ဝတ္ထုရေးလိုသူများ လိုက်နာရမယ့် အချက် ၁၃ ချက်

 

Kyaw Thura

 

ဝတ္ထုရေးလိုသူများ လိုက်နာရမယ့် အချက် ၁၃ ချက်
====================================

#ဝင်းငြိမ်း

ရွှေအမြုတေမဂ္ဂဇင်းရဲ့ ကလောင်သစ်များ ပေးပို့လာတဲ့ စာမူများကို ရွှေအသစ်အဖြစ် ရွေးချယ်ဖော်ပြနေတဲ့ကဏ္ဍမှာ ပထမစီစစ်တဲ့ ဆရာမ မသီတာ(စမ်းချောင်း)ရော ကျွန်တော်ပါ စာရေးလိုသူများအတွက် ထားရှိရမယ့် အချက်အလက်တချို့ကို အလျဉ်းသင့်သလို ရေးသားဖော်ပြခဲ့ကြပါတယ်။ တချို့ဆရာများက တစ်ပုဒ် ဖော်ပြခံရပြီးချိန်မှာ ကျွန်တော်၊ ကျွန်မ အချိန်မရတော့လို့ မရေးတော့ပါဘူး ဆိုတာမျိုးရှိသလို ဘာဆက်ရေးရမှန်း မသိတော့လို့ မရေးဖြစ်တာပါလို့ အကြောင်းပြတဲ့သူတွေလည်း ရှိပါတယ်။ ၂ဝဝ၉ခုနှစ်၊ အောက်တိုဘာလထုတ် " The Writer " မဂ္ဂဇင်းမှာ စာရေးဆရာမ " Mona Simpson " ရေးသားခဲ့တဲ့ ဆောင်းပါးတစ်ပုဒ်ကို ရွှေအမြုတေရဲ့ အနှစ်နှစ်ဆယ်ပြည့် အထူးထုတ်မှာ မေတ္တာလက်ဆောင်အဖြစ် ဖော်ပြပေးလိုပါတယ်။ သူ့ခေါင်းစဉ်ကိုက ဝတ္ထု ရေးလိုသူများ လိုက်နာရမယ့် အချက် ၁၃ ချက်လို့ ဆိုထားတဲ့အတွက် ဝတ္ထုတို ရေးဖို့ ကြိုးစားနေကြတဲ့ သူများနဲ့အထူး အံဝင်ခွင်ကျ ဖြစ်လိမ့်မယ်လို့ ယုံကြည်ပါတယ်။

--------------------

စာရေးချင်တယ်ဆိုတဲ့ သူတွေကို အကြံပေးဖို့ဆိုတာ တော်တော်ခက်ပါတယ်။ ကျွန်မက အကြံလည်း ပေးခဲပါတယ်။ ဒါပေမဲ့ လွန်ခဲ့တဲ့ ၁၉၉၁-၉၂ တုန်းက နယူးယောက်တက္ကသိုလ်မှာ ဘွဲ့လွန်သမားတွေအတွက် ဝတ္ထုရေးနည်း Workshop တစ်ခုမှာ ကျွန်မတို့ ဆွေးနွေးဖြစ်ကြတော့ လိုက်နာရမယ့် " အချက် ၁၃ ချက် "ကို တွေ့လာရပါတယ်။ ဒီအချက် ၁၃ ချက်ဟာ စာရေးချင်သူတွေအတွက် အများဆုံး အထောက်အကူပြုနိုင်မယ်လို့ ယုံကြည်ပါတယ်။

၁ ။ စာရေးဆရာဖြစ်ရမည်ဟု မိမိကိုယ်မိမိ ဆုံးဖြတ်ချက် ချထားပါ
--------------------------

