ကျောက်စိမ်းအကြောင်း သိကောင်းစရာ

မှတ်စုကြမ်း added 24 new photos.

ကျောက်စိမ်းအကြောင်း သိကောင်းစရာ
ကျောက်စိမ်းကို ဘယ်နေရာ တွေမှာ သုံးသလဲ ဆိုရင် ပုတီး၊ လက်ကောက်၊ ဆွဲပြား၊ ဘုရားဆင်းတု၊ ပန်းပု ထုခြင်း၊ ကျောက်စိမ်း ပန်းချီ စသဖြင့် သုံးခဲ့ကြပါတယ်။ ယနေ့ တိုးတက်လာတဲ့ ခေတ်ကြီး မှာ တော့ ပိုက်ဆံ တတ်နိုင်သူများ ဟာ ကျောက်စိမ်းကို ပါကေးပြား အရွယ် ထုတ်လုပ် ပြီး နေအိမ်တွေ မှာ ပါကေးတွေ ခင်းလာ ကြပါတယ်။ အိမ်တွေ မှာ မီးဆိုင်းတွေ ကို ကျောက်စိမ်း တွေ နဲ့ ထုတ်လုပ် လာ တယ်။ ကားတွေထဲ က ဖင်ထိုင်ခုံ အောက်မှာ ကျောက်စိမ်းလုံးလေး တွေ ကို အခင်းသဖွယ် ယက်ပြီး ခင်းကြတယ်။
ကျောက်စိမ်း ရဲ့ သဘောသဘာဝ က အအေးဓါတ်ရှိပါတယ်။ ရေနံသူဌေး နိုင်ငံတွေ ဖြစ်တဲ့ အာရပ် တွေဆီမှာ ဆိုရင် ကျောက်စိမ်းကုတင်၊ ကျောက်စိမ်း ထိုင်ခုံ စသည်ဖြင့် သုံးစွဲ ကြပါတယ်။
သာမန် လမ်းဘေး က ကျောက်တုံး တစ်တုံး နဲ့  ကျောက်စိမ်းတုံး (အရိုင်းတုံး) နဲ့ ဘယ်လို ခွဲခြား သလဲ ဆိုရင် ယမ်း (crystal) ပါမပါ ကို ကြည့်ပြီး ခွဲ နိုင်ပါတယ်။

ကျောက်စိမ်းတုံး အရိုင်းတုံး တွေ ကို နေရောင်အောက် မှာ အနီးကပ် ကြည့်လိုက်မယ် ဆိုရင် လက်လက် လက်လက် နဲ့ လက်နေတဲ့ အမှုန် လေး တွေ ကို မြင်ရပါမယ်။ အဲဒါလေးတွေကို ယမ်း လို့ ခေါ်ပါတယ်။
အနီးစပ်ဆုံး ဥပမာ ပေးရရင် စာရွက် အဖြူ တစ်ရွက်ပေါ်မှာ ဘောပင် နဲ့ အစက်ကလေးတွေ ချလိုက် သလို ပါပဲ။ အစက်လေးတွေ လက်နေပါတယ်။ မှောင်တဲ့ နေရာမှာဆိုရင်တော့ ကျောက်ကြည့် ဓါတ်မီး နဲ့ ထိုးကြည့်ရင် မြင်ရမှာပါ။ ဒီနေရာ မှာ ပြောချင်တာ တစ်ခု ကတော့ ရွှေတို့ ငွေတို့ အစရှိသဖြင့် အခြား သတ္တု များ ပါဝင်တဲ့ ကျောက်ရိုင်းတုံး မှာလည်း လက်လက် လက်လက် တောက်နေပေမယ့် ကျောက်စိမ်း နဲ့တော့ တခြားစီပါ။ ရွှေ တို့ ငွေ တို့ မှာ လက်လက် လက်လက် က သူ့ အရောင် အလိုက် တောက်ပါတယ်။
