ကွန်ပြူတာ တစ်လုံး၏ ဖွင့်ဟ၀န်ခံချက်

သုတဇုန်

ကွန်ပြူတာ တစ်လုံး၏ ဖွင့်ဟ၀န်ခံချက်

===================

ကျွန်တော်ဟာ ကွန်ပြူတာတစ်လုံးပါ..

ပိုပြီးပြည့်စုံအောင် ပြောရရင်တော့ အင်တာနက် စင်တာ တစ်ခုက ဒေါင့်ဆုံးချောင်ကျကျ မှာ နေရတဲ့ ကွန်ပြူတာ တစ်လုံးပေါ့ဗျာ..



အခန်း (၁)

အဲဒီနေ့က ဆိုင်ဖွင့် ပွဲ လုပ်တယ်..

ကျွန်တော့် သခင်ရယ်. သူ့ သားလေး လမင်းရယ်

့ဂိမ်းဆော့နေကြတယ်

ဘေးက သခင်မ ကတော့ ပွဲ ကြည့် ပရိတ်သတ်ပေါ့...

ပျော်မဆုံး တစ်ပြုံးပြုံးနဲ့ ပေါ့...

သူတို့ကို ကြည့်ပြီး...

ကျွန်တော်လည်း ဘယ်လောက်ပျော်တယ် ဆိုတာပြလိုက်ချင်ပေမယ့်

ကျွန်တော်ဟာ ကွန်ပြူတာပါ

ကွန်ပြူတာဟာ ကွန်ပြူတာလိုဘဲ နေရပါတယ်...

+++++

အခန်း(၂)

သူ့ချစ်သူနဲ့ ချတ်တင် (chatting) လုပ်နေတဲ့ ကောင်မလေးတစ်ယောက်ရဲ့ ရှက်ပြုံးလှလှတွေရယ်

ရပ်ဝေးက သားဖြစ်သူနဲ့ စကားပြောရင်း ဘေးလူတွေ မမြင်အောင် မျက်ရည်သုတ်နေရှာတဲ့ ဒေါ်ဒေါ်ကြီးရယ်..

ဘေးလူတွေ ကိုအကဲခတ်လိုက် ကျွန်တော့်ကို ကြည့်လိုက် လုပ်နေတဲ့ ဟိုလူကြီးရဲ့ ကျီးကန်းတောင်မှောက်မျက်လုံးတွေရယ်...

အထူးသဖြင့် လူရှင်းရင် ကျွန်တော့်ဆီ လာလာ ကစားတဲ့ လမင်းလေးရယ်..

စ သဖြင့်.. စ သဖြင့်...

ကျွန်တော်ရဲ့ နေ့စဉ်ဘ၀ ကတော့ တစ်နေ့နဲ့ တစ်နေ့ မထူးခြားပါဘူး.

အားလုံးရဲ့ အလိုကို ဖြည့်ဆည်းပေးနိုင်တဲ့ ..

အတိုင်းမသိ ကျွန်တော့ ပီတိကို သိစေချင်ခဲ့ပေမယ့်

ကျွန်တော်ဟာ ကွန်ပြူတာပါ

ကွန်ပြူတာဟာ ကွန်ပြူတာလိုဘဲ နေရပါတယ်...

++++

အခန်း(၃)

တစ်နေ့...

သခင်မ က လမင်းလေးကို ကျောင်းသွားပို့နေတယ်...

နေ့တိုင်းလောက် နီးနီး ကျွန်တော့်ဆီမှာ အချိန်မှန်မှန် လာသုံးတဲ့ ကောင်မလေးတစ်ယောက်

သူသုံးနေကျ website တစ်ခုက ဘာဖြစ်တယ် မသိဘူး အကူအညီတောင်းလိုက်တော့ ကျွန်တော့်သခင်က လာကြည့်ပေးတယ်..

သခင်က သူမရဲ့ ခေါင်းပေါ်က ကျော်ပြီး အခက်အခဲကို ဖြေရှင်းပေးနေခိုက်...

