ပရဟိတနှလုံးသား

Nine Nine Sanay @ နိုင်းနိုင်းစနေ

 

ပရဟိတနှလုံးသား
----------------------
၂ဝဝ၇ခုနှစ် ဖေဖော်ဝါရီလ ၁၆ရက်နေ့... အဲဒီနေ့မှာ အငြိမ်းစားယူစဖြစ်တဲ့ ကုလသမဂ္ဂအတွင်းရေးမှူးကိုဖီအာနန်ဟာ တက္ကဆက်ပြည်နယ်က ခြံဝင်းကြီးတစ်ခုထဲမှာ charity dinnerတစ်ခုပြုလုပ်ခဲ့ပါတယ်။ အဲဒီ ပရဟိတညစာစားပွဲက အာဖရိကမှာရှိတဲ့ ဆင်းရဲသားကလေးသူငယ်တွေအတွက် အလှူငွေထည့်ဝင်တဲ့ပွဲဖြစ်တယ်။ ညစာစားပွဲမှာ ဖိတ်ကြားခံရသူတွေက သူကြွယ်ကုန်သည်ကြီးတွေနဲ့ အထင်ကရပုဂ္ဂိုလ်တွေဖြစ်တယ်။ ညစာစားပွဲစတင်ချိန်မှာ အမျိုးသမီးတစ်ဦးက ကလေးငယ်တစ်ယောက်နဲ့ အဲဒီခြံဝင်းဝနားရောက်လာခဲ့ပါတယ်။ ကလေးငယ်ရဲ့လက်ထဲမှာ ကြည်လင်ကောင်းမွန်တဲ့ ကြွေဗူးလေးတစ်လုံးပါတယ်။

ခြံဝင်းထဲ သူတို့နှစ်ယောက်ဝင်မယ်လုပ်တော့ ခြံစောင့်လုံခြုံရေးဝန်ထမ်းအန်ထော်နီက ခြံဝမှာတားပြီး “ကြိုဆိုပါတယ်… ကျေးဇူးပြုပြီးဖိတ်စာထုတ်ပါ.. ကျေးဇူးတင်ပါတယ်”လို့ဆိုတယ်။

“ဖိတ်စာဟုတ်လား… တောင်းပန်ပါတယ်.. ကျွန်မတို့ကို ဖိတ်မထားပါဘူး။ သမီးလေးလာမယ်ဆိုလို့ ကျွန်မအဖော်လိုက်ခဲ့တာပါ”လို့ အမျိုးသမီးက ကလေးငယ်ရဲ့ခေါင်းကိုပွတ်သပ်ရင်း အန်ထော်နီကိုပြောပါတယ်။

“တောင်းပန်ပါတယ်… ဝန်ထမ်းတွေကလွဲလို့ ဖိတ်စာမပါတဲ့လူ ဝင်ခွင့်မရှိပါဘူး” လို့ အန်ထော်နီက ပြန်ဖြေတယ်။

“ဘာဖြစ်လို့လဲ.. အထဲမှာ ပရဟိတညစာစားပွဲကျင်းပနေတာ မဟုတ်လား။ ကျွန်မတို့က စေတနာနဲ့လာခဲ့တာပါ။ ဒါလည်း မရဘူးလား၊ ဒီသနားစရာလူစီလေးက ဒီနေရာမှာ အာဖရိက,က ကလေးငယ်တွေအတွက် အလှူခံပွဲတစ်ခုလုပ်မယ်လို့ တီဗွီမှာကြည့်ခဲ့ရလို့ သူလည်း အဲဒီသနားစရာကလေးငယ်တွေအတွက် တစ်ခုခုလုပ်ပေးချင်ခဲ့တယ်။ သူ့စုဗူးထဲက ငွေတွေအားလုံးကိုလှူမယ်လို့ဆုံးဖြတ်ပြီး လာခဲ့တာပါ။ ကျွန်မ မဝင်ရလည်း ရပါတယ်.. သူ့ကို တကယ်ပဲဝင်ခွင့်မပေးဘူးလား”

“ဟုတ်ပါတယ်.. အထဲမှာ အလှူပွဲတစ်ခုပြုလုပ်တော့မှာပါ။ ဒီပွဲမှာပါဝင်တဲ့သူတွေက အရေးပါတဲ့လူတွေဖြစ်တယ်။ အာဖရိက,က ကလေးငယ်တွေအတွက် သူတို့ရက်ရက်ရောရော ပေးကမ်းကြတော့မယ်။ ချစ်မေတ္တာစိတ်နဲ့ ခင်ဗျားတို့ ဒီကိုရောက်လာခဲ့တဲ့အတွက် အရမ်းဝမ်းသာပါတယ်။ ဒါပေမယ့် ဒီပွဲထဲ ခင်ဗျားတို့ဝင်ဖို့မသင့်တော်ဘူးလို့ ကျွန်တော်ထင်ပါတယ်”

