ခိုင်မာတဲ့_ဆုံးဖြတ်ချက်ချပါ

 

ဗန်းမော်သိန်းဖေရဲ့မျှဝေလိုသောအတွေးများ

 

#ခိုင်မာတဲ့_ဆုံးဖြတ်ချက်ချပါ

မနေ့က အောင်မြင်ကြီးပွားချင်ရင် ပြင်းပြတဲ့လိုအင်ဆန္ဒရှိဖို့ လိုတယ်ဆိုတာ ရေးပြခဲ့ပြီးပါပြီ။ နောက်တစ်ခု လုပ်ဖို့လိုပါအုံးမယ်။ အဲဒါက ခိုင်ခိုင်မာမာ ဆုံးဖြတ်ချက် ချမှတ်ဖို့ပါ။ ဘယ်လိုဆုံးဖြတ်ချက်မျိုး ချမှတ်ရမှာလဲ။ ဒီနေ့က စပြီး ငါဖြစ်ချင်တာ၊ ငါလိုချင်တာကို မရရအောင် လုပ်တော့မယ်ဆိုတဲ့ ခိုင်မာတဲ့ ဆုံးဖြတ်ချက်ပါ။ အဲဒီဆုံးဖြတ်ချက်ကို တကယ်ချလိုက်ပြီဆိုတာနဲ့ သင့်ရဲ့ဘဝဟာ တဖြည်းဖြည်း တိုးတက်အောင်မြင်လာတာကို တွေ့မြင်လာရပါလ်ိမ့်မယ်။ သင် ဖြစ်ချင်တဲ့အခြေအနေဆီကို တဖြည်းဖြည်း ရောက်လာပါလိမ့်မယ်။

အောက်မှာ ရေးပြထားတဲ့ ခိုင်မာတဲ့ ဆုံးဖြတ်ချက်ကြောင့် အောင်မြင်သွားသူတချို့အကြောင်းကို ဖတ်ကြည့်လိုက်ပါအုံး။

ဘီလ်ဂိတ် (Microsoft ဆော့ဖ်ဝဲ တီထွင်သူ)၊ စတီးဗ်ဂျော့ (Apple ကွန်ပျူတာ နဲ့ iPhone ကို တီထွင်သူ) နဲ့ မတ်ခ်ဇူကားဘတ် (Facebook တီထွင်သူ) တို့ဟာ အမေရိကန်နိုင်ငံက နာမည်ကျော်တက္ကသိုလ်ကြီးတွေမှာ တက်နေကြရင်း စာသင်တာ တပိုင်းတစနဲ့ ကျောင်းထွက်လိုက်ကြတယ်။ ဘာကြောင့် ကျောင်းထွက်လိုက်ကြတာလဲ။ တက္ကသိုလ်တက်ရင်း အချိန်ကုန်နေမယ့်အစား သူတို့ဝါသနာပါတဲ့ ကွန်ပျုတာနဲ့ ဆော့ဖ်ဝဲကို ဇောက်ချလုပ်ဖို့ ခိုင်မာတဲ့ ဆုံးဖြတ်ချက်ကို ချလိုက်လို့ပါ။ အဲဒီလို ခိုင်မာတဲ့ ဆုံးဖြတ်ချက်ကို ချမှတ်ခဲ့ကြလို့လည်း သူတို့ဟာ ယနေ့ အကြီးအကျယ် အောင်မြင်ကျော်ကြားနေကြတဲ့ ဘီလျံနာသူဋ္ဌေးကြီးတွေ ဖြစ်လာခဲ့ကြပါတယ်။

