ကုလားထုိုင်များ

မြန်မာ့သတင်းထူးသတင်းဦးများ

 

ကုလားထုိုင်များ
---------------------------------------------------------------------------
မြန်မာအဘိဓာန်တွင်တော့ ကုလားထုိုင်ကို ခြေလေးချောင်းနှင့် အမှီပါသော ထိုင်ခုံ ဟု ဖွင့်ဆိုထားသည်။ ကျွန်တော့်အဖိုးကတော့ ငါတုို့ဗမာတွေမှာ ကုလားထုိုင်ဆိုတာမရှိဘူး၊ ကုလားဖြူတွေရောက်လာမှာ ယူလာတာ။ ဒါ့ကြောင့် ကုလားထုိုင်လို့ ခေါ်တာဟု ပြောဖူး သည်။ ဘယ်လိုပဲ ပြောပြော ကုလားထုိုင် ဆိုတာက သာမန်ပရိဘောဂတစ်ခုလို့ ပြော လို့ ရသလို အခြေအနေတစ်ခု၊ အခွင့်အရေးတစ်ခုကို ပြသခြင်းဖြစ်သည်ဟုလည်း ဆိုနုိုင် မည် ထင်သည်။
လွန်ခဲ့သော တစ်နှစ် ခွဲကျော်အချိန်က ညကြီးမိုးချုပ် အခန်းကျယ်ကြီးတစ်ခုထဲမှာ ကျွန် တော်တစ်ယောက်ထဲရှိနေခဲ့ဖူးသည်။ ၀န်ထမ်းတွေရုံးဆင်းသွားပြီးဖြစ်၍ တစ်ရုံးလုံးတိတ် ဆိတ်နေသည်။ တစ်ချက်တစ်ချက် ညတာဝန်ကျဝန်ထမ်းများရှိသည့်ဘက်က စကားပြော သံ သဲ့သဲ့လေးနဲ့ အခန်းထဲမှာ ဖွင့်ထားသည့်လေအေးစက်မှ လေတိုးသံသာ ကြားရသည်။
သည်အခန်းကြီးကအစိုးရရုံးတွေမှာတွေ့ရသည့်အစည်းအဝေးအခန်းကြီးဖြစ်သည်။ မဟော် ဂနီရောင် ယူပုံသဏ္ဍန် စားပွဲရှည်ကြီး၊ လက်တံ နှစ်ဘက်မှာ ကုလားထုိုင်တွေတန်းစီ ချ ထားသည်။ယူပုံထိပ်မှာတော့ကုလားထုိုင်တစ်လုံး။အခန်းထဲမှာ အကောင်းဆုံးနဲ့ ခန့်ငြား မှု အရှိဆုံးကုလားထုိုင်ကစားပွဲထိပ်မှာနေရာယူထားသည်။ဒီကုလားထုိုင်မှာ ရာထူး အကြီးဆုံးသူ ထိုင်မည်ဆိုတာ မြင်တာနှင့် သိနုိုင်သည်။
လွန်ခဲ့သည့် ဆယ်နှစ်ကျော် ဒီဝန်ကြီးဌာနကို ရောက်လာထဲက ဒီစားပွဲရှည်ကြီးမှာ ထုိုင် ပြီး အစည်းအဝေးတွေ တက်ခဲ့ရသည်။ ဒုတိယညွှန်ကြားရေးမှူးချုပ်ရာထူးနဲ့ ကျွန်တော် တို့လိုလူတွေကအဝေးဆုံး၊အစွန်ဆုံးမှာ၊ပြီးရင် ညွှန်ကြားရေးမှူးချုပ်တွေ၊ ပြီးတော့ ဒုတိ ယ ၀န်ကြီးတွေ ရာထူးမြင့်လာလေ ထိပ်ဆုံးကုလားထုိုင်နဲ့ နီးလေ။ ထိပ်ဆုံးမှာတော့ ၀န်ကြီး က ထိုင်ပြီး အစည်းအဝေးသဘာပတိအဖြစ်ဆောင်ရွက်သည်။ ကုလားထုိုင်နေရာတွေက တာဝန်နဲ့ ရာထူးအဆင့်အတန်းကို ပြဆိုသည့် သဘောဖြစ်သည်။
