ထိုင်းမြန်မာ ရာဇဝင်ကို ပြန်လည်သုံးသပ်ခြင်း

 ဘန်ကောက်လမ်းညွန်-ကိုစိုင်း added 11 new photos.

ထိုင်းမြန်မာ ရာဇဝင်ကို ပြန်လည်သုံးသပ်ခြင်း
==============================
၂၀၀၁ ခုနှစ် ဩဂုတ်လမှာ '( The Legend of
Suriyothai (သူရိယထိုင်း)' ရုပ်ရှင် ရုံတင် ပြသခဲ့ပါတယ်
'သူရိယထိုင်း' သမိုင်းဇတ်ကားဟာ (၁၆) ရာစုနှစ်က
အယုဒ္ဓယမြို့တော်ကို ဗမာ့ရန်က ကာကွယ်လိုက်တဲ့
ယိုးဒယားဘုရင်မ သူရိယထိုင်း အကြောင်း ရိုက်ကူး
ထားတဲ့ အမျိုးသားရေး ရုပ်ရှင်ပါ။
အမျိုးသားစိတ်ဓတ်ကို နိုးဆွနိုင်တဲ့ ဇတ်ကားဟာ
ဝင်ငွေကောင်းနိုင်တာမို့ ဗမာကို နိုင်လိုက်တဲ့ ဇတ်
ကားတွေ ထိုင်းက ရိုက်ကူးတာ ဖြစ်ပုံ ရပါတယ်။

ခရစ်သက္ကရာဇ် ၁၅၃၁ - ခုနှစ်မှ ၁၅၅၀ - ခုနှစ်အထိ
နန်းစံခဲ့တဲ့ တောင်ငူမင်း တပင်ရွှေထီး လက်ထက်
၁၅၄၇ ခုနှစ်မှာ အယုဒ္ဓယမြို့တော်ကို ဗမာစစ်တပ်
က သွားရောက် တိုက်ခိုက်ပါတယ်။
ယိုးဒယားကို လက်အောက်ခံ နိုင်ငံလို သဘော
ထားပြီး ဆင်ဖြူတော် ဆက်သခိုင်းတာကို မဆက်
တဲ့ အတွက် အယုဒ္ဓယကို တိုက်တယ်လို့ သိရပါ
တယ်။
တပင်ရွှေထီးမှာ ဒီမယ်လို ခေါင်းဆောင်တဲ့ သေနတ်
ကိုင် ပေါ်တူဂီတပ်သား (၅၀၀) လောက်ရှိပြီး ယိုးဒ
ယား ဘက်က ပေါ်တူဂီတပ်နဲ့အင်အားခြင်း တူနေ
တာက တကြောင်း၊ ဗမာတပ်တွေကို လမ်းခု လတ်
မှာ အခိုင်အမာ ခုခံ တိုက်ခိုက်တာ တကြောင်းမို့
အယုဒ္ဓယမြို့တော်ကို မသိမ်းပိုက်နိုင်ပါဘူး။
ယိုးဒယားဘက်က ပေါ်တူဂီတပ်သားတွေကို တံစိုး
လက်ဆောင်ပေးပြီး ဗမာဘက်မှာပါဝင်ကြဖို့ တပင်
ရွှေထီးက ဆွဲဆောင်ခဲ့ပေမယ့်လည်း မအောင်မြင်
ခဲ့ပါ။
စစ်ရေးအရ ယိုးဒယားဘက်က အပေါ်စီး ရနေစဉ်
ဗမာကို သတ်ဖြတ်ချင်ဇောနဲ့ စစ်ကျွံအောင် တိုက်
ခိုက် လာတဲ့ ယိုးဒယားဘုရင်ရဲ့ ညီတော်၊ သားမက်
တော်တို့ကို တပင်ရွှေထီးက ဖမ်းဆီးရမိတဲ့အတွက်
ယိုးဒယားဘက်က စစ်ပြေငြိမ်းရန် ကမ်းလှမ်းလာ
တာကြောင့် ယိုးဒယား - မြန်မာ စစ်ပွဲ ပြီးဆုံး သွား
ကြောင်း သိရပါတယ်။
