~~~~"လူမျိုးတုန်းသတ်ဖြတ်မှုဆိုတာ.."~~~~

 

ပုံက တော့ အီတလီနိုင်ငံမှ အပတ်စဉ် ထုတ်သတင်းစာဖြစ်တဲ့ 'လာ

ဒိုမန်နီကာ ဒယ်လ် ကော်ရဲရာ' ရဲ့ နာမည်ကျော် မျက်နှာဖုံးမှာ ပါတဲ့

'အဒါနာ' မြို့က ထောင်ပေါင်းများစွာသော အာမေးနီးယန်း

ကတ်သလစ် ဘာသာဝင်တွေ

ကို တူရကီလူမျိုး (တာ့က်) တွေက

ဘုရားကျောင်းထဲပိတ်ပြီး အရှင်လတ်လတ် မီးရှို့သတ်နေတဲ့ပုံပါ။

ထောင်နဲ့ချီပြီးသတ်ရတာဆိုတော့ အတော်ကို ကြာပါတယ်။

ရန်စလိုက် မီးကွင်းပစ်လိုက်နဲ့ တစ်ရွာပြီး တစ်ရွာ မျိုးပြုတ်အောင်

သတ်ရတယ်နဲ့တူပါတယ်။ ၁၉၀၉ ခု ဧပြီလက စလိုက်တာ ဆယ်ရက်

နီးပါးကြာပြီး အာမေးနီးယန်း ၂၅၀၀၀ ကျော် အသတ်ခံရ ပြီးမှဘဲ

ရပ်သွားခဲ့ပါတယ်။

ပုံကိုကြည့်လိုက်ရင် မီးလောင်လို့ အပေါ်က ပြုတ်ကျလာတဲ့

ထုတ်တန်းတွေ၊ ကြောက်လန့်တစ်ကြားအော်ဟစ်နေတဲ့သူတွေ၊

သွေးရူးသွေးတန်းနဲ့ ဆုတောင်းနေတဲ့သူတွေ၊ ကလေးငယ်ကို

ချီထားရင်းလိပ်ပြာလွင့်မတက် ခံစားနေရတဲ့ မိခင်တစ်ဦးနဲ့

တစ်ယောက်ကိုတစ်ယောက် အားကိုးတစ်ကြီးဖက်ထားတဲ့သူတွေ၊

နောက်ဆုံးအချိန်မှာ တစ်ယောက်နဲ့တစ်ယောက်အားပေးစကား

ပြောနေတဲ့ လင်မယားလို့ယူဆရတဲ့ သူနှစ်ယောက် စသဖြင့်

သူတို့တွေရဲ့ ကြေကွဲစရာနောက်ဆုံး ခရီးကိုမြင်ရမှာပါ။

သတိထားကြည့်မယ်ဆိုရင် ယောင်္ကျားအများစုဟာ တူရကီ အခေါ်

ဖက်ဇ် (သို့) တာဘူ့ရ်ှလို့ခေါ်တဲ့ ခေါင်းပေါင်းအနီတွေ ကို

ဆောင်းထားပြီး မိန်းမအများစုဟာ ဟိုင်ဂျဘ် ဆိုတဲ့ ခေါင်းစည်း

တဘက်မျိုးပတ်ထားတာကို တွေ့နိုင်ပါတယ်။ (ဒီနေရာမှာ ဥရောပသူ

ပျိုပျိုအိုအိုတို့ ဆောင်းလေ့ရှိတဲ့ ဝှင်ပယ်နဲ့မှားကောင်းမှားနိုင်ပါတယ်။

ဒါပေ ဝှင်ပယ် ကတော့ ခရိယာန်မာသာတွေ စစ္စတာတွေ ဝတ်တာမျိုးပါ။)

ဒီမှာ အထူးပြောချင်တာက အဲဒီအချိန်က ကတ်သလစ်ဘာသာဝင်

အာမေးနီးယန်းတွေဟာ ဘာသာမတူပေမယ့်လည်း တူရကီ လူများစုရဲ့

အဝတ်အစားကို ဝတ်နေပြီ၊ အာရပ်ဆန်တဲ့ တူရကီ ယဉ်ကျေးမှုနဲ့

လိုက်လျှောညီထွေနေ နေကြပြီဆိုတာပါဘဲ။

ဒီနေရာမှာဒီလိုလူမျိုးတုန်းသတ်ဖြတ်မှုနဲ့ပါတ်သတ်ပြီး တူရကီတွေ

