ဇော်ဝင်းထွဋ်နှင့်တွေ့ဆုံခြင်း

Loud Speaker

 

ဇော်ဝင်းထွဋ်နှင့်တွေ့ဆုံခြင်း

မေး..Emperor Music Band ရဲ့ နှစ်သုံးဆယ်ပြည့်အဖြစ်ကျင်းပမယ့် ဖျော်ဖြေပွဲနဲ့ပတ်သက်တဲ့ အစ်ကို့ရဲ့ခံစားချက်ကို သိချင်ပါတယ်။
ဖြေ..ကြီးကြီးကျယ်ကျယ်ပြောရမယ်ဆိုရင်တော့ ကျွန်တော်တို့က ကိုယ့်ဘဝကိုယ် ဒီရော့ခ်ဂီတအပေါ်မှာ ပေးအပ်ပူဇော်ထားပြီးသားပါ။ ဒါကြောင့် ဒီဂီတကို ရူးသွပ်တဲ့သူ၊ ဒီဂီတကို ကျွန်တော်တို့နဲ့အတူ လိုက်ပါခံစားနိုင်သူတွေအားလုံးကိုလည်း ကျွန်တော်တို့ရဲ့ခန္ဓာကိုယ်ကို ပေးအပ်ထားပြီးသား၊ သူတို့ကိုလည်း ကျွန်တော်တို့က ဂုဏ်ပြုထားပြီးသားလို့ ပြောရမှာပါ၊ ဒါကြောင့် ဒီပွဲကလည်း ရော့ခ်ဂီတကို ချစ်ခင်မြတ်နိုးတဲ့ ပရိသတ်တွေကို ပြန်လည်ဂုဏ်ပြုတဲ့ ပွဲတစ်ပွဲအဖြစ် သီဆိုဖျော်ဖြေမှာပါ။ နောက်ပြီး ဘဝမှာသီဆိုခဲ့တဲ့ဖျော်ဖြေပွဲတိုင်းက ဒီပွဲကတော့ ငါ့ရဲ့နောက်ဆုံးပွဲပဲလို့ စိတ်ထားပြီး အကောင်းဆုံးသီဆိုသလို စီးရီးသွင်းရင်လည်း အဲဒီအတိုင်းပဲ။ အခုလည်း အဲဒီစိတ်မျိုးနဲ့ အကောင်းဆုံးသီဆိုသွားမှာပါ။

မေး..ဒီပွဲမှာ သီချင်းပုဒ်ရေ ဘယ်နှပုဒ်လောက်သီဆိုဖို့ စီစဉ်ထားလဲ။
ဖြေ..ပြောရရင်တော့ စီစဉ်ထားတဲ့သီချင်းတွေက အများကြီး။ အပုဒ်တစ်ရာလောက် ရှိတယ်။ အဲဒီအထဲက ဘယ်လောက်ဆိုဖြစ်မလဲဆိုတာတော့ မသိသေးပါဘူး။ အရင် ကျွန်တော့်ရဲ့မွေးနေ့ပွဲတုန်းက မဆိုဖြစ်ခဲ့တဲ့ သီချင်းတွေကိုတော့ ဒီပွဲမှာဦးစားပေးအဖြစ်ဆိုသွားဖို့တော့ စီစဉ်ထားပါတယ်။ ရှေ့မှာဖျော်ဖြေမယ့် ရော့ခ်အဖွဲ့အသစ်တွေကတော့ ကျွန်တော့်သီချင်းတွေကို ပြန်လည်တီးခတ်သီဆိုကြမှာပါ။ အင်ပါယာအဖွဲ့နဲ့ကတော့ ကျွန်တော်နဲ့အတူ ရဲသွင်၊ ရင်ဂိုနဲ့ စည်သူလွင်တို့ ပါဝင်သီဆိုကြမှာပါ။

မေး..ဒီပွဲမှာ ရော့ခ်အဖွဲ့သစ်တွေပါဝင်စေခဲ့တာကရော ဘယ်လိုစိတ်ကူးမျိုးနဲ့ပါလဲ
ဖြေ..မျိုးဆက်သစ်ရော့ခ်ဂီတသမားတွေနဲ့ ရော့ခ်ဂီတအဖွဲ့ ၁၉ဖွဲ့ပါမှာပါ။ အဲဒါတွေကိုတော့ ဒီပွဲကိုစီစဉ်ကျင်းပတဲ့ ဂိုဏ်ချုပ်ကစီစဉ်ခဲ့တာပါ။ ကိုယ့်အနေနဲ့ သူတို့တွေပါမယ်ဆိုတုန်းကတော့ သာမန်ပါပဲ။ ဒါပေမယ့် သူတို့က ကျွန်တော့်သီချင်းတွေကို သူတို့စံနဲ့တီးဆိုကြပြီး ဒီမိုခွေတွေယူလာပြချိန်မှာတော့ သူတို့ဂုဏ်ပြုခံစားသီဆိုတီးခတ်ထားတာတွေအပေါ်မှာ ကျွန်တော့်အနေနဲ့ အရမ်းခံစားလိုက်ရပါတယ်။ နောက်ပိုင်းမှာလည်း ဒီအဖွဲ့တွေထဲကတော်တဲ့သူတွေ၊ အားတဲ့အဖွဲ့တွေခေါ်ပြီး တစ်နှစ်တစ်ခါလောက်တော့ ဒီလိုပွဲမျိုးလုပ်ဖို့ စိတ်ကူးထားတယ်။