အယုဒ္ဓယမြို့တော်ကို ဗမာတပ်က ပထမဆုံးအကြိမ်
တိုက်ခိုက်စဉ် မအောင်မမြင် ဖြစ်သွားတာဟာ ထိုင်း
ရုပ်ရှင် ကုမ္ပဏီအတွက် အကွက်ကောင်း ဖြစ်သွားပုံ
ရပါတယ်။
ဒါကြောင့် ဗမာ့ထိုးစစ်ကို ကာကွယ်နိုင်တဲ့ 'သူရိယ
ထိုင်း' အကြောင်း ဇာတ်ကွက်ဆင်ပြီး ငွေရှာတာပါ
ပဲ။ ဘတ်ငွေ သန်း (၅၀၀) အကုန်အကျခံထားတာ
မို့ ဒီဇတ်ကားဟာ ဟောလိဝုဒ် ရုပ်ရှင်နဲ့ပြိုင်နိုင်တဲ့
အထိ အဆင့်ရှိတဲ့ ရုပ်ရှင်မျိုး ဖြစ်ပါတယ်။
ဗမာတပ်ရဲ့ ထိုးစစ်ကို ခုခံကာကွယ်တဲ့ ထိုင်းကျေးရွာ
လေးအကြောင်း ရိုက်ကူးထားတဲ့ 'ဘန်ရာဇာ (Bang
Rajan)' ရုပ်ရှင်ကားဟာလဲ (၂၀၀၀) ခုနှစ်မှာ ဝင်ငွေ
ကောင်းခဲ့ပါတယ်။
ဗမာကိုနိုင်တဲ့ ရုပ်ရှင်ဇတ်လမ်းတွေ ထုတ်လုပ်ပြသ
တာကို ဗမာစစ် အစိုးရက အကြီးအကျယ် မကျေ
မနပ် ဖြစ်ပါတယ်။
ဒါကြောင့်လည်း အပိုင်း (၂) မှာ ရေးထား သလို
ထိုင်းဆန့်ကျင်ရေးကို အစိုးရ မူဝါဒလို သဘော
ထားပြီး စာနယ်ဇင်းတွေက တိုက်ခိုက်ခဲ့တဲ့အပြင်
ကျောင်းသုံး သမိုင်းစာအုပ်မှာတောင် ထိုင်းဆန့်
ကျင်ရေးကို သွေးထိုးပေးထားပါတယ်။
မြန်မာနဲ့ ထိုင်းဟာ စနစ်ခြင်းမတူပါဘူး။
ထိုင်းပုဂ္ဂလိက လုပ်ငန်းတွေက သမိုင်းဆိုင်ရာ
နာကျည်းမှုကို ဆွပေးပြီး ငွေရှာတာကို ထိုင်း
အစိုးရက ပြောခွင့် မရှိပါဘူး။
ဗမာကို အနိုင်ယူတဲ့ ရုပ်ရှင်ဇတ်လမ်း ဝင်ငွေ
ကောင်းတယ်ဆိုတာ ပရိတ်သတ် ကိုယ်တိုင်
က ဗမာကို နိုင်ရတာ ပီတိဖြစ်တဲ့ သဘောပါ
ပဲ။
ရုပ်ရှင်တွေ၊ ဝထ္ထုတွေထဲမှာ ဗမာကို လူဆိုးနေရာ
ထား ဇတ်လမ်းဆင်ပြီး ငွေရှာတာ မဆန်းသလို
ဗိုလ်ခင်ညွန့်၊ ဗိုလ်သိန်းစိန်တို့နဲ့ ရုပ်ချင်းဆင်
သူကို လူဆိုးနေရာမှာထားပြီး နားရင်းအုပ်ပြနေ
ရင်လဲ ဗမာ အစိုးရ ဘာမှ မတတ်နိုင်ပါဘူး။
ဒါကိုတန်ပြန်တဲ့ အနေနဲ့ ဗမာအစိုးရ ကိုယ်တိုင်
က ထိုင်းဆန့်ကျင်ရေးလုပ်တာကတော့ ဆင်ခြင်
တုံတရားနဲ့ အမြော်အမြင် ကင်းမဲ့လွန်းပါတယ်။
မြန်မာပြည်မှာ ဒီမိုကရေစီစနစ် ကျင့်သုံးစဉ်ကာလ
ကလဲ ဖက်ဆစ်ဂျပန်ကို လူဆိုးလို သဘောထားပြီး