ဘာကြောင့်ဒီလိုလုပ်ရတာလည်း၊ သူတို့ဟာလူမျိုးကြီးဝါဒီတွေလား၊

မျက်ကန်းမျိုးချစ်တွေလား၊ ဘာသာရေးအစွန်းရောက်တွေလား၊

ဒါမှမဟုတ်မင်းသားခေါင်းဆောင်းထားတဲ့ ဘီလူးတွေလား၊ ဘာလို့ဒီလို

ကြမ်းကြုတ်တဲ့ လူမဆန်တဲ့ လုပ်ရပ်ကို ကျူးလွန်ရတာလည်းဆိုတာကို

နားလည်နိုင်ဖို့ သမိုင်းကြောင်းကို ပြန်လည်သုံးသပ်ကြည့်ရမှာဖြစ်ပါတယ်။

တွေ့ရှိထားတဲ့ မှတ်တမ်းများအရ 'အဒါနာ' မြို့ဟာ ခရစ်တော်မတိုင်မှီ

နှစ်ပေါင်း ၆၀၀၀ကျော် ကတည်းက ရှိနေပြီလို့ဆိုပါတယ်။ နေရာ

အတိအကြ ထောက်မပြနိုင်ပေမယ့် ဆူမားရီးယန်းတွေရဲ့ ' ဂေးလ်ဂါမက်ရှ်'

ကဗျာရှည်ကြီးမှာ 'အဒါနာ' ဆိုတဲ့နေရာ အကြောင်းဖော်ပြထားတယ်လို့

ဆိုပါတယ်။ ဟစ်တိုက်တို့ရဲ့ ကဘ္ဘာကျောက်စာမှာ တော့ ဘီစီ ၁၃၃၅

လောက်မှာ ဟစ်တိုက်ဩဇာခံ ကဇ္ဇုဝတ္တနမင်းတွေ အုပ်ချုပ်တဲ့မြို့လို့

ဖော်ညွန်းထားပါတယ်။ အဲဒီတုန်းက နေခဲ့ကြတဲ့ လူတွေကို တော့

ဒါနူဏ လို့ခေါ်ပါတယ်တဲ့။ ဒီလိုနဲ့မင်းအဆက်ဆက်ပြောင်းလာခဲ့ရာမှာ

အဆီးရီးယန်းတွေ၊ ပါရှန်း (အီရန်) တွေ၊ အလက်ဇန်းဒါးဘုရင်

ခေါင်းဆောင်တဲ့ ဂရိတွေ နဲ့ အာမေးနီးယန်း ဘုရင်တွေ ရိုမန်ဘုရင်တွေ

ဟာ နောက်နှစ်ပေါင်း ၂၀၀၀ အတွင်းမှာ 'အဒါနာ' ကို ကိုယ်စီ အုပ်ချုပ်

ခဲ့ကြပါတယ်။

(၇) ရာစု မှာတော့ ရိုမန်တို့ရဲ့ ဘိုင်ဇန်တိုင်း အင်ပိုင်ယာ ထဲက 'အဒါနာ'

မြို့ကို အာရပ်တွေက တိုက်ခိုက်သိမ်းပိုက်ခဲ့ပါတယ်။ (ရေးထားတဲ့

အထဲတော့ သိမ်းပိုက်တာဘဲပါတယ်၊ တိုက်ခိုက်တာမပါ ပါဘူး။

အာရပ်တွေ မတိုက်ဘဲ သိမ်းလို့ရခဲ့တဲ့မြို့ဆိုတာမရှိသလောက်

ဆိုတော့ ဒီမှာလည်း ဆီလျှော်အောင် တိုက်ခိုက်သိမ်းပိုက်တယ်လို့ဘဲ

မြန်မာမှုပြုလိုက်ပါတယ်။)

ထူးဆန်းတာက အဲဒီခေတ်က အာရပ်သမိုင်းပညာရှင်တစ်ယောက်

ကလည်း 'အဒါနာ' ဆိုတဲ့နာမည်ဟာ တမာန်တော် ယာ့ဇီနီ ရဲ့ မြေးဖြစ်သူ

အက်ဇီနီ ရဲ့ နာမည်ကနေ ဆင်းသက်လာတာပါလို့ အချိန်ကိုက် မှတ်တမ်း

တင်ခဲ့သေးတယ်လို့ဆိုပါတယ်။ ဒါဟာလည်းလှေပျက်ရာဇဝင်

တစ်မျိုးလို့ဆိုရပါမယ်။

