မြန်​မာပြည်​က Rock သူပုန်​များ (၄)

 

ဂီတအကြောင်း သောင်းပြောင်းထွေလာ

 

မြန်​မာပြည်​က Rock သူပုန်​များ (၄)

ကိုင်​ဇာသီချင်း​တွေ ​ရေး​နေတဲ့ကာလ ၁၉၈၃ ဝန်းကျင်​မှာ Rock သူပုန်​တစ်​​ယောက်​နဲ့ စသိခဲ့ရတယ်​။ ဆံပင်​ကရှည်​ရှည်​ လူက ဝဝ၊ အစားအ​သောက်​ကလည်း ကြမ်းကြမ်း၊ စိတ်​သ​ဘောထား နူးညံ့၊ ဖြစ်​သလို ဝတ်​စားတတ်​တဲ့သူ၊ အဲဒီလူက​တော့ I.C အဖွဲ့ရဲ့ ​ခေါင်းကိုင်​ကြီး ဖြစ်​လာမယ့်​ ​စောဘွဲ့မှူးပါပဲ။

သူ့နာမည်​ကို ကြားဖူး​နေတာ ကြာပါပြီ။ လူချင်းက​တော့ မဆုံဖူးဘူး။ အလုံဘက်​က ဂစ်​တာတီးကြတဲ့ ကို​ဇော်​ဝင်း (G.T.I) နဲ့ ကိုဘဝင်းတို့ ​ပြော​ပြော​နေတာနဲ့ နာမည်​ကို ရင်းနှီး​နေတာ ဂစ်​တာတီး​ကောင်းတဲ့ ​ဇော်​ဝင်းဆိုတဲ့လူ​ပေါ့။

သူနဲ့ကျွန်​​တော်​ ကိုင်​ဇာစီးရီး သွင်းတဲ့​နေ့ ​ရွှေ​တောင်​ကြားထဲက ရဲ​ခေါင်​ (​မေ) စတူဒီယိုမှာ စဆုံကြတာ​ပေါ့။ အဲဒီအချိန်​က ​စောဘွဲ့မှူးဟာ ဂစ်​တာကို (speed) အမြန်​ တီးတာကို သိပ်​လုပ်​ချင်​​နေတဲ့ အချိန်​​ပေါ့။ အဲဒီစီးရီးထဲမှာ Hard Rock နဲ့ တီးတဲ့ ကျွန်​​တော့်​သီချင်းကို Success တီးဝိုင်းက ဗထူးချစ်​က lead တီးမယ်​ စီစဉ်​​နေတုန်း ​စောဘွဲ့မှူးက Solo သူ တီးမယ်​ဆိုပြီး ဝင်​တီးတယ်​။ ဘွဲ့ကြီးဟာ သူဖီလင်​လာရင်​ လာသလို လုပ်​တတ်​တယ်​။ အဲဒီသီချင်းဟာ သူ့လက်​သံနဲ့ ထွက်​လာတယ်​။ ​တော်​​တော်​ ​သေ​​သေသပ်​သပ်​ တီး​ပေးသွားတယ်​။ သူဟာ ​တေး​ရေးဆရာ တစ်​​ယောက်​အ​နေနဲ့ လာတာပါ။ ဒါ​ပေမဲ့ သူတီးချင်​စိတ်​​ပေါက်​လာရင်​ Guitar ကိုပါ ဝင်​တီး​ပေးတတ်​တဲ့ သူပါ။

အဲဒီ​နောက်​ပိုင်း သူနဲ့ သိပ်​မဆုံဖြစ်​​တော့ဘူး။ Show ပွဲ​တွေမှာ​တော့ သူတီးတာ မကြာခဏ ​​​တွေ့​နေရတယ်​။ ပင်​တိုင်​ Band ​တော့ မရှိဘူး။ လွှမ်းမိုးတို့ ဝိုင်းမှာလည်း ဝင်​တီး​နေတာ ​တွေ့ရတယ်​။ သူနဲ့ဂစ်​တာဟာ တစ်​သားတည်းဖြစ်​​နေတာပါပဲ။ ဘယ်​ဝိုင်းမှာမဆို သူဝင်​တီးတာပါပဲ။ သူ့ကိုလည်း တီးဝိုင်း​တွေက လိုလိုလားလား ​နေရာ​ပေးကြတယ်​။