အဲဒီအချိန်က အဲဒီကုလားထုိုင်တွင် ထုိုင်နေသည့် ကျွန်တော့်အတွက် ရွေးချယ်စရာ၊ ဖြစ်နုိုင်စရာ အခြေအနေသုံးခုရှိသည်ဟု တွေးမိဖူးသည်။ ကျွန်တော့် တာဝန်ထမ်းဆောင်မှု ကို ကျေနပ်နှစ်သိမ့်မှုမရှိရင် ဒီရာထူးနှင့်ပဲ ဆက်နေ၊ ဒီကုလားထုိုင်မှာပဲ ဆက်ထုိုင် ။ ဒါမှ မဟုတ် အပြစ်တစ်စုံတစ်ရာကျူးလွန်ခဲ့ရင် ကုလားထုိုင်မှာထုိုင်ခွင့်မရတော့ဘဲ အလုပ်က ထွက်ဖို့ဖြစ်သည်။နောက်အခြေအနေကတော့တာဝန်ထမ်းဆောင်မှုအပေါ်ကျေနပ်မှုလည်း ရှိ၊ ရာထူးနေရာလည်း လစ်လပ်ပြီးဆိုရင် ပိုမိုမြင့်မားသည့် ရာထူးသို့ တိုးမြှင့်ခန့်ထားခြင်း ခံရမည်။ ဒီလိုဆိုရင်တော့ စားပွဲထိပ်နှင့် ပိုနီးသည့် ကုလားထုိုင်ကို ပြောင်းထိုင်ရမည်။
ဒီလိုနဲ့ ၀န်ကြီးဌာနအတွင်းမှာ ညွှန်ကြားရေးမှူးချုပ်၊ဒုတိယ၀န်ကြီး စသည်ဖြင့် ရာထူး တာဝန်အဆင့်ဆင့်ကို တိုးမြှင့်ထမ်းဆောင်ခဲ့ရသည်။ ကုလားထုိုင်တွေရွှေ့ထိုင်ခဲ့ရသည်။ ဒီနေ့မှာတော့ ပြည်ထောင်စုလွှတ်တော်က ကျွန်တော့်ကို ပြည်ထောင်စုဝန်ကြီးအဖြစ် အတည်ပြုခဲ့ပြီးဖြစ်သည်။ တစ်ချိန်တုန်းက ကျွန်တော့်ထုိုင်ခဲ့သည့်နေရာနှင့် အဝေးဆုံးမှာ ရှိခဲ့သည့်ကုလားထုိုင်မှာ ကျွန်တော်ထုိုင်ရတော့မည်။ ပြီးခဲ့သည့် နှစ်တွေအတွင်းမှာ အစည်း အဝေးပေါင်းများစွာကို ဒီအခန်းထဲမှာ လုပ်ခဲ့သည်။ ထိပ်ဆုံးမှာထိုင်သည့် ဌာန အကြီးအကဲ များ၏ လုပ်ပုံကိုင်ပုံတွေကို လေ့လာခွင့်ရခဲ့သည်။ နမူနာယူစရာတွေလည်း တွေ့ရ၊ မိမိစိတ်နှင့် မတူတာတွေလည်းမြင်ရ၊ သင်ခန်းစာကောင်းတွေလည်းရရှိခဲ့သည်။
အခုတော့ ထိပ်ဆုံးမှ ကုလားထုိုင်မှာ ကျွန်တော်ထုိုင်ပြီး ဆုံးဖြတ်ချက်တွေ ချရတော့မည်။ ဒီကုလားထုိုင်မှာတော့အရင်ကုလားထုိုင်တွေနဲ့မတူတာက ကျွန်တော့်အတွက် ရွေးချယ် စရာ နှစ်ခုသာ ရှိတော့သည်။ အစိုးရအဖွဲ့သက်တမ်းကုန်သည်အထိ တာဝန်ဆက်လက် ထမ်းဆောင်ခြင်းနှင့် ကျွန်တော့်လုပ်ဆောင်မှုအမှားများကြောင့် ရာထူးမှ ထွက်ရခြင်း နှစ်ခု ပဲရှိသည်။