ကျွန်မငယ်ငယ် အသက် ၁၉၊ ၂ဝ လောက်တုန်းက ဝတ္ထုတိုတွေ ရေးပြီး မဂ္ဂဇင်းတိုက်တွေကို ပို့ပါတယ်။ အဲဒီကနေ အယ်ဒီတာ တစ်ယောက်နဲ့ အပြန်အလှန် စာအဆက်အသွယ် ရခဲ့ပါတယ်။ အဲဒီ အယ်ဒီတာက ကျွန်မ ဝတ္ထုတွေကို အကြိမ်ကြိမ် အခါခါပယ်နေတဲ့သူဖြစ်ပေမဲ့ ကျွန်မဆီ စာရေးတဲ့ အခါမှာတော့ အားပေးစကားတွေ အမြဲဆိုပါတယ်။ အဲဒီလိုနဲ့ နှစ်နှစ်လောက်ကြာတဲ့အခါမှာ ကျွန်မ ကိုလံဘီယာတက္ကသိုလ်မှာ စာရေးနည်းသင်တန်းကို လျှောက်ထားခဲ့ပါတယ်။ ကျွန်မကို လက်ခံလိုက်ပြီလို့ ကြားသိရတဲ့အချိန်မှာ အမေရိကန်ပြည်ထောင်စု အနောက်ပိုင်းကနေ အရှေ့ပိုင်းကို ပြောင်းရွှေ့နေထိုင် ရပါတယ်။ အဲဒီမှာ အသိအကျွမ်းဆိုလို့ တစ်ယောက်မှ မရှိပါဘူး။ အကြွေးတွေတင်နေတဲ့ ပညာသင်တစ်ယောက်ပေါ့။ အသက် ၂၄ နှစ်အရွယ်ရောက်တော့ မဂ္ဂဇင်းတစ်စောင်ရဲ့ အယ်ဒီတာထံကို “ကျွန်မမှာ စာရေးဆရာ ဖြစ်လောက်တဲ့ အရည်အချင်း ရှိပါသလား”လို့ စာရေးပြီး မေးခဲ့ပါတယ်။

သူ့အဖြေက ယူသော်ရ၏ဆိုတဲ့ အဖြေမျိုးပါ။ တိကျ ပြတ်သားတဲ့အဖြေ မဟုတ်ဘဲ စာရေးဆရာ ဖြစ်ဖို့ဆိုတာ ကိုယ်တိုင် ဆုံးဖြတ်ရမယ့်အချက်သာ ဖြစ်တယ်လို့ ပြန်ကြားခဲ့ပါတယ်။ သူဟာ စာရေးဖို့ ဝါသနာပါသူများ အပေါ်မှာ ကြင်နာစိတ်ရှိသူ တစ်ဦးပါ။ ဒါပေမဲ့ သူ့အနေနဲ့ ကျွန်မကို စာရေးဆရာ ဖြစ်နိုင်တယ် သို့မဟုတ် မဖြစ်နိုင်ဘူး ဆိုတာကိုတော့ လုံးဝမဖြေခဲ့ပါဘူး။ ဒါကြောင့် စာရေးဆရာ ဖြစ်ဖို့ ဆိုတာဟာ မိမိ ယုံကြည်ချက်နဲ့ လုပ်မှသာ ဖြစ်နိုင်တဲ့ ကိစ္စတစ်ခု ဖြစ်ပါတယ်။ အဲဒီအယ်ဒီတာဆီက စာ ရပြီးတဲ့နောက်မှာ ကျွန်မ စာရေးဆရာ ဖြစ်ရမယ်လို့ ဆုံးဖြတ်ချက်ချခဲ့ပေမဲ့ သူနဲ့တော့ အဆက်အသွယ် မရှိတော့ပါဘူး။ သူ့အနေနဲ့ ခုအချိန်ခါမှာ သူပြောခဲ့တဲ့ ကလေးမ တစ်ယောက်ဟာ စာရေးဆရာ ဖြစ်နေပြီဆိုတာကိုလည်း သိမယ်မထင်ပါဘူး။

စာရေးဆရာ ဖြစ်ရမယ်လို့ ချမှတ်ရတဲ့ ဆုံးဖြတ်ချက်ဟာ တိကျခိုင်မာဖို့ အရေးကြီးပါတယ်။ ဒီဆုံးဖြတ်ချက်အတွက် ကိုယ့်ဘဝမှာ စွန့်လွှတ်ရတာတွေ ရှိကောင်းရှိနိုင်ပါတယ်။ ဥပမာ-အားလပ်ရက်တွေမှာ သူများတကာတွေက အပန်းဖြေနေကြပေမယ့် ကိုယ်က လက်လွတ်ဆုံးရှုံးတာမျိုးပေါ့။ စာရေးမယ်လို့ ဆုံးဖြတ်လိုက်ရင် နေ့စဉ် နေထိုင်လှုပ်ရှားရတဲ့ ကိုယ့်ဘဝကိုလည်း အလိုလို ထိန်းကျောင်း ပဲ့ပြင်ပြီးသား ဖြစ်စေပါတယ်။ စာရေးချင်စိတ် ပြင်းထန်လာလေ ရေးနိုင်ဖို့ အစစအရာရာ ကြိုတင်ပြင်ဆင်မှုတွေကို ဆောင်ရွက်လေ ဖြစ်လာပါတယ်။

