အလကား_လူ

 

ကံကောင်းခြင်းလက်ဆောင်

 

စာလေးကအရမ်းကောင်းတော့ သူငယ်ချင်းတွေကို ဖတ်စေချင်လို့

#အလကား_လူ
++++++++++%
.

* ၄နှစ်သားအရွယ်
မူကြိုစတက်တော့အမေကပြောတယ်။

" သား ၁၀တန်းအောင်အောင်လုပ်
၁၀တန်းက ဘဝတဆစ်ချိူးပဲ
၁၀တန်းအောင်ရင် သားလူစဖြစ်ပီ " တဲ့

* ဒီလိုနဲ့ ၁၀တန်းအောင်ပီး
လူဖြစ်ပီထင်ခဲ့ပေမယ့်
" ထမင်းစားလက်မှတ် "ကို
English လိုတံဆိပ်ကပ်ထားတဲ့
" ပညာတတ် " ဆိုတဲ့လူတွေအခေါ်အဝေါ်ကြား
တွေဝေခဲ့တယ်။
သြော် ငါလူဖြစ်ပေမယ့် ထမင်းစားမှအသက်ရှင်
မှာကိုး။ လို့ထပ်သိရပြန်တယ်။

* ဒီလိုနဲ့ ပညာတတ်ဆိုတဲ့
ကွမ်းစားရင် တံတွေးဗြစ်ခနဲတွေးတတ်
မုန့်စားပီးရင် အမှိူက်ဘတ်ခနဲပစ်တတ်တဲ့
လူပေါ်လူချည်းယုတ်မာတတ် တဲ့
လူအများစုကြား "သြော် ဒါပညာတတ်ပါလား"
ဆိုပီးဆက်နေခဲ့ရပြန်တယ်။

* ဒီလိုနဲ့ ထမင်းစားဖို့ 
အလုပ်လုပ်ရမှာပါလား ဆိုတဲ့အသိနဲ့
အလုပ်လျှောက်မိတယ်။
ပထမကြုံရတာက
" မင်းက ဘယ်သူ့အကပ်နဲ့လာလျှောက်တာလဲ"
ဒုတိယကြုံရတာက
" မင်း ဘာ certificate တွေပါလာလဲ "
တတိယကြုံရတာက
" လဖက်ရည်ဖိုး " တဲ့
သြော် လူဖြစ်ဖို့ 
ထမင်းစားလက်မှတ်တွေအများကြီးလိုအပ်
သေးပါလားလို့ တွေးမိပြန်တယ်။

* ဒီလိုနဲ့ထမင်းစားလက်မှတ်တွေလိုက်ရှာရင်း
" မင်းဘာအရည်အချင်း ရှိလဲ "လို့မေးခွန်းမမေး
တဲ့ Company တခုမှာအလုပ်လုပ်ဖြစ်သွား
တယ်။

* ဒီလိုနဲ့ နားမလည်ခြင်းများစွာနဲ့
ကောင်မလေး ခေါ် အမျိူးသမီး၁ယောက်ကို
တွေ့ပီး ဗိုက်ဆာသလို အိမ်သာတက်ချင်သလို
ခံစားချက်တွေဖြစ်လာခဲ့တယ်။
သြော် ဒါသူများတွေပြောတဲ့ အချစ် ကိုး။

* ဒီလိုနဲ့ သူနဲ့ဘာမှနားမလည်သေးတဲ့
ကျတော်ချစ်သူတွေဖြစ်သွားကြတယ်။
အဲ့ဒီမှာတခုထပ်သိရတာက
" ချစ်ကိုချစ်ရင် အမေတို့ဆီမှာ
လာ #တင် တောင်းပါတဲ့ "
"ဘယ် လို #တင် တောင်းရမှာလဲ ချစ်"မေးရင်း
ဘာမှနားမလည်တဲ့ကျတော်
ယောက်ခမလောင်းအိမ်ကိုရောက်သွားတယ်။
ယောက်ခမရဲ့ အနှစ်ချုပ်က
" တိုက်တလုံးနဲ့ ကားတစီးတဲ့ "

သြော် မိန်းမတွေရဲ့ တင်က
တော်တော်ဈေးကြီးပါလားလို့ 
တွေးမိသွားတဲ့ကျတော်
သူနဲ့လက်ထပ်ဖြစ်သွားတယ်။