ဒီလိုစဉ်းစားလိုက်တော့ တာဝန်၏ ကြီးမားလေးပင်မှုကြောင့် လေအေးစက်ဖွင့် ထားသည့်တုိုင် ကုလားထုိုင်တစ်ခုလုံး ပူလောင်နေသလို ခံစားခဲ့ရသည်။ကုလားထုိုင် အပေါ် သာယာသည့်စိတ်မရှိတော့။ နောင်ဒီကုလား ထုိုင်မှာထိုင်ပြီး အစည်းအဝေးများစွာကို ဦးဆောင်သည့်အချိန်များတွင် ပထမဆုံးတာဝန်ယူ သည့် ညကခံစားချက်ကို မကြာမကြာပြန်ပြောင်းသတိရမိသည်။ ထိုခံစားချက်နှင့်ပင် ကုလားထုိုင် ကြောင့် အပြုအမူ၊အကျင့်အကြံ၊ ကိုယ်ကျင့်သီလတွေ ယိမ်းယိုင်မသွားအောင် ထိန်းသိမ်း ခဲ့ရသည်။
တစ်ခါတစ်ရံမှာတော့ ကုလားထုိုင်တစ်လုံးသည် အဆောင်အယောင်၊ နောက်ပြီး သင်္ကေတ လက္ခဏာသဘောလည်းဆောင်ပြန်သည်။ လမ်းစဉ်ပါတီခေတ်ကတော့ ပါတီဥက္ကဌကြီး ၏ ထိုင်ခုံကအခြားထုိုင်ခုံတွေထက်မြှင့်ထားသည်။ဥက္ကဌကြီးနှင့် လွတ်လပ်ရေး တုိုက်ပွဲဝင်ခဲ့ သည့် နုိုင်ငံရေးသမားဟောင်းကြီးများ၊ ရဲဘော်သုံးကျိပ်ဝင်များ စုပေါင်းဓာတ်ပုံရိုက်ရာတွင် ဥက္ကဌကြီးရဲ့ ကုလားထုိုင်က မြင့်နေသည့်အတွက် အခြားသူများထက် ခေါင်းတစ်လုံးသာ နေသည်ကို မှတ်မိနေသေးသည်။ ဒီမှာတော့ ကုလားထုိုင်က လုပ်ဖော်ကိုင်ဘက်ခြင်း အတူ တူ လက်ရှိအခြေအနေမှာ ဘယ်သူက ဘယ်နေရာမှာဆိုတာ သင်္ကေတဖြင့် ပြလိုက်ခြင်း ဟု ယူဆနုိုင်ပြန်သည်။
တစ်ခါတစ်ရံကျတော့လည်း ကုလားထုိုင်အမျိုးအစား ခန့်ညားမှုထက် ကုလားထုိုင်ရှိနေ သည့် နေရာက အရေးကြီးနေပြန်သည်။ တစ်ချိန်သောအခါက ကျွန်တော်နှင့် သူငယ်ချင်း တစ်ယောက်ထိုခေတ်ကာလကရှားရှားပါးပါးပစ္စည်းတစ်ခုကိုပိုင်ဆုိုင်ခွင့်ရဖို့လျှောက်လွှာ တင်ရန် အတွက် အခန်းတစ်ခန်းရဲ့အ၀မှာ အချိန်အကြာကြီး စောင့်နေခဲ့ရဖူး သည်။ ဌာန အကြီးအကဲထံသို့တင်ပြရန်အတွက်သူ့ကိုယ်ရေးအရာရှိနှင့်အရင်တွေ့ရမည်။ထိုကိုယ်ရေး အရာရှိနှင့်တွေ့ဖို့အတွက် သူ့အခန်းဝမှာ ယိုင်နဲ့နဲ့ ကုလားထုိုင်တစ်လုံးပေါ် တွင် ထိုင် နေသည့် အပေါက်စောင့်ရုံးဝန်ထမ်းကို ခွင့်တောင်းရသည်။