ဇတ်လမ်းဆင်တဲ့ ရုပ်ရှင်ကားတွေ ပြသခဲ့ပါတယ်။
ဂျပန်တော်လှန်ရေးကို အမွှန်းတင်ခဲ့ပါတယ်။
နောက်ပိုင်းကျမှ ဂျပန်ဆီက စစ်လျော်ကြေး လိုချင်
ဇောနဲ့ ဗိုလ်နေဝင်း အိမ်စောင့်အစိုးရက တော်လှန်
ရေးနေ့ကို 'တပ်မတော်နေ့' လို့ မျက်လှည့်ပြလိုက်
တာပဲ။
နဝတ၊ နအဖနဲ့ ယနေ့ခေတ်အထိ 'သီဟတင်စိုး'
က ဂျပန်ကို လူဆိုးနေရာမှာထားပြီး တော်လှန်နေ
တုန်း၊ တိုက်နေဆဲ၊ လွတ်လပ်ရေးလည်း မရသေး
ပါဘူး။
ထိုင်းဆန့်ကျင်ရေးကို အစိုးရမူဝါဒလို သဘော
ထားပြီး တာချီလိတ် နယ်စပ်မှာ 'ဘုရင့်နောင်'
ရုပ်ထု သွားတည်တော့ ထိုင်းဘက်ကလည်း
အယုဒ္ဓယဘုရင် 'နရဲစွမ် (Naresuan)' ရုပ်ထု
တည်ပြီး တန်ပြန်တာလည်း မဆန်းလှပါ။
ဒီနေရာမှာ 'နရဲစွမ် ဘုရင်' အကြောင်း သမိုင်းကို
အနည်းအကျဉ်း နောက်ကြောင်း ပြန်ပါရစေ။
ယိုးဒယားကို နိုင်အောင်တိုက်နိုင်လို့ ဗမာဘက်
မှာ ဘုရင့်နောင်လို သူရဲကောင်း ရှိသလို ဗမာကို
ပြန်ခံ ချယုံမက ထိုးစစ်ဆင် တိုက်ခိုက်ပြီး ဗမာ
လက်အောက်က လွတ်မြောက်အောင် လုပ်နိုင်
ခဲ့တဲ့ 'နရဲစွမ်' လို သူရဲကောင်း ဘုရင်မျိုး ထိုင်း
တွေ ဘက်မှာ ရှိတာ ဗမာအများစု သိပုံမပေါ်
သလို ဗမာ့သမိုင်းမှာလည်း မသင်ကြားပါ။
မြန်မာပြည် အင်္ဂလိပ်ကျွန် မဖြစ်ခင်က ယိုးဒယား
နဲ့ဗမာမင်းတွေက ဆင်ဖြူကို အထွတ်အမြတ်
ထားကြတယ်။ ဘုန်းကြီးတဲ့ မင်းကသာ ဆင်ဖြူ
ကို ပိုင်ဆိုင်နိုင်တယ်လို့ ယုံကြည်ကြတယ်။
အယုဒ္ဓယပြည့်ရှင်က မဟာချက္ကရာဖတ် ( ဗမာ
အခေါ် ဗြသဓိရာဇာ )၊ အပြည့်အစုံက Somdet
Phra Maha Chakkraphat (၁၅၀၉–၁၅၆၉)
ဖြစ်တယ်။
သူ့မိဖုရားက တောင်ငူဘုရင် တပင်ရွှေထီးရဲ့
ပထမဆုံး ထိုးစစ်ကို ရှေ့တန်းထွက် လက်နက်
ကိုင်ပြီး ခုခံခဲ့လို့ကျဆုံးခဲ့ရတဲ့ ထိုင်းအမျိုးသမီး
သူရဲကောင်း မိဖုရား "သီရိ သူရိယထိုင်း"
(Queen Sri Suriyothai) ဖြစ်တယ်။
မဟာချက္ကရာဖတ်မှာ ဆင်ဖြူ (၄) စီးရှိလို့
ဘုရင့်နောင်က တစ်စီး တောင်းတာကို
မပေးလို့ ဆင်ဖြူ ကိစ္စက သေရေးရှင်ရေး
