ဘယ်လို အလုပ်မျိုး လုပ်ကြရင် ကောင်းမလဲ

 ကျောက်သင်ပုန်း

 

ဘယ်လို အလုပ်မျိုး လုပ်ကြရင် ကောင်းမလဲ

လူတွေဟာ အသက်ရှင် ရပ်တည် ရှင်သန်ဖို့ တစ်ခု အတွက်နဲ့ ဝါသနာ လည်း မပါ၊ စိတ်ဝင်စား မှုလည်း မရှိ၊ လုပ်ကိုင်ချင် စိတ်တောင် မရှိတဲ့ အလုပ်တွေကို လုပ်ကိုင် နေကြတာ မြင်ရတော့ ကျွန်တော် တော်တော် အံ့သြမိ ပါတယ်။ ဘာလို့များ ကိုယ် မနှစ်သက်တဲ့ အရာတွေမှာ ကိုယ့်ဘဝကို နှစ်မြုတ် လုပ်ကိုင် နေရတာ ပါလဲ။ အသက်ရှင် ရပ်တည်ဖို့ရာ လိုအပ်ချက် အတွက် လုပ်ကိုင် နေရတာ ကိုတော့ ကျွန်တော် နားလည် ပါတယ်။
တကယ်တော့ ကျွန်တော်တို့ အားလုံးလည်း ဒီလိုတွေ ပါပဲ။ ကိုယ်မနှစ်သက်၊ စိတ်မဝင်စား၊ ဝါသနာတောင် မပါတဲ့ အလုပ် တွေမှာ ကျွန်တော် တို့ရဲ့ အချိန်တွေကို အတိုင်းအတာ တစ်ခုအထိ အပွန်းအပဲ့ ခံပြီးတော့ လုပ်ခဲ့ဖူး ကြတဲ့ သူတွေ ကြည့်ပါပဲ။ ဒါပေမယ့် ဒီလို ကိုယ် မနှစ်သက်တဲ့ လုပ်ငန်း မျိုးတွေမှာ ကျွန်တော်တို့ရဲ့ ဘဝတွေကို အနစ်မွန်း ခံပြီး လုပ်ကိုင်ဖို့ အထိတော့ မလိုအပ် ပါဘူး။
ဒါနဲ့ ပါတ်သက်ပြီး တစ်ခါက လူငယ်လေး တစ်ဦးဟာ Hotel ခပ်သေးသေး တစ်လုံးမှာ ပန်းကန်ဆေးတဲ့ အလုပ်ကို လုပ်ကိုင် ပါတယ်။ ဒီအလုပ် ကနေ ပြုတ်သွားတော့ နောက် Hotel ခပ်သေးသေး တစ်လုံးမှာပဲ ပန်းကန်ဆေးတဲ့ အလုပ်ပဲ ထပ်လုပ်ကိုင် ပါတယ်။ ဒီလိုနဲ့ အလုပ်ပြုတ် ပြန်တော့ ကားရေဆေး တဲ့ အလုပ်ကို လုပ်ကိုင်ခဲ့ ပါတယ်။ ကားရေဆေးတဲ့ အလုပ်ကနေ ပြုတ်ပြန်တော့ ကြမ်းတိုက် တဲ့ အလုပ်ကို လုပ်ကိုင်ခဲ့ ပါတယ်။
သူဘဝ တစ်လျှောက်လုံးမှာ ရေဆေးတဲ့ အလုပ်တွေ ကိုသာ အများဆုံး လုပ်ကိုင်ခဲ့ ရတော့ ( သူက ဒီအလုပ်ပဲ လုပ်တတ် ခဲ့တော့ ) နောင် အနာဂါတ် မှာလည်း ဒီလုပ်ငန်းနဲ့ပဲ လုပ်ကိုင် စားသောက် ရတော့မယ် လို့တောင် ထင်မှတ် ထားမိခဲ့ ပါတယ်။ တဖြည်းဖြည်းနဲ့ ဒီလို ရေဆေးတဲ့ အလုပ်တွေကို မနှစ်သက်မှန်း၊ မလုပ်ချင် လာမှန်း သိတော့ လုပ်ငန်း ပေါင်းစုံကို နိုင်ငံ ပေါင်းစုံမှာ လှည့်လည်ပြီး လုပ်ကိုင်ခဲ့ ပါသေးတယ်။ နောက်ဆုံး ကော်မရှင် အရောင်းသမား အလုပ်ကို ရွေးချယ် လုပ်ကိုင်ခဲ့ ပါတယ်။ ဒီအလုပ် စလုပ်ခါ စမှာလည်း သူ မအောင်မြင် ပြန်ပါဘူး။
