အဘိုးအို တစ်ယောက်ရဲ့ မျှဝေမှုသင်ခန်းစာများ

 

မှတ်စုကြမ်း

 

အဘိုးအို တစ်ယောက်ရဲ့ မျှဝေမှုသင်ခန်းစာများ
--------------------

ခင်ဗျားတို့ ပတ်ဝန်းကျင်က လူတွေကို သတိထား ကြည့်ဖူးလား။ အားလုံးဟာ စားဝတ်နေရေးအတွက် လှုပ်ရှား ရုန်းကန်နေကြတာ ပတ်ဝန်းကျင်ကို သတိမထားမိ ကြဘူး။

ဒီလိုပါပဲလေ... ကျုပ်တို့လဲ တစ်ခါတစ်ခါ ချမ်းသာစွာ နေဖို့ အတွက် အလုပ်လုပ်နေကြတာ နောက်ဆုံး အလုပ်ပဲ မြင်တော့တယ်။ ချမ်းသာစွာ နေဖို့ကိုတော့ မေ့သွားတတ်ကြတယ် မဟုတ်လား။

ဒါ့ကြောင့် ဖုန်းကိုကြည့်နေကျ မျက်နှာလေးကို တစ်ခါတစ်ခါ ဘေးပတ်ဝန်းကျင်ကို ပြောင်းကြည့်ပေးပါ။ သီချင်းတွေ နားထောင်နေတဲ့ နားကြပ်တွေ ကိုလဲ ချွတ်လို့ ကိုယ့်ဘေးက လူတွေကို ဂရုစိုက်ကြည့်ပါ။

အနီးကလူကို နှုတ်ဆက်ခြင်းနဲ့ အစပျိုး ကြည့်ပါ။ နာကျင်နေတဲ့ လူတွေကို နှစ်သိမ့်ပေးခြင်းနဲ့ လက်တွဲပါ။ အကူအညီလိုအပ်နေတဲ့သူကို တတ်နိုင်တဲ့ ဘက်က ဖြည့်စည်း ပေးကြည့်ပါ။

နေ့တိုင်းနေ့တိုင်းဟာ ခင်ဗျားတို့ရဲ့ နောက်ဆုံးနေ့လို့ ခံယူပြီးတော့ကို ပြည့်ပြည့်ဝဝ နေကြည့်ပါ။

ကျုပ် ပြီးခဲ့တဲ့ နှစ်အနည်းငယ်က စလို့ စိတ်ဖိစီး ခဲ့ဖူးတယ်။ ဒါပေမယ့် ကျုပ် ဘယ်သူမှ မပြောခဲ့ဘူးလေ။ ကျုပ် ကိုယ့်ဘာသာကိုယ် မရမက ဒီ စိတ်ဖိစီးမှုကို တွန်းလှန် ခဲ့ရတယ်။

နောက်ဆုံးမှာ ကျုပ်တစ်ခုကို နားလည်သွားတယ်ဗျာ။ ကျုပ် ရဲ့ စိတ်ချမ်းသာမှုကို ထိန်းချုပ်ထားတာ သည် ကျုပ်ကိုယ်တိုင် ဖြစ်နေတယ်။

ဒီတော့ ကျုပ် ဆုံးဖြတ်ချက် တစ်ခု ချလိုက် တယ်။ နေ့တိုင်းဟာ အဖိုးတန်တယ်း ဒီတော့ ကျုပ် တန်ဖိုး အရှိဆုံး ဖြစ်အောင် နေမယ်။

မနက်ဖြန်ဆိုတာ မသေချာဘူးလေ။ ဒီတော့ ခင်ဗျားတို့လဲ ဒီနေ့မှာပဲ ကိုယ်လဲ ကောင်းအောင်နေသလို ပတ်ဝန်းကျင် ကိုလဲ တတ်နိုင်သလောက် ကောင်းလာအောင် အားထုတ်ကြည့်ကြပါ။ အောက်မှာ ကျုပ်ရဲ့ အလေ့အကျင့် အချက် (၅၀) နဲ့ ကျုပ်လေးစားတဲ့ အကျင့် အချက် (၃၀) မျှဝေထားပါရဲ့။
====================

