေ့မှာ အင်္ဂလိပ်မဂ္ဂဇင်းတစောင်က သတင်းတိုလေးတပုဒ်ကို ဖတ်မိရင်း အကြံတခု ရလိုက်တယ်။ အဲဒီအကြံကို အကောင်အထည်ဖေါ်ရင်း ကြီးပွားနိုင်တဲ့ အခွင့်အလမ်းတွေ တွေ့လာတယ်။ အဲဒီအခွင့်အလမ်းတွေကို အသုံးချပြီး သူဟာ ဒေါ်လာ ၃၀ ဘီလီယံ ပိုင်ဆိုင်နေပြီး အာရှမှာ အချမ်းသာဆုံးသူဋ္ဌေးကြီးတယောက် ဖြစ်လာခဲ့တယ်။ သူ့နာမည်က လီကာရှင်း (Li Ka-shing) ပါ။

လီကာရှင်းရဲ့ မှတ်မှတ်သားသား စကားများ
- ဝင်ငွေတခုထဲပေါ်မှာ မမှီခိုပါနဲ့။ ဒုတိယဝင်ငွေရဖို့ ရင်းနှီးမြုပ်နှံမှုလုပ်ပါ။
- သင်မလိုအပ်တာတွေ ဝယ်နေရင် မကြာခင် သင်လိုအပ်တာတွေ ရောင်းပစ်ရတဲ့ အခြေအနေ ဆိုက်ရောက်သွားလိမ့်မယ်။
- လုပ်ငန်းစလုပ်ရင် မြစ်ထဲဆင်းသလို ခြေ ၂ ချောင်းစလုံး စုံပစ်မဆင်းလိုက်ပါနဲ့။ ခြေတချောင်းနဲ့ စမ်းဆင်းကြည့်ပါ။ ရေနက်နေရင် ခြေထောက်ကို ချက်ခြင်း ပြန်နူတ်လို့ရတယ်။
- ကြိုးစားအားထုတ်မှုဟာ အခွင့်အလမ်းထက် ပိုအရေးကြီးပါတယ်။ ကြိုးစားမှု မရှိရင်တော့ အခွင့်အလမ်းကို လက်လွတ်ဆုံးရှုံးသွားမှာပါ။
- တောင်းတတောင်းထဲမှာ ကြက်ဥတွေအားလုံး ထဲ့ထားသလို ရင်းနှီးငွေကို တနေရာထဲမှာ မထားပါနဲ့။ တောင်းလွတ်ကျရင် ကြက်ဥတွေအားလုံးကွဲနိုင်တာမို့ တောင်းတွေမှာ ခွဲထားပါ။
- ရိုးသားမှုဆိုတာ တန်ဖိုးကြီးတာမို့ အဆင့်အတန်းမရှိသူတွေဆီမှာ ရှာမတွေ့နိုင်ပါဘူး။
- နာမည်တလုံးဟာ အောင်မြင်မှုရဲ့ သော့ချက်ပါ။ နာမည်မပျက်စေဖို့ သင့်ဖေါက်သည်တွေအပေါ်မှာ သစ္စာရှိပါ။
- Knowledge အသိဉာဏ်က သင့်အနာဂါတ်ဘဝကို အဆုံးအဖြတ် ပေးပါလိမ့်မယ်။
- Knowledge ဟာ သင့်ကို ကြီးပွားချမ်းသာစေမယ်လို့ အာမ,မခံပေမဲ့ ကြီးပွားချမ်းသာမဲ့ အခွင့်အရေးတွေကို မြင်တတ်အောင် မျက်စိဖွင့်ပေးပါလိမ့်မယ်။
- လူတယောက်ရဲ့ အနာဂါတ်ဟာ နေ့စဉ်သူ့အားလပ်ချိန်မှာ ဘာလုပ်သလဲဆိုတဲ့ အပေါ်မှာ မူတည်နေပါတယ်။ ညပိုင်းမအိပ်ခင် ၂ နာရီ - ၃ နာရီလောက် ရတဲ့အားလပ်ချိန်မှာ စာဖတ်ပါ။ တွေးတောကြံဆပါ။ အကျိုးရှိရာရှိကြောင်းတွေ ဆွေးနွေးပါ။ ဒါကို နေ့စဉ်မှန်မှန်လုပ်နေရင် အောင်မြင်မှုဆိုတဲ့ ဧည့်သည်ဟာ သင့်အိမ်တံခါးကို လာခေါက်ပြီး သင့်ရှေ့မှောက်ကို မုချအခစားဝင်လာပါလိမ့်မယ်။
- ဆင်းရဲလို့ စိတ်ဓါတ်မကျပါနဲ့။ သင့်ကိုယ်ကို knowledge မှာ ရင်းနှီးမြုပ်နှံပါ။ knowledge ပြည့်စုံသူဟာ ဘယ်ဟာက ရင်းနှီးမြုပ်နှံဖို့ သင့်တယ်၊ မသင့်ဘူးဆိုတာ သိလာလိမ့်မယ်။
- ကျနော်ငယ်ငယ်က ငွေပိုလေးရှိရင် စာအုပ်အဟောင်းတွေ ဝယ်ဖတ်တယ်။ စာအုပ်ထဲက စာတွေကို ကျေညက်အောင် ဖတ်ပြီးသွားရင် နောက်ထပ်စာအုပ်အဟောင်းတွေနဲ့ သွားလဲဖတ်လိုက်တယ်။
- ပိုက်ဆံကို သုံးပြီးမှ ကျန်တာကို မစုပါနဲ့။ စုပြီးမှ ကျန်တာကို သုံးပါ။
- ပိုက်ဆံဆိုတာ သုံးဖို့ပါ။ ဖြုန်းဖို့ မဟုတ်ပါဘူး။
- ကျနော်ရဲ့ ဘဝအနိမ့်ကျဆုံးအချိန်မှာ အရမ်းချွေတာခဲ့ရတယ်။ ပိုက်ဆံမရှိလို့ ဆံပင်မညှပ်နိုင်တာနဲ့ ၃ လကြာမှ တခါ ခေါင်းတုံးရိပ်ရတယ်။ ကတုံးနဲ့ နေရတာများလို့ အမြဲတမ်းဘုန်းကြီးနဲ့ တူနေတယ်။
မှတ်ချက်။ ဗန်းမော်သိန်းဖေရဲ့ ဒုတိယမြောက်စာအုပ် “ဆင်းရဲနွံမှ ချမ်းသာဘုံသို့” မှ ကောက်နူတ်ချက်။