ဒါပေမဲ့ တစ်ယောက်နဲ့ တစ်ယောက်တော့ မတူညီပါဘူး။ တချို့ ရဲရင့်တဲ့လူငယ်များက ကောလိပ်ကျောင်းမှာ သူတို့စာသင်စားပွဲတွေပေါ် မတ်တတ်တက်ရပ်ပြီး တစ်နေ့မှာ ကျွန်တော်တို့ဟာ စာရေးဆရာ ဖြစ်ကိုဖြစ်ရမယ်လို့ ကြေညာသူတွေ ရှိသလို တချို့ကတော့လည်း ကိုယ့်ရည်မှန်းချက်ကို ကြိတ်ပြီးထိန်းသိမ်းသူတွေ ရှိပါတယ်။ တစ်ခါတလေမှာ စာရေးချင်စိတ်ကြောင့် အလုပ်ပြုတ်တဲ့သူတွေ၊ ထမင်းငတ်တဲ့ သူတွေ၊ ရည်မှန်းချက် စွန့်လွှတ်ရသူတွေလည်း ရှိတတ်ပါတယ်။ ဘဝမှာ ဘယ်လိုပဲ အခက်အခဲတွေ ရှိပါစေ။ စာရေးဆရာဖြစ်ချင်သူကတော့ သူ့ရည်မှန်းချက်ကို ဘယ်တော့မှ လက်မလျှော့ပါဘူး။မိမိ ယုံကြည်ချက်ကို ခိုင်မာအောင် တတ်စွမ်းသလောက် ကြိုးစားပါ။ ခံစားချက် ပြေပျောက်သွားအောင် စာကလေး တစ်ပုဒ်၊ နှစ်ပုဒ်လောက်ရေး မယ်ဆိုသူတွေ အတွက် မဟုတ်ပါဘူး။ ကိုယ်ကိုယ်တိုင်က ဇာတ်လမ်းတွေ အများကြီး ပြောပြချင်တယ်လို့ ယုံကြည်ထားသူတွေအတွက် ပြောပြချင်ပါတယ်။ အချိန်ယူပြီး စာရေးပါ။ မိတ်ဆွေများနဲ့ ညစာစားချိန် သို့မဟုတ် စကားစမြည် ပြောဖြစ်ချိန်များမှာ ကိုယ့်ဇာတ်လမ်းကို ပြောပြကြည့်ပါ။ စာတစ်ပိုဒ် သို့မဟုတ် ဝတ္ထုတိုတစ်ပုဒ်ဖတ်ပြီးချိန်မှာ ကိုယ်တိုင် ပြန်ဖတ်ကြည့်ပါ။ ဒီစာက ထူးခြားမှုရှိရဲ့လား ဆိုတာ ကိုယ်တိုင် ဆန်းစစ်ကြည့်ပါ။ ကိုယ့်ရင်ထဲမှ“ငါ စာရေးဆရာ ဖြစ်နိုင်တဲ့ အရည်အချင်းရှိရဲ့လား” ဆိုတဲ့ အစွဲကြီး ဘယ်တော့မှမထားပါနဲ့။

စာရေးချင်တဲ့ အခါ အထူးသဖြင့် ဝတ္ထုရေးချင်တဲ့ အခါမှာ အချိန်ကို သူ့အလိုလို ယူတတ်လာပါလိမ့်မယ်။ အချိန်က အများကြီးကို လိုအပ်တာပါ။ ဘာကြောင့်လဲဆိုတော့ ရေးသမျှတွေဟာ မှားကောင်း မှားနိုင်တယ်။ အဲဒါတွေကို ပြင်ဖို့ဆင်ဖို့ အချိန်ယူရဦးမယ်။ တစ်ခါတလေမှာ ဇာတ်လမ်းဇာတ်ကွက်ကလေးတစ်ခုရဖို့ အတွက် ရက်ပေါင်းများစွာ စဉ်းစားရတာ ရှိပါလိမ့်မယ်။ ဒါလည်း အချိန် လိုအပ်တာပါပဲ။ ကိုယ်က ဘာအလုပ်မှ လုပ်စရာမလိုဘဲ သန်းကြွယ်သူဌေးကြီး ဖြစ်ရင်ဖြစ်၊ ဘယ်သူနဲ့မှ ဆက်စပ်စရာ မလိုဘဲ တစ်ကိုယ်တည်းနေရတဲ့ သီလရှင်ဖြစ်ရင်ဖြစ်၊ အဲဒီလိုမှသာ လူ့အသိုက်အဝန်းကနေ ဖယ်ထွက်လို့ရမှာပါ။ ကိုယ်က လူထဲက လူတစ်ယောက်သာ ဖြစ်တယ်ဆိုရင်တော့ လူတွေနဲ့ နေရင်း၊ စားရင်း၊ သွားရင်းကပဲ ကိုယ်ရေးချင်တာကို စဉ်းစားတွေးတောရမှာပါ။ တစ်ယောက်တည်းနေမှ တွေးလို့ရတယ်ဆိုတာ မဟုတ်ပါဘူး။ စာရေးချင်သူ တစ်ယောက်အတွက် ဘယ်နေရာမှာပဲနေနေ စာရေးဖို့ စဉ်းစားနိုင်တဲ့ အရည်အချင်း ရှိလာပါလိမ့်မယ်။

