နေ့စဉ် တစ်ကိုယ်ရေ သန့်ရှင်းရေး သိမှတ်ဖွယ်ရာလေးများ

ဖေ အောင်

 

နေ့စဉ် တစ်ကိုယ်ရေ သန့်ရှင်းရေး သိမှတ်ဖွယ်ရာလေးများ

====================================

ကျွန်ုပ်တို့ နေ့စဉ်သုံး နေသော အသုံးအဆောင် ပစ္စည်းများကို ဘယ်နှစ်ရက် တစ်ခါ သန့်ရှင်းရေး လုပ်သင့်လဲ၊ အ၀တ်အထည် များကို ဘယ်နှရက် တစ်ခါ လျှောက်ဖွပ်သင့်လဲ၊ အိမ်မွေးခွေးလေးကို ဘယ်နှရက် တစ်ခါ ဆပ်ပြာနဲ့ ရေချိုးပေးသင့်လဲ စသည် စသည်ဖြင့် နေ့စဉ်ဘ၀ တစ်ကိုယ်ရေ သန့်ရှင်းရေး ဆိုင်ရာ ကိစ္စများနဲ့ ပတ်သက်ပြီး ပိုးမွှား ဆိုင်ရာ ကျွမ်းကျင်သူများ၊ အ၀တ်အထည် ဆိုင်ရာ စပယ်ရှယ်လစ်များနဲ့ တွေ့ဆုံ မေးမြန်းထားသည် ကို အောက်တွင် ဖော်ပြသွားပါမည်။

တကယ် ညစ်ပတ်တဲ့ ဖုန်း

ဖြစ်နိုင်ရင် ဖုန်းကို ပိုးသတ်ဆေးဆွတ် ထားသော အ၀တ်နဲ့ နေ့တိုင်း ပွတ်တိုက်ပေးပါ။ လူတစ်ယောက်သည် တစ်နေ့လျှင် ဖုန်းကို ပျမ်းမျှ အကြိမ် (၁၅၀) လောက် ကိုင်လိုက် ချလိုက် လုပ်တတ်ကြောင်း စစ်တမ်း တစ်ရပ်က ဆိုသည်။ အမေရိကန် ပညာရှင်များ လေ့လာထားမှု အရလည်း ဖုန်း (၅၁) လုံးကို နမူနာ စမ်းသပ် ကြည့်ရာ ထိုဖုန်းများတွင် ဘက်တီးရီးယား အမျိုးပေါင်း (၇၀၀၀) ကျော် စွဲကပ်နေကြောင်း တွေ့ခဲ့ ရသည်။ အများစုက လူကို ဒုက္ခမပေး။ သို့သော် ဒုက္ခပေးသည့် အနည်းစုလည်း ရှိနေသည်။ ဖုန်းသုံးသည့် အခါ ဖုန်းပူ လာသည် ဖြစ်ရာ ထိုအပူသည် ဘက်တီးရီးယားများ ပေါက်ဖွား ရှင်သန်ဖို့ အလွန် ကိုက်ညီသော ရေခံမြေခံလည်း ဖြစ်ကြောင်း အရှေ့ အန်ဂလီယာ တက္ကသိုလ်မှ မိုက်ခရိုဇီဝဗေဒ ပညာရှင် လော်ရာ ဘိုဝေါတားက ပြောသည်။ ဖန်သားပြင် ထိတို့ ဖုန်းတွေထက် ခလုတ်ဖုန်းတွေက ပိုဆိုးတယ်။ ခလုတ်တွေ ကြားမှာ ဘက်တီးရီးယားတွေ ဖုန်တွေ အများကြီး ခိုအောင်း နေတယ် ဟု လော်ရာ က ပြောသည်။

ချွေးရွှဲတဲ့ အိပ်ယာခင်းတွေ

အိပ်ယာခင်းကို တစ်ပတ်တစ်ကြိမ် လျှော်သင့်သည်။ အိပ်နေချိန်မှာ ခန္ဓာကိုယ်က အရေပြားမှုန်လေးတွေ ကွာကျသည်။ ချွေးတွေလည်း ထွက်သည်။ ထိုနှစ်ခုသည် ပိုးမွှားများ၊ ကြမ်းပိုးများ အကြိုက် ဖြစ်သည်။ ကြမ်းပိုးသည် လူကို တိုက်ရိုက် ကျန်းမာရေး အန္တရာယ် မပြုသော်လည်း သူ့ဆီက ထွက်သော မစင်ဖတ်လေး များသည် မျက်လုံးထဲ ၀င်လျှင် မျက်လုံးယားယံ တတ်သည်။ အသားကပ်လျှင် အသားမှာ ယားနာ ဖြစ်တတ်သည်။ နှာခေါင်း ထဲဝင်လျှင် ရင်ကျပ်ခြင်းထိ ဖြစ်ပွား ရသည်။