ကျောက်စိမ်းအရိုင်းတုံးကို ယမ်းပါဝင်မှု ယမ်း ပါရှိမှု ပုံစံ ကို ကြည့်ပြီး ကျောက်စိမ်းအရိုင်းတုံး ကို အခုလို ခွဲခြားလို့ ရပါတယ်။ ယမ်းချောရင် အတွင်းက ကျောက်စိမ်းသား ချောပါမယ်။ (ဆိုလိုချင်တာ ယမ်း က မှုန်မှုန်လေး တွေ နဲ့ စုနေတာပါ။) ယမ်းကြမ်းရင် အတွင်းက အသားကြမ်းပါမယ်။ (လက်လက် လက်လက် ယမ်းတွေ ဟာ ကျဲနေတာပါ။) ယမ်းစိပ် ရင် ကျောက်သား တင်းပါမယ်၊ ကျောက်သား ကောင်းပါမယ်။ (လက်လက်လေးတွေ စုနေတာပေါ့။) ယမ်းကျဲ ရင်တော့ ကျောက်သား မကောင်း ပါဘူး။ (ဒီလိုကျောက်မျိုး ကို ဝယ်ရောင်း မလုပ်သင့်ပါဘူး။)
အဓိက ယမ်း (၃) မျိုး ရှိပါတယ်။ ယမ်းလုံး၊ ယမ်းရှည် နဲ့ ယမ်းပြား ပါ။
ယမ်းလုံး ဆိုတာ က ကျောက်ရိုင်းတုံး ရဲ့ အခွံ၊ မျက်နှာပြင်မှာ လက်လက် လက်လက်လေး တွေ က သကြားပွင့် ဆားပွင့်လေးတွေ လို ဖြစ်နေတာပါ။ အဲဒီ ကျောက်ဟာ အရည် ကောင်း ပါတယ်။
ယမ်းရှည် ဆိုတာကတော့ ကျောက်ရဲ့ မျက်နှာပြင် မှာ အပ်ချောင်းလေးတွေ လို ဟင်းချိုမှုန့် ရှည်ရှည် လေးတွေလို မြင်ရတာပါ။ အဲဒါမျိုး တွေ့ ရရင်တော့ အဲဒီကျောက် ဟာ အသား ကောင်းပါတယ်။
ယမ်းပြား ဆိုတာ ကတော့ လက်လက် လက်လက် လေးတွေ ဟာ အရမ်းကြီး အရွယ်ကြီးနေမယ်။ (ဆားပွင့်၊ သကြားပွင့် အရွယ်ထက် ပိုမယ်) ဒါဆိုရင် အရည်ရော အသားရော မကောင်းနိုင်ပါဘူး။
ယမ်းပြား မှာ ကို ၃ မျိုး ထပ်ခွဲ နိုင်ပါသေးတယ်။
(၁) ယင်ထောင်ယမ်း
(၂) မာယားယမ်း
(၃) ခွေးရိုးထိုး ဆိုပြီးတော့ပဲ ဖြစ်ပါတယ်။
ယင်ထောင်ယမ်း ဆိုတာ က လက်လက် လက်လက် တောက်နေတဲ့ ယမ်းပေါ့။ ယင်ကောင် တစ် ကောင် အရွယ်ခန့် ရှိပါတယ်။ သူပါရင် အရည်အသား မကောင်းဘူး။ ဈေးအများကြီး မပေးသင့်ပါဘူး။
မာယား ဆိုတာက ယင်ကောင် အရွယ်ထက် ပိုကြီးမယ်။ ရှောင်ရပါမယ်။
ခွေးရိုးထိုး ဆိုတာက တော့ မာယားထက် အရွယ်ပိုကြီးတယ်။ သူ့ ကို တွေ့ ရင် အဲဒီကျောက် ကို ရှောင်ရပါမယ်။
ယမ်း ဆိုတဲ့ သဘာဝ ဟာ ကျောက်စိမ်း အရိုင်းတုံး (မဖြတ်မီ) ရဲ့အခွံ မှာ မြင်ရတဲ့ အတိုင်း ကျောက် သား အတွင်းမှာ ရှိတတ်ပါတယ်။