ဒါပေမယ့် နောက်ပိုင်းမှာ သူဟာ ဒီအရောင်းသမား အလုပ်ကို စနစ်တကျ လေ့လာ သင်ယူပြီး လုပ်ဆောင် ခဲ့တဲ့ အခါမှာတော့ သူဟာ သူတို့ Company ရဲ့ ထိပ်တန်း အရောင်းသမား တစ်ယောက် ဖြစ်လာခဲ့ ပါတယ်။ အဲဒီနောက် သူဟာ ရာထူး အဆင့်ဆင့် တိုးတက် လာကာ သူရဲ့ ရောင်းချနည်း တွေကို ပြန်ပြီး ပို့ချရင်း၊ လူသိများ လာရင်း၊ ထပ်ပြီး ပို့ချရင်း၊ လူတွေ ပိုပြီး ထပ်သိ လာရင်းနဲ့ အခုတော့ သူဟာ ကမ္ဘာ့ နာမည်ကြီး Best Seller စာရေးဆရာ၊ ထိပ်တန်း Sale Speaker ၊ Trainer နဲ့ Consultant တစ်ယောက် ဖြစ်လာခဲ့ပြီး အရမ်း အောင်မြင် ကျော်ကြား လာကာ လူပေါင်း များစွာရဲ့ ဘဝတွေကိုပါ တိုးတက်ပြောင်းလဲ နိုင်အောင် လှုံ့ဆော်ပေး နိုင်သော Millionaire သူဌေးကြီး တစ်ယောက်လည်း ဖြစ်လာခဲ့ ပါတယ်။ သူဟာ Brian Tracy ပဲ ဖြစ်ပါတယ်။
အဲဒီတော့ ကျွန်တော်တို့ တစ်တွေဟာ ကိုယ့်ရဲ့ သဘော ဆန္ဒနဲ့လည်း ကိုက်ညီတဲ့၊ ကိုယ် တကယ်လည်း ဒီအလုပ်မှာ စိတ်ပါ ဝင်စားမှု ရှိတဲ့ လုပ်ငန်းမျိုးကို ကျွန်တော်တို့ရဲ့ အသက်မွေး ဝမ်းကျောင်းမှု ပြုတဲ့ လုပ်ငန်းအဖြစ် ရွေးချယ် လုပ်ကိုင်သင့် ပါတယ်။
ကိုယ် ရှင်သန် နေထိုင်ဖို့ အတွက် လုပ်ကိုင် နေရတဲ့ အလုပ်ကို ကိုယ်တကယ် မနှစ်သက်ဖူး ဆိုရင် အချိန်ယူ စဉ်းစား ဆန်းစစ် ဖို့တော့ လိုပါတယ်။ ဆန်းစစ် ပြီးသွားလို့ လက်ရှိ လုပ်ကိုင် နေတဲ့ အလုပ်ကနေ ကိုယ်လုပ်ချင်တဲ့ အလုပ် တစ်ခုကို ပြောင်းပြီး လုပ်ကိုင်ဖို့ ဆိုတာ စွန့်စား လွန်းရာများ ကြနေ မလား။ စွန့်စား ပါဘိကော။ နောက်အလုပ် တစ်ခုဆိုတာ အဆင်ပြေချင်မှ ပြေမှာကိုး။ ပိုက်စံ ကလည်း အခု အလုပ်မှာ ရနေသလောက် ရပါမယ် လို့လည်း အာမ မခံနိုင် ဖူးလေ။
