( အဆိုတော်မွန်းအောင်နဲ့ အင်တာဗျူး)

သီချင်းဆိုပြဘို့ကလွဲလို့ ဘာတခုမှမျော်လင့်မထားခဲ့ဘူး။

( အဆိုတော်မွန်းအောင်နဲ့ အင်တာဗျူး)

၁၉၈၈ကတည်းကတောခိုခဲ့ပြီး ထိုင်းမြန်မာ နယ်စပ်တော်လှန်ရေးနယ်မြေမှာ ၅နှစ်ကျော်နေထိုင်လှုပ်ရှားခဲ့တဲ့ 
အဆိုတော်မွန်းအောင်ဟာ ၁၉၉၃ မှာနော်ဝေးနိုင်ငံအခြေစိုက် DVB ရေဒီယိုမှာ ၃နှစ်ကြာအမှုထမ်းခဲ့တယ်။ 
၂၁နှစ်ကြာနော်ဝေးနိုင်ငံမှာ နေထိုင်ပြီး နိုင်ငံသားခံယူထားပြီးမှ မြန်မာနိုင်ငံကိုခေတ္တသွားရောက်ပြီးကချင်တိုင်းရင်းသားစစ်ပြေး၊စစ်ရှောင်ဒုက္ခသည်များရံပုံငွေတေးသီချင်းသီဆိုဘို့နဲ့ သူ့ရဲ့နောက်ဆုံးထုတ် တေးသီချင်းခွေဖြန့်ချိဘို့စီစဉ်ခဲ့ပေမယ့် 
ထိုင်းနိုင်ငံဘန်ကောက်အခြေစိုက်မြန်မာသံရုံးက ကိုမွန်းအောင်နဲ့ဇနီးမဆွေဆွေညွန့် တို့ရဲ့ ပြည်ဝင်ခွင့်ဗီဇာကိုငြင်းပယ်ခဲ့ပါတယ်။


အဆိုတော်မွန်းအောင်ဟာ ၁၉၈၄ခုနှစ်မှစပြီး ၁၉၈၈ထိ တကိုယ်တော်တေးစီးရီး ၄ခွေ
(၈/၈၂အင်းလျှား၊ မိုးလုံးမှိုင်း၊စိဉ္စမာဏဥာဏ်၊ လွမ်းရတဲ့ညတွေလွန်ပါစေ)ထုတ်ခဲ့တဲ့ အောင်မြင်ကျော်ကြားတဲ့အဆိုတော်တဦးဖြစ်သလို
 ပြည်ပမှာလည်း တကိုယ်တော်တော်လှန်တေးသီချင်း၂ခွေ
( ငြိမ်းချမ်းရေးတိုက်ပွဲ၁၉၉၂၊ လွတ်မြောက်ရာလမ်း( ၁၉၉၈) အပြင် ပြည်ပထုတ် တော်လှန်တေးသီချင်းခွေများမှာ
 အခါအားလျှော်စွာသီဆိုခဲ့ပါတယ်။
 လောလောဆယ် ငြိမ်းချမ်းရေးမိုးစက်များဆိုတဲ့ တေးသီချင်းခွေကို ထိုင်းနိုင်ငံချင်းမိုင်မြို့မှာအသံသွင်းပြီးစီးခဲ့ပြီး လာမယ့် ဒီဇင်ဘာလအတွင်း ရန်ကုန်မြို့မှာဖြန့်ချိဘို့စီစဉ်နေပါတယ်။
လတ်တလောမြန်မာပြည်လည်ပတ်ခွင့်ဗီဇာပိတ်ပင်ခံရတာနဲ့ပတ်သက်လို့ အဆိုတော်မွန်းအောင်နဲ့ဆက်သွယ်မေးမြန်းထားပါတယ်။

--------------------------

  အဆိုတော်မွန်းအောင်နဲ့ အင်တာဗျူး


မေး..။ ကိုမွန်းအောင်ကို သံရုံးက ဘာကြောင့်ဗီဇာထုတ်မပေးတာလဲ.။
ဖြေ။ ။  သံရုံးဗီဇာဌာန ၀န်ထမ်းတွေကတိတိကျကျဖြေဆိုတာမျိုးတော့ မဟုတ်ဖူး။ သူတို့ပြောတာက ဒီလိုစာအုပ်မျိုးတွေကိုဗီဇာထုတ်မပေးရဘူးလို့အထက်ကညွှန်ကြားထားတယ်တဲ့..။