* "မင်္ဂလာဆောင် " တဲ့နာမည်က
ခန်းမအဝမှာ မိန်းမဖက်က
လာသမျှ ဗူးတွေကိုသရဲမရဲဖောက်သိမ်း
နေတဲ့လူတွေနဲ့ ဗူးပေးပီး အင်တင်တင်နဲ့
ခန်းမထဲ ကျွေးတဲ့ဒံပေါက်ကိုစားနေတဲ့
လူတချိူ့ရဲ့ အခမ်းအနားကို မင်္ဂလာဆောင်လို့
ခေါ်တာပါလားလို့ တွေးမိသွားတဲ့ကျတော်
မိတ်ကပ်အပြည့်ဖုံးပီး ငှားဝတ်လာတဲ့
ရတနာပစ္စည်းတချိူ့နဲ့ ကျတော့်လက်ကို
ချိတ်ထားတဲ့ဘေးက အမျိူးသမီးတယောက်
မျက်နှာကိုတချက်လှည့်ကြည့်မိသွားတယ်။
" သြော် ဒါငါ့မိန်းမ ပါလား "

* ဒီလိုနဲ့ နားမလည်ချင်းများစွာရှိနေသေးတဲ့
လူ့အသိုင်းအဝိုင်းကြား တွေးကောင်းတုန်းရှိ
သေး အဂုင်္လိမာလ သုတ်ကိုကျက်ဖို့ဖြစ်လာ
တယ်။ ကိုယ့်မိန်းမဗိုက်ကပူလာပြီကိုး။

* သားသားလေးလား မီးမီးလေးလား
သိချင်လို့ သွားမေးမိတယ်။
ဒါလေးမေးတာကို တသိန်းကျော်ပေးရတယ်။
"သြော် ဒီဗေဒင်ဆရာတွေများ
တော်တော်ချမ်းသာလိုက်မယ့်ဖြစ်ခြင်း"
လို့ OG ဆရာဝန်မျက်နှာကိုကြည့်ပီး
တွေးမိလေရဲ့။

* ဒါလေးမေးတာတောင်ဒီလောက်ကုန်ရင်
ဒီဗိုက်ထဲကကောင်အပြင်ထွက်လာရင်
ပိုကုန်မှာပါလားဆိုပီး ကျတော်ဟာ
လူတယောက်ကနေ နွားတကောင်လို
ထပ်ရုန်းရပြန်တယ်။
ဒီလိုနဲ့ #အဖေ ဆိုတဲ့နေရာကိုရောက်သွားလေ
ရဲ့။

* ဒီလိုပေါင်းများစွာနဲ့
မောကြီးပန်းကြီးဖြစ်ရင်း
ခဏနားမယ်ကြံတုန်း
" အဖေကြီးရေ ရှင့်သမီးတော့
လင်နောက်လိုက်သွားပီ "ဆိုတဲ့
မိန်းမရဲ့စကားသံကြောင့်
Metal ကြိုက်ခဲ့တဲ့ကျတော့်ရင်ဟာ
သံရည်ကျိူ ခံလိုက်ရတယ်။

* " မိဘတို့ ဝတ်တရား ရှိတဲ့အတိုင်း"
ဆိုတဲ့တခါက ကျတော့
ကျတော်မိန်းမယူတော့မယ်ပြောတုန်းက
မျက်နှာငယ်လေးနဲ့ ပြောခဲ့တဲ့အမေ့ရဲ့စကား
အဓိပ္ပာယ်ကို အခုမှသိသွားခဲ့တယ်။


* ဒီလိုနဲ့ မရှိမဲ့ရှိမဲ့တချိူ့နဲ့
သမီးလင်ယူဖို့ မင်္ဂလာဆောင်ဆိုတာကြီးကို
ဒုတိယအကြိမ်ကြုံခဲ့ရပြန်တယ်။
" သြော် ငါ့သားမက် ခွေးသား
သူတောင်းစား $လုပ်မရှိ $ကိုင်မရှိပဲ
ငါ့သမီးကို #တင် တောင်မတောင်းခဲ့ပဲ
လက်ထပ်နိုင်ပါလား " လို့တွေးရင်း
မင်္ဂလာပွဲကြီးပြီးဆုံးသွားလေရဲ့။

* ဒီလိုပေါင်းများစွာနဲ့
တချိန်က မိတ်ကပ်အဖွေးသားနဲ့
ခန်းမတနေရာက ကျတော်မိန်းမတဖြစ်လဲ
ကျတော့်ချစ်သူ လောကကြီးထဲကထွက်သွား
ခဲ့လေရဲ့။