သူနဲ့ကျွန်​​တော်​ ​နောက်​ပိုင်းမှာ ​တွေ့ရတာ ​တော်​​တော်​စိပ်​လာတယ်​။ ​မေခလာ စီးရီးသွင်း​တော့လည်း သူ​ ရောက်​လာတတ်​တယ်​။ ဝင်​ဒါမီယာထဲက တိုနီရဲ့ (လင်း) စတူဒီယိုမှာ​ပေါ့။ ကျွန်​​တော်​တို့ ​တေး​ရေး​တွေဟာ ဝင်​​ငွေက မမှန်​ဘူး။ ရတဲ့အခါကျ​တော့လည်း ရ၊ မရတဲ့အခါကျ​တော့ တစ်​​ယောက်​နဲ့တစ်​​ယောက်​ ကျားကန်​​ပေးကြရတယ်​။ အဲဒီ​ခေတ်​က ပရိုဂျူဆာ​တွေက အနုပညာသမား​တွေ အ​ပေါ်မှာ ​တော်​​တော်​နှိမ်​ထားကြတယ်​။ Right (မူပိုင်​ခွင့်​) ကို သိသိကြီးနဲ့ မသိချင်​​ယောင်​​ဆောင်​​နေကြတယ်​။

ကျွန်​​တော်​ဟာ စာ​ပေအသိုင်းအဝိုင်းမှာလည်း သူငယ်​ချင်း​တွေရှိ​တော့ Right ကိုသိတယ်​။ ကိုစိန်​ဝင်း (ပုတီးကုန်း) တို့ဆို ဒုတိယအကြိမ်​ထုတ်​ရင်​ ဒုတိယအကြိမ်​ စာမူခရတယ်​။ တစ်​​နေ့​တော့ ​ရွှေဂုံတိုင်​မှာရှိတဲ့ ဥသြ​တေးသံသွင်းက ​မောင်​​မောင်​က ကိုင်​ဇာလက်​​ရွေးစင်​ ​တေးစီးရီးထွက်​​တော့ ကျွန်​​တော့်​သီချင်း `အိပ်​မက်​​လှေ' ပါလာတယ်​။ ကျွန်​​တော်​သွားပြီး သီချင်းဖိုး​တောင်းတယ်​။ သူက ကျွန်​​တော်​မူပိုင်​ ဝယ်​ထားတာပဲ။ ဘာလုပ်​လုပ်​ရတယ်​ ​ပြောတယ်​၊ ကျွန်​​တော်​က Right ကို ရှင်းပြတယ်​။ သူက လက်​မခံဘူး။ မ​ပေးဘူး ​ပြောတယ်​၊ ကျွန်​​တော်​တို့ကလည်း ဘဝတစ်​ခုလုံးနဲ့ ရင်းလာရတာ ပိုက်​ဆံမ​ပေးရင်​ လူကိုလုပ်​မယ်​ဆိုပြီး ဆိုင်​ထဲဝင်​​တော့ ကိုကြည်​သိန်း (ဆရာစိန်​​မောင်​မြင့်​ရဲ့သား) က ​ရှေ့က​နေပြီး ကို​ဇော်​တင်​ လွန်​မယ်​​နော်​။ ​ဟေ့ ကို​မောင်​​မောင်​ ​ပေးလိုက်​။ ခင်​ဗျားမ​ပေးရင်​ ကျွန်​​တော်​ စိုက်​​ပေးမယ်​ဆိုမှ ​မောင်​​မောင်​က ​ငွေ ၆၀၀ိ ထုတ်​​ပေးတယ်​။