ဒါပေမယ့် လက်ရှိ အလုပ်မှာပဲ ပေကပ် လုပ်ကိုင် နေတာက ဘာစွန့်စားမှုမှ မရှိတော့ ဘူးလား ဆိုတော့လည်း ရှိပါ ပီကော။ ဘာဖြစ်လို့လဲ ဆိုတော့ လက်ရှိ အလုပ် ဆိုတာကလည်း အမြဲတမ်း အဆင် ပြေချင်မှ ပြေမှာပါ။ တစ်ခါတစ်လေ အလုပ်တောင် အထုပ်ခံချင် ခံရဦး မှာပါ။ ဒါမှ မဟုတ်လည်း တစ်နည်းနည်း နဲ့တော့ လစာ အဖြတ်ခံ ရချင်လည်း ခံရမှာပါ။ အဆိုးဆုံး ကတော့ ကိုယ့်မှာ ရှိတဲ့ အစွမ်းအစ တွေကို လည်း အပြည့်အဝ အသုံးချ ခွင့်လည်း မရ၊ ကိုယ်တကယ် လုပ်ကိုင် ချင်တဲ့ လုပ်ငန်းတွေ ကျတော့လည်း မလုပ်ဖြစ် ခဲ့တော့ အချိန်လွန် အရွယ်နှောင်း ဘဝရဲ့ နောက်ဆုံး အချိန်ကို ရောက်မှ နောင်တတွေ တသီကြီး ရတတ် ကြပါတယ်။
အဲဒီတော့ ဘယ်လို စွန့်စားမှု မျိုးကို ကျွန်တော်တို့ ရွေးချယ် သင့်တယ်လို့ ထင်ပါသလဲ...။ ကိုယ်မနှစ်သက်တဲ့ အလုပ်မှာပဲ ရတဲ့ လစာနဲ့ အေးအေး ဆေးဆေး နေပြီး အလုပ်ပြုတ်မယ့် အချိန်ကိုပဲ ထိုင်စောင့်နေ မလား ဒါမှမဟုတ် ကိုယ် စိတ်ဝင်တစား လုပ်ကိုင် ချင်တဲ့ လုပ်ငန်းမျိုးကို သတ္တိ ရှိရှိနဲ့ ပြောင်းပြီး စွန့်စား အောင်မြင်အောင် လုပ်ကိုင် မှာလား။ အဖြေက ကျွန်တော်တို့ တစ်တွေ မှာပဲ ရှိပါတယ်။
အဲဒီတာ့ ရဲရဲကြီးသာ ရွေးချယ် ဆုံးဖြတ်လိုက်ပါ။ ကျွန်တော်တို့ရဲ့ အနာဂါတ်ကို ကျွန်တော်တို့ တစ်တွေသာ ပိုင်ဆိုင် ပါတယ်။ ကိုယ့်ရဲ့ အနာဂါတ်ကို ကိုယ့်ဘာသာကိုယ် စိတ်ကြိုက် ထုစစ် တည်ဆောက်ပါ။
လက်ရှိ အလုပ်မှာ ပျော်သလား၊ လုပ်ကိုင်ရတာ စိတ်ပါ ဝင်စားမှု ရှိသလား၊ ရှိခဲ့ရင်လည်း ဘယ်အချက်၊ ဘယ်အချက် တွေကြောင့် အလုပ်မှာ လုပ်ရတာ အဆင်ပြေ ပါတယ်၊ ဘယ်အချက်တွေ ကတော့ ကျွန်တော်ရဲ့ စိတ်ဆန္ဒနဲ့ မကိုက်ပါဘူး စသည်ဖြင့် ဝေဖန် ဆန်းစစ်သင့် ပါတယ်။ ဒီလို ဆန်းစစ် သုံးသပ်ပြီးမှ အကောင်းဆုံး လုပ်သင့်တာ တစ်ခုကို ဒီကနေ့ပဲ ရွေးချယ် ဆုံးဖြတ်ပြီး စတင် လုပ်ကိုင်ကြ ပါစို့။

နောင်နောင် ( START OIL )