" အမိန့်ပေးသူနဲ့အမိန့်နာခံသူ "

Andrew Myo Aung

 

" အမိန့်ပေးသူနဲ့အမိန့်နာခံသူ "
=====================

ပင်လယ်ကွေ့စစ်ပွဲတုန်းက စစ်မြေပြင်တစ်နေရာက

အမေရိကန်စစ်သားတစ်ယောက်က သမ္မတဘုရ်ှကို ဖိတ်ခေါ်ခဲ့တဲ့

စကားတစ်ခွန်းကိုမှတ်မိကြဦးမယ် ထင်ပါတယ်..

"သမ္မတကြီးခင်ဗျာ ကျွန်တော်တို့နဲ့အတူ သဲကန္တာရထဲမှာ

ရေပူပူတစ်ခွက်လောက် အတူတူသောက်ရအောင်" ဆိုတဲ့စကားပါ..

ဘာအဓိပ္ပါယ်လဲဆိုတာ အားလုံးသိပါတယ်..ဒုက္ခကို

မျှဝေခံစားကြည့်စေချင်တဲ့ဆန္ဒ..

စစ်သားပဲ စစ်တိုက်ရတာ ဘာဆန်းသလဲ..စစ်မြေပြင်မှာ ဆင်းရဲဒုက္ခရောက်တာ
ဘာဆန်းသလဲလို့တွေးကောင်းတွေးမိကြပါလိမ့်မယ်..

ဒီလောက်တွေးရုံနဲ့တော့ ဒီစကားဟာ ကမ္ဘာမကျော်နိုင်တာ အမှန်ပါ..

ကျွန်တော်တွေးမိတဲ့ အဓိပ္ပါယ်ကရှင်းပါတယ်..

စစ်သားကလေးဆိုလိုချင်တဲ့အဓိပ္ပါယ်ကလည်း ရှင်းလွန်းတယ်လို့ထင်မိပါတယ်..သမ္မတကြီးကျွန်တော်တို့ နေရာဝင်ခံစားပါ..

ဒါဆိုကျွန်တော်တို့ခံစားနေရတဲ့ ဒုက္ခကိုသိလာမယ်..

သိလာတဲ့အခါ လူတစ်ယောက်ဟာ လူလိုတွေးမိလာမှာအမှန်ပဲ..

ဘယ်လိုတွေးမိမှာလည်း..ဒီလောက်ဒုက္ခဆင်းရဲခံ အသက်စွန့်တိုက်နေရတာ

ဒုက္ခဆင်းရဲခံထိုက်လို့လား..အသက်စွန့်ထိုက်လို့လား..တိုက်သင့်တိုက်ထိုက်တဲ့

စစ်ကောဟုတ်ရဲ့လား..ဒီလိုတွေးမိလာမယ်..ကျွန်တော်တွေးမိတာဒါပါပဲ..

ဘာလို့ဒီစကားစသလဲဆိုရင် ကာချုပ်နဲ့ VOA အင်တာဗျူးဖတ်မိလို့ပါ..

ကာချုပ်ရဲ့လက်စွဲစကားတွေဖြစ်တဲ့ တပ်မတော်ရဲ့တာဝန်တို့

လွတ်လပ်ရေးတို့ အစဉ်အလာတို့ ဒီစကားတွေမြင်မိလို့

ရေးဖြစ်တာဖြစ်ပါတယ်..

ဟုတ်ကဲ့ လိုရင်းပြောပါ့မယ်..ကာချုပ်သာလက်ရှိရယူထားတဲ့ ရာထူး အာဏာ

စည်းစိမ် စတာတွေစွန့်ပြီး

ထားပါ..ရာထူးမစွန့်ပဲ သာမန်စစ်မှုထမ်းကလေးတွေ နေရ စားရ ကြုံရတဲ့ ဘဝနဲ့
စစ်တန်းလျားမှာနေပြီး တာဝန်ထမ်းဆောင်ကြည့်လိုက်ပါ..

အခုပြောနေသလိုမျိုးတွေဆက်ပြောဦးမလား..

ပြည်သူတွေဆန္ဒနဲ့နီးစပ်တဲ့စကားတွေ ပြောလာမလား..ကျွန်တော်ပြောချင်တာ

ဒါပါပဲ...

.

Thetdwe Aung
==========