ဂစ်တာအခိုးခံရတဲ့ Slipknot ဂစ်တာသမား Jim Root

 

Scorpion Soup For Soul

ဂစ်တာအခိုးခံရတဲ့ Slipknot ဂစ်တာသမား Jim Root
------------------

ဖြစ်ပုံကဒီလို။ Slipknot တို့တတွေ အမေရိကန်နိုင်ငံ၊ အော်ရီဂွန်ပြည်နယ်၊ Portland မြို့မှာပွဲရှိတယ်။ သူတို့တတွေ အလုပ်ရှုပ်နေချိန်မှာ practice room အခန်းထဲက Jim Root ရဲ့ Fender ဂစ်တာလေး အခိုးခံလိုက်ရပါတယ်။ သူအမြတ်တနိုးတီးလေ့ရှိတဲ့ ဂစ်တာလေးမို့ သူအတော်လေး စိတ်မကောင်းသွားဟန်တူပါတယ်။ သူ့ရဲ့စိတ်ပျက်လက်ပျက်ဖြစ်မှုကို အခိုးခံရတဲ့ ဂစ်တာလေးနဲ့အတူ instagram မှာပရိတ်သတ်ကိုရင်ဖွင့်ခဲ့တယ်။

သူ့ရည်းစားဖြစ်တဲ့ Christina Scabbia (Lacuna Coil) ကလဲ သူမရဲ့ instagram account အကောင့်ကနေတဆင့် ပရိတ်သတ်ကြီးကို ဒီဂစ်တာလေးပြန်ရဖို့အတွက် အကူအညီတောင်းထားပါတယ်။ ဂစ်တာရဲ့ serial number နဲ့အတူဖော်ပြထားပါတယ်။ ခိုးတဲ့သူကိုလဲ သူမကို message ပို့ပြီးခိုးထားတဲ့ဂစ်တာကိုပြန်အပ်ဖို့အတွက် တိုက်တွန်းလိုက်ပါတယ်။

အခုလိုအခိုးခံရတာဟာ slipknot တို့အတွက် ပထမဆုံးအကြိမ်မဟုတ်ပါဘူး။ လွန်ခဲ့တဲ့ ၂၀၁၃ တုန်းက Corey Taylor လဲ ဒေါ်လာ ၃၆၀၀၀ ကျော်ဖိုးအခိုးခံရဖူးတယ်။ ကံကောင်းချင်တော့ အဲဒီတုန်းက အကုန်းလုံးနီးပါးပြန်ရတယ်။

ပရိတ်သတ်တိုင်းကတော့ ကိုယ်ချစ်တဲ့အနုပညာရှင်ပိုင်ဆိုင်တဲ့အရာတခုခုကို အမှတ်တရအနေနဲ့လိုချင်ကြတာ သဘာဝဆိုပေမယ့် အခုလို ဂစ်တာသမားကိုယ်တိုင်အမြတ်တနိုးထားတဲ့ လက်စွဲတော် ဂစ်တာလေးကိုမှ ခိုးယူတာကတော့ အတော်လေးဆိုးဝါးတာပဲဗျာ။ မကြာခင်ပြန်တွေ့ပါစေလို့ စကော်ပီယံများမှ ဆုတောင်းအပ်ပါတယ်။

ခင်သောမင်သော
စကော်ပီယံများ

ရည်ညွန်း - Loudwire