အာရပ်တို့လက်ထဲမှာ နှစ် ၂၀၀ လောက်ကျဆင်းခဲ့ပြီးတဲ့နောက်

ခရစ်တော်မွေးဖွားပြီး နှစ်ပေါင်း ၉၆၄နှစ် အကြာမှာတော့ 'အဒါနာ'ကို

ခရိယာန် ဘိုင်ဇန်တိုင်းတွေကပြန်သိမ်းပိုက်ခဲ့ပေမယ့် ကြာကြာ

မထိန်းနိုင်ဘဲ တူရကီတို့လက်ထဲပြန်ရောက်ခဲ့ပြန်ပါတယ်။ အဲဒီနောက်

နှစ်တစ်ရာလောက်ကြာတော့မှ ပထမ ခရူးဆိဒ် အတွင်း 'အဒါနာ' ဟာ

ခရိယာန်တွေလက်ထဲပြန်ရောက်ခဲ့ပါတယ်။ နောက်ပိုင်းမှာ ခရိယာန်

စီလီစီယာ တိုင်းပြည်က ဘုရင် ပထမလီယို ခေါင်းဆောင်တဲ့

အာမေးနီးယန်းတပ်တွေက မြို့ကိုပြန်ပြီးသိမ်းပိုက်ခဲ့ပါတယ်။

နောက်ထပ်နှစ် ၂၀၀ တိုင် အာမေးနီးယန်းမြို့အနေနဲ့ရပ်တည်ခဲ့ပြီးတဲ့

နောက် တတိယကွန်စတန်တင်း လက်ထက် ၁၃၅၉ခု မှာ စစ်မက်ဖြစ်ပွါး

လိုခြင်းမရှိတဲ့အတွက် ဘုရင်က 'အဒါနာ' ကို အီဂျစ်စော်ဘွား မမ်လွတ်ခ်

လက်ထဲအပ်ခဲ့ပါတယ်။ အဲဒီနောက်ပိုင်းမှာ စော်ဘွားကတူရကီလူမျိုး

တွေကို 'အဒါနာ' မှာ အခြေချခွင့် ပေးခဲ့တယ်၊ အော်ဟူ့ဇ် အနွယ်ဝင်

ရာမာဒန်နစ် မိသားစုက ၁၅၁၇ အထိ အုပ်ချုပ်ခဲ့တယ်လို့ ဆိုပါတယ်။

ဒါကိုကြည့်ခြင်းအားဖြင့် တူရကီလူမျိုးတွေ အဲဒီမြို့မှာအရင်ကမရှိခဲ့ဘူး

ဆိုတာ သိနိုင်သလို အဲဒီအချိန်မှာတော့ ကုလားအုပ်ကိုတဲထဲ ခေါင်း

ပေးဝင်ပြီးသားဖြစ်နေပြီဆိုတာသိနိုင်ပါတယ်။ 'အဒါနာ' ဟာ ၁၅၁၇မှာ

တော့ အော့တိုမန် တူရကီတို့ လက်အောက် ရောက်ခဲ့ပြီး ၁၉၁၈ အထိ

နှစ်ပေါင်းလေးရာကျော် အော့တိုမန် အင်ပိုင်ယာရဲ့ လက်အောက်ခံ မြို့

ဖြစ်ခဲ့ရပါတယ်။

ဒီနေရာမှာ စဉ်းစားစရာက အော့တိုမန် အင်ပိုင်ယာ လက်အောက်

ရောက်ခဲ့ပေမယ့်လည်း အုပ်ချုပ်ရေးပိုင်းမှာ ပြောင်းလည်းမှုကြီးကြီး

မားမား ရှိပုံမရပါဘူး။ ၁၃၅၉ခု ကတည်းက ရှိထားတဲ့ နားလည်မှုအတိုင်း

ငြိမ်းချမ်းစွာယှဉ်တွဲ နေထိုင်ခဲ့ပုံပေါ်ပါတယ်။ ဝါဟာဘီ၊ ဆာလာဖီတွေ

မူဆလင်ညီအစ်ကိုများအဖွဲ့ချုပ်တွေ ရှိပုံမရသေးပါဘူး။ အာမေးနီးယန်း

တွေအနေနဲ့လည်း မိုဟာမေဒင် တူရကီလူမျိုးတို့အကြိုက် အဝတ်အစား

အစားအသောက် အနေအထိုင်က အစ အလိုက်သိသိနဲ့ လိုက်လျှော

