ကံနိမ့်နေတဲ့ Bono

Scorpion Soup For Soul

 

ကံနိမ့်နေတဲ့ Bono
---------------

၂၀၁၄ ဟာ ခင်များအတွက်တော့မသိဘူး ယူတူးအဆိုတော် ဘိုနိုအတွက်တော့ အတော်လေးညံ့တဲ့နှစ်ဖြစ်ပါတယ်။

အလှူအတန်းအမြဲလုပ်လေ့ရှိပြီး လူချစ်လူခင်အရမ်းပေါတဲ့ ဘိုနိုဟာ ဂီတနယ်ပယ်အပြင် ဘာသာရေး၊ လူမှုရေး၊ ပရဟိတနယ်ပယ်အစုံမှာ လူအများလေးစားတာ ခံယူခဲ့တာ နှစ်တွေမနည်းတော့ပါဘူး။ ယုတ်စွအဆုံးဗျာ ပုပ်ရဟန်းကြီးကတောင် သူ့ကိုချစ်တယ်။ သူတပ်တဲ့မျက်မှန်က အစ ပုပ်ရဟန်းမင်းကြီးက သဘောကျပါသတဲ့။

၂၀၁၄ ခုနှစ်အတွင်းမှာ ပရိတ်သတ်သန်းပေါင်းများစွာ စောင့်ဆိုင်းနေတဲ့ သူတို့ရဲ့အယ်လ်ဘန်အသစ်ထွက်ပါတယ်။ Songs of Innocence လို့အမည်ရပါတယ်။ တကယ်တန်းထွက်တော့ ဂီတသမိုင်းမှမကြုံဖူးတဲ့ ပြသနာတခုတက်ပါတယ်။ Apple တံဆိပ်အသုံးပြုသူတွေအတွက် ဒီအယ်လ်ဘန်ကို ပိုင်ရှင်ရဲ့ခွင့်ပြုချက်မရပဲ သူတို့ရဲ့ ဖုန်းတွေထဲမှာ ထည့်ပေးလိုက်ခြင်းကြောင့် ပွက်လောရိုက်ကုန်တာပါပဲ။ ရုတ်တရက်ဆိုတော့ ဘာမဟုတ်တဲ့ပြသနာလို့ထင်ရက်စရာရှိပေမယ့် ပိုင်ရှင်ရဲ့ခွင့်ပြုချက်မရပဲ အခုလိုလုပ်တာဟာ Apple အတွက်ရော U2 အတွက်ရော အကြီးအကျယ်ပြသနာတက်စေပါတယ်။ နောက်တော့ ဘိုနိုနဲ့ အက်ပဲတို့က တရားဝင်တောင်းပန်ခဲ့တယ်။

နောက်ထပ်ပြသနာကတော့ ပိုဆိုးပါတယ်။ အိုင်ယာလန်နိုင်ငံကနေပြီး ဂျာမဏီကို ကိုယ်ပိုင်လေယာဉ်နဲ့ခရီးထွက်နေချိန်မှာ လေယာဉ်ရဲ့နောက်ပိုင်းကစက်ချို့ယွင်းပြီး အရေးပေါ်ဆင်းသက်ခဲ့ရတယ်။ ကံကောင်းလို့ လေယာဉ်ပေါ်ပါလာသူ (၆) ဦးစလုံး ဒဏ်ရတောင်မရပေမယ့် အထိတ်တလန့်ဖြစ်ခဲ့ရတယ်။

နောက်ဆုံးပြသနာကတော့ နယူးယောက်ခ်မြို့မှာရှိတဲ့ နာမည်ကြီးပန်းခြံတခုဖြစ်တဲ့ Central Park မှာ ဘိုနိုဟာ စက်ဘီးစီးနေတုန်း ရှေ့က စက်ဘီးတစီးကိုရှောင်လိုက်ချိန်မှာ အခြားစက်ဘီးတွေနဲ့တိုက်မိပြီး အကြီးအကျယ်ဒဏ်ရာရှိသွားပါတယ်။ အစမှာတော့ အနည်းငယ်ပဲဒဏ်ရာရတယ်လို့ထင်ပေမယ့် သေချာဓါတ်မှန်ရိုက်ကြည့်တော့ ကျိုးသွားတဲ့အရိုးတွေမနည်းဘူး။ လက်မှာကျိုးသွားတဲ့အရိုးကပဲ (၆) နေရာဖြစ်ပါသတဲ့။ အဆိုးဆုံကတော့ ပုခုံးပါပဲ။ ပုခုံးရိုးကျိုးသွားတော့ သံချောင်း (၃) ချောင်နဲ့ သံဝက်အူ (၁၈) လုံးထည့်သွင်းခဲ့ရတယ်။ ခွဲစိပ်ကုသချိန် နာရီပေါင်းများစွာ ကြာမြင့်ခဲ့တယ်။

သီချင်းအဆို၊ အတီး၊ အရေးကောင်းသူ၊ စေတနာထက်သန်သူ ဘိုနိုတယောက်အမြန်ဆုံးသက်သာပျောက်ကင်းပြီး ဂီတအလုပ်တွေအမြန်ဆုံးပြန်လည်လုပ်ကိုင်နိုင်စေကြောင်း ဆုတောင်းအပ်ပါတယ်။

ခင်သောမင်သော
စကော်ပီယံများ