ဒီအခန်းထဲကိုလျှောက်လွှာကိုင်ပြီး ၀င်ခွင့်တောင်းသူပေါင်းများစွာကို မြင်ခဲ့ဖူးပြီဖြစ်သော ထုိုဝန်ထမ်းက ကျွန်တော်တို့နှစ်ယောက်ကိုမမှု၊ စောင့်ပါဟု တိုတိုပြတ်ပြတ်ပြော ပြီး လက် ထဲက စာအုပ်ကို ဆက်ဖတ်နေသည်။ ခုံတန်းလေးတစ်ခုပေါ်မှာ ကျွန်တော်တို့ အကြာ ကြီးထုိုင်စောင့်နေခဲ့ရသည်။ ဟော သူနဲ့သိသူတွေလာရင်တော့ ချက်ခြင်း အခန်းထဲ သွင်း ပေးလိုက်သည်။ တစ်ချို့တွေကျပြန်တော့ ကျွန်တော်တို့လိုပဲ ထိုင်စောင့်ပေတော့။ ဒီနေရာ မှာတော့ဧည့်သည်ရဲ့ ရာထူးအဆင့်အတန်းက အရေးမကြီး၊ ကုလားထုိုင်ကောင်း မကောင်း ကလည်း အရေးမပါ။ ကုလားထုိုင်ရှိနေသည့် နေရာက အရေးကြီးသွား ပြန်သည်။
ကုလားထုိုင်တွေအရေးပါတော့ ကုလားထုိုင်လုသည့် ကစားနည်းတွေလည်းရှိလာသည်။ ငယ်ငယ်တုန်းက ကစားခဲ့ရသည့် Musical Chair ဆိုသည့် ကစားနည်းမှာတော့ ပါဝင် ကစားသူအရေအတွက်ထက် ကုလားထုိုင်တစ်လုံးလျှော့ပြီးနေရာချထားသည်။ လူဆယ်ဦး ဆိုရင် ကုလားထုိုင်က ကိုးလုံးပဲ ရှိသည်။ သီချင်းစဖွင့်သည်နှင့် ကစားသူတွေက ကုလား ထုိုင်တွေကို ပတ်ပြီး စက်ဝိုင်းပုံလျှောက်နေရသည်။ သီချင်းရပ်သည်နှင့် အနီးဆုံးကုလား ထုိုင်တစ်လုံးကို ၀င်ထိုင်ရသည်။ ကုလားထုိုင်မရသူက အရှုံးသမား၊ အထုတ်ခံရမည်။
နောက်တစ်ချီပြန်ကစားသည့်အခါ ကုလားထုိုင်တစ်လုံးထပ်လျှော့လိုက်သည်။ ဒီလိုနဲ့ နောက်ဆုံးကျန်သည့် ကုလားထုိုင်တစ်လုံးကို ထုိုင်နုိုင်သူက ဒီကစားပွဲမှာ အနုိုင်ရသူဖြစ် သည်။ ဒီကစားနည်းမှာတော့ သီချင်းသံက ဘယ်အချိန်ရပ်မည်မသိ၊ သီချင်းဖွင့်ချိန် ကြာ လာသည်နှင့်အမျှ ပါဝင်ကစားသူတွေ ဂဏှာမငြိမ်ဖြစ်လာသည်။ ရုတ်တရက် သီချင်းသံ ရပ်သွားသည်နှင့် အနီးဆုံးထိုင်ခုံကုိုပြေးထိုင်၊ နှစ်ယောက်ဆုံနေလျှင် တွန်းတိုက်ပြီး လုထိုင်ကြပြန်သည်။ ကစားပွဲရှည်ကြာလာလေ၊ ကုလားထုိုင်တွေနည်းလာလေ ပြိုင်ဆုိုင်မှု တွေက ပြင်းထန်လာလေ။ ကုလားထုိုင်ရလိုက်သူတွေပြုံးပျော်နေပေမယ့် နေရာမရလို့ ထွက်သွားရသူက မပျော်နုိုင်၊တစ်ခါတစ်လေ သူနဲ့ နေရာအပြိုင်လုခဲ့သူကိုပင် မကျေနပ် သည့် ကိုယ်နှုတ်အမူအရာနှင့်တုန့်ပြန်တတ်သည်။