ကျွန်​​တော်​လည်း လင်းစတူဒီယိုကို ပြန်​လာပြီး အလုပ်​ ဆက်​လုပ်​ဖြစ်​တယ်​။ အဲဒီမှာ စိတ်​မညစ်​တတ်​တဲ့ ဘွဲ့ကြီးက စိတ်​ညစ်​​နေတယ်​။ ဘာဖြစ်​တာလဲဆို​တော့ အိမ်​မှာ ရိက္ခာ ဝယ်​မ​ပေးနိုင်​ခဲ့လို့တဲ့။ ဒီမှာဘွဲ့ကြီး ကိုယ်​​တော့ ဥသြက ​ငွေ ၆၀၀ိ ထုတ်​လာတယ်​။ ခင်​ဗျားသီချင်း​တွေပါတယ်​။ သွားထုတ်​လို့​ပြော​တော့ သူမယုံဘူး။ ဟုတ်​ရဲ့လား။ ကျွန်​​တော့်​ကို မ​နောက်​နဲ့​နော်​လို့ ​ပြောတယ်​။ ဟုတ်​တယ်​ ဘွဲ့ကြီးရဲ့။ Right အရ မူပိုင်​တာက ကိုယ်​တို့ ​တေး​ရေးဆရာ​တွေက ပရိုဂျူဆာ​တွေကို အငှါးချထားတာ တစ်​ကြိမ်​ထုတ်​တိုင်း ကိုယ်​တို့ကို ပိုက်​ဆံ​ပေးရမယ်​ဆိုပြီး ရှင်းပြရတယ်​။

သူသွားတယ်​။ ပြီး​တော့ ပြန်​လာတယ်​။ မျက်​နှာကြီးက ဖိုးလမင်းကြီးလို၊ ကို​ဇော်​တင်​ ခင်​ဗျား ဘာစားမလဲ၊ ဘာ​သောက်​မလဲ​ပေါ့။ မစားပါဘူး ဘွဲ့ကြီးရာ၊ ကိုယ်​တို့က ဘဝတူ​တွေပဲ၊ တစ်​​ယောက်​ကိုတစ်​​ယောက်​ နှုတ်​၏​စောင်​မခြင်းနဲ့ ကူညီရတာပါ၊ ဝမ်း​တောင်​သာမိ​သေး။

ကျွန်​​တော်​တို့ သီချင်းသွင်းတဲ့ ရက်​​တွေမှာ စတူဒီယိုမှာ သွားသွား ထမင်းစားကြတယ်​။ မနက်​ ၁၁း၀၀ ​နာရီ​လောက်​ဆို ထုတ်​လုပ်​သူ​တွေက ဘယ်​သူ ဘာနဲ့စားမလဲ၊ ဘယ်​ဆိုင်​ကလဲ၊ အဲဒီတုန်းက M.3 sea food နားမှာ ​ရွှေဘထမင်းဆိုင်​က နာမည်​ကြီးပဲ။ ဘွဲ့ကြီးကျ​တော့ စားလိုက်​ရင်​ ဝက်​သား၊ ဘဲသား၊ သူ့ခန္တာကိုယ်က ဝဝကြီး။ အဆီ​တွေတက်​​နေတဲ့ ပါးစုံကြီး​တွေ ​မေး​စေ့ကြီး​တွေနဲ့၊ မတည့်​တာ​တွေ သိပ်​စားတယ်​။ စားပြီးလည်း တ​ရေးတ​မော အိပ်​တယ်​။ သူ ဂစ်​တာတီးရင်​ Multi ခဏခဏ လုပ်​​ပေးရတယ်​။ စိတ်​တိုင်းမကျမချင်း ပြန်​တီး​လေ့ရှိတယ်​။ အိပ်​တာက​တော့ သူ့ရဲ့ခန္တာကိုယ်က ​တောင်းဆိုရင်​​တော့ ဝီရိယ အား​ကောင်းတယ်​။ သူ့သီချင်း​လေး​တွေဆိုရင်​ ချစ်​စရာ​ကောင်း​အောင်​ ​ရေးစပ်​တီးခတ်​တတ်​တယ်​။ သီချင်း​ရေးဆရာထဲမှာ ဂီတပါကျွမ်းကျင်​​တော့ Music နဲ့ Words နဲ့က တစ်​ထပ်​တည်းကျတယ်​။ ပြီး​တော့ လူတန်းစားပြသနာမှာ အ​ခြေခံ လူတန်းစား​တွေဘက်​က ရပ်​တည်​ပြီး ​ရေး​လေ့ရှိတယ်​။