၁။ ရဲရဲ လက်ဆွဲနှုတ်ဆက်ပါ။
၂။ လူကိုကြည့်ရင် မျက်လုံးကိုကြည့်ပါ။
၃။ ရေချိုးစဉ် သီချင်းဆိုပါ။
၎။ စတီရီယိုစက် ကောင်းကောင်းတစ်လုံး ပိုင်နိုင်အောင်လုပ်ပါ။
၅။ ရန်မဖြစ်မနေ ဖြစ်ရတော့မယ်ဆိုရင် ကိုယ်ကဦးအောင် အပြင်းဆုံး ထိုးနှက်ပါ။
၆။ လှို့ဝှက်ချက်လေးတွေ ထားပါ။
၇။ ဘယ်သူ့အပေါ်မှာမှ လက်မလျှော့ပါနဲ့။ ဆန်းကြယ်မှုဆိုတာ နေ့စဉ် ဖြစ်တာမျိုးပါ။
၈။ ကမ်းလာတဲ့ လက်တိုင်းကို လက်ခံပါ။
၉။ သတ္တိရှိပါ။ မရှိနေရင်တောင် ဟန်ဆောင်ပါ။ ဘယ်သူမှ ဒီသတ္တိ အစစ်လားအတုလား မခွဲတတ်ပါ။
၁၀။ လေချွန်ပါ။

၁၁။ အလှောင်မခံရအောင်နေထိုင်ပါ။
၁၂။ ဘဝလက်တွဲဖော်ကို သေသေချာချာရွေးပါ။ ဒီတစ်ခုထဲက သင့်အနာဂတ်ရဲ့ ၉၀% သော ပျော်ရွှင်မှု/ စိတ်ပျက်မှုတို့ကို ဆုံးဖြတ်ပေးလိမ့်မှာ ဖြစ်တယ်။
၁၃။ လူမမြင်သာတဲ့ ကောင်းမှုကုသိုလ်လေးတွေ လုပ်တတ်အောင် အလေ့အကျင့် လုပ်ပေးပါ။
၁၄။ ကိုယ် လုံးဝ ပြန်မမြင်ချင်တော့တဲ့ စာအုပ်တွေကိုပဲ ထုတ်ငှားပါ။
၁၅။ လူတစ်ဖက်သားရဲ့ မျှော်လင့်ချက်ကို မဆန့်ကျင်ပါနဲ့။ သူတို့ဘဝမှာ ချမ်းသာတာဆိုလို့ ဒါပဲ ရှိခဲ့ရင် သင် စိတ်ကောင်းမှာ မဟုတ်ဘူး။
၁၆။ ကလေးတွေနဲ့ များများကစားပေးပါ။ ကစားတိုင်း အနိုင်ပေးပါ။
၁၇။ လူတိုင်းကို ဒုတိယ အခွင့်အရေး ပေးပါ။ ဒါပေမယ့် တတိယ အခွင့်အရေးကို ဘယ်တော့မှ မပေးနဲ့။
၁၈။ အနုပညာဆန်ဆန် ချစ်တတ်ပါ။
၁၉။ စိတ်ကောင်းနိုင်သမျှ/ စိတ်တက်ကြွနိုင်သမျှ ကောင်းနေ/ တက်ကြွနေတဲ့ လူတစ်ယောက် ဖြစ်အောင် နေပါ။
၂၀။ လက်လွှတ်ပါ။ ပေါ့ပေါ့ပါးပါးနေပါ။ သေရေးရှင်ရေးကလွဲလို့ ဘယ်အရာမှ သင်ထင်သလို သေရေးရှင်ရေးတမျှ အရေးမကြီးပါဘူး။

