ညီမလေးတို့ရေ... FIGHTING.... ပါနော်..

 

U Lay Aung

 

စားသောက်ဆိုင်တွေမှာ
အရက် ဘီယာ ပရိုမိုးရှင်းရောင်းတဲ့
စကတ်ပေါင်တို ကောင်မလေးတွေကိုတွေ့တိုင်း
စိတ်ထဲမှာ မကောင်းဖြစ်မိတယ်..

မျက်လုံးတွေက ရင်ဘတ်နေရာနဲ့ တင်ပါးပေါ်ကနေမခွာတဲ့
အရက်သမားတွေ အမူးသမားတွေ(တစ်ချို့)ကို အပြုံးလေးချိုချိုနဲ့
အရက် ဘီယာ ရောင်းနေရှာတဲ့
ဒီ မိကောင်း ဖခင်သားသမီးလေးတွေကိုကြည့်ပြီး
ဒီလိုလုပ်ဖို့ခွင့်ပြုသူ ဌာနဆိုင်ရာတွေ ၊
ဒီလိုလုပ်ခိုင်းသူ အရက် ဘီယာကုမ္မဏီက
လူကြီးလူကောင်းတွေကိုသာ သြချမိတယ်..
(ခင်ဗျားတို့သမီးတွေကို အဲ့လို ဝတ်ခိုင်းပြီး အရက်ရောင်းခိုင်းမယ်ဗျာဆိုရင် ဘယ်လိုနေမလဲမသိဘူး)

အသက်လေး ၃၀ ကျော်လာလို့ ကိုယ်တိုင်ကပဲခေတ်မမှီတော့တာလား
မစ္စတာအန်းဒိတ်ကြီးဖြစ်နေပြီလားတော့ မသိဘူး..
ကိုယ်တိုင်ကလည်း တစ်ခါတစ်လေ
သောက်စားတတ်ပါတယ်...ဒါပေမဲ့
ကိုယ့်မြန်မာအမျိုးသမီးလေးတွေ ဒီအလုပ်မျိုးလုပ်နေတာကို
မမြင်ချင်ဘူး..မကြည့်ရက်ဘူး..(တစ်ချို့.ဘွဲ့ရတွေတောင်ပါသေး)

ဒီကောင်မလေးတွေကိုမြင်တိုင်း
ကိုယ့်ကျင့်တရား ကြိုးတန်းပေါ်မှာ
အသိတရားဆိုတဲ့ ဟန်ချက်ထိန်းတုတ်တံကိုကိုင်ပြီး
တုန်တုန်ရီရီနဲ့ မရဲတရဲ
ကြိုးတန်း လမ်းလျောက်နေသူများလို့မြင်မိတယ်..
အသိတရားလေးတစ်ချက်လွဲလိုက်တာနဲ့
(အချိန်မရွေး) ကိုယ်ကျင့်တရားကြိုးတန်းယဲ့ယဲ့လေးကနေ ပြုတ်ကျမှာပါ..

အရက်ဝိုင်းက အမူးသမားတွေနားသွားပြီး
အရက်ထပ်ယူပါအုံးလားအကို ဆိုပြီးဈေးရောင်းရရှာတဲ့
အကုသိုလ်ဟာ နည်းနည်းနောနောလား..
ယောက်ျားရင့်မာကြီးတွေတောင် အမူးသမားဆို စကားမပြောချင်ကြတာ မိန်းမသားဖြစ်တဲ့သူတို့လေးတွေမှာ
ရုပ်ရည်လေးတွေသနားကမားရှိရက်နဲ့ ဒီအမူးသမားတွေနားသွားပြီး သူတို့ရစ်သမျှကို အပြုံးမပျက် အရက်ပရိုမိုးရှင်း လုပ်နေကြရတယ်..

အကိုတို့အရက်မယူသေးပါဘူးညီမရယ်..(သို့မဟုတ်)
အကိုတို့ကို တစ်ပုလင်းပေးပါညီမရယ် စသည်ဖြင့်
နှမခြင်းစာနာလို့ ရည်ရည်မွန်မွန်ပြန်ဖြေတဲ့
ယမကာလုလင်နောင်တော်ကြီးများကိုတွေ့ရင် ကိုယ်သိပ်လေးစားတာ..

တစ်ပုလင်းယူမယ်လေ တစ်ချက်နမ်းလို့ရမလား..
လှလိုက်တာကွာ တစ်ခါထည်းအိမ်ခေါ်သွားချင်တယ်..
(တစ်ချို့ဆို)
အရက်တော့မသောက်ချင်ဘူး နုိ့စို့ချင်တယ်..ဆိုတဲ့
အရိုင်းအစိုင်းသတ္တဝါတွေကိုတွေ့ရင်
သောက်ခွက်ချည်းဖြတ်ကန်ချင်တယ်..တကယ်..

ဘာဖြစ်မှန်းမသိဘူး..
ဒီလို အရက်ဘီယာ ပရိုမိုးရှင်းဆင်းတဲ့ ကောင်မလေးတွေကိုတွေ့ရင်
လူတွေတော်တော်များများ လှောင်ချင်သလိုလို ပြောင်ချင်သလိုလို ရိသဲ့သဲ့ အလွန်လုပ်တယ်.
တခြားသူတွေတော့မသိဘူး..
ကျွန်တော်ကတော့ ဒီကောင်မလေးတွေကို လေးစားလှတယ်..
ဘဝရဲ့စားဝတ်နေရေး အကျပ်အတည်းတွေကြားထဲ
ကိုယ်ကျင့်တရားကို ကျားကုတ်ကျားခဲ
ထိန်းထားနိုင်သေးသူတွေလို့ သူတို့ကို မြင်ပါတယ်..
ဒါပေမဲ့ ပတ်ဝန်းကျင်ရဲ့ လှောင်ပြောင်ရှုံချမှုကို သည်းမခံနိုင်တော့တဲ့အဆုံး မထူးပါဘူးလေဆိုပြီး
အမေပေးတဲ့ လယ်တစ်ကွက်ကိုအရင်းပြုလို့
သူတို့ဘဝကို စတေးလိုက်မှာပဲစိုးမိတယ်...

သမ္မာအာဇီဝနဲ့ စီးပွားရှာသူ မည်သည့်မိန်းကလေးမျိုးကိုမဆို ကျွန်တော်တို့ ဖေးမကူညီရပါမယ်..
ကျွန်တော်တို့ဟာ သူတို့အလုပ်အကိုင်အပေါ်မှာ
လေးစားမှုရှိကြောင်းပြရပါမယ်..
နှမသားခြင်းမစာမနာ ခိုင်းတဲ့လူတွေက ခိုင်းကြပေမဲ့
(ခွင့်ပြုတဲ့သူက ခွင့်ပြုနေတော့လည်း)
ကျွန်တော်တို့ကတော့ နှမခြင်းစာနာစွာနဲ့ သူတို့ကို
အားပေးကူညီကြရမှာဖြစ်ပါတယ်..
လူ့အသိုင်းအဝိုင်းမှာ သူတို့လုပ်နေတဲ့ အလုပ်ဟာ
ဂုဏ်သိက္ခာမဲ့သောအလုပ်မျိုးမဟုတ်ကြောင်းကို
သူတို့သိကြပါစေ..
ညီမလေးတို့ရေ... FIGHTING.... ပါနော်..
original writer Soe Htike
photo;credit