၂။ နောက်တစ်ခုက အချိန်ဇယားချပြီး အလုပ်လုပ်ပါ
----------------------------------------------

ကိုယ့်သတ်မှတ်ချိန်အတွင်းမှာ သတ်မှတ်ထားတာကို လုပ်ပါ။ အဲဒီ အချိန်အတွင်းမှာ ပေါ်ပေါက်လာတဲ့
တခြားကိစ္စတွေကို မစဉ်းစားပါနဲ့။ ဘာကြောင့်လဲ ဆိုတော့ ဒါတွေက အမြဲတမ်းလိုလို ရှိနေမှာမို့ပါပဲ။ သူငယ်ချင်းတစ်ယောက် စိတ်ဓာတ်ကျနေလို့၊ အိမ်မှာ ဧည့်သည် ရောက်နေလို့၊ အိမ်က မွေးထားတဲ့ ခွေးကို ဆေးခန်း ပို့စရာရှိလို့ အဲဒါမျိုးတွေ ထွေလီကာလီ ပေါ်ပေါက် လာခဲ့ရင်ကိုယ့်အချိန် ဇယားကနေ သွေဖည်သွားပါလိမ့်မယ်။ မိမိကိုယ်မိမိ ခွဲစိတ်ဆရာဝန်ကြီး တစ်ယောက်လို၊ လွှတ်တော်အမတ်ကြီး တစ်ယောက်လို လုပ်စရာ ရှိတာကို မူလ သတ်မှတ်ထားတဲ့အတိုင်း လုပ်နိုင်အောင် တိကျပြတ်သား ရပါမယ်။ ပထမပိုင်းမှာတော့ လူတိုင်းဟာ ကိုယ့်အချိန်ဇယားကို ကိုယ်မထိန်းနိုင်ကြဘဲ ဖောက်ဖျက် တတ်ကြပါတယ်။ ဒါပေမဲ့ ကြာလာတော့ အချိန်ဇယားနဲ့ အသားကျသွားပါလိမ့်မယ်။

စာရေး စားပွဲမှာ သတ်မှတ်ထားတဲ့ အချိန်ရောက်ရင် ထိုင်ကိုထိုင်ပါ။ စိတ်ညစ်တာပဲ ဖြစ်ဖြစ်၊ ပျင်းနေတာပဲ ဖြစ်ဖြစ် ဖြစ်ချင်တာဖြစ်ပါစေ၊ စာရေးစားပွဲကိုရောက် ကိုယ်ရေးရမယ့် ဇာတ်လမ်း၊ ဇာတ်ကွက်တွေဟာ ပေါ်လာပါလိမ့်မယ်။ တစ်ခါတလေမှာ စားပွဲမှာ မထိုင်ခင် ရေးစရာတွေကို သတိရလာတတ်တာလည်း ရှိပါတယ်။