ညီထွေနေခဲ့ပုံပေါ်ပါတယ်။ နောက်ပြီးတော့ အီဂျစ်စော်ဘွား မမ်လွတ်ခ်

လက်ထက်ကတည်းက ရှိနေတဲ့ အီဂျစ်လူမျိုးတွေကလည်း ကြားခံ

အနေနဲ့အကာအကွယ်ပေးထားသလိုမျိုးဖြစ်နေကောင်းဖြစ်နေခဲ့

ပါလိမ့်မယ်။

၁၈၃၀ခု ရောက်တဲ့အခါမှာတော့ အော်တိုမန်အင်ပိုင်ယာအတွင်းက

အီဂျစ်နဲ့ဆူဒန်ကို အပိုင်စားရတဲ့ ဝါလီ 'မူဟမ္မဒ် အလီပါရှာ' ဟာ

အီဂျစ်ပြည် ကိုယ်ပိုင်အုပ်ချုပ်ရေးရဖို့အတွက် တောင်ပိုင်းကနေ

ဆီးရီးယားပြည်ကို ဝင်သိမ်းရင်း ဆီးရီးယား အပေါ်ဘက်က 'အဒါနာ'

မြေပြန့်ဒေသကို ရောက်လာခဲ့ပါတယ်။ ဝါလီ 'မူဟမ္မဒ် အလီပါရှာ' ရဲ့

တပ်တွေဟာ တိုက်ပွဲအတွင်း 'အဒါနာ' ရဲတိုက်နဲ့မြို့ရိုးကို ဖျက်စီး

ခဲ့တယ်လို့ဆိုပါတယ်။ နောက်ဆက်တွဲ ပြည်တွင်းငြိမ်းချမ်းရေး စာချုပ်

အရ ပြည်တွင်းစစ်ရပ်ဆဲသွားပြီး အီဂျစ်ပြည်ဟာ ကိုယ့်မင်းကိုယ့်ချင်း

နိင်ငံတစ်ခု ဖြစ်လာခဲ့ပါတယ်။ ဒါပေမယ့် ငြိမ်းချမ်းရေး စာချုပ်ချုပ်ဆို

ရာမှာ ပါဝင်ညှိနိုင်းပေးခဲ့ကြတဲ့ နိုင်ငံကြီးတွေဖြစ်တဲ့ ဗြိတိသျှ၊

ဩစတီးယား၊ ရုရှားနဲ့ ပရပ်ရှား (ဂျာမဏီ) တို့ရဲ့ တောင်းဆိုချက်အရ

ဆီးရီးယားမှာရှိတဲ့ အီဂျစ်တပ်တွေကို ရုပ်သိမ်းပေးပြီး ဆီးရီးယားကို

အော့တိုမန်တို့ လက်ထဲပြန်ထည့်ခဲ့ရပါတယ်။

ဒီအပြောင်းအလဲတွေကြားမှာ 'အဒါနာ' မြို့ကအီဂျစ်လူမျိုးတွေလည်း

လောလောလတ်လတ် သူတို့လူမျိုးတွေနဲ့ ပြည်တွင်းစစ်ဖြစ်ထားတဲ့

တူရကီတွေနဲ့ အတူဆက် နေဖို့ မလွယ်တော့တာရယ်၊ သူတို့အတွက်

အကာကွယ်ပေးမယ့် စစ်တပ်မရှိတော့တာတွေရယ် ကြောင့် သူတို့ရဲ့

အသစ်စက်စက် တိုင်းပြည်ကို ရွှေ့ပြောင်းကုန်ကြမှာ သေချာပါတယ်။

ဒါတွေရဲ့ အကျိုးဆက်ကတော့ အတွယ်အတာမဲ့ အကာအကွယ်မဲ့

ဖြစ်သွားတဲ့ အာမေးနီးယန်းတွေပါဘဲ။ အဲဒီအချိန်တုန်းကတော့

လူနည်းစုမဟုတ်သေးတဲ့အတွက် အန္တရာယ်မရှိသေးပါဘူး။ ဒီမြေပေါ်မှာ

မျိုးရိုး အစဉ် အဆက်နေလာခဲ့ကြတဲ့အတွက် ဒေသန္တရ - စီးပွါးရေး

ဗဟုသုတ ကျွမ်းကျင်ပြီး ချမ်းသာ ကြွယ်ဝ ကြတဲ့ အာမေးနီးယန်း