လို ဖြစ်လာတယ်။
တကယ်တော့ ဆင်ဖြူ ကိစ္စက အပေါ်ယံ
ပြသာနာပါ။ တကယ့် ပြသာနာက ဇင်းမယ်
(ချင်းမိုင်) ကို သိမ်းပိုက်နိုင်တဲ့ ဘုရင့်နောင်
ကို စစ်ပြိုင်မလား၊ သစ္စာခံ လုပ်မလား ဆို
တာကသာ အဓိကဖြစ်တယ်။
#(ဘုရင့်နောင်ကို မင်းကြီးဆွေနှင့် ပင်းယ တစီး
ရှင် အနွယ်တော်၊ တောင်ငူ ကြွယ်စစ်မင်း၏
သမီးတော်အကြီးတို့က သက္ကရာဇ် ၈၇၇-ခုနှစ်
(ခရစ်နှစ် ၁၅၁၅ခုနှစ်) မှာ မွေးဖွားပါတယ်။
ငယ်မည်မှာ ရှင်ရဲထွတ်ဖြစ်ပြီး သက္ကရာဇ် (၈၉၂)
ခုနှစ် (ခရစ်နှစ် ၁၅၃၀) မှာ မင်းတရားရွှေထီး
နန်းတက်တဲ့အခါ ရှင်ရဲထွတ်ရဲ့ ခမည်းတော်
မင်းကြီးဆွေကို မင်းရဲ သိင်္ခသူ ဘွဲ့အပ်နှင်းပါ
တယ်။
ရှင်ရဲထွတ်က ဘုရင်တပင်ရွှေထီး ထံတော်မှာ
ကျော်ထင်နော်ရထာအမည်နဲ့ အမှုတော်ထမ်း
ရွက်ရတယ်။
တပင်ရွှေထီး လုပ်ကြံခံရပြီးနောက် ဘုရင့်နောင်
ဟာ ကောဇာသက္ကရာဇ် (၉၁၅)၊ တပို့တွဲလဆန်း
၆-ရက်နေ့ (ခရစ်နှစ် ၁၅၅၃)မှာ နန်းတက်ခဲ့တယ်။
သက္ကရာဇ် ၉၄၃-ခု၊ တန်ဆောင်မုန်းလပြည့်နေ့
(ခရစ်နှစ်၁၅၈၁)၊ နန်းသက် ၃၂-နှစ်၊ သက်တော်
၆၆-နှစ်တွင် ကံတော်ကုန်ရှာပါတယ်)#
စစ်ပွဲအကြောင်း ပြန်ဆက်ရရင် ၁၅၆၂-ခုနှစ်မှာ
ပေါ်တူဂီ အမြှောက်တပ်သား အတော် အတန်
ပါဝင်တဲ့ ဗမာစစ်တပ်က အယုဒ္ဓယမြို့ကိုချီတက်
တိုက်ခိုက်တယ်။
ယိုးဒယား မြို့ကြီးတွေ ဖြစ်တဲ့ ကမန်ပိုက်နှင့်
ပိသလောက် (ထိုင်း အခေါ် ဖစ်စနူလုခ်/Phitsa
-nulok) အရင်ဆုံး အညံ့ခံလိုက်ရပြီး နောက်ဆုံး
အယုဒ္ဓယ (Ayutthaya) အညံ့ခံရတယ်။
စစ်နိုင်တဲ့ ဘုရင့်နောင်ဟာ ယိုးဒယားမင်း
မဟာချက္ကရာဖတ် နှင့် မင်းညီမင်းသားများ၊
ယိုးဒယား အနုပညာသည်၊ လက်မှုပညာ
သည်များ၊ အတတ်ပညာရှင်များနှင့် ဆင်ဖြူ
အားလုံး ယူဆောင်ပြီး ဟံသာဝတီ ပဲခူး ကို
ပြန်ခဲ့တယ်။
ဖမ်းဆီးလာတဲ့ ယိုးဒယား စစ်သုံ့ပန်းတွေထဲမှာ
မဟာချက္ကရာဖတ်ရဲ့ မြေး၊ ပိသလောက်မြို့စား
'ဗြဓမ္မရာဇာ' ရဲ့ သား (၉) နှစ် အရွယ် 'နရဲစွမ်'
(ဗမာအခေါ် ဗြနရာဇ်) လည်း ပါဝင်တယ်။