အမှတ်တမဲ့ သူမက လှည့်ပြီး စကားအပြောမှာ......

ဘာဖြစ်သွားကြလဲ မသိဘူး ... သူတို့လူတွေလဲ ဓါတ်လိုက်တတ်တယ်ထင်တယ်...

ကျွန်တော်မေးကြည့်ချင်ပေမယ့်...

ကျွန်တော်ဟာ ကွန်ပြူတာပါ

ကွန်ပြူတာဟာ ကွန်ပြူတာလိုဘဲ နေရပါတယ်...

+++++

အခန်း(၄)

ဒီရက်ပိုင်းတွေမှာတော့...

အဲဒီလာနေကြကောင်မလေးကလဲ သူ့အင်တာနက်စာမျက်နှာတွေမှာ ခနခန အခက်အခဲတွေဖြစ်တယ်...

အခက်အခဲဖြစ်တိုင်းလဲ သခင်ဘဲ လာဖြေရှင်းပေးတယ်....ဘာလို့လဲတော့ကျွန်တော်လဲမသိဘူး..

ဒါပေမယ့် ထူးခြားတာကတော့...

သခင်မက လမင်းလေးကို ကျောင်းမှာ သွားစောင့်တဲ့ အချိန်ဖြစ်နေတယ်..

ဝန်ထမ်းနှစ်ယောက်က အဲဒီအချိန်တိုင်းမှာ အမြဲမရှိဘူးဖြစ်နေတတ်တယ်...

မကြာခင် စစ်ကြေညာသံကို ကြားရတော့မလိုလို...

မိုးညစ်ညစ်ကြီးတွေဘဲ အုန်းအုန်းချရွာတော့မလိုလို...

အမျိုးအမည်မသိ ဝေဒနာတစ်ခု ကျွန်တော့်ရင်ထဲ ဖြတ်စီးသွားပေမယ့်

ကျွန်တော်ဟာ ကွန်ပြူတာပါ

ကွန်ပြူတာဟာ ကွန်ပြူတာလိုဘဲ နေရပါတယ်...

+++++

အခန်း(၅)

ဖြတ်စီးသွာတဲ့ ကျွန်တော့်ရဲ့ ဒီဝေဒနာဟာ မှုန်တိုင်းရဲ့ နိမိတ် ဆိုတာ..

အဲဒီနေ့က သခင်မ ကလေးကျောင်းပို့ပြီးပြန်လာတယ်..

ခါတိုင်းနေ့တွေလိုကျောင်းမှာ မစောင့်ဘူး...

ဟိုကောင်မလေးလဲမလာဘူး

ဝန်ထမ်းလေးတွေကတော့ ထုံးစံအတိုင်း ရှိမနေဘူး..

ကျွန်တော့်ရှေ့မှာ သခင်မ လာထိုင်တယ် ဒါပေမယ့် ကျွန်တော့်ကို ကြည့်မနေဘူး

သခင်ကတော့ သူမဘေးမှာရပ်နေတယ်

သခင်မ ငိုနေတယ်.. အံကိုကြိတ်ပြီး

နှစ်ကိုယ်ကြား စာ အသံနဲ့ ပြောတယ်.. (ကျွန်တော်ပါကြားတော့ သုံးကိုယ်ကြားပေါ့)

သူမရှက်တယ် ဆိုတဲ့ အကြောင်းလဲပါရဲ့

သခင်ကလဲ..

အဲဒါ မတရားစွပ်စွဲမှုတွေ ဆိုတာရော..

ကျိန်ဆိုမှုသက်သေတွေနဲ့ ပေါင်းပြီး....

နောင်မဖြစ်စေရပါဘူးဆိုတဲ့ ကတိတွေ အထပ်ထပ်အခါခါပေးနေတယ်

ရှုပ်ထွေးနေတဲ့ ခေါင်းကျွန်တော့ခေါင်းကို ဇဝေဇ၀ါ နားလည်မှုတွေနဲ့

တဗြင်း ဗြင်းကုတ်လိုက်ချင်ပေမယ့်...