၃။ ကိုယ့်အလုပ်မှာ ရင်းနှီးမြှုပ်နှံပါ
------------------------------------

စာရေးဖို့အတွက် လိုအပ်လာပြီ ဆိုရင် အချိန်နဲ့သော်လည်းကောင်း၊ ငွေနဲ့သော်လည်းကောင်း ရင်းနှီးမြှုပ်နှံဖို့ လိုအပ်ပါတယ်။ ဆိုကြပါစို့၊ နေရာဒေသ တစ်ခုအကြောင်း နောက်ခံထားပြီးရေး မယ်လို့ စဉ်းစားထားတယ် ဆိုပါတော့။အဲဒီအခါမျိုးမှာ ကိုယ်က ဒီနေရာ၊ဒီဒေသကို မရောက်ဖူးဘဲနဲ့ ဘယ်လိုရေးနိုင်ပါ့မလဲ။ ဒါကြောင့် အဲဒီနေရာကိုရောက်အောင် ငွေကုန်ခံပြီး သွားသင့်ရင် သွားရပါမယ်။ အချိန်ကုန်ခံသင့်ရင် ခံရပါမယ်။ ကိုယ်က အိမ်အတွက် ပစ္စည်းတစ်ခုခုဝယ်မယ့်အစား စာရေးဖို့ ရင်းနှီးမြှုပ်နှံလိုက်ခြင်းလို့ ခံယူပါ။ ရဲရင့်ပါစေ။ အချိန်မတန်သေးခင် အောင်မြင်မှုကို မတမ်းတပါနဲ့။ ပင်ကို သဘာဝအားဖြင့် စိတ်ပူတတ်သူဖြစ်ရင် ဒီတစ်နှစ်အတွင်း စာရေးဆရာဖြစ်လာမယ်လို့ ကြိုတင်ဆုံးဖြတ်ချက်ချပြီး ဖြစ်အောင်ကြိုးစားပါ။ ဖြစ်ရမယ်လို့လည်း ကိုယ့်ကိုယ်ကိုယ် သတိပေးပါ။ တစ်နှစ် ကုန်ဆုံးသွားတဲ့အခါမှာ ကိုယ့်လုပ်ရပ်တွေကို ပြန်လည်သုံးသပ်ပါ။ တစ်နှစ်ဆိုတဲ့ အချိန်ကာလဟာ သိပ်များတဲ့အချိန် မဟုတ်ပါဘူး။ အဲဒီကာလအတွင်းမှာ ကိုယ် ဖြစ်မယ်လို့ ယုံကြည်ထားတာကို ဖြစ်အောင်လုပ်ပါ။

၎။ အားလပ်ချိန်များကို မေ့ထားလိုက်ပါ
------------------------------------------

စာရေးဆရာ ဖြစ်ချင်သူများ အတွက် အားလပ်ချိန် ဆိုတာ မလိုအပ်ပါဘူး။ အချိန်ပြည့်အလုပ်လုပ်ဖို့ လိုပါတယ်။ ကိုယ်ရေးနေတဲ့ဝတ္ထုဇာတ်လမ်း တစ်နေ့ထက် တစ်နေ့ အရှိန်တက်လာဖို့ပဲ သတိပြုရပါမယ်။ မိတ်ဆွေအပေါင်းအသင်းများနဲ့ အပျော်ခရီးတစ်နေရာကို ထွက်ဖို့ရှိတယ်ဆိုရင်လည်း ငြင်းလိုက်ပါ။ သူတို့က မင်းစာအုပ်တွေ ယူခဲ့ပါကွာ၊ ငါတို့မှာလည်း အလုပ်ရှိတာပါပဲလို့ ဆိုကြပါလိမ့်မယ်။ ဒါပေမဲ့ သူတို့စကားကိုယုံစားပြီး လိုက်သွားမယ်ဆိုရင် သူတို့နဲ့အတူ ရောပြီး စီးမျောနေမိမှာ အမှန်ပါပဲ။ ဆိုကြပါစို့။ သူတို့က တပျော်တပါးနဲ့ မြက်ရိတ်နေကြချိန်မှာ ကိုယ်က အခန့်သားထိုင်ပြီး စာအုပ်တစ်အုပ် ဖတ်နေလို့ ဖြစ်ပါ့မလား။ ဒါကြောင့် အစကတည်းက ရှောင်လိုက်ခြင်းက အကောင်းဆုံးပါ။

၅။ တာဝန်သည် အနုပညာ၏ ရန်သူဖြစ်သည်
-----------------------------------------------

အချိန်ဇယား ကန့်သတ်ပြီး နေ့စဉ် ကိုယ့်စည်းကမ်းနဲ့ကိုယ် နေထိုင်တတ်လာသူ တစ်ယောက်ဟာ အလုပ်ထဲမှာ ကိုယ့်ဘာသာ ကိုယ်လွတ်လပ်ပြီး ပျော်ရွှင်လာပါလိမ့်မယ်။တချို့စာရေးဆရာများကတော့ တစ်နေ့ကို စာမျက်နှာဘယ်လောက်ပြီးရမယ် ဆိုတဲ့ သတ်မှတ်ချက်ထားပြီး စာရေးတတ်ကြပါတယ်။ကျွန်မကတော့ အဲဒီလောက်ကြီး တိကျတဲ့ဇယား ကန့်သတ်ထားဖို့ မလိုဘူးထင်ပါတယ်။ ကိုယ်ရေးနေတဲ့ ဝတ္ထုမှာ ဝင်စားနေဖို့သာ လိုအပ်ပြီး တစ်ရက်ထက်တစ်ရက် ဇာတ်ရှိန်တက်လာဖို့သာ လိုအပ်ပါတယ်။

