ဟီလာရီနဲ့ ပြစ်ဒဏ်စာရွက်

Nine Nine Sanay @ နိုင်းနိုင်းစနေ

 

ဟီလာရီနဲ့ ပြစ်ဒဏ်စာရွက်
--------------------------------
၂ဝ၁၆ခုနှစ်မှာ အမေရိကန်နိုင်ငံသမ္မတအဖြစ် ဝင်ရောက်ယှဉ်ပြိုင်မယ့် ဟီလာရီကလင်တန်ဟာ ၂ဝ၁၃ခုနှစ်က လန်ဒန်မြို့Chatham Houseမှာ “The Royal Institute of International Affairs”ဆုကိုယူဖို့ သွားရောက်ခဲ့ပါတယ်။

အဲဒီနေ့က မိုးအရမ်းရွာနေခဲ့ပြီး သူရဲ့ကိုယ်ရံတော်ငါးဦးဟာ ကားရပ်နားရာနေရာမှာရပ်ထားတဲ့ ကားထဲမှာ ဟီလာရီကိုစောင့်နေခဲ့ပါတယ်။ အဲဒီကားရပ်နားရာနေရာက တစ်နာရီ စတာလင်(၃.၃ဝ)ပေါင်ပေးရတဲ့နေရာဖြစ်ပါတယ်။ ဒါပေမယ့် ကိုယ်ရံတော်တွေက ကားထဲမှာလူရှိနေရင် ကားရပ်နားခပေးစရာမလိုဘူးလို့ ထင်ခဲ့ပါတယ်။ ပြီးတော့ သူတို့ဟာ ကြီးမားတဲ့တာဝန်ကိုထမ်းရွက်နေကြသူမို့ ကားရပ်နားခကို အလေးမထားခဲ့ကြပါဘူး။

ယာဉ်ထိန်းသိမ်းရေးဝန်ထမ်းက သူတို့ကို သတ်မှတ်တဲ့ကားရပ်နားချိန်ကျော်ရင် ရပ်နားခပေးဆောင်ရမယ့်အကြောင်း ယဉ်ယဉ်ကျေးကျေး ရှင်းပြခဲ့ပါတယ်။ တကယ်လို့ ယာဉ်ရပ်နားခမပေးဆောင်ရင် သတ်မှတ်ထားတဲ့ပြစ်ဒဏ်ခံရမယ်လို့လည်း ပြောပါတယ်။ ရပ်နားခမပေးဆောင်ချင်ရင် အခမဲ့ယာဉ်ရပ်နားတဲ့နေရာရှာပြီး ရပ်နားနိုင်တယ်လို့လည်း ရှင်းပြပါတယ်။ ဒါပေမယ့် ကိုယ်ရံတော်တွေက ဂရုမစိုက်ခဲ့ပါဘူး။

သတ်မှတ်ထားတဲ့ရပ်နားချိန် ၄၅မိနစ်ကျော်လွန်တာနဲ့ ယာဉ်ထိန်းသိမ်းရေးဝန်ထမ်းဟာ ပေါင်၈ဝပေးဆောင်ရမယ့် ပြစ်ဒဏ်စာရွက်တစ်ရွက်ကိုရေးပြီး ဟီလာရီစီးလာတဲ့ကားပြတင်းပေါက်ပေါ်မှာ တင်ထားခဲ့လိုက်ပါတယ်။ ပြစ်ဒဏ်စာရွက်ပေါ်မှာက သတ်မှတ်ထားတဲ့ပြစ်ဒဏ်ငွေကို ၁၄ရက်အတွင်းပေးဆောင်ပါက ဒဏ်ငွေတစ်ဝက်လျော့ပေါ့နိုင်ကြောင်း၊ သတ်မှတ်ရက်ကျော်လွန်ပါက အားလုံးပေးဆောင်ရမည်ဖြစ်ကြောင်း၊ အကယ်၍ တမင်မပေးဆောင်ပါက ယာဉ်ထိန်းဌာနမှ တရားရုံးသို့တိုင်ကြားနိုင်ကြောင်း၊ တရားရုံးမှတဆင့် တရားစွဲဆိုနိုင်ကြောင်း သေသေချာချာရေးသားထားပါတယ်။

ယာဉ်ထိန်းဝန်ထမ်းက “ခင်ဗျားတို့က ထူးခြားတဲ့ဧည့်သည်တော်တွေဆိုတာ ကျွန်တော်သိတယ်။ ဒါပေမယ့် ကျွန်တော်က ကျွန်တော့်ရဲ့တာဝန်ကို ထမ်းဆောင်နေတာပါ။ နောင်ဖြစ်လာမယ့်အကျိုးရလဒ်က ကျွန်တော်နဲ့မဆိုင်တော့ပါဘူး” လို့ဆိုပါတယ်။

ဒီအဖြစ်အပျက်ကို ဟီလာရီသိပြီးတဲ့နောက် မျက်နှာပျက်သွားတယ်ဆိုပေမယ့် အင်္ဂလန်အစိုးရဆီ ဒီပြစ်ဒဏ်ငွေကို မင်းတို့ကိုယ်တိုင်ဆောင်ပါလို့ ကိုယ်ရံတော်တွေကိုမပြောခဲ့သလို ပြစ်ဒဏ်လွတ်ကင်းခွင့်ပေးဖို့ သံတမန်ရေးရာကိုလည်း အသုံးမပြုခဲ့ပါဘူး။ ၂ရက်အကြာမှာ သူ့ကိုင်ပိုင်ခရက်တစ်ကတ်နဲ့ ပြစ်ဒဏ်ငွေပေါင် ၄ဝကိုပေးဆောင်ခဲ့ပါတယ်။

ဒါကို ကိုယ်ရံတော်တစ်ဦးသိတော့ မကျေမနပ်နဲ့ “တစ်ဘက်က ခင်ဗျားကို ဆုချီးမြှင့်ပြီး တစ်ဘက်က ဒီလိုယာဉ်နားခလေးတောင် အလွတ်မပေးပါလား။ ဒါဟာ လူကိုတမင်ခံရခက်အောင် လုပ်တာနဲ့ မတူဘူးလား” လို့ဆိုတော့ ဟီလာရီက ...

“အဲဒီ ယာဉ်ထိန်းဝန်ထမ်းက လေးစားအတုယူထိုက်တဲ့လူဆိုတာကို မင်းတို့မသိကြဘူးလား။ ပြည်တွင်းမှာပဲနေနေ ဘယ်ဒေသပဲရောက်ရောက် အဲဒီဒေသရဲ့ဥပဒေနဲ့ စည်းကမ်းစည်းမျဉ်းတွေကိုဖောက်ဖျက်ဖို့ ငါတို့မှာအရည်အချင်းမရှိဘူး၊ ဆင်ခြင်တွေပေးစရာမရှိဘူး” လို့ ပြန်ဖြေခဲ့ပါတယ်။

----

source: http://www.dailymail.co.uk/news/article-2464271/Hillary-Clinton-pays-40-fine-London-parking-ticket.html

နိုင်းနိုင်းစနေ (Sept. 15. 2015)