ကျွန်တော်ဟာ ကွန်ပြူတာပါ

ကွန်ပြူတာဟာ ကွန်ပြူတာလိုဘဲ နေရပါတယ်...



အခန်း(၆)

သခင်မလဲ အခုတလော ဆိုင်ကို မလာသလောက်ဘဲ ...

လာရင်လဲ စကားများပြီး ပြန်သွားတာချည်းဘဲ

ထုံးစံအတိုင်းဘဲ သူမကတော့ ငိုရသူဘဲပေါ့..

အဲဒီအချိန်တွေမှာ

ကောင်မလေးဆိုင်ကို လူကိုယ်တိုင် မလာတော့ပါဘူး..

လူကိုယ်တိုင် မလာတော့ဘူး.. ဆိုတော့ ဖုန်းဘဲဆက်တာပေါ့..

ဖုန်းလာပြီး မကြာခင်မှာ သခင်လဲ ထွက်သွားရော..

တစ်ခါတစ်လေ အပေါက်ဝမှာ ပေါ်လာပြီး ပြန်ပျောက်သွားတဲ့ အထဲမှာ သခင်ပါသွားတယ်..

နောက်တော့..

ချစ်လှပါချည်ရဲ့ ဆိုခဲ့တဲ့ နှစ်ပေါင်း ၂၀ကျော် အပြန်အလှန်နားလည်မှုတွေ..

အလွဲသုံးစားတွေ အောက်မှာ ပျောက်ခဲ့ ရတဲ့ ယုံကြည်မှုတွေ...

အံ့သြ မှင်သက်စွာနဲ့ ကျွန်တော် သခင်မအတွက် သက်သေလုပ်ပေးချင်ပေမယ့်...

ကျွန်တော်ဟာ ကွန်ပြူတာပါ

ကွန်ပြူတာဟာ ကွန်ပြူတာလိုဘဲ နေရပါတယ်...



အခန်း (၇)

လမင်းလေး... အရင်လို game မဆော့တော့ဘူး..

အင်မတန် သွက်လက် ချက်ချာတဲ့ ကလေး

မှိုင်တွေငေးမောနေတယ်...

ပြီးတော့.. ကျွန်တော့်ဆီမှာ ပုံဆွဲနေတယ်...

အမျိုးသမီးတစ်ယောက်က ကလေးတစ်ယောက်ကိုဖက်ထားတယ်..

သူတို့နှစ်ယောက်လုံး မှာ မျက်ရည်တွေနဲ့

ပြီးတော့ သူတို့ နှစ်ယောက်ကို ကျောခိုင်းသွားတဲ့ လူတစ်ယောက်

အဲဒီအောက်မှာ စာတန်းလေးတစ်ခု..

"သားတို့ကို ထားခဲ့ပြီးမသွားပါနဲ့ ဖေဖေရယ်" တဲ့
သူကလေး ငိုနေပြီဗျာ..

အင်မတန်မှ နုနယ်တဲ့ နှလုံးသားပိုင်ရှင်လေးတစ်ယောက်

ရှေ့ လျှောက် လောက ကြီးကို ဘယ်လိုရင်ဆိုင်ရမှာလဲ...

လူကြီးတွေအတွက် ဓါတ်တစ်လိုက်စာ အခိုက်အတန့် လေးရဲ့ ရလဒ်ဟာ

ဒီကလေးအတွက် တစ်ဘ၀စာ စိတ်ပိုင်းဆိုင်ရာမှာ ထိခိုက်သွားနိုင်တယ် ဆိုတာ...

အရွယ်နဲ့မမျှ ကလေးရဲ့ လှစ်ဟာမှု ကို ထွေးပွေ့ နှစ်သိမ့်မှုတွေပေးချင်ခဲ့ပေမယ့်..

ကျွန်တော်ဟာ ကွန်ပြူတာပါ

ကွန်ပြူတာဟာ ကွန်ပြူတာလိုဘဲ နေရပါတယ်...



*******

******

နှလုံးသားနှင့် ခံစားနိုင်ကြပါစေ....

မိကောက်

#သုတဇုန်
www.thutazone.com