ယိုးဒယားမင်း ချက္ကရာဖတ်ဟာ ဟံသာဝတီ
ပဲခူးကိုရောက်ပြီး မကြာမီ သင်္ကန်းဝတ်တယ်။
၁၅၆၅ - ခုနှစ်မှာ သင်္ကန်းဝတ် ယိုးဒယားမင်း
ဟာ ဘုရားဖူး အဖြစ် အယုဒ္ဓယကို ပြန်ခွင့်ရ
တယ်။
အယုဒ္ဓယကို ပြန်ရောက်တာနဲ့သင်္ကန်းဝတ်
ချက္ကရာဖတ်ဟာ ဘုရင့်နောင်ကို ပုန်ကန်တာ
ကြောင့် ၁၅၆၆-ခုနှစ် မိုးရာသီအကုန်မှာ ဘုရင့်
နောင် ဦးစီးတဲ့ ဗမာတပ်ဟာ အယုဒ္ဓယကို ဒုတိ
ယအကြိမ် စစ်ချီခဲ့တယ်။
ဒီတခါတော့ ယိုးဒယားမင်းရဲ့ သားမက် 'နရဲစွမ်'
ရဲ့ အဖေ ပိသလောက်မြို့စား 'ဗြဓမ္မရာဇာ' က
ဗမာတပ်နဲ့ မဟာမိတ် လုပ်လိုက်တယ်။
တိုက်ပွဲဟာ ပြင်းထန် ရှည်လျားပြီး ၁၅၆၇
ခုနှစ် မိုးမကျမီမှာ 'ဗြဓမ္မရာဇာ' ကလည်း
သစ္စာဖောက် လုပ်တဲ့အတွက် အယုဒ္ဓယ
ကျဆုံးရတယ်။
ယိုးဒယားဘုရင် ချက္ကရာဖတ်လည်းတိုက်ပွဲ
မှာ ကျဆုံးပြီး ဘုရင့်နောင် အောင်ပွဲခံကာ
အယုဒ္ဓယမှာ တမိုးခိုတယ်။
၁၅၆၇ ခုနှစ် ခြောက်သွေ့ရာသီမှာ တပ်ခေါက်ပြီး
ဟံသာဝတီ ပဲခူးကို ပြန်တော့ ယိုးဒယား အားနည်း
သွားအောင် စစ်သုံ့ပန်း အများအပြား ခေါ်ဆောင်
သွားလို့အယုဒ္ဓယမှာ လူတစ်သောင်းသာကျန်တယ်
လို့ အဆိုရှိတယ်။
ယိုးဒယားဘက်က သစ္စဖောက် မင်းသား 'ဗြဓမ္မရာဇာ'
ကို သစ္စာခံဘုရင်အဖြစ် အယုဒ္ဓယကို အုပ်စိုးစေတယ်။
ဗြဓမ္မရာဇာက (၁၇) နှစ်အရွယ် သမီးတော် ဆုပန်
ကလျာ ( Suphankanlaya ) ကို ဘုရင့်နောင်ကို
ဆက်သပြီး ဟံသာဝတီပဲခူးမှာ ရောက်နေသူ သား
ငယ် မင်းသား နရဲစွမ်ကို အယုဒ္ဓယ ပြန်ခွင့်ပြုဖို့ပန်
ကြားတာကြောင့် (၁၅၆၈) ခုနှစ်မှာ နရဲစွမ်မင်းသား
ပြည်တော် ပြန်ခွင့်ရတယ်။
ဟံသာဝတီ နေပြည်တော်မှာ (၉) နှစ်သားကနေ
(၁၅) နှစ်သား အရွယ်ထိ နေထိုင်ခဲ့ဖူး တဲ့ နရဲစွမ်
ဟာ မြန်မာ စကားရော မွန်စကားပါ တတ်ကျွမ်း
တယ်လို့သိရတယ်။ မြန်မာတို့ရဲ့ စိတ်နေစိတ်
ထားနဲ့အကျင့် ဓလေ့ကို အကဲခတ်နိုင်သူလည်း
ဖြစ်တယ်။
၁၅၆၉ - ခုနှစ်မှာ နရဲစွမ်ဟာ ပိသလောက်မြို့စားနဲ့
ဥပရာဇာ ( King of Phitsanulokand Uparaja )