ခရိယာန်တွေဟာ သူတို့ အပေါ်သစ္စာရှိတဲ့ အီဂျစ်လူမျိုး လုပ်ဖော်

ကိုင်ဖက် တွေ မရှိတော့တဲ့အတွက် တစ်အားလျှော့သွားခြင်းသာ

ဖြစ်ပါလိမ့်မယ်။ တစ်ဖက်ကလည်း အာမေးနီးယန်းသေဋ္ဌေး တွေအနေနဲ့

အုပ်ချုပ်ရေး နဲ့ ဥပဒေရေးရာ အသိုင်းအဝိုင်း မှာဝင်ဆန့်ကြ တဲ့ အတွက်

၁၈၃၀ခု အီဂျစ်လွတ်လပ်ရေးရပြီး အချိန် နောက်ပိုင်းတွေမှာလည်း

သူတို့ဘိုးဘွားတွေအစဉ်အဆက် ခေါင်းချခဲ့ကြတဲ့ 'အဒါနာ' မြို့မှာဘဲ

ဟန်မပျက် ဆက်လက် ပြီးနေထိုင်ခဲ့ကြပါတယ်။

ဒါပေမယ့် နောက်ထပ် နှစ်ပေါင်း (၈၀) ကြာမြင့်လာတဲ့အခါ ၁၉၀၉ ခု

မှာ တော့ အခြေအနေတွေဟာ အတော်ကိုပြောင်းလည်းခဲ့ပါပြီ။

မွေးဖွားနှုန်းမြင့်မားပြီး လူဦးရေ ပေါက်ကွဲမှုကြောင့် စားဝတ်နေရေး

ခက်ခဲပြီး မိသားစုဝင်တွေ အများကြီးနဲ့ ကျပ်ကျပ် တည်းတည်း

ချို့ချို့တဲ့တဲ့ နေ နေရတဲ့ (စုတ်တီးစုတ်ပြတ် ရပ်ကွက်တွေထဲက)

တူရကီလူမျိုးတွေဟာ သန့်ရှင်းသပ်ရပ်တဲ့ ရပ်ကွက်တွေမှာနေတဲ့

ချမ်းသာကြွယ်ဝတဲ့ ခရိယာန် အာမေးနီးယန်းတွေကို မျက်စောင်းထိုး

နေပါပြီ။ အုပ်စုဖွဲ့ ရန်စတာတွေ၊ ထိကပါးရိကပါးပြောသံတွေ

ကြားနေရသလို သတင်းတွေကလည်း ဟိုတစ်စဒီတစ်စနဲ့ အလျှိုလျှို

ထွက်လို့ လာပါနေပါပြီ။

အုပ်ချုပ်ရေးမဏ္ဍိုင်ကိုသာ အားကိုးရာရှိတဲ့ အာမေးနီးယန်းတွေ

အဖို့တော့ မတ်လ ၃၁ရက် အာဏာသိမ်းပွဲဟာ ကုလားအုပ်ခါးကို

ဖြောင်းကနဲ နေအောင် ရိုက်ချိုးပစ်လိုက်တဲ့ နောက်ဆုံး ကောက်ရိုး

တစ်မျှင်ဘဲဖြစ်ပါတယ်။ အစ္စတန်ဘူးလ်အစိုးရကျသွားပြီးတဲ့နောက်

ကဆင့်ကလျှားဖြစ်သွားတဲ့ အုပ်ချုပ်ရေးနဲ့တရားဥပဒေစိုးမိုးရေး ဟာ

ငတ်ပြတ်နေတဲ့ တူရကီတွေအတွက်တော့ ကောင်းကင်ကနေ

အချက်ပြ အမိန့်ပေး လိုက်သလိုပါဘဲ။ သွေးဆာနေတဲ့ လူအုပ်ကြီးဟာ

အုပ်စုခွဲပြီး (ထုံးစံအတိုင်း 'အလ္လာဟူအက္ကဘာ' ဟစ်ပြီးတော့ ပေါ့လေ)

အာမေးနီးယန်း ရပ်ကွက်တွေထဲဝင်ပြီး မိန်းမ၊ ယောင်္ကျား၊ ကလေးမကျန်

အိမ်ထဲက ဆွဲထုတ်ပြီး လမ်းပေါ်မှာ အာရပ်ဓားကောက်တွေနဲ့ ခုတ်ထစ်

ထိုးဖြတ်ပြီး အပိုင်းပိုင်းဖြစ်အောင်လုပ်ကြပါတော့တယ်။ အိမ်တွင်းအိမ်ပြင်