ဟောင်ကောင်ကျွန်းက တရုတ်လူငယ်လေး လီကာရှင်းဟာ ကျောင်းနေစဉ် ၁၅ နှစ်အရွယ်မှာ မိသားစုအတွက် ဝင်ငွေရှာပေးနေတဲ့ သူ့အဖေ တီဘီရောဂါနဲ့ ကွယ်လွန်သွားတယ်။ သူလည်း အဖေဆီက ကူးစက်တဲ့ တီဘီရောဂါနဲ့ ဆေးရုံတက်ပြီး ကုသမှုခံနေရတယ်။ သူ့အမေနဲ့ မောင်နှမတွေမှာတော့ ပိုက်ဆံရှာပေးမယ့်လူ မရှိလို့ စားရမဲ့ သောက်ရမဲ့ ဘဝနဲ့ ဒုက္ခရောက်နေကြတယ်။ သူလည်း ဆေးရုံပေါ်မှာဆိုတော့ မိသားစုအတွက် ဘာမှ မလုပ်ပေးနိုင်ဘူး။ ဒီတော့ လီကာရှင်းဟာ ဆုံးဖြတ်ချက်တစ်ခုကို ခိုင်ခိုင်မာမာ ချလိုက်တယ်။ ဘာဆုံးဖြတ်ချက်လဲ။ ဒီဆင်းရဲမွဲတေတဲ့ ဘဝကို မုန်းတယ်။ စိတ်နာတယ်။ ဒီဘဝက လွတ်မြောက်ဖို့ ချမ်းသာတဲ့ သူဋ္ဌေးကြီး ဖြစ်အောင်လုပ်မယ်လို့ပါ။ အဲဒီလို ဆုံးဖြတ်ချက်ချပြီး ကြိုးစားစီးပွားရှာလိုက်လို့ သူဟာ အာရှမှာ အချမ်းသာဆုံး ဘီလျံနာသူဋ္ဌေးကြီးတစ်ယောက် ဖြစ်လာခဲ့ပါတယ်။

လူမည်းအမျိုးသမီး အော်ပရာဝင်းဖရီးဟာ အမေရိကန်တက္ကသိုလ်တစ်ခုမှာ တက်နေရင်း ဘွဲ့ရဖို့ လပိုင်းလေးပဲ လိုတော့တဲ့ အချိန်မှာ နာမည်ကြီးရုပ်မြင်သံကြား ကုမ္ပဏီကြီးတစ်ခုကနေ သူတို့ဆီမှာ အလုပ်လုပ်ဖို့ ကမ်းလှမ်းခံရတယ်။ အော်ပရာဟာ သူ တသက်လုံး လုပ်ချင်နေခဲ့တဲ့ ရုပ်မြင်သံကြားကုမ္ပဏီရဲ့ ကမ်းလှမ်းချက်ကို လက်ခံလိုက်ရင် ကောင်းမလား။ ဘွဲ့ရတဲ့အထိ တက္ကသိုလ် ဆက်တက်ရင် ကောင်းမလားဆိုတာကို ဆုံးဖြတ်ရခက်နေတယ်။ ရုပ်မြင်သံကြားကုမ္ပဏီက သူ့ကို ဘွဲ့ရတဲ့အထိ မစောင့်နိုင်ဘူးလို့ ပြောလာတယ်။ ဒီတော့ သူ ပြတ်ပြတ်သားသား ဆုံးဖြတ်ချက် ချလိုက်တယ်။ တက္ကသိုလ်ဆက်မတက်တော့ဘူး။ ရုပ်မြင်သံကြားကုမ္ပဏီမှာပဲ အလုပ်လုပ်မယ်။ ကုမ္ပဏီက သူ့ကို လူတွေနဲ့ ဆွေးနွေးရတဲ့ အစီအစဉ်တွေမှာ ဦးဆောင်မေးမြန်းသူအဖြစ် ပါဝင်ခိုင်းတယ်။ အစီအစဉ်တွေမှာ အော်ပရာဟာ စကားပြောကောင်းလွန်းတာကြောင့် အမေရိကန်လူထုက အရမ်းကြိုက်သွားတယ်။ သူလည်း အရမ်းနာမည်ကြီးသွားတယ်။ နောက်ပိုင်းမှာ အော်ပရာဟာ ကိုယ်ပိုင်ကုမ္ပဏီထောင်ပြီး Oprah Winfrey Show ရုပ်မြင်သံကြားအစီအစဉ်တွေ ရိုက်ကူးထုတ်လွှင့်ရင်း အရမ်းချမ်းသာသွားတယ်။ သူ့ပိုင်ဆိုင်မှုဟာ ဒေါ်လာ ၃ ဘီလီယံဖြစ်လာလို့ အမေရိကန်နိုင်ငံရဲ့ အချမ်းသာဆုံး အမျိုးသမီးတွေထဲက တစ်ယောက် ဖြစ်လာခဲ့တယ်။