ဖြစ်လာပြီး စစ်သွေးစစ်မာန် တက်ကြွတဲ့ ယိုးဒယား
လူငယ်တွေ စုစည်းပြီး စစ်တပ်ဖွဲ့တယ်။
၁၅၈၁ ခုနှစ်မှာ ဘုရင့်နောင် ကွယ်လွန်တော့
နန္ဒဘုရင် (၁၅၈၁ - ၁၅၉၉) နန်းတက်တယ်။
ဦးရီးတော် အင်းဝမင်းက အင်အားပြိုင်လာတဲ့
အခါမှာ နန္ဒဘုရင်က အင်းဝကို သွားတိုက်ပြီး
သစ္စာခံ အယုဒ္ဓယမင်းထံ စစ်ကူတောင်းတယ်။
ဒါကို အခွင့်ကောင်းယူပြီး နရဲစွမ်ဟာ စစ်တပ်
အလုံးအရင်းနဲ့ ဟံသာဝတီပဲခူးကို စစ်ချီတယ်။
နရဲစွမ်ရဲ့ အကြံဉာဏ်ကို ရိပ်မိတဲ့ နန္ဒဘုရင်က
ဟံသာဝတီကို ဆင်းလာပြီး ယိုးဒယားတပ်ကို
တိုက်တာကြောင့် နရဲစွမ်ဟာ ဟံသာဝတီပဲခူး
သိမ်းမဲ့အကြံကို ဖျက်လိုက်ရတယ်။
ဒါပေမယ့် ဘုရင့်နောင် လက်ထက်က ဖမ်းဆီး
ထားတဲ့ ယိုးဒယား စစ်သုံ့ပန်း တစ်သောင်းကို
လွတ်မြောက်အောင် လုပ်နိုင်ခဲ့တယ်။
ယိုးဒယားကို လိုက်တိုက်တဲ့ မြန်မာစစ်တပ်က
တိုက်စစ်မှူးကို နရဲစွမ်ကိုယ်တိုင် တူမီးသေနတ်
နဲ့ပစ်သတ်နိုင်တာမို့ယိုးဒယားတပ်တွေ လွတ်
မြောက်သွားခဲ့တယ်။
နရဲစွမ်ကိုင်ခဲ့တဲ့ နာမည်ကျော် တူမီးသေနတ်ကို
ထိုင်းအမျိုးသားပြတိုက်မှာ အခုထိ သိမ်းဆည်း
ထားတယ်။
နန္ဒဘုရင် လက်ထက်မှာ အယုဒ္ဓယကို လေးကြိမ်
တိုင် ချီတက် တိုက်ခိုက်ပေမဲ့ မအောင်မြင်ပါ။
တိုက်ပွဲတိုင်း မြန်မာတို့ အရေးနိမ့်ခဲ့တယ်။
တကြိမ်မှာ နန္ဒဘုရင်ရဲ့ သားတော် မဟာဥပရာဇာ
#(ဖခင်ဖြစ်သူ နန္ဒဘုရင်ရဲ့ နှမဝမ်းကွဲဖြစ်ပြီး ဘုရင့်
နောင်နဲ့ ရာဇဒေဝီဘွဲ့ခံ ရှင်ထွေးလှတို့ရဲ့ လွန်စွာ
ချောမောလှပပေတယ်လို့မြန်မာ့ရာဇဝင်မှာအညွန်း
ခံရတဲ့ အဒေါ် ဖြစ်သူ 'ရာဇဓာတုကလျာ'ကို မယား
လုပ်သူ)# နဲ့ ယိုးဒယားဘုရင်နရဲစွမ်တို့ဆင်စီးချင်း
ထိုးကြရာမှာ မဟာဥပရာဇာ ကျဆုံးသွားပါတယ်။
ဆင်စီးချင်း တိုက်ပွဲအကြောင်း ယိုးဒယားမှာ ပန်းချီ
ကားကြီးတွေ ရေးဆွဲထားပါတယ်။
မဟာဥပရာဇာ ကျဆုံးပြီး နောက်ပိုင်းမှာ ယိုးဒယား
စစ်ချီတာကို ရပ်ဆိုင်းလိုက်တော့တယ်။
၁၅၉၈ ခုနှစ် မှာ တောင်ငူဘုရင်နဲ့ ရခိုင်ဘုရင်တို့
ပေါင်းပြီး ဟံသာဝတီပဲခူးကို တိုက်ခိုက်တာကြောင့်