လွှမ်းမိုးဆိုခဲ့တဲ့ ကို​ပေါဆိုတဲ့ သီချင်း​လေးဆိုရင်​ သိပ်​နုံချာတဲ့ လူတစ်​​ယောက်​ရဲ့ ​မျှော်​လင့်​ခြင်းကို ဖွဲ့သီခဲ့တာပါ။ စိတ္တဇဆန်တဲ့ သီချင်းဆိုရင်​လည်း ကိုစိုးပိုင်​ရဲ့ `သီတာ' သီချင်းမှာ ပီပီပြင်​ပြင်​ ​ရေးဖွဲ့နိုင်​တယ်​။ ကိုင်​ဇာဆိုခဲ့တဲ့ `ရုံး​တော်​' သီချင်းဆိုရင်​လည်း မခိုင်​မာတဲ့ သံ​ယောဇဉ်​​တွေနဲ့ အိမ်​​ထောင်​ကျခဲ့တဲ့ အိမ်​​ထောင်​သည်​ တစ်​​ယောက်​အ​ကြောင်း ဖွဲ့သီတတ်​တယ်​။ သူဟာ အ​ကြောင်းအရာ​ပေါင်းစုံကို ​ရေးဖွဲ့နိုင်​သူ တစ်​​ယောက်​ပါပဲ။

နောက်​ သူနဲ့ မဆုံဖြစ်​ပြန်​ဘူး။ ပြည်​ရတနာ ​တေးသံသွင်းက အက်​စ်​ကဲနက်​ရဲ့ `ရင်​ကိုတိုး​ဝှေ့ဆဲပါခိုင်​' ​အောင်​မြင်​ပြီး​နောက်​ တစ်​​ခွေသွင်း​တော့ ကိုကို​အောင်​ (သ​ပြေ) က ချိန်းလို့ ဆူး​လေဘုရားလမ်းက မီးသတ်​ကြီး​ဘေး သ​ပြေ​တေးမဂ္ဂဇင်းအောက်က ပြည်​ရတနာ ​တေးသံသွင်းမှာ ပြန်​ဆုံကြ​တော့ သူက ​တော်​​တော်​ ဝမ်းသာအားရနဲ့ နှုတ်​ဆက်​တယ်​။ ​ဟေ့ ကို​ဇော်​တင်​ ပြန်​ဆုံကြပြန်​ပြီ​ပေါ့။ သူ့​ဘေးမှာ ငါးတန်း​ခြောက်​တန်း​လောက်​ရှိတဲ့ လူငယ်​​လေးတစ်​​ယောက်​ ပါလာတယ်​။ ဘွဲ့ကြီးက ဒီမှာ​လေ ကျွန်​​တော့်​သားတဲ့။ လူငယ်​​လေးက ရည်​ရည်​မွန်​မွန်​နဲ့ သူ့လိုပဲ ကရင်​​လေးဆို​တော့ အင်း​လေ သူ့မိသားစု​တွေနဲ့က မဆုံဖူး​တော့ ဟုတ်​တယ်​ပဲ ထင်​တာ​ပေါ့။ က​လေးကို ဂစ်​တာ သင်​​ပေး​နေတယ်​တဲ့။ အဲဒီအချိန်​က ကျွန်​​တော့်​မှာ အိမ်​​ထောင်​မကျ​သေး​တော့ ဂီတအ​မွေ​ပေးဖို့ မရှိတာကို စိတ်​မ​ကောင်းဖြစ်​မိတယ်​။ အက်​စ်​ကဲနက်​အတွက်​ သီချင်း​ပေးပြီး ပြန်​အထွက်​မှာ ဘွဲ့ကြီးက ကို​ဇော်​တင်​​ရေ တပည့်​​မွေးဗျ။ ကိုယ်​​တွေက ကြာကြာသွားနိုင်​မှာ မဟုတ်​ဘူး။ တပည့်​​တွေက လက်​ဆင့်​ကမ်းသွားမှာ။ ကိုယ်​က တစ်​မတ်​ဖိုး​လောက်​ တတ်​​ပေမယ့်​ တပည့်​က တစ်​ကျပ်​ဖိုး​လောက်​​တော်​ရင်​ ကိုယ်​​တွေ အ​ခြေအ​နေက ငါးမတ်​​လောက်​ တန်​သွားတာဗျတဲ့။