ဒါ့ကြောင့် ယမ်းကို ကျွမ်းကျင် ပိုင်နိုင် မယ် ဆိုရင် ကျောက် ကို မခွဲ မဖြတ် မီ ပြင်ပက ကြည့်ရုံ နဲ့ အထဲ က ကျောက်သား ကောင်းမကောင်း ဖောက်ထွင်း သိမြင် နိုင်မှာ ဖြစ်ပါတယ်။
ကျောက်စိမ်းအရိုင်းတုံး ဝယ်မယ် ဆိုရင် ကျောက်စိမ်း အခွံ အကြောင်းတွေ ကိုသိဖို့ လိုအပ်ပါ သေးတယ်။
ကျောက်စိမ်း အခွံ ဟာ အဓိက အားဖြင့် ရေခွံ နဲ့ ကုန်းခွံ ဆိုပြီး (၂) မျိုး ရှိပါတယ်။
ရေခွံဆိုတာတော့ ကျောက်စိမ်းထွက်ရှိရာ ဒေသရှိ မြစ်ချောင်း အင်းအိုင် များ မှ ထွက်ရှိတဲ့ ကျောက်ရဲ့ အခွံ ပါ။ များသောအားဖြင့် ရေခွံ ပါတဲ့ ကျောက်ဟာ အသားကောင်းပါတယ်။ အရွယ်အစား အမျိုးမျိုး ရှိပါတယ်။ ပြောင်ချော နေပါတယ်။
ကုန်းခွံကတော့ တောင်တွေ၊ မြေကြီးတွေ အောက် က တူးလို့ရတဲ့ ကျောက်ရဲ့အခွံ ဖြစ်ပါတယ်။
ကုန်းခွံ မှာမှာ ၂ မျိုး ထပ်မံ ကွဲထွက် သွားပါသေးတယ်။ (၁) မြေမှန် နဲ့ (၂) ကုဋေကျောက် ဆိုပြီးတော့ ပဲ ဖြစ်ပါတယ်။
မြေမှန် အခွံမျိုးတွေကို ကျောက်စိမ်း ထွက်ရာ ဒေသရှိ ကုန်းမြေ များမှာ တူးဖော် ရရှိပါတယ်။ အခွံ အမျိုးမျိုး ရှိပါတယ်။ ကုဋေကျောက်ရဲ့ အခွံက အခွံ မဲ ဖြစ်ပါတယ်။ ချော်ကပ်နေတတ်ပါတယ်။ ချော်ကပ် တယ် ဆိုတာ ကပ်တရာစေး ကပ်နေသလို အခွံပေါ်မှာ မဲမဲပြောင်ပြောင်လေးတွေ ပါတာ ကို ချော်ကပ်တယ် လို့ ခေါ်တာပါ။ မော်ဝမ်းလေး၊ မော်ဝမ်းကြီး၊ မော်မောင်းကုန်း တို့ မှ အဓိက ထွက်ပါတယ်။
ရေခွံကုန်းခွံ တွေကိုမှ ပုံသဏ္ဍာန်မျိုးစုံ ရှိနိုင်ပါသေးတယ်။ အောက်ပါအတိုင်း ဖြစ်ပါတယ်။
သံချေးခွံ = သံထည် ပစ္စည်း များ သံချေး တက်နေတဲ့ ပုံသဏ္ဌာန် မျိုး ဖြစ်နေတာပါ။ ဒီလို အခွံ ရှိရင် ကျောက် က မျိုးရင့်တတ်ပါတယ်။ အခွံ ကို ဖြတ်ကြည့်ရင် အခွံ ၂ ထပ် ဖြစ်တတ် တယ်လို့ သိရပါတယ်။
သစ်တော်ခွံ (ခ) အာလူးခွံ = သစ်တော်သီး /အာလူးသီး အခွံ အရောင်ပါ။ သူလည်း မျိုးကောင်း တတ်ပါတယ်။
အင်္ဂတေခွံ = နာမည် အတိုင်း အင်္ဂတေ အရောင် ရှိပါတယ်။ ကျောက်သား ပျက်တတ်ပါတယ်။ မျိုးမကောင်းတတ်ပါ။
ဝါးဖတ်ခွံ = ဝါးဖတ် အရောင် အဆင်း နဲ့တူပါတယ်။ ကျောက်မျိုး ကောင်းတတ်ပါတယ်။
