ကမ္ဘာ့ဘာသာရေးအဖွဲ့ကြီးများအကြောင်းအကျဉ်း (ဟိန္ဒူ)

အစားအသောက် တစ်ခုခုကို မြည်းစမ်းမကြည့်ဘဲ ထိုအစားအစာ၏ အရသာကို ခန့်မှန်းကြည့်၍ ရသော်လည်း ရာနှုန်းပြည့်မှန်ကန်မှု မရှိနိုင်ပေ။ မြန်မာစကားပုံတစ်ခုတွင်လည်း လူအကြောင်း ပေါင်းကြည့်မှသိ ဟူ၍ ရှိပါသည်။ လူတစ်ယောက်ကို ပေါင်းမကြည့်ခင် ထိုလူ ဆိုးသည်၊ ကောင်းသည်၊ ပေသည်၊ တေသည် ခန့်မှန်းလေ့ရှိကြသော်လည်း လက်တွေ့တွင် တက်တက်စင်လွဲသွားသည့် အခါများစွာရှိတတ်ပါသည်။ ထိုသူ၏ ခင်မင်ရင်းနှီး၊ ယုံကြည်ကိုးစားမှုကို ရယူလိုလျှင် သူ့ကို ပေါင်းကြည့်ယုံမက သူ၏ မိသားစုရေးရာ၊ ပညာရေးသမိုင်းမှ အစ သူနှင့်သက်ဆိုင်သော နောက်ကြောင်း၊ သူကြိုက်တတ်သောအရာများကို သိမှ အစဉ်ပြေချောမွေ့ပေမည်။

ထို့အတူ ဘာသာတရားတွင်လည်း အခြားသောဘာသာဝင်များ၏ နောက်ကြောင်းသမိုင်း၊ အယူအဆ၊ ယုံကြည်မှု တို့ကို စိုးစင်းမျှ မသိရှိဘဲလျက် သူတို့ကိုးကွယ်သော ဘာသာတရားသည် အဓိပ္ပါယ်မရှိသော ဘာသာ၊ အားကိုးရလောက်သော ဘာသာ မဟုတ်ပါဟု ဇွတ်ပြောဆိုပြီး ချဉ်းကပ်လျှင် မိမိကိုးကွယ်ယုံကြည်သော ဘာသာ မည်မျှ မှန်ကန်နေပေ့စေ၊ အနိုင်ကျင့်စော်ကားသော၊ လူမှုကျင့်ဝတ်များကို ချိုးဖောက်သူတစ်ယောက်အဖြစ် အခြားသောသူမှ သတ်မှတ်ခြင်းကိုသာ ရရှိမည်ဖြစ်ပေသည်။ သင်ပြောဆိုသမျှ အရာအားလုံး မှန်သည်ဖြစ်စေ မှားသည်ဖြစ်စေ ထိုသူသည် သင်ပြောသမျှကို ငြင်းပယ်ရန် အဆင်သင့် ဖြစ်နေပေလိမ့်မည်။ ထိုသူခရစ်တော်၏ ကယ်တင်ခြင်းနှင့်ဝေးသွားသည် ဆိုသည်ထက် သင်သည် လူတစ်ယောက်အား ယေရှုခရစ်တော် နှင့် အဝေးဆုံးနေရာသို့ ပို့ဆောင်သောသူ (၀ါ) စာတန်မာရ်နတ် ၏ လက်ပါးစေ အခိုင်းအစေဖြစ်မှန်းမသိ ဖြစ်နေသောသူ အဖြစ်ရောက်နေပေလိမ့်မည်။ ထို့ကြောင့် အခြားသော ဘာသာတရားများ၏ ယုံကြည်ရာ၊ ကိုးကွယ်ရာ တို့ကိုလည်း အသေးစိတ်မဟုတ်သည့် တိုင်အောင် အကြမ်းဖျဉ်းသိရှိနားလည်ခြင်းသည် အလွန်အရေးကြီးသည်ဟု ခံယူမိပါသည်။ သို့မှသာ သူတို့၏ ခင်မင်ရင်းနှီးမှု၊ ယုံကြည်အားကိုးမှုတို့ကို ရရှိနိုင်ပြီး ခရစ်တော်၏ကယ်တင်ခြင်းကို လက်ခံနိုင်မည့် လမ်းကြောင်းအပေါ်သို့ ထိုသူ့ကို ဆွဲတင်ပြီး ဖြစ်နေပေလိမ့်မည်။ ထို့ကြောင့် ကမ္ဘာ့ဘာသာရေးအဖွဲ့ကြီးများအကြောင်းကို အလျဉ်းသင့်သလိုဖော်ပြလိုပါသည်။