၆။ သင့်တယ်ဆိုခြင်းက ကောင်းတယ်ဆိုခြင်း၏ ရန်သူဖြစ်သည်
-------------------------------------

ကျွန်မ သူငယ်ချင်း Allan Gurganus က သူပို့ချတဲ့ စာရေးနည်းသင်တန်းများမှာ ဒီစကားလုံးကို အမြဲ သုံးပါတယ်။ သူပြောပြတာက တစ်ခါ တုန်းက Joseph Cladwell က ပြောဖူးတယ်တဲ့။ စာရေးဆရာများ အနေနဲ့ လွယ်လွယ်ရေးပြီးနိုင်စေဖို့ လုပ်တဲ့ နည်းတစ်နည်း ရှိပါတယ်။ အဲဒါကတော့ ကိုယ့်အဆင့်ကို နှိမ့်ပြီးရေးခြင်း ဖြစ်ပါသတဲ့။ တကယ်တော့ ဒီနည်းဟာ လက်တွေ့ကျတဲ့ နည်းတစ်နည်း မဟုတ်ပါဘူး။ ကျွန်မတို့အနေနဲ့ စာရေးဆရာ တစ်ယောက်ရဲ့ ပထမဆုံး မူကြမ်းဟာ ဘယ်နည်းနဲ့မှ သူ့အတွက် ဂန္ထဝင်စာတစ်ပုဒ် ဖြစ်မလာနိုင်ပါဘူး။ စာရေး ဆရာတိုင်းဟာ စာမူတိုင်းကို အထပ်ထပ် အခါခါဖတ်၊ အထပ်ထပ် အခါခါ ပြင်ရပါတယ်။ တချို့ဝတ္ထုရေး ဆရာများကတော့ ပထမဦးစွာ ဇာတ်လမ်းအကျဉ်းကို ရေးလိုက်ကြပါတယ်။ ပြီးတော့မှ လိုတဲ့နေရာမှာ လိုသလိုဖြည့်စွက် ချဲ့ထွင်ခြင်း၊ အရောင် ဖြည့်ခြင်း စတာတွေကို လုပ်ကြပါတယ်။တချို့ကတော့ ဇာတ်ကောင်များရဲ့ စရိုက်ကို ဦးစွာ စဉ်းစားကြပါသတဲ့။ တချို့စာရေးဆရာများက သူတို့ ချမှတ်ထားတဲ့ အချိန်ဇယားအတွင်း ဘောင်ဝင်အောင် ဖြည်းဖြည်းချင်းပဲ ရေးကြပါသတဲ့။ ဒီလူများက နောက်တစ်ကြိမ် အချောပြန် ရေးလေ့မရှိကြတော့ပါဘူး။

၇။ ဝတ္ထုတစ်ပုဒ်ရေးနည်း တိတိကျကျကို မည်သူမျှ သင်ကြားမပေးနိုင်ပါ
--------------------------------

ဝတ္ထုတစ်ပုဒ်ကို ဘယ်လိုရေးရမယ်ဆိုတာ ဘယ်သူမှ တိတိကျကျ သင်ပေးလို့မရပါဘူး။ ဘာနဲ့တူသလဲဆိုတော့ ကျွန်မတို့ တစ်ယောက်ကိုတစ်ယောက် ချစ်ကြတယ်ဆိုတဲ့ နေရာမှာ ဘယ်လိုချစ်တာလဲဆိုတာ မပြောနိုင်သလို တစ်ယောက်နဲ့ တစ်ယောက်လည်း မတူပါဘူး အဲဒီလိုပါပဲ။ စာရေးတဲ့နေရာမှာ ဝတ္ထုဆိုတာ ဘယ်လို ရေးရမယ်လို့ တိတိကျကျ သင်ပေးလို့ မဖြစ်နိုင်ပါဘူး။

စာရေးချင်စိတ် ရှိသူက သူ့အလုပ်ကိုသူလုပ်ရင်း သူ့နည်းကိုသူ တွေ့သွားပါလိမ့်မယ်။ မှားရင်း၊ ပြင်ရင်းကနေ နည်းလမ်းအမှန်တွေကို ရသွားမှာပါ။ များများရေးလေ နည်းလမ်းကောင်း တွေ့လေ ဖြစ်ပါလိမ့်မယ်။ ဒုတိယအကြိမ် ရေးရာမှာ ပထမ အကြိမ်လောက် စိတ်ဖိစီးမှု မရှိနိုင်တော့သလို နောက်ထပ်ရေးလေ လွယ်ကူလျင်မြန်သွားလေ ပါပဲ။