နောက်​တစ်​ခါကျ​တော့ ပိုပို (စိုးလွင်​လွင်​) တို့ ရန်​ကင်း ဆယ့်​နှစ်​လုံးတန်းက တိုက်​ခန်းမှာ ပိုပိုဆီသွားရင်း ဆုံပြန်​တယ်​။ ပိုပိုက စပယ်​ဦး ကိုသန်းလွင်​ ပြင်​​ပေးထားတဲ့ တိုက်​ခန်း​လေးမှာ သူ့အတွက်​ သီးသန့်​ခန်း​လေး လုပ်​ထားတယ်​။ သူငယ်​ချင်း​တွေနဲ့ သီချင်းလုပ်​ဖို့ အခန်း​လေး​ပေါ့။ မူးယစ်​ ​သောက်​စားဖို့လည်း သီးသန့်​​ပေါ့။ သူ့အမျိုးသမီး မဖြူတို့က တစ်​ဖက်​ခန်းမှာ ​နေကြတယ်​။ ကျွန်​​တော်​က ပိုပိုဆီမှာ သီချင်းသွားလုပ်​ရင်း ​မေခလာက သူ့ညီမ ခင်​ဥမ္မာအတွက်​ Own Tune ​လေးတစ်​ပုဒ်​ ​ရေး​ပေးပါဆိုလို့ ပိုပိုကက်​ဆက်​ထဲမှာ တိတ်​​ခွေနဲ့ သီချင်းသွင်းထည့်​တယ်​။ ဒါ​ပေမဲ့ ဥမ္မာက အဲဒီ သီချင်း​လေးကို မဆိုဖြစ်​ဘူး။ သီချင်းက မိန်းက​လေးအ​မျှော်​ဆိုက်​ သီချင်း​လေးပါ။ ကြာ​တော့လည်း ​မေ့​နေတယ်​။

နောက်​တစ်​နှစ်​​လောက်​ကြာ​တော့ ကျွန်​​တော်​လည်း ​ပေါင်းတည်​က အ​မေ့အိမ်​မှာ ပြန်​လာပြီး နားခိုရတယ်​။ တစ်​​နေ့ မနက်​ ​ဈေးထိပ်​နားက လက်​ဖက်​ရည်​ဆိုင်​ သွားထိုင်​​တော့ (လာ​ခေါ်လှည့်​) လာ​ခေါ်လှည့်​ပါ ချစ်​သူ​ရေဆိုတဲ့ စာသားကို ပိုပိုအသံနဲ့ ဆိုထားတဲ့စီးရီး ထွက်​လာတယ်​။ မိန်းက​လေးတိုင်း အဲဒီအချိန်​က ကြိုက်​ကြတယ်​။ ဒါ​ပေမဲ့ ပိုပိုရဲ့ စန်းပဲ​ပေါ့။ သီချင်းက ​ကောင်း​နေတယ်​။ အမှန်​​တော့ ဘွဲ့ကြီးက ပိုပိုကို ဆိုခိုင်းတာတဲ့။ ဆိုလိုတာက ဘွဲ့ကြီးက သီချင်းအ​ကြောင်းကို သိ​နေ​တော့ ဒီသီချင်းက Pop Rock က​လေးမှန်း သိပြီး ဆိုခိုင်းတာ သူ့ရဲ့ ကျွမ်းကျင်​မှုပဲ။

