# ကြီးပွားအောင်မြင်ဖို့ တက်လှမ်းရမယ့် လှေကားထစ် (၅၂) ခု #

 

Bamaw Thein Pe

 

# ကြီးပွားအောင်မြင်ဖို့ တက်လှမ်းရမယ့် လှေကားထစ် (၅၂) ခု #

လှေကားထစ် (၁၂)။ မိမိကိုယ်မိမိ ယုံကြည်မှု (Self-Confidence)

၁၈၇၇ ခုနှစ်မှာတုန်းက သောမတ်စ်အယ်ဒီဆင် (Thomas Edison) ဟာ တရက်မှာ စိတ်ကူးတစ်ခုရလိုက်တယ်။ သူ့စိတ်ကူးက အသံဖမ်းပြီး အသံက်ို ပြန်ဖွင့်ပြနိုင်တဲ့ စက်တစ်မျိုးကို တီထွင်ဖို့ပါ။ သူက ဒီဇိုင်းပုံစံရေးဆွဲသူ တစ်ယောက်ကို ခေါ်ပြီး အဲဒီစက်ကို ဒီဇိုင်းရေးဆွဲဖို့ ပြောလိုက်တယ်။ သူလိုချင်တဲ့ ဒီဇိုင်းကို စာရွက်တစ်ရွက်ပေါ်မှာ ပုံကြမ်းရေးဆွဲပြလိုက်တယ်။

ဒီဇိုင်းသမားက အယ်ဒီဆင် ဆွဲပြတဲ့ ပုံကြမ်းကို ကြည့်ပြီး ခေါင်းခါတယ်။ အယ်ဒီဆင်က မေးတယ်။ ဘာဖြစ်လို့လဲတဲ့။ သူက “ဘယ်လိုမှ မဖြစ်နိုင်ပါဘူး။ ဒီစက်ဟာ လုံးဝအလုပ်လုပ်မှာ မဟုတ်ပါဘူး”တဲ့။

အယ်ဒီဆင်က “မင်း ဘာလို့ ဒီစက်ဟာ အလုပ်မလုပ်ဘူးလို့ ထင်ရတာလဲ” လို့ မေးလိုက်တယ်။

ဒီဇိုင်းသမားက “ဒီလို စက်မျိုးကို အရင်က ဘယ်သူကမှ မထွင်ခဲ့ဖူးဘူးလို့ပါ ဆရာ” လို့ ပြန်ဖြေတယ်။

အယ်ဒီဆင်ဟာ အတွေ့အကြုံများတဲ့ ဒီဇိုင်းသမားရဲ့ စကားကို နားထောင်ပြီး သူ့စိတ်ကူးအကြံကို လက်လျှော့လိုက်နိုင်ပါတယ်။ ဒါပေမဲ့ သူဟာ တစ်ခုခုကို ဆုံးဖြတ်ချက်ချပြီးရင် ဘယ်တော့မှ နောက်ဆုတ်လေ့ရှိသူ မဟုတ်ပါ။ ဒါကြောင့် သူက ဒီဇိုင်းသမားကို ပြန်ပြောလိုက်တယ်။

“ငါအခု ဆွဲပြတဲ့ ပုံစံအတိုင်းသာ ဒီဇိုင်းဆွဲလိုက်ပါ။ အလုပ်မဖြစ်တော့လည်း မင်း ငါ့ကို အရှုံးသမားတစ်ယောက်လို့ သတ်မှတ်လိုက်ပေါ့ကွာ” တဲ့။

အယ်ဒီဆင်ဟာ ဘာကြောင့် ခုလို ပြောလိုက်ရတာလဲ။ သူ့စိတ်ထဲမှာ အဲဒီစက်ဟာ ဖြစ်ကိုဖြစ်ရမယ်လို့ လုံးဝယုံကြည်နေလို့ပါ။ အဲဒါကို မိမိကိုယ်မိမိ ယုံကြည်မှု (Self-Confidence) လို့ ခေါ်ပါတယ်။

ဒီဇိုင်းသမားလည်း အယ်ဒီဆင် လိုချင်တဲ့ ပုံစံရအောင် အတိအကျ ဒီဇိုင်းရေးဆွဲလိုက်တယ်။ ဒီဖိုင်းပြီးတော့ လိုအပ်တဲ့ ပစ္စည်းအစိတ်အပိုင်းတွေကို အယ်ဒီဆင်ရဲ့ အလုပ်ရုံကနေ ထုတ်လုပ်တယ်။ စက်ပစ္စည်းတွေကို တပ်ဆင်ပြီး စက်ကို ထုတ်လုပ်တယ်။ စက်ကို ပထမဆုံး စမ်းသပ်တာနဲ့ပဲ အလုပ်ဖြစ်သွားတယ်။ ဒီဇိုင်းသမားလည်း အကြီးအကျယ် အံ့သြသွားတယ်။ အဲဒီစက်ဟာ နောင် ကမ္ဘာတစ်ဝန်းမှာ ခေတ်စားလာမယ့် ဓါတ်ပြားထဲ့ပြီး သီချင်းနားထောင်တဲ့ ဓါတ်စက် (phonograph)ရဲ့ အစပါ။

မိမိကိုယ်မိမိ ယုံကြည်မှု (Self-Confidence) မရှိသူဟာ ဘယ်တော့မှ အောင်မြင်မှု မရနိုင်ပါဘူး။ အောင်မြင်မှုကို မိမိ ဘာဖြစ်ချင်တယ်၊ ဘာလိုချင်တယ်ဆိုတာ ကိုယ်တိုင်အတိအကျသိနေပြီး အဲဒါကို မဖြစ်ဖြစ်အောင် လုပ်တတ်သူတွေသာ ရနိုင်ပါတယ် အဲဒီလို လူမျိုးတွေအတွက် “မဖြစ်နိုင်ဘူး” ဆိုတဲ့ စကားလုံး သူတို့အဘိဓါန်ထဲမှာ မရှိပါဘူး။