၂၁။ ဘဝရဲ့ အရေးကြီးတဲ့ အချိန်လေးတွေမှာ ဖုန်းခေါ်သံတွေက နှောင့်ယှက်နေရင် ကိုင်မနေပါနဲ့။ ပိတ်ထားလိုက်ပါ။ ကိုယ်အဆင်ပြေဖို့ ဖုန်းဆိုတာ ကိုယ့်အနားထားတာ။ ခေါ်သူကိုယ်တိုင် ကိုယ့်အနားရောက်လာတာမဟုတ်။
၂၂။ အကောင်းဆုံးအရှုံးသမားဖြစ်အောင်နေပါ။
၂၃။ အကောင်းဆုံးအနိုင်သမားလဲ ဖြစ်အောင် နေပါ။
၂၄။ တစ်စုံတစ်ယောက်ကို လှို့ဝှက်ချက် မပြောပြခင် နှစ်ခါစဉ်းစားပါ။ ဝန်လွှဲသလို ဖြစ်တတ်တယ်။
၂၅။ တစ်ယောက်ယောက်က ဖက်ထားရင် သူအရင်လက်လွှတ်ပါစေ။
၂၆။ ဂုဏ်မမက်ပါနဲ့။ ကိုယ်ကောင်းတဲ့ဆိုးတဲ့ အပေါ်မှာပဲ ဂုဏ်တပ်ချင်တပ်ပါစေ။
၂၇။ ရိုးရိုးရှင်းရှင်းလေးနေပါ။
၂၈။ ဘာမှရှုံးစရာမရှိတော့တဲ့ လူတစ်ယောက်ကို သတိထား ဆက်ဆံပါ။
၂၉။ တံတားတွေကို မီးမရှို့ပါနဲ့။ ဒီတံတားကနေ သင် အံ့သြဖို့ကောင်းလောက်အောင် အကြိမ်များစွာ ထပ်ဖြတ်ရဦးမယ် ဆိုတာ ရှေ့လျှောက်တွေ့လာပါလိမ့်မယ်။
၃၀။ သေရင် အုတ်ဂူမှာ "နောင်တစိုးစဉ်းမျှ မရဖူးသူ" လို့ ရေးခြစ်နိုင်အောင် နေထိုင်ပါ။

၃၁။ ကြီကြီးကြံ မြင့်မြင့်တွေး ရဲရဲလှမ်းပါ။ အသက်ကြီးလာခဲ့လို့ ဘဝမှာ ဘာတွေ လုပ်ခဲ့သလဲ ပြန်တွေးတိုင်း များများမလုပ်ခဲ့မိတာကိုပဲ နောင်တရလေ့ရှိတယ်။
၃၂။ အခွင့်အရေးရတိုင်း ချစ်တဲ့သူကို ချစ်ကြောင်း အသိပေးပါ။
၃၃။ ဘယ်အောင်မြင်မှုမှာမှ တစ်ဦးတစ်ယောက်ရဲ့ အောင်မြင်မှုဆိုတာ မရှိ။ ဒါ့ကြောင့် ပတ်ဝန်းကျင်မှာ ကူညီပေးနေသူများကို အသိအမှတ်ပြုပါ။
၃၄။ ကိုယ့် အကျင့်ကို ကိုယ်တာဝန်ယူပါ။ ဘယ်သူကမှ ဒီအကျင့်ကို သင့်ထံ လာပေးသွားတာ မခံပါနဲ့။
၃၅။ ဆွေမျိုးမိတ်ဆွေတွေ ဆေးရုံတက်ရတာပဲ ဖြစ်ဖြစ် နာမကျန်းဖြစ်တာပဲ ဖြစ်ဖြစ် မရောက် ရောက်အောင် သွားပါ။ ခဏလေးနေပေးရုံနဲ့တင် သူတို့ကို ပျော်ရွှင်မှု ဖြစ်စေပါတယ်။
၃၆။ ကိုယ်အနှစ်သက်ဆုံး သီချင်းလေးတွေကို နေ့စဉ် ရွေးဖွင့် နားထောင်ပေးပါ။
၃၇။ ကျေးလက်ဒေသ တောတောင်တွေဘက်ကို ရံဖန်ရံခါ အလည်အပတ်သွားပါ။
၃၈။ ချစ်သူများနေ့ ပို့(စ်)ကဒ် တွေ အမြောက်အများကို "သင့်အလှအပကို မြင်တတ်သူ တစ်စုံတစ်ယောက်" လို့ ရေးပြီး မသိတဲ့လူတွေဆီရော သိတဲ့လူတွေဆီပါ ပို့ပေးပါ။
၃၉။ ဖုန်းကိုင်တိုင်း တက်တက်ကြွကြွ အာဏာပါပါနဲ့ ကိုင်ပါ။
၄၀။ မှတ်စုလေးတစ်အုပ် နှင့် ခဲတံလေးတစ်ချောင်းကို အိပ်ယာဘေးမှာ ထားအိပ်ပါ။ ရွှေချထားဖို့ ကောင်းတဲ့ အကြံတွေဟာ မနက် ၃:၀၀ နာရီမှာ ပေါ်လာတတ်တယ်။