ပြန်စဉ်းစားကြည့်တော့ ပျော်ရွှင်မှုထက် အနုိုင်မရသဖြင့် ပေါ်ပေါက်ခဲ့သော လောဘ စိတ်၊ ဒေါသစိတ်တွေက ပိုများခဲ့တာ အသေအချာပဲဖြစ်သည်။ အာဂျင်တီးနား အာဏာရှင် ဗိုလ်ချုပ် ကြီးပီရွန်ရဲ့ ဇနီး အီဗာပီရွန်အကြောင်းတင်ဆက်သည့် တေးသံစုံပြဇာတ် Evita မှာ ဗိုလ် ချုပ်ကြီးပီရွန် အာဏာရလာပုံကုို ပီရွန်နဲ့ လုပ်ဖော်ကိုင်ဘက် အရာရှိတွေ ငယ်စဉ်က Musical Chair ကစားကြပုံ၊ နောက်ဆုံး ပီရွန်တစ်ယောက်ပဲ ကျန်ခဲ့ပုံနှင့် နှိုင်းယှဉ်တင် ဆက်ခဲ့သည့်အကြောင်းကို ဖတ်ရတော့ ဒီကစားနည်းက နုိုင်ငံရေးနယ်ပယ်က ကုလားထုိုင် လုပွဲတွေကို ကြည့်ပြီး တီထွင်ခဲ့သလားဟု တွေးမိပြန်သည်။
ဒီလိုနဲ့ ကုလားထုိုင်တွေအကြောင်း မြင်မိ၊တွေးမိတာ နှစ်နှစ်နီးပါးရှိတော့မည်။ နုိုင်ငံ့ ၀န်ထမ်းဘ၀နှင့်ရော နုိုင်ငံရေးအရခန့်အပ်သောရာထူးနှင့်ပါ တာဝန်အဆင့်ဆင့်ကို ဆယ်စု နှစ်သုံးခုကျော် ထမ်းဆောင်ခဲ့ပြီ။ ကုလားထုိုင်လုသူ၊ မိမိ နေရာမရသဖြင့် လောဘ၊ ဒေါသ၊ မာန်မာနများနှင့်ပူလောင်နေသူ၊မုဒိတာမပွားနုိုင်ပဲထုိုင်နေသူကိုဒုက္ခအမျိုးမျိုးပေးဖို့ ကြိုးစား သူ၊ကုလားထုိုင်ကြောင့်ဖောက်ပြန်သွားသူစသည် စသည်တို့ကို မြင်ခဲ့၊ ကြားခဲ့၊ သင်ခန်းစာ ရခဲ့ပြီးပြီ။
ကိုယ်တုိုင်လည်း ကုလားထုိုင်ကြောင့် မပျက်စီးရအောင် ကြိုးစားခဲ့သလို လောကီ သားပေမို့ ကတိမ်းကပါးဖြစ်ခဲ့တာလည်း ရှိသည်။ ကုလားထုိုင်တွေဘယ်လိုပြောင်းပြောင်း ကိုယ်ကျင့်သီလခုိုင်မြဲစွာမဖောက်မပြန်နေခဲ့သူများကိုလည်းတွေ့မြင်ခဲ့ရ၊ကြည်ညို လေးစားခဲ့ရသည်။ ကုလားထုိုင်တစ်လုံးရဖို့အတွက် နောက်ကြောကို ဓားနှင့် ထိုးဖို့ ကြိုး စားသူတွေ၊ ဘာလုပ်ရလုပ်ရ ထုိုင်ရဖို့ အဓိက ဆိုသူတွေကို မြင်ပြီး စက်ဆုပ်ခဲ့ဖူးပြီ။
မကြာသောကာလမှ လက်ရှိတာဝန်ကနေ အနားယူရမည်။ ကုလားထုိုင်ပြောင်းရဦးမည် ပေါ့။ ဒီတစ်ခါထုိုင်ရမည့် ကုလားထုိုင်ကတော့ မိသားစု ထမင်းဝိုင်းက ကုလားထုိုင်ပဲဖြစ် မည်။ ဒီကုလားထုိုင်လေးမှာတော့ ကြုံခဲ့ရ၊ မြင်ခဲ့ရသည့် ကုလားထုိုင်များလို ပူပန်မှုတွေ၊ ဖိစီးမှု တွေ၊ တာဝန်တွေနဲ့ တွဲမနေ၊ ချစ်ခြင်းတရားတွေ၊ကြင်နာခြင်းတွေနဲ့ အေးမြနေမှာ သေချာသည်။

ဦးရဲထွဋ်(ပြန်ကြားရေးဝန်ကြီး)

မြန်မာ့သတင်းထူးဦး message box သို့ ပေးပို့ လာသည်ကို မူရင်းအတိုင်းပြန်လည်ဖော်ပြပေးခြင်းဖြစ်သည်။