လူအတော်များများဟာ တချိန်ချိန်မှာ မိမိဘဝကို အကြီးအကျယ် တိုးတက်ပြောင်းလဲသွားစေနိုင်တဲ့ အခွင့်အလမ်းကို တွေ့တတ်ကြပါတယ်။ ဒါပေမဲ့ ခိုင်ခိုင်မာမာ ဆုံးဖြတ်ချက်ချပြီး အခွင့်အလမ်းကို ဖမ်းယူဖို့ တွန့်ဆုတ်နေတတ်ကြတယ်။ ဝန်လေးနေကြတယ်။ မစွန့်စားရဲကြဘူး။ ဒီတော့ သူတို့ ဘာဖြစ်လာကြသလဲ။ ဘာမှ ဖြစ်မလာကြဘူး။ အရင်အခြေအနေအတိုင်း ဆင်းဆင်းရဲရဲ ချို့ချို့ငဲ့ငဲ့ ဘဝမှာပဲ လူ့ဘဝ ကုန်ဆုံးချိန်ထိ နေသွားကြရတယ်။

စွန့်စားရဲသူတွေကတော့ သူတို့လို မဟုတ်ပါဘူး။ မိမိဘဝတိုးတက်စေဖို့ စောစောက ပြောခဲ့တဲ့ လူတွေလို ပြတ်ပြတ်သားသား ခိုင်ခိုင်မာမာ ဆုံးဖြတ်ရဲကြတယ်။ ဆုံးဖြတ်ပြီးရင်လည်း နောက်မဆုတ်တော့ပဲ အောင်မြင်တဲ့အထိ ဇွဲရှိရှိနဲ့ လုပ်တတ်ကြတယ်။ ဒါကြောင့်လည်း လောကမှာ အောင်မြင်ကြီးပွားသူဆိုတာ လူအနည်းငယ်ပဲ ရှိကြတာပါ။

စိတ်ပညာသဘောအရ လူတစ်ယောက်ဟာ ခိုင်မာတဲ့ ဆုံးဖြတ်ချက် ချလိုက်ပြီဆိုတာနဲ့ သူ့ရဲ့ဦးနှောက်ထဲက အာရုံကြောတွေက သူ့ခန္ဓာကိုယ်တစ်ခုလုံးက အာရုံကြောတွေဆီကို သူ့ဆုံးဖြတ်ချက်အတိုင်း လုပ်ကြဖို့ သတင်းပို့လိုက်ပါတယ်။ ခန္ဓာကိုယ်ကလည်း ဦးနှောက်က စေခိုင်းတဲ့အတိုင်း လိုက်လုပ်ပါလိမ့်မယ်။ ဦးနှောက်မှာ ပေါ်လာတဲ့ အကြံအစည်တွေကို ခန္ဓာကိုယ်က အောင်မြင်အောင် လုပ်ပေးပါလိမ့်မယ်။

အချုပ်အားဖြင့် ပြောရရင် သင် အောင်မြင်ကြီးပွားသူတစ်ယောက် ဖြစ်ချင်တယ်ဆိုရင် အခုပြောပြခဲ့တဲ့ ရိုးစင်းလှတဲ့ နည်းဖြစ်တဲ့ ဆုံးဖြတ်ချက်ကို ခိုင်ခိုင်မာမာ ချမှတ်ဖို့ လိုတယ်ဆိုတာကို စွဲမြဲစွာ မှတ်သားထားပါ။

ဗန်းမော်သိန်းဖေ
၁၂-၀၁-၂၀၁၇