ဟိန္ဒူ ဘာသာဝင်အရေအတွက်

အကြမ်းအားဖြင့် ဟိန္ဒူဘာသာကိုးကွယ် သူ သန်းပေါင်း ၈၀၀ (800,000,000) မှ သန်းပေါင်း တစ်ထောင် (1,000,000,000) ခန့်ရှိမည် ဟုခန့်မှန်းကြသည်။ ခရစ်ယာန်နှင့် မူဆလင်ဘာသာ ပြီးလျှင် တတိယယုံကြည်သူအများဆုံး ဘာသာရေးဖြစ်သည်။ မြောက်အမေရိကတိုက်တွင် ဟိန္ဒူဘာသာကိုးကွယ်သူ တစ်သန်းကျော်ရှိသည်။

သမိုင်းအကျဉ်း

ဤဘာသာကို စတင်တည်ထောင်သူ၊ ပရောဖက် ဟူ၍သတ်သတ်မှတ်မှတ်မရှိပါ။ ဤဘာသာ စတင်သည့် ရက်စွဲ၊ ခုနှစ် ဟူ၍သတ်သတ်မှတ်မှတ်မရှိပါ။ အလွန်ရှေးကျသော ဘာသာတစ်ခုဖြစ်ပြီး အိန္ဒိယနိုင်ငံ၏ ယဉ်ကျေးမှုဓလေ့ထုံးတမ်းများနှင့် ပေါင်းယှက်မွေးဖွါး ဖြစ်တည်လာသည်။ အချို့သော ပညာရှင်များက ဟိန္ဒူ ဟူသောအခေါ်အဝေါ်သည်ရှေးခေတ်ပါးရှန်းစကားတစ်ခုဖြစ်သော Hind မှဆင်းသက်လာသည်ဟုယုံကြည်ကြသည်။ အဓိပ္ပါယ်မှာ အိန္ဒိယနိုင်ငံ ဟူ၍ဖြစ်သည်။ တစ်ချို့က ယနေ့ ပါကိစ္စတန် နိုင်ငံရှိ Indus မြစ်နှင့် Indus Valley ကိုအစွဲပြုပြီးဖြစ်လာသည်ဟု ယုံကြည်ကြသည်။ မည်သို့ဆိုစေ သေချာသည့်အရာများကတော့ ဤဘာသည် အလွန်ရှေးကျပြီး အိန္ဒိယနိုင်ငံတွင် စတင် မွေးဖွါးလာသည့် ဘာသာရေးတစ်ဖြစ်ပြီး လွန်ခဲ့သောနှစ် ၄၀၀၀ ပတ်ဝန်းကျင်မတိုင်ခင် ရှိခဲ့ပြီး ဖြစ်သည် ဟူသောအရာများပင်ဖြစ်သည်။ ထိုစဉ်က အိန္ဒိယနိုင်တွင်ထွန်းကားခဲ့သော ဒရဗီဒီယန် ယဉ်ကျေးမှု နှင့် ကျူးကျော်သိမ်းပိုက်သူ ဘုရားမြောက်များစွာကို ကိုးကွယ်သည့် ရှေးပါးရှန်း အာရိယန် လူမျိုးတို့၏ ယဉ်ကျေးမှု နှစ်ခု ပေါင်းစပ်ရာမှ စတင်မွေးဖွားလာသော ဘာသာတရားဖြစ်သည်။

နှစ်များစွာကြာလာသောအခါ ယဉ်ကျေးမှု နှစ်ခုမှပေါက်ဖွါးလာသော ထို အင်ဒို-အာရိယန်ယဉ်ကျေးမှုသည် ဇတ်ခွဲသည့်ယဉ်ကျေးမှု အစဉ်အလာများကို ကျင့်သုံးလာသည်။ ဘာသာရေးအကြီအကဲ ပုယောဟိတ် (Brahmins) များသည် ဇတ်အမြင့်ဆုံးအလွာများဖြစ်ပြီး၊ စစ်သူရဲကောင်းများသည် ဒုတိယအလွာ၊ ကုန်သည်ပွဲစားများသည် တတိယအလွာ နှင့် အောက်ဆုံးအလွာတွင် ကျွန်နှင့် လယ်လုပ်သူ၊ ဆင်းရဲသား လူတန်းစားများရှိသည်။ ဤဇတ်ခွဲသည့် အစဉ်အလာသည် နောင်တွင် ဟိန္ဒူဘာသာဖြစ်လာမည့် ရိုးရာဓလေ့ထုံးတမ်းများနှင့် ရောယှက်ဖြစ်တည် လာပြီး ဇတ်အလွာအသီးသီးတွင်လည်း မိမိတို့ ဇတ်အလွာနှင့် သက်ဆိုင်သော၊ လိုက်နာရမည့် ဥပဒေ အသီးသီးတို့ပြဌန်း ကျင့်သုံးလာကြသည်။