မေး.။ ကိုမွန်းအောင်ကိုင်ထားတာ နော်ဝေးနိုင်ငံသား နိုင်ငံကူးစာအုပ်မှုတ်ဖူးလား၊ဘာပြဿနာရှိထားလို့လဲ။
ဖြေ.။ ဘာပြဿနာမှမရှိပါဘူး။ သူတို့ဆိုလိုတာက မြန်မာပြည်မှာမွေးဖွားပြီး၊နိုင်ငံခြားမှာနေထိုင်ပြီးအဲဒီကပတ်စ်ပို့စ်ကိုင်ထားသူပေါ့၊
 အထက်ကခွင့်မပြုဘူးတဲ့။

မေး.။ လွန်ခဲ့တဲ့သီတင်းပတ်လောက်ကပဲ ကိုမွန်းအောင်လိုပဲ နော်ဝေးပတ်စ်ပို့စ်ကိုင်ဆောင်ထားတဲ့
 ဒေါ်အေးအေးမွန်ကိုတော့ ဘာ့ကြောင့်ဗီဇာပေးရတာလဲ၊ မြန်မာပြည်ဘွားပေမယ့် 
သက်ဆိုင်ရာနိုင်ငံရဲ့ နိုင်ငံကူးလက်မှတ်ကိုင်ဆောင်ထားသူတွေအများကြီးပဲလေ၊ 
အရင်ကတည်းကနေအခုချိန်ထိဝင်ထွက်သွားလာနေကြတာပဲမဟုတ်လား။
ဖြေ။ သူတို့ပြောတာကတော့ မအေးအေးမွန်က သူ့အမေနေမကောင်းတာကိုစာရေးတင်လို့လူမှုရေးအရခွင့်ပြုတာတဲ့။
 နောက်ထပ် ကျနော်မေးတာက ဒီလိုစာအုပ်မျိုး ဗီဇာမရနိုင်ဘူးဆိုတာ ဘန်ကောက်သံရုံးရဲ့ ၀က်ဘ်ဆိုက်ဒ်မှာလည်းမရေးထားဘူးပေါ့၊
 ဘာကြောင့်လဲ ဆိုတော့ သူတို့ပြောတာက ၀က်ဘ်ဆိုဒ်က သံရုံးရဲ့ တရားဝင်မဟုတ်ဖူးတဲ့၊ ဒီတော့ထပ်မေးတယ်၊
 သံရုံးဝက်ဘ်ဆိုက်ဒ်က သံရုံးနဲ့ မဆိုင်ဘူးလားဆိုတော့၊ သူပြောတာက တရားမ၀င်ပါဘူးတဲ့။ 
သူတို့ဘက်ကတော့ အထက်ကညွှန်ကြားချက်ကိုပဲ တရားဝင်လို့သတ်မှတ်လုပ်ဆောင်တယ်လို့သိရပါတယ်။

မေး။ ဒီကိစ္စအပေါ် ကိုမွန်းအောင်ဘယ်လိုမြင်သလဲ။
ဖြေ။ လက်ရှိအစိုးရနဲ့ မပူးပေါင်းရင်၊ မညှိရင်၊ ဘာမှခွင့်မပြုဘူးဆိုတာမျိုးပေါ့။ကျနော်ကလည်း သာမန်တိုးရစ်ဗီဇာပဲတောင်းတာပါ။
 နိုင်ငံရေးပါတီတွေနဲ့တွေ့ဆုံဘို့၊စီးပွားရေးသမားတွေနဲ့တွေ့ဖို့လည်းမပါဘူး။  
လွန်ခဲ့တဲ့ အပတ်က ခရီးသွားအေးဂျင့်တခုကတဆင့်ဗီဇာလျှောက်သေးတယ်။ 
ဗမာပြည်ဘွား နိုင်ငံခြားစာအုပ်ကိုင်ရင်မရဘူး၊ ဖိတ်စာတောင်းပါဆိုလို့ ကျနော့အကိုတယောက်ရဲ့မှတ်ပုံတင်မိတ္ထူနဲ့ဖိတ်စာတောင်းပြီးတွဲတင်တယ်။လိုအပ်တဲ့စာရွက်ဖောင်တွေလည်းဖြည့်ပါတယ်၊တိုးရစ်တွေဖြည့်သလိုပဲ၊
 ဟိုမှာ ၀င်ငွေရတာဖြစ်စေ၊ မရတာဖြစ်စေဘာလှုပ်ရှားမှုမျိုးမှမလုပ်ပါဘူးဆိုတာပါ။

