ဓာတ်ပုံ- smithsonianmag.com
ဆေးဘဲဥမှာ ဓာတု အဆိပ်ဖြစ်စေတယ် ဆိုတဲ့ တွေ့ရှိချက်ကြောင့် တရုတ်နိုင်ငံမှာ ဆေးဘဲဥ လုပ်တဲ့ ကုမ္ပဏီ
ပေါင်း ၃ဝ လောက်ဟာ ပိတ်သိမ်း ခံလိုက်ရပါတယ်။ ဒီအပြင် စုံစမ်း စစ်ဆေးမှုတွေလည်း လုပ်နေပါပြီ။
တရုတ်နိုင်ငံမှာက ဆေးဘဲဥဟာ အမည်နာမ အမျိုးမျိုးနဲ့ ခေတ်စားပါတယ်။ နှစ်တရာ ဆေးဘဲဥ၊ နှစ် တထောင်
ဆေး ဘဲဥ၊ နှစ်တသောင်း၊ တသန်း စတဲ့ အမည်နာမ အမျိုးမျိုးနဲ့ လူတွေကို စွဲဆောင် ရောင်းချနေတာပါ။
အထူးသဖြင့် နှစ်ရှည်ခံအောင် စီမံထားတဲ့ ဆေးဘဲဥဟာ ယောက်ျားတွေအတွက် အားတိုးဆေးလို့ ယုံကြည်သူ အလွန်များပါတယ်။
အခု တွေ့ရှိချက်မှာ ကြေးနီဆာလဖိတ်ဆိုတဲ့ ဓာတ်ဟာ ဆေးဘဲဥတွေမှာ ပါဝင်နေပြီး ဒါဟာ လူကို ဒုက္ခပေးစေတဲ့ ဓာတု အဆိပ်သင့်စေတာကြောင့် အသုံးပြုမှုကို တားမြစ် လိုက်တာဖြစ်တယ်လို့smithsonian.com သတင်း တပုဒ် မှာ ဖော်ပြထားပါတယ်။
ပုံမှန်အားဖြင့် ဆေးဘဲဥ လုပ်တာမှာ ဆိုဒါ၊ ဆား စတဲ့ ပစ္စည်းတွေနဲ့ ၂ လလောက် စိမ်ထားပြီး စီမံကြတာလို့ ဆိုပါတယ်။
အခုဟာ က ကြေးနီဆာလဖိတ်ဓာတု ပစ္စည်း ပါဝင်မှုရှိတာတွေ့ရတယ်ဆို တာကြောင့် နှစ်စဉ် ဆေးဘဲဥ တန် ချိန် ၃ သိန်းလောက် ပုံမှန်ထုတ်လုပ်ဖြန့်ချိနေတဲ့ ကုမ္ပဏီတွေကို တားမြစ်ပိတ်ပင်လိုက်တာလို့ သိရပါတယ်။
တရုတ် အစိုးရ တာဝန်ရှိသူတယောက်ကတော့ ဆေးဘဲဥကို အများကြီး မစားဘူး ဆိုရင်တော့ အန္တရာယ် မဖြစ်စေနိုင်ပါဘူးလို့ South
China Morning Post ကို ပြောထားပါတယ်။ မြန်မာနိုင်ငံမှာလည်း ဆေးဘဲဥ စားသုံးသူ များပြားလေတော့ သတိထားမိစေဖို့ ပြန်လည် ရေးသား ဖော်ပြပေး လိုက်တာပါ။
အိမ့်သံစဉ် ~
http://blog.irrawaddy.org/2014/06/blog-post_7591.html
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။