ဖွဲနုခွံ = စပါးခွံ ဖွဲ အရောင်မျိုး ဖြစ်ပါတယ်။ အခွံက နုပါတယ်။ အခွံ ကို လက်ချောင်းထိပ်လေး တွေ နဲ့ ပွတ်ကြည့် ရင် နုပါတယ်။
ဖွဲလတ်ခွံ = စပါးခွံ ဖွဲ အရောင် ပါပဲ ။ အခွံ ကို စမ်းကြည့်ရင် အခွံ က ကြမ်းပါတယ်။
ဖွဲကြမ်းခွံ = အခွံ အကြမ်းဆုံးပါ။
(ဝါးဖတ်ခွံ၊ ဖွဲနုခွံ နဲ့ ဖွဲလတ်ခွံ၊ ဖွဲကြမ်းခွံ၊ မုံထုခွံ တို့ရဲ့အရောင်တွေ ဟာ စာထဲ မှာ အရ တူညီ နိုင်တာ ကို မြင်ရမှာပါ။ ဒါပေမယ့် အပြင်မှာ တစ်ကယ်လက်တွေ့ ကျောက်ကို မျက်မြင် ကြည့်ရင် အခွံအရောင် မတူညီကြပါဘူး။ အခွံ ရဲ့ မျက်နှာပြင် ကို လက်ချောင်းလေး တွေ နဲ့ ပွတ်သပ် စမ်းကြည့်မှ ကွဲပြား သိနိုင်ပါတယ်။ ဒီ ၃ မျိုးလုံး ဟာ မျိုးရင့်ရင် ကျောက် အရည်ကောင်း အသားကောင်း ဖြစ်တတ်ပါတယ်။ မျိုးနု လျှင်တော့ အသားမရ တတ်ပါ။)
ဖယောင်းခွံ = ဖယောင်းရည် သုတ်ထားသလို ပြောင်ချောချော ဖြစ်ပါတယ်။
မုံထုခွံ = သနပ်ခါး အရောင် ရှိပါတယ်။ မျိုးကောင်းတတ်ပါတယ်။
မုံထု ခွံကြွေ= လက်နဲ့ ကိုင်ကြည့် လိုက် ရင် အခွံ အစအန လေး တွေ ပါလာမယ်။ မျိုးကောင်း တတ်ပါတယ်။
ခွံကြမ်း = ကိုင်ကြည့်ရင် အလွန်ကြမ်းတမ်းပါတယ်။
ခွံထူ = အခွံမှာ သိသိသာသာ ထူနေတတ်ပါတယ်။ အရည်အသား ကောင်းမကောင်း နဲ့တော့ မသက်ဆိုင် ပါ။
ခွံကျစ် = အခွံ မှာ ကျစ်လစ် သိပ်သည်းလွန်းတတ်ပါတယ်။ အသား ပျက်တတ်ပါတယ်။
ခွံပျက် = ကျောက်တစ်တုံးထဲ ရဲ့ တစ်နေရာ မှာ အခွံ တစ်မျိုး၊ အခြား နေရာ မှာ အခွံ တစ်မျိုး ဖြစ်တာ ကို ခွံပျက် လို့ ခေါ်ပါတယ်။ အသားပျက်တတ်ပါတယ်။
ဒါကတော့ အခွံ များရဲ့ သဘော သဘာဝ အကြောင်းပါ။ ဗဟုသုတအနေနဲ့ ပြောပြလိုတာက ရေမဆေး ကျောက် ဆိုတာ မျိုး ကို ဝယ်တော့မယ် ဆိုရင် သူ့ရဲ့အခွံလေး ကို နဲနဲပွတ်သပ်ကြည့်ပြီး မှ သေချာ လေ့လာ ဝယ်ယူရပါတယ်။
ဓာတ်ပုံများကို ကျောက်စိမ်းပေ့ဂ်ျတစ်ခုမှ ယူထားမိပါသည်။ ပေ့ဂ်ျနာမည် မေ့သွားပါ၍ သိသူများ လာရောက် ခရက်ဒစ်တောင်းပေးကြပါ။
- မှတ်စုကြမ်း ‪#‎kyawnge‬