ကိုင်​ဇာဆိုရင်​ ဘွဲ့ကြီးသီချင်း​တွေကို သိပ်​ဆိုဖြစ်​တယ်​။ သူက ဘွဲ့ကြီးကို ချစ်​လည်းချစ်​ပါတယ်​။ ပြီး​တော့ ဘွဲ့ကြီးသီချင်းက ဂစ်​တာတီးလို့​ကောင်းတဲ့ ဖွဲ့စည်းပုံမျိုးပါ။ နိုင်​မြန်​မာတို့ကျ​တော့ စာသား​ရေးဖွဲ့မှုအား သိပ်​​ကောင်းတယ်​။ တစ်​​ယောက်​တစ်​မျိုး ​ကောင်းကြပါတယ်​။ ကျွန်​​တော်​ဆိုရင်​လည်း ဘွဲ့ကြီးသီချင်း​​တွေကို သိပ်​ကြိုက်​တယ်​။ ချစ်​စရာ​ကောင်း​အောင်​ ​ရေးဖွဲ့နိုင်​သလို လိုအပ်​ရင်​ သူကိုယ်​တိုင်​ ဝင်​တီးတတ်​တယ်​။ အဲဒီ​တော့ သီချင်းက ပိုပြီး​တော့ ကြွလာတာ​ပေါ့။ စာသားနဲ့ ဂီတနဲ့ တစ်​ထပ်​တည်းကျတယ်​။ အဲဒါမှ Composer အစစ်​ပါ။ ဇာလျန်းက ​တေး​ရေးဆရာ ​တော်​​တော်​များများကို စာ​ရေးဆရာလို့ ​ခေါ်တတ်​တယ်​။ ဟုတ်​​တော့ဟုတ်​တယ်​။ ​တေး​ရေးဆရာ ဆိုတာက ဘွဲ့မှူးတို့လို လူမျိုး​တွေမှ ​တေး​ရေးဆရာအစစ်​ ဖြစ်​တယ်​။ သူ့သီချင်းကို Music ပါ Arrangement လုပ်​နိုင်​တာ။

မေခလာရဲ့ ပြိုင်​ပွဲဝင်​ သီချင်းများကို ဂန္ဓမာတေးသံသွင်းကနေသွင်းတော့ ဘွဲ့ကြီးလည်း အပ်​ထားတယ်​​။ ကျွန်​​တော်​လည်း ပါတယ်​။ ဆရာလိတ်​လည်း ပါတယ်​။ လင်းစတူဒီယိုမှာ​ပါ။ ဒါ​ပေမဲ့ ဘွဲ့ကြီးဆီက တစ်​ပုဒ်​ကျန်​တယ်​။ ​မေခလာက ပူဆာ​တော့ သူက လက်​ဖဝါးမှာ သီချင်း ​ရေးလာတယ်​။ ကဲ လိုက်​ဆိုတဲ့ (ကိုကိုက နိုး နိုး နိုး၊ ငယ်​ငယ်​က ချစ်​ ချစ်​ ချစ်​၊ တဲ့။ 56၊.1.1.1.1၊ ...၊ 23 5 .5.5၊ .5....။ ​မေခလာက လိုက်​ဆိုပါတယ်​။ အဲဒါ ဘွဲ့ကြီးရဲ့ သ​ဘောက ပြသွားတာပါပဲ။

အဲဒီလို​တော်​တဲ့ ဂီတဆရာတစ်​​ယောက်​ဟာ အ​ကြွေ​စောပါတယ်​။ သူမ​ကြွေမီ သူ့အိပ်​မက်​ကို အ​ကောင်​အထည်​ ​ဖော်​သွားနိုင်​ခဲ့ပါတယ်​။ ဘွဲ့ကြီး ဂစ်​တာတီးလာတာ ဂီတလုလင်​ ဆရာဦးကိုကိုဝိုင်းမှာကတည်းက တီးလာခဲ့တာ ကွယ်​လွန်​ချိန်​ထိ ဂစ်​တာတီးသွားခဲ့ပါတယ်​။