မေး။ ဘန်ကောက်သံရုံးက ဗီဇာမပေးဘူးဆိုတော့ တခြားသံရုံးကဆိုရင်ရော..။
ဖြေ။ ကျနော်အခုနားလည်သလောက်တော့ ဗီဇာကဘယ်မှာတောင်းတောင်းရမှာမဟုတ်ဘူး။ ဥပမာကျနော်တို့ ဥရောပစာအုပ်ဆို လန်ဒန်နဲ့ ဂျာမဏီ၊ ဘရပ်ဆဲလ်မှာ သွားတောင်းရတယ်။ ဒါပေမယ့်ဘန်ကောက်မှာတောင်မရနိုင်တော့အဲဒီမှာကောရနိုင်ပါ့မလား..။

မေး.။ ဒီတော့ ဘယ်လိုသုံးသပ်လဲ.။
ဖြေ။ သူတို့ဘက်က မြန်မာပြည်ကိုပြန်လာကြည့်ပါ၊ အဝေးကကြည့်ပြီး မပြောပါနဲ့တဲ့.။အခုကျနော်လာတာပဲလေ၊ လာခွင့်မှမပေးတာ။ တဖက်ကစဉ်းစားကြည့်တော့ ကျနော်တို့အပေါ် ဒီအစိုးရကဘာကြောင့်အညှိုးထားနေရသလဲဆိုတာပေါ့။ သူတို့ကိုမထောက်ခံရင် မကြိုက်ရင်၊ အတိုက်အခံလုပ်ရင်တိုင်းပြည်ထဲဝင်လို့မရဘူးဆိုတဲ့သဘောသက်ရောက်နေပါတယ်။ ဒီမိုကရေစီကိုလိုလားရင် ဒီမိုကရေစီရဲ့သဘောသဘာဝအရ အတိုက်အခံပြုတာကိုလည်း လက်ခံရမှာပါ။  အစိုးရနဲ့မပူးပေါင်းလို့ မ၀င်ရဘူးဆိုလည်း မ၀င်ရုံပဲရှိတာပဲ။အစိုးရကို မကြိုက်တာတော့၊ မကြိုက်ဖူးပဲပြောရမှာပဲ။ ပြည်ဝင်ခွင့်ရဖို့ ဟိုလူ့အကူညီတောင်း၊ဟိုဘက်တောင်းပန်နဲ့မလုပ်နိုင်ဘူး၊ ကျနော်နားလည်သလောက်က အခုနော်ဝေးနိုင်ငံသားဖြစ်နေပြီ၊နော်ဝေးနိုင်ငံသားတယောက်ရဲ့အခွင့်အရေးမျိုး ကျနော့မှာရှိတယ်၊နော်ဝေးနိုင်ငံသားတွေဗီဇာရသလိုမျိုးကျနော်လည်း ရခွင့်ရှိတယ်။ ဒါလူ့အခွင့်အရေးကိုလည်း ချိုးဖောက်တာဖြစ်တယ်။ ခွဲခြားဆက်ဆံတာဖြစ်တယ်။  အသားဖြူတဲ့နော်ဝေးကိုဆက်ဆံတာတမျိုး ဗမာပြည်မှာမွေးတဲ့နော်ဝေးနိုင်ငံသားကိုဆက်ဆံတာတမျိုး။ဗမာပြည်ဘွားအချင်းချင်းတောင် သူတို့နဲ့ပေါင်းတဲ့ နိုင်ငံခြားသားကိုတမျိုး၊ မပေါင်းနိုင်တဲ့လူကိုတမျိုးခွဲခြားထားတာပါ။ကျနော့အတွက်ကတော့ မ၀င်ရလည်းရပါတယ်။ မ၀င်ပဲ အပြင်မှာနေခဲ့တာလည်းကြာလှပြီ၊ခံနိုင်ရည်ရှိပါတယ်။အခုတော့ ကျနော်တို့ကို ဒီအစိုးရက ဘယ်လိုသဘောထားနေသလဲ ရှင်းရှင်းလင်းလင်းသိရတာပေါ့။