၄၁။ ဘဝရုန်းကန်ဖို့ လှုပ်ရှားနေသူတွေကို ဘယ်လောက်ပဲ နိမ့်ကျနေပါစေ လေးစားတတ်ပါ။
၄၂။ ချစ်သူဆီကို ပန်းပို့ပါ။ ဘာကြောင့်ပို့တယ်ဆိုတာ နောက်မှ စဉ်းစားပါ။
၄၃။ ဂိတ်ဝင်ကြေးတွေပေးရင် ကိုယ့်အနောက်က ကားအတွက်ပါ ထုတ်ပေးခြင်းဖြင့် သူတို့ ပျော်ရွှင်ပါစေ။
၄၄။ တစ်စုံတစ်ယောက်ရဲ့ လူစွမ်းကောင်းအဖြစ် နေပါ။
၄၅။ ချစ်မှ လက်ထပ်ပါ။ မချစ်ရင် မထိပါနဲ့။
၄၆။ ကိုယ့်နားမှာ ပျော်ရွှင်နေတဲ့ သူတိုင်းကို အလေးထားပါ။ ရေတွက်ပါ။ စူးစမ်းပါ။
၄၇။ တစ်စုံတစ်ယောက်အိမ်ကို ရုတ်တရက် အလည်အပတ်သွားတိုင်း စားစရာ သောက်စရာ လက်ဆောင် ဝယ်သွားပါ။
၄၈။ ကျောင်းကားတစ်စီး ကိုယ့်ဘေးကဖြတ်တိုင်း ကလေးတွေကို လက်ပြနှုတ်ဆက်ပါ။
၄၉။ အလုက်တစ်ခုမှာ အောင်မြင်ရင် ၂၀% က သက်ဆိုင်ရာ ကျွမ်းကျင်မှုကြောင့် ဖြစ်ပြီး ၈၀% က လူမှုဆက်ဆံရေး ကြောင့် ဖြစ်တယ်ဆိုတာ သတိရပါ။
၅၀။ ဘဝမှာ တရားမျှတဖို့ ဘယ်တော့မှ မမျှော်လင့်ပါနဲ့။

[လေးစားထိုက်သူတို့၏ စိတ်ထား]