မြန်​မာပြည်​မှာ Iron Cross ဆိုတဲ့ Rock Band တစ်​ခု ထင်​ထင်​ရှားရှား ​အောင်​မြင်​လာခဲ့တယ်​။ ​လေးဖြူတို့ အငဲတို့ အဆို​တော်​​တွေနဲ့ အား​ကောင်း​မောင်းသန်​ ​ပေါ်ထွက်​လာခဲ့တယ်​။ စတင်​ဖွဲ့စည်းသူက ဘယ်​သူဟုတ်​ရိုးလဲ။ ကျွနု​ပ်​တို့၏ ဇာတ်​လိုက်​​ကျော်​ကြီး ဂီတမှူး ​စောဘွဲ့မှူးပါ။ လွန်​ခဲ့တဲ့ ၁၅ နှစ်​​လောက်​က အက်​စ်​ကဲနက်​ သီချင်းအတွက်​ ပြည်​ရတနာ ​တေးသံသွင်းမှာ ဘွဲ့ကြီးနဲ့ပါလာတဲ့ လူငယ်​​လေးက Lead Guitar တီးတယ်​။ ချစ်​စမ်း​မောင်​ဆိုတဲ့ နာမည်​နဲ့ ဂစ်​တာသူရဲ​ကောင်း တစ်​​ယောက်​​ပေါ့။ သူလည်းအိမ်​က စကားနားမ​ထောင်​တဲ့ သူပုန်တစ်​​ယောက်​ပဲ။

ဘွဲ့ကြီးမှာ ဟိုတီးဝိုင်း ဝင်​တီး၊ ဒီတီးဝိုင်း ဝင်​တီးနဲ့ ​နေရာတစ်​​နေရာ အငြိမ်​ မရခဲ့ဘူး။ အခု သူ ကွယ်​လွန်​သွားပြီးတဲ့ အချိန်​မှာ​တော့ သူ့ရဲ့ဝိုင်းဟာ မြန်​မာပြည်​ရဲ့ ထိပ်​တန်းတီးဝိုင်းကြီး တစ်​ခုအဖြစ်​ ရှိ​နေခဲ့ပြီး ဘွဲ့ကြီးဟာလည်း လူလည်း အငြိမ်​ရသွားတယ်​။

ဒါ​ပေမဲ့ သူ​ပြောခဲ့တဲ့ စကားတစ်​ခွန်းက​တော့ မှတ်​မှတ်​ရရ ရင်​ထဲမှာ ကျန်​ခဲ့တယ်​။ တပည့်​​မွေးဗျ၊ ပညာ​ပေးဗျ၊ ကိုယ်​က တစ်​မတ်​ပဲတန်​​ပေမယ့်​ တပည့်​က တစ်​ကျပ်​တန်​ရင်​ ကိုယ်​က ငါးမတ်​တန်​တယ်​တဲ့။

သူ့တပည့်​​တွေကလည်း ​စောဘွဲ့မှူး အမှတ်​တရပွဲမှာ ဘွဲ့ကြီးရှိတုန်းက တီးခတ်​သီဆိုခဲ့တာကို ရိုက်​ထားတဲ့ ဗီဒီယိုကို ​နောက်​ခံဖွင့်​ပြထားပြီး သူတို့​တွေပါ ​ရော​နှော တီးခတ်​ပြသွားကြတယ်​။ ဘွဲ့ကြီးဟာ သူကွယ်​လွန်​​ပေမယ့်​ သူ့ဝီညာဉ်​ဟာက သူချစ်​တဲ့ ပရိသတ်​ကြီးကို တပည့်​​တွေနဲ့ အတူတကွ ​ဖျော်​​ဖြေပြ​နေဆဲပဲ။

လူ​သေ​သော်​လည်း နာမည်​မ​သေတဲ့ Rock သူပုန်​ကြီး ​စောဘွဲ့မှူးပါ၊

ဇော်​တင်​

စုံနံ့သာ
စာပေနှင့် အနုပညာ မဂ္ဂဇင်း
ဇူလိုင် ၂၀၁၄

#KoKaLee
#ရော့ခ်နှင့်ပတ်ဝန်းကျင်ဂရု