၈။ များများရေးခြင်းအားဖြင့် ဘယ်ပုံစံဟာ မိမိနှင့် သင့်တော်မည်ကို တွေ့ရှိလာမည်
------------------------------------

တချို့ စာရေးဆရာများက ဝတ္ထုတိုရော ဝတ္ထုရှည်ပါ ကျွမ်းကျွမ်းကျင်ကျင် ရေးနိုင်ကြပေမဲ့ တချို့ဆရာများကတော့ တစ်မျိုးကိုသာ ကျွမ်းကျင်ကြပါတယ်။ဝတ္ထုတိုရေးသူများက ရုတ်တရက် ချက်ချင်းဖြစ်ပေါ်လာတဲ့ အဖြစ်အပျက်များကို စိတ်အားထက်သန်ပြီး ဝတ္ထုရှည် သမားများကတော့ အချိန်ကာလ ရှည်ကြာစွာ ဖြစ်ပေါ်လာတဲ့ဖြစ်ရပ်များ အပေါ်မှာသာ စိတ်ဝင်စားကြပါတယ်။ သူတို့က ရှေ့တစ်လှမ်းတိုးနောက်နှစ်လှမ်းဆုတ် ဆိုတဲ့နည်းကို စိတ်အားထက်သန်ကြသူတွေ ဖြစ်ပါတယ်။

၉။ အောင်မြင်ကျော်ကြားသည့် အနုပညာရှင်ဖြစ်၊မဖြစ် ပြောရန်ခက်သည်
--------------------------

စာရေးနည်း သင်ကြား ပို့ချတဲ့ သင်တန်းများမှာလည်း စာကို ဘယ်လိုရေးမယ်ဆိုတာသာ သင်ကြား ပို့ချတာပါ။ ဝတ္ထုကောင်းတစ်ပုဒ် ဖြစ်လာဖို့ ဘယ်လို ဆင့်ပွားတွေးယူမယ် ဆိုတာလောက်အထိ သင်ပေးလို့ မရနိုင်ပါဘူး။ အတွေးဥာဏ်ကွန့်မြူးနိုင်ဖို့က မိမိ အားထုတ်မှုသာ ဖြစ်ပါတယ်။

၁ဝ။ အတွေ့အကြုံများကို ဝတ္ထုဇာတ်ကြောင်းအဖြစ် ပြန်လည်အသုံးချခြင်း
-------------------------------

ဆရာမတစ်ယောက် အနေနဲ့ အရက်သောက်ခြင်း၊ မူးယစ်ဆေးဝါးသုံးစွဲခြင်းကို ထောက်ခံတယ်လို့ ပြောလို့မရပါဘူး။ ဒါပေမဲ့ တစ်ခါတလေမှာတော့ စိတ်လွတ်ကိုယ်လွတ် နေတတ်တဲ့သူများ ဖန်တီးတဲ့ ဝတ္ထုများဟာ ပိုပြီးကောင်းနေတာကို တွေ့ရပါတယ်။ ဒါဟာ မူးယစ်သောက်စားခြင်းကြောင့်လို့ ကျွန်မ တစ်ထစ်ချ မဆိုလိုပေမဲ့ ပေါ့ပေါ့ပါးပါး နေထိုင်သူများထံမှ ထွက်လာတဲ့ ဝတ္ထုများဟာ ပိုကောင်းတယ်ဆိုတာကိုတော့ ကျွန်မ ဝန်ခံရပါလိမ့်မယ်။

၁၁။ အသံထုတ်ပြီး စာဖတ်သည့် အကျင့်
-------------------------------------------

ကိုယ်ရေးထားတဲ့ စာကို ကိုယ့်ဘာသာကိုယ် စိတ်ထဲက ဖတ်ကြည့်နေရင် ချောနေပေမယ့် အသံထုတ်ပြီး ဖတ်ကြည့်လိုက်တဲ့အခါမှာ မလိုအပ်ဘဲ ပွယောင်းနေတဲ့ စကားလုံးတွေကို တွေ့လာနိုင်ပါတယ်။ ဒါကြောင့် စာပိုဒ်တစ်ပိုဒ် ရေးပြီးတဲ့ အခါတိုင်း အသံထုတ်ပြီး ဖတ်ကြည့်ပါလို့ ကျွန်မ အကြံပြုချင်ပါတယ်။