YouGoz စစ်တမ်းအရ ဥရောပသား များသည် ပျမ်းမျှ တစ်လလောက်နေမှ အိပ်ယာခင်းကို တစ်ခါလျှော်တတ် ကြကြောင်း သိရသည်။ လျှော်လျှင် (၆၀) ဒီဂရီစင်တီ ဂရိတ်လောက် အပူနဲ့ လျှော်ပါမှ ဘက်တီးရီးယားများ သေကြောင်း လော်ရာက ပြောသည်။ အိပ်ယာခင်းများ၊ ခေါင်းအုံးစွပ် များကို တတ်နိုင်သမျှ နေရောင်ပြ ရမည်။ နေရောင်သည် ဘက်တီးရီးယားကို သေစေသည်။ ခြောက်သွားလျှင် မီးပူတိုက်ရမည်။ လက်ကျန် ဘက်တီးရီးယားများပါ သေသွား စေရန် ဖြစ်သည်။

နံစော်တဲ့ ခေါင်းအုံးတွေ

ခေါင်းအုံးကို သုံးလ တစ်ခါလောက်တော့ လျှော်ဖွပ် သန့်ရှင်းရေး လုပ်သင့်သည်။ မှို့ခေါင်းအုံး များသည် လျှော်ဖွပ် မရနိုင် သော်လည်း ယခု နောက်ပိုင်း ခေတ်ပေါ် ခေါင်းအုံးများကား လျှော်ဖွပ်လို့ပါ ရသည်။ ခေါင်းအုံး အတွင်းပိုင်း ရေမြုပ်သည် ချွေးကို စုပ်ထား နိုင်သည် ဖြစ်ရာ ထိုအထဲသည် ဘက်တီးရီးယားတို့ အတွက် နိဗ္ဗာန်ဘုံ ဖြစ်သည်။ ခေါင်းအုံးထဲတွင် ပိုမွှားများ၊ ကြမ်းပိုးများ၊ သေသွားသော ဘက်တီးရီးယား များ၏ အခွံများ၊ ဘက်တီးရီးယား မစင်များပါ ရှိနေသည်။ မလျှော်တာ ကြာသော ခေါင်းအုံး တစ်လုံးတွင် မှို (၁၆) မျိုးလောက်ထိ ပါနေကြောင်း တွေ့ရသည်။

ဖုန်တွေ ကြမ်းပိုးတွေ ပေါသည့် မွေ့ရာတွေ

ခြောက်လ တစ်ကြိမ် သန့်ရှင်းရေး လုပ်သင့်သည်။ ဖုန်တွေ၊ မှိုတွေ ကပ်နေသည့် မွေ့ရာသည် ယားနာများကို ဖိတ်ခေါ်ရာ ရောက်သည်။ ခြောက်လ တစ်ကြိမ်ခန့် မွေ့ရာကို အပြင်ထုတ်ပြီး ရေစို အ၀တ်ဖြင့် သေချာပွတ်တိုက် သန့်ရှင်းရမည်။ နေရောင်ခံပေး ရမည်။ လေသလပ်ခံပေး ရမည်။ သို့မှ ခြောက်သွေ့ သန့်ရှင်းမည်။

ဂျင်းဘောင်းဘီတွေ

ဂျင်းဘောင်းဘီကို ၀တ်ပြီးတိုင်း မလျှော်သင့်။ ထူးထူးခြားခြား ညစ်ပတ်ခြင်း မရှိပါက ငါးကြိမ်ခန့် ၀တ်ပြီးမှ လျှော်တာ အကောင်းဆုံး ဖြစ်သည်။ ၀တ်ပြီးတိုင်း လျှော်ခြင်းသည် ဂျင်းသားကို မြန်မြန် ပျက်စီးစေပြီး အရောင်အဆင်း ကိုပါ ကျစေသည်။ ဂျင်းတွေက ရေပူနဲ့ လျှော်တာ မကြိုက်ဘူး။ ဖြစ်နိုင် ရင် ရေခဲမှတ်လောက် အေးတဲ့ ရေနဲ့လျှော်ရင် အသင့်တော်ဆုံးပဲ ဟု ဂျင်းဘောင်းဘီ ဒီဇိုင်နာ ဒိုနာအီဒါက ပြောသည်။