BC 600 – 500 ပတ်ဝန်းကျင်ခန့်တွင် ဘာသာရေးအကြီးအကဲ ပုယောဟိတ် များ၏အာဏာ အထွတ်အထိပ်ရောက်သည့်အချိန်တွင် အခြားဇတ်နိမ့် အလွာများက ပုန်ကန်တော်လှန်ခဲ့ကြသည်။ ဤ တော်လှန်ရေးကြောင့် Buddhism (ဗုဓ္ဒဘာသာ) နှင့် Jainism ဘာသာ ဟူ၍ သတ်သတ်မှတ်မှတ် ခွဲခြားထွက်ပေါ်လာခဲ့သည့်အပြင် ဟိန္ဒူဘာသာ၏ အခြေခံကျသော ယုံကြည်ချက်များ စတင်အမြစ်တွယ် ဖြစ်တည်လာခဲ့သည်။ ကမဌန်းကျင့်စဉ်များ အားဖြင့် ဘုရားနှင့်ဆက်သွယ်ခြင်း ဟူသော ကျင့်စဉ်များကိုအလေးထားလာကြသည်။

AD 700 ပတ်ဝန်းကျင်ရောက်သောအခါ ဘုရားအပါး သန်းပေါင်း ၃၀၀ ကျော် အပြင် ဟိန္ဒူဘုရားများ ကို ကိုးကွယ်သည့် Bhatki (devotion) ကျင့်စဉ်ထွန်းကားခဲ့သည်။

အခြေခံယုံကြည်ချက်များ

ခရစ်ယန်အသင်းတော်အားလုံးသည် လူများအား မိမိတို့၏ အခြေခံယုံကြည်ချက် ကိုတိတိကျကျ ပြောဆိုရှင်းပြနိုင်သော်လည်း ဟိန္ဒူ ဘာသာရေးတွင်မူ သူတို့၏ အခြေခံယုံကြည်ချက် သည်မည်သို့မည်ပုံဖြစ်ကြောင်း သတ်သတ်မှတ်မှတ် ရေးသားဖော်ပြခြင်းမရှိပါ။ ၄င်းတို့၏ သီအိုလိုဂျီနှင့် သက်ဆိုင်သော စာရွက်စာတန်း (Documents) မရှိပါ။ The Penguin dictionary of Religious တွင် “ဟိန္ဒူဘာသာသည် စုစည်းမှုမရှိ၊ တည်ထောင်သူမရှိ၊ အခြေခံယုံကြည်ချက်သတ်သတ်မှတ်မှတ်မရှိ၊ ကျမ်းစာအုပ်မရှိ၊ သူတို့၏ယုံကြည်ချက်ကိုစနစ်တကျ စုစည်းတင်ပြထားသော သီအိုလိုဂျီ ဘာသာရပ်မရှိ၊ ဘုရားကို ဗဟိုပြုသောယုံကြည်ချက်မရှိ၊ ကြီးမားကျယ်ပြန့်သော၊ များပြားသောဘာသာရေး အဆင့် (နေရာ) မြောက်များစွာဖြင့်ဖွဲ့စည်းသော ရိုးရာထုံးတမ်းအစဉ်အလာ၊ လူ့ယဉ်ကျေးမှု ဓလေ့ တစ်ခုဖြစ်သည်” ဟုဖော်ပြထားသည်။

ဤကြီးမားကျယ်ပြန့်သော ဘာသာရေးတစ်ခုလုံးကို စာအနည်းငယ်မျှဖြင့် လုံးစေ့ပတ်လည်အောင် ခြုံငုံရှင်းပြရန်မဖြစ်နိုင်သော်လည်း ဤဘာသာရေးကိုလေ့လာမည်ဆိုလျှင် ဤဘာသာရေး၏ အသုံးအနှုံးဖြစ်သောအောက်ပါ အချက်များကိုသိထားသင့်ပေသည်။