အရောင်းကုမ္ပဏီတစ်ခုဟာ သူ့ရဲ့အရောင်းမန်နေဂျာတွေကို အလုပ်မစခင်မှာ ၅ မိနစ်စာလောက် မလုပ်မနေရ အလုပ်တစ်ခု ခိုင်းတယ်။ အဲဒါက ဘာလဲဆိုတော့ရုံးခန်းထဲက ကြည့်မှန်တွေ ရှေ့မှာ ရပ်ပြီး သူတို့ကို ခုလို အသံထွက်စကားပြောခိုင်းတယ်။

“ငါဟာ အတော်ဆုံး အရောင်းသမား တစ်ယောက်ပါ။ အဲဒါမှန်ကန်ကြောင်း ဒီနေ့ လုပ်ပြမယ်။ အရောင်းစံချိန်တင်စေရမယ်။ နက်ဖြန်ရော နောင်ကိုရော အမြဲ အရောင်းစံချိန်တင်စေရမယ်”တဲ့။ အဲဒါတင်မကသေးပဲ သူတို့အိမ်က အလုပ်ကို ထွက်လာတဲ့အခါ သူတို့မိန်းမနဲ့ (ကလေးတွေ) က “ရှင်ဟာ (ဒယ်ဒီဟာ) အကြီးကျယ်ဆုံး အရောင်းသမားတစ်ယောက်ပါ။ အဲဒါကို ဒီနေ့သက်သေပြမှာပါ”လို့ လက်ပြနူတ်ဆက်ပြောကြတယ်။

အဲဒီတော့ မထူးဆန်းပါဘူး။ ဒီကုမ္ပဏီက အရောင်းမန်နေဂျာတွေဟာ နှစ်တိုင်း တနိုင်ငံလုံးမှာ အရောင်းစံချိန် တင်နေခဲ့ပါတယ်။ ဒါဟာ ဘာကို ပြသလဲဆိုတော့ သူတို့ကိုယ်သူတို့ ယုံကြည်မှု ရှိနေကြလို့ အောင်မြင်တာပါ။

စောစောက ပြောသလို မိမိကိုယ်မိမိ စကားပြောတာနဲ့ ဘာကြောင့် အောင်မြင်ရမယ်လို့ ယုံကြည်မှုတွေ ဖြစ်လာရတာလဲ။ အဲဒီလို ပြောစကားဟာ လူရဲ့ မသိစိတ်ထဲမှာ ကိန်းအောင်းဝင်ရောက်သွားလို့ပါ။ မသိစိတ်ဟာ သူ့ထဲဝင်ရောက်လာတဲ့ စကားကို အကောင်း၊ အဆိုး မခွဲခြားတတ်ပဲ လူကို အဲဒီစကားအတိုင်း အတိအကျလုပ်ဖို့ စေ့ဆော်ခိုင်းစေတတ်တယ်။

မိမိ ဖြစ်ချင်တာကို မသိစိတ်ထဲရောက်အောင် ဘယ်လို လုပ်ရမလဲ။ ခက်တဲ့အလုပ် မဟုတ်ပါ။ မိမိဖြစ်ချင်တာကို အသံထွက်ပြီး တကယ်ဖြစ်မယ်ဆိုတဲ့ ယုံကြည်ပြီး ခံစားချက်နဲ့ ပြောပေးပါ။ နေ့စဉ် မပျက်မကွက် ပြောပေးပါ။ အထိရောက်ဆုံးအချိန်ကတော့ ည အိပ်ယာမဝင်ခင်မှာ ပြောပေးပါ။ လူဟာ ညအိပ်ပျော်နေတုန်းမှာ သိစိတ်ဟာ အလုပ်မလုပ်တော့ပဲ မသိစိတ်က နိူးကြားနေတာမို့ မအိပ်ခင်က ပြောလိုက်တဲ့စကားတွေကို မသိစိတ်က မှတ်မိလွယ်သွားပါပြီ။ မသိစိတ်က မှတ်မိသွားပြီဆိုရင် ဖြစ်ချင်တာကို မဖြစ်ဖြစ်အောင် သင့်ခန္ဓာကိုယ်ကို လုပ်ခိုင်းပါလိမ့်မယ်။

ဒီနည်းဟာ သိသူဖေါ်စား မသိသူကျော်သွားတဲ့ Napoleon Hill ရဲ့ နည်းလေးပါ။ auto-suggestion လို့ ခေါ်ပါတယ်။ ဒီနည်းကို သုံးပြီး အမေရိကန်နိုင်ငံမှာ မီလျံနာသူဋ္ဌေး ဖြစ်သွားကြသူတွေ ရာထောင်ချီ ရှိနေပါတယ်။

အချုပ်အားဖြင့် ပြန်ပြောရရင် သင်ဖြစ်ချင်တာ ဖြစ်စေဖို့ ဖြစ်ကို ဖြစ်ရမယ်ဆိုတဲ့ လုံးဝယုံကြည်မှု ရှိဖို့ လိုတယ်။ အဲဒီ ယုံကြည်မှုရှိလာအောင် auto-suggestion နည်းနဲ့ လုပ်ယူလို့ ရပါတယ်။

အခုလို ပြောလိုက်လို့လည်း အရမ်းမယုံလိုက်ပါနဲ့။ စမ်းကြည့်လိုက်ပါ။ အကျိုးရှိ မရှိဆိုတာ စမ်းမကြည့်ပဲ မသိနိုင်ပါဘူး။

ဗန်းမော်သိန်းဖေ
၁၀-၀၈-၂၀၁၆