* ဒီလိုနဲ့ပဲ သားမက်အိမ်တက်နေရတဲ့
အဖြစ်ကို ကျတော်ရောက်သွားခဲ့တယ်။
တချိန်က သူအထီးလေးလား အမလေးလား
မေးဖို့ ငွေတသိန်းကျော်အကုန်ခံခဲ့တဲ့ကျတော့်
သမီး။ ကိုယ့်အဖေသွေးတိုးတာတောင်ဆေး
ခန်းပြဖို့ အချိန်မပေးနိုင်ခဲ့ဘူး။

* ဒီလိုနဲ့ပဲ သမီးအတွက်လဲအဆင်မပြေ
သားမက်အတွက်လဲ မလိုလားတဲ့ကျတော်
အလိုက်တသိပဲ သားမက်အိမ်ကဆင်းလာ
ခဲ့လိုက်တယ်။

* ဒီလိုနဲ့ ……………

* ဒီလိုနဲ့ ဘိုးဘွားရိပ်သာလို့ခေါ်ကြတဲ့
အထီးကျန်သူတွေရဲ့ဂေဟာလေးရဲ့
စင်္ကြလမ်းတခုမှာ တွေးမိလာတာက
ငါသာသေသွားရင်………

* ငါသာသေသွားရင်
ငါအားပေးခဲ့တဲ့ Metallica ကြီးလဲ
ပျောက်သွားမှာမဟုတ်သလို
ငါအားပေးခဲ့တဲ့ မြန်မာ့လက်ရွေးစင်
ဘောလုံးအသင်းလဲ ပိုညံ့သွားမှာမဟုတ်ဘူး။
ငါမနက်တိုင်းစားနေတဲ့ မုန့်ဟင်းခါးဆိုင်က
ဒေါ်တင်ရွှေကြီးလဲ ငါ့ကို ၁ပတ်အပြင်
သတိရနေမှာမဟုတ်သလို
ငါ့အချစ်ဆုံးဆိုတဲ့သူငယ်ချင်းတွေလဲ
တလအပြင် ငါ့ကိုဝမ်းနည်းနေမှာမဟုတ်ဘူး။
ငါ့သမီး နဲ့ ငါ့သမက်လဲဒီလိုပဲ။
ဒီလိုတွေးရင်း တွေးရင်း
လူတွေဟာ အောင်မြင်လာ ချမ်းသာလာ
ကြရင် " ငါ " ဆိုတဲ့အတ္တ
" ငါမရှိရင် မဖြစ်ဘူး " ဆိုတဲ့အတ္တတွေရဲ့
စက်ဆုတ်ရွံရှာစရာ အတွေးအခေါ်တွေကို
သတိထားမိလာတယ်။
" ပရက်စလေ လဲသေသွားပီ
ဒါပေမယ့် Rock ဂီတမပျောက်သွားဘူး။
" မိုက်ကယ်ဂျက်ဆင်လဲ သေသွားပီ
ဒါပေမယ့် သူ့ကိုသတိရလို့ နေ့တိုင်းငိုနေတဲ့
Pop ပရိတ်သတ်မရှိဘူး။
"တရက်က မိုဟာမက်အလီ လဲသေသွားပီ။
မသေခင်က သူ့ကိုအဖတ်လုပ်ပီးတလတခါ
တောင်သတိမထားကြတဲ့လူတွေက
fb မှာကိုယ့်အဖိုးများသေသလားမှတ်ရတဲ့
အထိ ကြေကွဲနေကြတယ်။
ဒါပေမယ့် တပတ်ကြာရင် ပျောက်သွားဦးမှာပဲ။

ဒါကြောင့်လောကမှာ
ဘယ်သူမရှိလို့မဖြစ်ဘူး ဆိုတာမရှိဘူး။
ကမ္ဘာကြီးက ဘယ်သူရှိရှိမရှိရှိ 23 1/2° နဲ့
လည်ပတ်နေဦးမှာပဲ။
လောကကြီးအတွက်တော့
လူတိုင်းဟာ အလကားလူပဲ။
ဒီလိုတွေးရင်းတွေးရင်း

နောက်တနေ့နာရေးကြော်ငြာမှာ
ကျတော့်နာမည်ပါလားတယ်။
ဒါပေမယ့် ကျတော်မဖတ်လိုက်ရတော့တဲ့
သတင်းစား အမှတ်စဉ် တခု။

အလကား လူ ။

မေတ္တာဖြင့်

#TKW

#CREDIT_ထက်ဝန.