“ဦးဦး…. ပရဟိတဆိုတာ ငွေကြေးမဟုတ်ဘူး.. နှလုံးသားဖြစ်တယ်ဆိုတာ ဟုတ်ပါသလား” စကားတစ်ခွန်းမှဝင်မပြောခဲ့တဲ့ လူစီရဲ့စကားကြောင့် အန်ထော်နီတစ်ချက်တွေဝေသွားပါတယ်။

“အဖိတ်ကြားခံရတဲ့သူတွေမှာ ပိုက်ဆံအများကြီးရှိတယ်ဆိုတာကို သမီးသိပါတယ်။ ပိုက်ဆံတွေအများကြီး သူတို့လှူကြလိမ့်မယ်။ သမီးမှာ ပိုက်ဆံအများကြီးမရှိပါဘူး.. ဒါပေမယ့် ဒါဟာလည်း သမီးမှာရှိတဲ့ပိုက်ဆံအကုန်လုံးပါပဲ။ တကယ်လို့ သမီးကိုပေးမဝင်နိုင်ဘူးဆိုရင် ဒီပိုက်ဆံကို ဦးဦးယူပြီး သွားလှူပေးပါ” လူစီက ပြောပြောဆိုဆို အန်ထော်နီကို စုဗူးလေးကမ်းပေးလိုက်တယ်။

ယူရမလား၊ မယူရဘူးလား အန်ထော်နီမသိတော့ပါဘူး။ သူ ဘာလုပ်လို့ ဘာကိုင်ရမှန်းမသိဖြစ်နေချိန်မှာ “မလိုပါဘူး သမီးလေး… သမီးပြောတာမှန်တယ်… ပရဟိတဆိုတာ ငွေကြေးမဟုတ်ဘူး.. နှလုံးသားဖြစ်တယ်၊ သမီးလေး အထဲကိုဝင်နိုင်ပါတယ်။ မေတ္တာစိတ်ရှိသူတွေအားလုံး ဝင်နိုင်ပါတယ်” လို့ လူစီဘေးမှာရပ်နေတဲ့ မျက်နှာပေါ်မှာအပြုံးနဲ့အဘိုးအိုတစ်ဦးက ရုတ်တရက်ပြောလိုက်ပါတယ်။ ပြီးတော့ အဘိုးအိုဟာ ခါးညွှတ်ပြီး လူစီနဲ့ စကားခဏပြောလိုက်တယ်။ အဲဒီနောက် ခါးပြန်မတ်ပြီး ဖိတ်စာတစ်စောင်ကို အန်ထော်နီစီကမ်းပေးလိုက်ရင်း “သူ့ကို ကျွန်တော်အထဲခေါ်သွားလို့ ရနိုင်မလား”လို့ အန်ထော်နီကို မေးလိုက်တယ်။

အန်ထော်နီက ဖိတ်စာကိုလှမ်းယူပြီး ကြည့်လိုက်တယ်။ အဲဒီနောက် အဘိုးအိုကို ခါးညွှတ်အရိုအသေပြုပြီး “ဟုတ်ကဲ့ ရပါတယ်.. Mr. Warren Buffett” လို့ဆိုတယ်။

အဲဒီည ညစာစားပွဲမှာ မျက်နှာအရဆုံးလူက ညစာစားပွဲကျင်းပတဲ့ ကိုဖီအာနန်လည်းမဟုတ်သလို ဒေါ်လာ ၃သန်းလှူဒါန်းတဲ့ Buffett၊ ဒေါ်လာ ၈သန်းလှူဒါန်းတဲ့ ဘီဂိတ်လ်လည်းမဟုတ်ပါဘူး။ ဒေါ်လာ ၃ဝနဲ့ ၂၅ပြားလှူဒါန်းတဲ့ လူစီလေးပဲဖြစ်ပါတယ်။ လူအများရဲ့နွေးထွေးကြင်နာတဲ့ လက်ခုပ်သံကို သူရခဲ့ပါတယ်။ အဲဒီည ညစာစားပွဲရဲ့ခေါင်းစဉ်ကလည်း “ဟရဟိတဆိုတာ ငွေကြေးမဟုတ်ဘူး.. နှလုံးသားဖြစ်တယ်” လို့ ပြောင်းသွားပါတယ်။

နောက်တစ်နေ့မှာ အမေရိကန်မီဒီယာအများစုက အဲဒီစကားလုံးကိုအသုံးပြုပြီး ညစာစားပွဲအကြောင်းကို သတင်းမှာရေးသားဖော်ပြခဲ့ကြပါတယ်။ သတင်းဖတ်ရှုမိကြတဲ့ အမေရိကန်သာမန်မိသားစုအများကလည်း အာဖရိက,က ဆင်းရဲသားကလေးငယ်တွေအတွက် သူတို့တတ်စွမ်းသလောက် ပါဝင်လှူဒါန်းခဲ့ကြပါတယ်။
---------

မူရင်းလင့်-- http://blog.85nian.net/archives/37031.html

နိုင်းနိုင်းစနေ (Aug. 6. 2015)