(၁) အမြဲလိုလို သူ့ရှုထောင့်မှ ကြည့်ပေးတတ် သူတို့ဖြစ်သည်။
(၂) ကိုယ့်အားနည်းချက်ကို မြင်တတ်သူတို့ ဖြစ်သည်။
(၃) သူများတံခါးကို တွန်းဖွင့်တာထက် ကိုယ့်တံခါးကို အမြဲဖွင့်ထားပေးသူတို့ ဖြစ်သည်။
(၄) သူတစ်ပါးအရှက်ရနိုင်သည့် အခြေအနေတို့တွင် ထိုသူ့အတွက် သက်တောင့်သက်သာ ပတ်ဝန်းကျင် ကို ဖန်တီးပေးနိုင်သူတို့ ဖြစ်သည်။
(၅) တစ်စုံတစ်ဦး ကို ချီးမွမ်းလိုလျှင် လက်ခုပ်လက်ဝါးတီး၍ ချီးမွမ်းနိုင်စွမ်း ရှိသူတို့ ဖြစ်သည်။
(၆) စကားတစ်ခွန်းမပြောခင် အရင်စဉ်းစားသူတို့ ဖြစ်သည်။
(၇) အဓိပ္ပာယ်မရှိသော စကားတို့ကို ရှောင်လိုသူတို့ ဖြစ်သည်။
(၈) စာနာဖေးမမှုတို့ကို လုပ်သင့်၍ လုပ်ခြင်းမဟုတ်ပဲ လုပ်နိုင်သလောက် လုပ်ပေးတတ် သူတို့ ဖြစ် သည်။
(၉) သူတစ်ပါးကို ဝေဖန်ရမည့်ကိစ္စတို့ကို ရှောင်ရှားလိုသူတို့ ဖြစ်သည်။
(၁၀) အဆိုးဆုံး အခြေအနေ များတွင်ပင် အကောင်းမြင် ရှုထောင့်ဖြင့် မြင်တတ်သူတို့ ဖြစ်သည်။
(၁၁) ရယူလိုခြင်း မပါသည့် ဖြူစင်သော စိတ်ထားဖြင့် ပေးဆပ်လိုသူများ ဖြစ်သည်။
(၁၂) မိမိတွင်ရှိလျှင် (နည်းနည်း/များများ) မျှဝေပေး လိုသူတို့ ဖြစ်သည်။
(၁၃) တစ်စုံတစ်ဦး ဝမ်းနည်းနေလျှင် နှစ်သိမ့်ပေးတတ်သူတို့ ဖြစ်သည်။
(၁၄) သာရေးနာရေး လိုအပ်မှုတို့ရှိပါက အားတက်သရော ကူညီချင်သူတို့ ဖြစ်သည်။
(၁၅) တွေ့သမျှလူတိုင်းကို နှုတ်ဆက် ပြုံးပြလေ့ ရှိသူတို့ ဖြစ်သည်။
(၁၆) အမြင်မတူလျှင်လည်း ယဉ်ကျေးစွာ နောက်ဆုတ်ပေးသူတို့ ဖြစ်သည်။
(၁၇) သူတစ်ပါးကို အခွင့်ရစေရန် ရှေ့တန်းတင်ပေးသူတို့ ဖြစ်သည်။
(၁၈) သူတစ်ပါးတို့ကို သည်းခံတွဲခေါ်နိုင်သူတို့ ဖြစ်သည်။
(၁၉) သူတစ်ပါး မွေးနေ့နှင့် နေ့ထူးနေ့မြတ်များကို အလေးထားသူတို့ ဖြစ်သည်။
(၂၀) သူတစ်ပါးစကားပြောလျှင် နားထောင်ပေးတတ်သူတို့ ဖြစ်သည်။
(၂၁) ဖြတ်၍ ပြောခြင်း၊ လှည့်ထွက်သွားခြင်း ဘယ်တော့မှ မလုပ်သူတို့ ဖြစ်သည်။
(၂၂) မိမိကို နှိမ့်ချသွားလျှင် အလိုက်တသိ နိမ့်ကျပေးလိုက်သူတို့ ဖြစ်သည်။ ဤနည်းဖြင့် အပေါ်သို့ ရောက်နိုင်မှန်းကို နားလည်သော်လည်း အပေါ်အရပ်ကို မလိုအပ်သူတို့ ဖြစ်သည်။
(၂၃) စကားအခွန်းတိုင်းသည် အားလုံး အတွက် ဖြစ်အောင် အတတ်နိုင်ဆုံး ပြောလေ့ ရှိသူတို့ ဖြစ်သည်။
(၂၄) ကိုယ်က လွန်ကျူးမိခဲ့လျှင် ရိုရိုကျိုးကျိုး တောင်းပန်နိုင်စွမ်း ရှိသူတို့ ဖြစ်သည်။
(၂၅) အချိန်နှင့် ပတ်သက်လျှင် တိကျသူတို့ ဖြစ်သည်။
(၂၆) သူတစ်ပါး လိုအပ်ချက် နှင့် တောင့်တချက်တို့ကို ခန့်မှန်းနိုင်စွမ်း ရှိသူတို့ ဖြစ်သည်။
(၂၇) သူတစ်ပါးတို့ ကိုယ့်အပေါ် ဘယ်လိုမြင်ကြောင်း အမြဲ လေ့လာနေသူတို့ ဖြစ်သည်။
(၂၈) ကိုယ့်လုပ်ရပ် တို့ကို အစမှ အဆုံး သုံးသပ်ကာ အကောင်းဆုံး ပုံသွင်းနိုင်သူတို့ ဖြစ်သည်။
(၂၉) မိမိ ၏ စိတ်ခံစားချက် ဆိုးတို့ကို လက်လွတ်စပါယ် ထုတ်ဖော် ပြောခြင်းမှ ရှောင်ရှားသူတို့ ဖြစ်သည်။
(၃၀) တတ်နိုင်သမျှ အရှင်းဆုံး ပေါ်ပေါ်ထင်ထင် နေသူတို့ ဖြစ်သည်။

ကိုးကား - မှတ်စုကြမ်း ပို့စ်အဟောင်း ၃ ခုကို တစ်ပေါင်းထဲ ပြုလုပ်ရေးသားထားသည်။

- မှတ်စုကြမ်း #kyawnge

—