အဖိုးတန် လက်ဝတ်ရတနာ စက်ပစ္စည်းက အစ သယ်လို့ရတာ အကုန်

သယ်ပြီး မရတာတွေကို အကုန်မီးတိုက်ပစ်တာပါဘဲ။ ဒါဗစ်ရ်ှဗာဒီတိ

ခေါင်းဆောင်တဲ့ ဆယ်ရက်ကြာ အာဏာသိမ်းမှု အတွင်းမှာ အပြစ်မဲ့တဲ့

အာမေးနီးယန်းလူမျိုး တစ်သောင်းငါးထောင်မှ သုံးသောင်းအထိ

အသက်ဆုံးရှုံးခဲ့ရတယ်လို့ အကြမ်းဖြင်းယူဆကြပေမယ့် အခုခေတ်

မှာတော့ ပညာရှင်အများစုက နှစ်သောင်းငါးထောင်ဝန်းကျင် ဟာ ပိုပြီး

ဖြစ်နိုင်ချေရှိတယ်လို့လက်ခံထားပါတယ်။

ဒီလိုအစုလိုက်အပြုံလိုက် တစ်နေ့ကို လူ ၂၅၀၀နှုန်း၊ တစ်နာရီကို

အယောက် တစ်ရာကျော် သတ်ဖြတ်ခဲ့တဲ့ လူမျိုးတုန်းသတ်ဖြတ်မှုကြီး

မှာ ပါဝင်ခဲ့တဲ့သူတွေဟာ နောက်ပိုင်းမှာ ဖမ်းဆီးအရေးယူအပြစ်ပေး

ခံခဲ့ကြရတယ်လို့တော့မှတ်တမ်းတွေမှာမတွေ့ရ ပါဘူး။ နဂိုလ်ကတည်းက

အရေးမယူတဲ့အတွက် လွတ်ငြိမ်းချမ်းသာခွင့်လည်း ပေးနေစရာ

မလိုတော့ဘူးပေါ့လေ။

နောက် ခြောက်နှစ်အကြာ ၁၉၁၅မှာတော့ လူနည်းစုဖြစ်သွားပြီဖြစ်တဲ့

အာမေးနီးယန်းလူမျိုး နှစ်သောင်းကျော်ကို တူရကီစစ်တပ်က

'အဒါနာ' မြို့ တောင်ပိုင်း ဆီးရီးယား သဲကန္တာရထဲ မောင်းခေါ်သွားပြီး

ကျူငုတ်ပါမကျန် သတ်ပစ်လိုက်ပြီးတဲ့ အခါမှာတော့ အာမေးနီးယန်း

လူမျိုးတွေဟာ 'အဒါနာ' မြို့ကနေ လုံးဝ ပျောက်ကွယ် သွားခဲ့တာ

ယနေ့တိုင်ပဲဖြစ်ပါတယ်။

ဝမ်းနည်းစရာ အကောင်းဆုံးကတော့ တူရကီအစိုးရဟာ အခြားသော

နိုင်ငံတွေလို မဟုတ်ဘဲ သူတို့ရဲ့ ရက်စက် ယုတ်မာမှုတွေကို ဝန်ခံဖို့

ယနေ့ထိ ငြင်းဆန်နေခြင်းပါဘဲ။

(Adana Massacre: <http://en.wikipedia.org/wiki/Adana_massacre

> ကိုခံစားပြီးရေးပါသည်။)

Picture: Massacres in the Eastern Turkey: Thousands of Armenians burnt alive by Turks in a Catholic Church in Adana. Illustrator Achille Beltrame (1871-1945), from La Domenica del Corriere, 16th-23rd May 1909. (Photo by DeAgostini)

 

http://www.lubo601.com/2012/11/blog-post_7947.html#more