၁၂။ စာအုပ်ကောင်းများကို ဖတ်ပါ
------------------------------------

ဂန္ထဝင် စာအုပ်ကြီးများကို ဖတ်ပါ။ ဖတ်ပြီးရင်လည်း ပြန်ဖတ်ပါ။ ဒီဝတ္ထုကြီးများထဲက ဇာတ်ကောင်များကို အထူးဂရုပြုပါ။ ဒါပေမဲ့ ဒီစာရေး ဆရာကြီးများကို မနာလိုစရာမဟုတ်ဘဲ အားကျဖို့သာ ဖြစ်ပါတယ်။ သူတို့လို ကိုယ်ရေးတတ်ဖို့ အားကျစေချင်တာပါ။ ဒါပေမယ့် တစ်ခါတလေမှာ အရောင်းရ အတွင်ကျယ်ဆုံး စာရေးဆရာ၊ဆရာမတစ်ယောက်ရဲ့ဝတ္ထုကို ဖတ်ပြီး သိမ်ငယ်စိတ်ဝင်တတ်တဲ့ သူတွေလည်း ရှိပါတယ်။ အဲဒီလို မဖြစ်ရပါဘူး။ ချက်ကော့ဖ်တို့၊ တော်လ်စတွိုင်းတို့ ဝတ္ထုကြီးတွေကို ဖတ်ပြီး စိတ်ဓာတ်ကျလို့ ဘယ်ဖြစ်ပါ့မလဲ။ ကျွန်မ တပည့်တချို့ကတော့ သူတို့ စိတ်ဓာတ်ကျတဲ့ အခါမျိုးမှာ အဲဒီလို ဝတ္ထုကြီးတွေကို ဖတ်ပြီး ငါတို့လည်း ဒီလောက်တော့ ရေးတတ်ပါတယ် ဆိုတဲ့အတွေး ဝင်လာကာ စာပြန်ရေးကြတယ်လို့ ကျွန်မကို ပြောပြဖူးပါတယ်။

၁၃။ မိတ်ဆွေများထဲမှာ ကိုယ့်ပရိသတ်ကို ရှာပါ
------------------------------------------

ကိုယ်ယုံကြည် စိတ်ချရတဲ့ မိတ်ဆွေ တစ်ယောက်က ကိုယ့်စာတွေကို ဝေဖန် အကြံဥာဏ် ပေးဖို့လိုအပ်ပါတယ်။ တချို့ စာရေးသူများက ကိုယ့်အချင်းချင်း ဝိုင်းဖွဲ့ပြီး တစ်ယောက်နဲ့ တစ်ယောက် ဖလှယ်ကာ ကိုယ့်စာသူဖတ်၊ သူ့စာကိုယ်ဖတ် ဆွေးနွေးကြပါတယ်။ ပြီးတော့ ကိုယ့်စာကို ဘယ်သူက ဘယ်လိုဆွေးနွေးတယ်၊ ဘယ်လိုဝေဖန်တယ် ဆိုတာကိုလည်း မှတ်စု စာအုပ်မှာ ချရေးထားတတ်ကြပါတယ်။ ဒီမှတ်ချက်တွေကို နောင်မှာ ပြန်ဖတ်ရင်း အကြံကောင်း ဥာဏ်ကောင်းတွေကို ရယူ ပြင်ဆင်ကြပါတယ်။ တချို့ ဝေဖန်ချက်တွေက
ပျစ်ပျစ်နှစ်နှစ်ရှိတဲ့အတွက် ကိုယ့်ကို အရှိုက်ထိုးသလို ဖြစ်တတ်တဲ့အခါတွေလည်း ရှိပါတယ်။ ဒီအခါမျိုးမှာ သူက ကိုယ့်ကို မလိုလို့ တမင်တကာရေးသလား သုံးသပ်ကြည့်ပါ။ သက်သက်မဲ့ ရေးတာ ဆိုရင်တော့ သူ့မှတ်ချက်ကို လျစ်လျူရှုထားလို့ ရပါတယ်။ အများအားဖြင့်ကတော့ ဒီလို စုပေါင်းဆွေးနွေးခြင်းဟာ စာကောင်းပေကောင်းများကို ထွက်ပေါ်လာစေတတ်ပါတယ်။

----------------------

ဒါက ဆရာမ Mona Simpson ရေးသားဖော်ပြထားတဲ့ ဆောင်းပါးဖြစ်ပါတယ်။ စာရေးချင်စိတ်ရှိသူများအတွက် လိုက်နာသင့်တာတွေ အများကြီးပါတာ တွေ့ရပါလိမ့်မယ်။ ဒီနည်းနဲ့ ကိုယ့်ခံစားချက်တွေကို စာမျက်နှာများထက်ပေါ်မှာ ချရေးနိုင်ကြလိမ့်မယ်လို့လည်း မျှော်လင့်ပါတယ်။

--------------------

#ဝင်းငြိမ်း