ချွေးစော်နံသည့် ည၀တ် အင်္ကျီများ

ည၀တ် အင်္ကျီကို အလွန်ဆုံး နှစ်ကြိမ်သာ ၀တ်သင့်သည်။ ပြီးလျှင် လျှော်လိုက်တာ အကောင်းဆုံး ဖြစ်သည်။ ညအိပ် ၀တ်သည့် အခါ ခန္ဓာကိုယ်က ထွက်သော ချွေးကို ည၀တ်စုံက စုပ်ထား သဖြင့် နှစ်ကြိမ်ထက် ပိုဝတ်ပါက ဘက်တီးရီးယားများ မွေးထားသော ခြုံထည်ကို ခြုံထားသည်နှင့် တူလိမ့်မည်။

ညစ်ပတ်သည့် ခွေးကလေးများ

ခွေးကို ဆပ်ပြာတိုက်ပြီး နှစ်လ တစ်ကြိမ် ရေချိုးပေး သင့်သည်။ ခွေးသည် ခုခံ အားကောင်းသော သတ္တ၀ါ ဖြစ်သောကြောင့် ဘက်တီးရီးယား များ ကပ်ညိသည့် ဒဏ်ကိုတော့ ခံနိုင်သည်။ သို့ဖြစ်ရာ သန့်ရှင်းရေး အတွက် နေ့တိုင်း ရေချိုးပေး ဖို့တော့ မလိုဟု တိရိစ္ဆာန်ကျန်းမာရေး ကျွမ်းကျင်သူ ရိုဆီဘာကလေက ပြောသည်။ ဆပ်ပြာနဲ့ ပွတ်တိုက်ပြီး မကြာမကြာ ရေချိုးပေးခြင်းသည် ခွေး၏ အရေပြားကို ပျက်စီး စေသည်။ ထိုအခါ ခွေးသည် အအေးဒဏ် မခံနိုင် ဖြစ်လာသလို၊ အရေပြားသည်လည်း ရေမလုံတော့ သဖြင့် ရေစိုလျှင် ရောဂါဝင်သည့်ဆီ ရောက်ရသည်။

ခွေးက အမွှေးတွေ ညစ်ပတ်လာမယ်၊ အနံ့တွေ ဆိုးလာမယ် ဆိုရင်တော့ ဒါ ရေချိုးပေး ရမယ့် အချိန်ပဲ ဆိုတာ မှန်းလို့ရ ပြီပေါ့ ဟု ဘာကလေ က ပြောသည်။ အပြင် ထွက်သွားပြီး အိမ်ပြန် လာတော့ ရွှံ့တွေ ဖုန်တွေ ပေကျံလာသည် ဆိုပါက ရေပိုက်နဲ့ ထိုးပေး လိုက်ခြင်းမျိုး လုပ်တာ ပြဿနာမရှိ။ ထိုမျှလောက်ဆို ခွေးသည် သန့်ရှင်း သွားပြီ။ အနံဆိုးများ ထွက်လာ မှသာ ဆပ်ပြာနဲ့ တိုက်ချွတ်ဆေးကြောသင့်သည်။