ဟံသာဝတီပဲခူး ပျက်ပြီး နန္ဒဘုရင်ကို ဖမ်းဆီး ခေါ်
ဆောင် သွားတယ်။
ဒါကို အခွင့်ကောင်းယူပြီး ၁၅၉၉ ခုနှစ်မှာ နရဲစွမ်
ဟာ စစ်တပ်အလုံးအရင်းနဲ့ ဒုတိယအကြိမ် ဟံ
သာဝတီပဲခူးကို စစ်ချီလာတယ်။ တောင်ငူအထိ
ချီတက်လာပြီး တစ်လကျော် စစ်ဆင်တယ်။
မြန်မာနဲ့ရခိုင်တပ်တွေ ခုခံတိုက်ခိုက်တာကြောင့်
၁၆၀၀ - ခုနှစ် မှာ တပ်ခေါက်ပြီး ပြန်လည် ဆုတ်
ခွါရပြီး မြန်မာပြည်အလယ်ပိုင်းကို ယိုးဒယားလက်
အောက် သွတ်သွင်းမယ့် တစ်ခုတည်းသော အကြံ
အစည်ကို လက်လွှတ်လိုက်ရတယ်။
ဒါပေမယ့် တပ်ခေါက်အပြန်မှာ နရဲစွမ်ဟာ မုတ္တမ
ဒေသက မွန်တွေကိုစည်းရုံးပြီး ယိုးဒယားကို သစ္စာ
ခံစေတယ်။
ဗညားဒလကို မုတ္တမမြို့စား၊ ဗြသပိုက်ကို ထား
ဝယ် မြို့စားအဖြစ် ခန့်အပ်ပြီး နရဲစွမ် အယုဒ္ဓယ
ကို ပြန်တယ်။
နရဲစွမ်ဘုရင် လက်ထက်မှာ ယိုးဒယားဟာ မြန်မာ
သစ္စာခံအဖြစ်ကရုန်းထွက်နိုင်ပြီး မြန်မာကျူးကျော်
မှု အားလုံးကို တွန်းလှန်နိုင်တဲ့ အပြင် မြန်မာပြည်
တွင်းကို (၂) ကြိမ်တိုင်တိုင် ဝင်ရောက် တိုက်ခိုက်
နိုင်ခဲ့တယ်။
ယိုးဒယားကို မြန်မာ သစ္စာခံဘဝက လွတ်မြောက်
အောင် လုပ်နိုင်သူအဖြစ် နရဲစွမ် (ဗမာအခေါ် ဗြန
ရာဇ်) ဟာ ယိုးဒယား ရာဇဝင်မှာ ထင်ရှားတယ်။
ထိုင်း - မြန်မာ နယ်စပ်မှာ ဗမာ စစ်အစိုးရက
'ဘုရင့်နောင်' ရုပ်ထုလုပ်ပြီး ရန်စသော်လည်း
ထိုင်းဘက်က 'နရဲစွမ်' ရုပ်ထုတည်ပြီး တန်ပြန်
တယ်လို့ ထင်စရာ ရှိပေမယ့် တကယ်တန်း
သမိုင်းကြောင်း အရဆို 'ဘုရင့်နောင်' ဟာ
'နရဲစွမ်' ရဲ့ ပြိုင်ဘက်မဟုတ်ဘဲ 'နန္ဒဘုရင်"
ကသာ 'နရဲစွမ်' ရဲ့ ပြိုင်ဘက် ဖြစ်တာ ထင်
ရှားတယ်။
သို့သော်လည်း စစ်အစိုးရက ဒါကို မသိတာလား၊
ဒါမှမဟုတ် ထိုင်းနိုင်ငံထက်သာတာ ပြစရာဆိုလို့
'ဘုရင့်နောင်' ပဲ ရှိတာမို့ ပြတာလား ဆိုတာတော့
ဒင်းတို့သာ သိတော့မည် ဖြစ်ပါကြောင်း ပြောကြား
ရင်း ဒီကဏ္ဏကို နိဂုံးချုပ်အပ်ပါလေတော့သတည်း။
မူရင်းစာရေး သူ Andrew Soe
၎ ဇန်နဝါရီ ၂၀၁၆။