မေး.။ ကိုမွန်းအောင် မကြာသေးခင်လပိုင်းက ထိုင်းနိုင်ငံမှာ အသံသွင်းပြီးစီးတဲ့ငြိမ်းချမ်းရေးမိုးစက်များသီချင်းခွေလည်းပြည်တွင်းမှာဖြန့်ချိဘို့ရှိတယ်ကြားပါတယ်၊အဲဒီကိစ္စကရောကြန့်ကြာသွားမလား.။
ဖြေ။ ကျနော်မူလကတော့ သီချင်းခွေစီဒီထုတ်ဖို့ ပြင်ဆင်စရာ၊ ကာဗာ၊ စာအုပ်၊ ဒီဇိုင်းအားလုံးကိုကူညီဆောင်ရွက်နေသူတွေနဲ့ ညှိနှိုင်း လုပ်ကိုင်မလို့ပါ။ အခွေမထုတ်ခင် သီချင်းတိုက်ပြီးကချင်စစ်ပြေးစစ်ရှောင်ဒုက္ခသည်ရံပုံငွေအတွက် ရှိုးပွဲအရင်ဆိုမယ်၊ ပွဲဆိုပြီး တီးပြီးမှသီချင်းခွေထုတ်မယ်လို့စဉ်းစားထားတာပါ။ အခုတော့ပွဲဆိုမယ့်အစီအစဉ်လည်း ပျက်သွားပြီမို့သီချင်းခွေထုတ်ဖို့လုပ်ရမှာပေါ့။


မေး..။ လာမယ့်နှစ်သစ်မှာထုတ်မှာလား။
ဖြေ။ ကျနော်ထင်တယ်၊ ဒီဇင်ဘာလထဲမှာထုတ်မှာပါ။ နှစ်မကူးပါဘူး။

မေး.။ ကိုမွန်းအောင် ခုလိုဗီဇာငြင်းပယ်ခံရတော့ ဘယ်လိုထိခိုက်နစ်နာမှုတွေ့ရလဲ။
ဖြေ။ ဗီဇာမပေးလို့ ရှုံးတယ်လို့လည်းမခံယူပါဘူး။ အစောကတည်းက ကြိုတွေးထင်ပြီးသားပါ။ငြင်းခံရလိုလည်းအသဲကွဲပြီး အရုပ်ကြိုးပြတ်ဖြစ်မသွားပါဘူး။
 တခုတော့ရှိတယ် ကျနော်မျော်လင့်ခဲ့တဲ့၊ ကျနော့သီချင်းတွေကိုနှစ်သက်တဲ့ပရိဿတ်တွေကိုသီချင်းတွေမဆိုပြနိုင်ခဲ့ဘူး၊ကိုယ့်ပရိဿတ်တွေနဲ့ဆုံစည်းခွင့်မရတဲ့အပေါ်မှာတော့စိတ်မကောင်းပါဘူး။အခွင့်အရေးရရင် သီချင်းဆိုမယ်၊ သူတို့နဲ့မျက်နှာချင်းဆိုင်ပြန်တွေ့မယ်၊
 နှုတ်ဆက်မယ်၊စကားပြောမယ်ပေါ့။ ကျနော့ပရိဿတ်တွေကို သီချင်းဆိုပြဘို့ကလွဲလို့ ဘာတခုမှလည်ှး မျော်လင့်ထားတာမဟုတ်ပါဘူး။

ကိုညို( အော်စလို)

။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။