တော်တော်ဆိုးသည့် လက်သုတ်ဝတ်တွေ

မီးဖိုချောင်သုံး လက်သုတ်ဝတ် များကို နေ့တိုင်း လျှော်ဖွတ်ဆေးကြော သင့်သည်။ ထိုလက်သုတ်ဝတ် များသည် ဘက်တီးရီးယား အများဆုံး ရှိနေသော နေရာ ဖြစ်သည်။ လက်သုတ်ဝတ် ထဲမှာ အန္တရာယ်ရှိတဲ့ ဘက်တီးရီးယားတွေ အများကြီးပါ နေတယ်။ လက်သုတ်ဝတ်တွေ ထဲမှာ တွေ့ရ လေ့ရှိတဲ့ အီကိုလိုင်ပိုး ဆိုရင် မိနစ်လေးဆယ် နေတိုင်း နောက်တစ်ကောင် ပေါက်ဖွား နေတယ် ဟု လော်ရာက ပြောသည်။ အရီဇိုးနား တက္ကသိုလ်က လုပ်ထားသော စစ်တမ်း တစ်ရပ်အရ လည်း လက်သုတ်ပ၀ါ (၂၅) ရာခိုင်နှုန်းသည် အီကိုလိုင်ပိုး ပါနေကြောင်း တွေ့ခဲ့ရသည်။ အပူချိန် ခြောက်ဆယ် စင်တီဂရိတ် လောက်ဖြင့် လျှော်ဖွတ်ခြင်းဖြင့် ဘက်တီးရီးယား များလည်း သေနိုင် သလို ကပ်ညိနေသော ဆီများလည်း ကင်းစင်သွား နိုင်သည်။

ပိုက်ဆံအိတ်ကိုလည်း အထင်မသေးနဲ့

လက်ကို ဘယ်လောက်ဆေးဆေး ပိုက်ဆံအိတ်က မသန့်လျှင် ကိုင်မိတိုင်း ဘက်တီးရီးယားတွေ ပြန်ကူးလာ နိုင်သည်။ ငွေစက္ကူ များသည် လူသား တစ်ယောက်နဲ့ တစ်ယောက်ကြား ဘက်တီးရီးယားတွေ ခရီးသွားသည့် ကြားခံ သယ်ယူ ပို့ဆောင်ရေး ယာဉ်များ ဖြစ်သည်။ ပိုက်ဆံများကို စုထည့် ထားသော ပိုက်ဆံအိတ်သည်လည်း အမြဲလိုလိုပင် ဘက်တီးရီးယားတွေ ရှိနေ တတ်သည်။ သို့ဖြစ်ရာ ပိုက်ဆံအိတ်ကို တစ်ပတ် တစ်ခါလောက် ပိုး သတ်ဆေးဆွတ် ထားသော အ၀တ်ဖြင့် သေချာ ပွတ်တိုက် သန့်စင်ပေးရမည်။

လူ့လက်နဲ့ ကိုင်နေတာ ဖြစ်တဲ့အတွက် ငွေစက္ကူတွေမှာ လူ့မစင်ထဲက ဘက်တီးရီးယားတွေ၊ အီကိုလိုင်ပိုးတွေ ကပ်နေတယ်။ အဲဒီတော့ ပိုက်ဆံအိတ် ကိုလည်း ကူးပြီပေါ့။ အမေရိကန် ဖလော်ရီဒါ ပြည်နယ် တက္ကသိုလ် သုတေသနအရ ငွေစက္ကူ (၈၀) ရာခိုင်နှုန်းထိတွင် ဘက်တီးရီးယားများ ကပ်ညိပါနေကြောင်း တွေ့ခဲ့ရသည်။

လက်ကိုင်အိတ်တွေ ကလည်း မလွယ်

လက်ကိုင်အိတ် လက်ကိုင်ကြိုး နေရာများ၊ လက်ကိုင်အိတ် အောက်ခြေ များသည် ဘက်တီးရီးယား အပေါဆုံး နေရာများ ဖြစ်သည်။ ဘက်တီးရီးယားတွေ ပါနေနိုင်သော လက်က ကြိုးကို ကိုင်သည်။ အိတ်ကို ချထားလျှင်လည်း အောက်ပိုင်း နေရာက ဘက်တီးရီးယားတွေ ရှိသော ခုံမျက်နှာပြင်တွေနဲ့ ထိနေရသည်။ တစ်ပတ် တစ်ကြိမ်လောက် ပိုးသတ်ဆေးကို အ၀တ်မှာ ဆွတ်ပြီး အိတ်ကို ပွတ်တိုက် သန့်ရှင်းပေး သင့်သည်။ အကယ်၍ ပိုး သတ်ဆေးနဲ့ ဓာတ်မတည့်ဘဲ လက်ကိုင် အိတ် လယ်သာသား ပျက်စီး သွားမလား စိတ်ပူသည် ဆိုပါက နည်းနည်းလောက်လေး အရင်ပွတ်ပြီး စမ်းကြည့်ပါဟုလည်း အကြံပြု လိုသည်။

===========

Search Myanmar