မေး..လက်ရှိမှာရော အစ်ကို့ရဲ့စီးရီးသစ်တွေနဲ့ပတ်သက်ပြီး ပြင်ဆင်နေတာတွေရှိရင်လည်း သိချင်ပါတယ်။
ဖြေ..အခုလက်ရှိမှာတော့ လူစီးရီးအတွက် ဒီဗွီဒီရိုက်ကူမှုတွေကိုစပြီး ရိုက်ကူးမှုတွေလုပ်နေပြီ။ နောက်ပြီး ကျွန်တော့်ရဲ့သီချင်းတွေအားလုံးကို အတီးပိုင်းရော အဆိုပိုင်းရော အကုန်ပြန်ပြီးအသံသွင်းနေတယ်။ လောလောဆယ်တော့ မင်းချစ်သူရဲ့သီချင်းအပုဒ်၃၀လောက်သွင်းပြီးသွားပြီ။နောက်ထပ်လည်း ဆောင်းဦးလှိုင်သီချင်းတွေချည်း သီးသန့်၊ သုခမိန်လှိုင်နဲ့ဝင်းမင်းထွေးတို့သီချင်းတွေက သီးသန့်တစ်ခွေထပ်သွင်းဖို့ စီစဉ်ထားတယ်။မြင့်မိုးအောင်ရွှေဂျော်ဂျော်တို့သီချင်းတွေလည်း အသစ်ပြန်ပြီး အတီးအဆိုလုပ်မယ်၊ ခွေတွေအသစ်ပြန်သွင်းတာတွေ လုပ်သွားမှာပါ။ ဒီကြားထဲမှာပဲ စီးရီးအသစ်အတွက်လည်း လုပ်နေပါတယ်။

မေး..သီချင်းဟောင်းတွေပြန်ပြီးစီးရီးလုပ်ဖြစ်နေတဲ့အကြောင်းကိုလည်း သိချင်ပါတယ်
ဖြေ..မူပိုင်ခွင့်အတွက် ထွက်ပေါက်သစ်တစ်ခုအနေနဲ့ လုပ်ပြချင်တာပါ။ လက်ရှိမှာ ဂီတအစည်းအရုံးကလည်း အကောင်းဆုံးဖြစ်အောင်ဖြေရှင်းပေးနေတယ်။ ဒါပေမယ့် အငြင်းပွားစရာတွေ ရှိနေသေးတယ်။ မဖြေရှင်းနိုင်တာတွေရှိတယ်။ နောက်ပိုင်းမှာ ဒီနည်းက အလုပ်ဖြစ်ချင်မှလည်း ဖြစ်မှာလေ။ အခုတော့ ကိုယ့်ရဲ့တေးရေးဆရာ၊ ကိုယ့်တီးဝိုင်း၊ ကိုယ့်စတူဒီယိုနဲ့ဆိုတော့ မူပိုင်ခွင့်ကိစ္စကို သေချာလုပ်သွားနိုင်မယ်။ ဒါကြောင့် ပြန်လုပ်ဖြစ်တာပါ။

မေး..ဒီနေ့ထိအားပေးလာတဲ့ပရိသတ်တွေကို အစ်ကို့အနေနဲ့ပြောချင်တာရှိရင်
ဖြေ..တကယ်တော့ ဒီနေ့ထိလို့ပြောလိုက်ရင်ကို ရင်ထဲမှာ ခံစားရပါတယ်။ ဒီနေ့အထိလို့ပြောဖို့အတွက် နောက်ကိုပြန်ကြည့်လိုက်ရင် နှစ်တွေကမနည်းဘူးလေ။ ကျွန်တော့်အတွက်တော့ ပရိသတ်တွေက စကားလုံးတွေနဲ့ဖော်ပြနိုင်စွမ်းမရှိလောက်အောင်ကို အဓိပ္ပါယ်အများကြီးရှိပါတယ်။

From daily eleven