1. Brahman - ဟိန္ဒူဘာသာစကားဖြင့် “အကြွင်းမဲ့အမှန်တရား၊ အစစ်အမှန်တည်ရှိသောတရား” ဟုအဓိပွါယ်ရသည်။ အရာအားလုံး စတင်ဖြစ်ပေါ်လာရ မူလဇစ်မြစ် ဖြစ်ပြီး၊ ဟိန္ဒူဘာသာဝင်တို့ ကိုးကွယ်သောဘုရားများသည် လည်း ထို Brahman (တစ်ပါးတည်းသောသူ) ၏ သဏ္ဍန်တော် ကို ဆောင်သောသူများ ဘုရားများ ဖြစ်ကြသည် ဟုဆိုသည်။
2. Samsara - မသေနိုင်သော လူတို့၏၀ိညာဉ် များ ကိုယ်ခန္ဓာသေဆုံးသောအခါတိုင်း ပြန်လည်မွေးဖွါးခြင်း (incarnation)၊ သံသရာ အဆက်မပြတ်ဖြစ်ပွါးခြင်း။
3. Karma – (ပါဠိ စကား) “အပြုအမူ” လူတစ်ယောက်၏ အပြုအမူ (ကောင်းမှုပြုခြင်း) သည် ယခုဘ၀တွင် သာမက နောင်ဘ၀တွင် ကောင်းစားသူတစ်ယောက်ဖြစ်ရန် အထောက်အကူဖြစ်စေသည်။
4. Moksha - ဟိန္ဒူဘာသာယုံကြည်ခြင်း၏ နောက်ဆုံးသော ပန်းတိုင်။ ဘ၀ အလီလီ သံသရာလည်ခြင်း မှ လွတ်ခြင်း၊ ကျွတ်ခြင်း။
5. Dharma - ဟိန္ဒူဘာသာကိုင်းရှိုင်းသူ တစ်ယောက်၏ ဘာသာရေးဆိုင်ရာ နေထိုင်၊ ကျင့်ကြံ၊ လိုက်နာမှု

ယခုခေတ် ဟိန္ဒူဘာသာဝင်များသည် တစ်ပါး (သို့) တစ်ပါးထက်မကသော ဟိန္ဒူနတ်ဘုရားများကို ကိုးကွယ်ကြပြီး သူတို့ကိုးကွယ်သော နတ်ဘုရားကို ကိုးကွယ်ရန်အတွက် ကျောက် သို့မဟုတ် သစ်သားဖြင့် သဏ္ဍန်တူ ထုလုပ်ကာ ကိုးကွယ်လေ့ရှိကြသည်။ ဆုတောင်းပဌနာပြုခြင်း အပြင် ယိုဂါ (Yoga) ကျင့်ခြင်း၊ ကမဌာန်းထိုင်ခြင်းများကိုလည်းအလေးထားပြုလုပ်ကြသည်။

ခရစ်ယာန်ဘာသာနှင့်အဓိကကွာခြားချက်များ

• Brahman ဟုအမည်ရသော ၀ိညာဉ်ဘုရားကို ကိုးကွယ်ပြီး သန်းပေါင်း ၃၀၀ ကျော်သော ဘုရားများသည် ထို Brahman ၏ သဏ္ဍန်တော်ကို ဆောင်သော ဘုရားများဖြစ်ကြသည် ဟုယုံကြည်သည်။
• သခင်ယေရှုအား သန့်ရှင်းမြင့်မြတ်တော်မူသော ဂုရုသူတော်စင်ကြီးတစ်ပါးဟု လက်ခံယုံကြည်ပြီး အပြစ်ကြောင့်သေခြင်းဟူသော တရားကိုအောင်ပြီး သေခြင်းမှ ရှင်ပြန်ထမြောက်သည်ဟု ယုံကြည်သည်။
• လူသားများသည် နောက်ဆုံးလွတ်ခြင်း၊ ကျွတ်ခြင်းတရားကို ရသည်အထိ သေပြီးသောအခါတိုင်း နောက်ဘ၀ တစ်ခုတွင် ပြန်လည် မွေးဖွါးသည်။ ဘ၀သံသရာသည် အကြိမ်ပေါင်း မရေမတွက်နိုင်အောင် လည်ပတ်နေသည်။
• ယခုဘ၀တွင်ကောင်းမွန်စွာကျင့်ကြံနေထိုင်သောသူသည် နောင်ဘ၀တွင် ကောင်းစားသူအဖြစ် ပြန်လည်မွေးဖွားပြီး၊ မကောင်းသောသူသည် နောင်ဘ၀တွင် ဒုက္ခခံရမည်။
• ကယ်တင်ခြင်းတရားဟူသည်မှာ မိမိ၏ကျင့်ကြံ၊ ကျိုးစားမှု၊ ဗဟုသုတနှင့် ဘုရားတရားကိုင်းရှိုင်းမှု များပြုလုပ်နိုင်လျှင် ဘ၀သံသရာ လယ်ပတ်ခြင်း၏ အဆုံးတွင် Brahman ကိုယ်ခန္ဓာတော်အတွင်း မိမိ၏ ၀ိညာဉ် ပူးပေါင်းပြီး (သို့) Brahman ၏ စုတ်ယူခြင်းခံရပြီး တစ်သားတစ်ကိုယ်ဖြစ်သွားခြင်း သည် စစ်မှန်သော ကယ်တင်ခြင်းတရားဖြစ်သည်ဟု ယုံကြည်သည်။

သောင်းနိုး

မှတ်ချက်။ ။ Len Woods ရေးသားသော Handbook of World Religions (A bible-based review of 50 World faiths) စာအုပ်မှ ကိုးကားတင်ပြထားပါသည်။

 

Source...http://calvaryburmese.blogspot.no/2011/03/blog-post_17.html