CREDIT INSURANCE အကြောင်း သိကောင်းစရာ

ZTK Finance

 

CREDIT INSURANCE အကြောင်း သိကောင်းစရာ
---------------------------------------------------------------
Credit Insurance ဆိုတာကို ပစ္စည်းရောင်းချသူ၊ တင်ပို့သူများကို လိမ်လည်သော အကြွေးပြန်မဆပ်နိုင်သော ၀ယ်ယူသူများထံမှ ကာကွယ်ပေးသော အာမခံတစ်ခုဟု အလွယ်တကူ ညွှန်းဆိုနိုင်ပါတယ်။ ဒါကြောင့် Credit Insurance ဟာ ကုန်သွယ်မှုအပေါ်မှာ အဓိကထားတဲ့ အာမခံတစ်ခုဟု ဆိုမယ်ဆိုရင်လည်း မမှားပါဘူး။
နိုင်ငံခြားတိုင်းပြည်တချို့မှာတော့ အကြွေးဝယ်ကတ် (Credit Card) အသုံးများတော့ အကြွေးနဲ့ပစ္စည်းတွေ ၀ယ်သုံးပြီး ပြန်မဆပ်နိုင်သေးတဲ့ကာလအတွင်း Credit Insurance ကို အသုံးပြုကြပါသည်။
မြန်မာနိုင်ငံ၏ နိုင်ငံရေး ပြုပြင်ပြောင်းလဲမှုများကြောင့် နိုင်ငံတကာသို့ ခြေလှမ်းဆန့်လာနိုင်ပြီး ကုန်သွယ်ရေးကဏ္ဍတွင်လည်း သိသိသာသာ ပြောင်းလဲမှုများ ဖြစ်ပေါ်လာခဲ့ရာ ၂၀၁၃ ခုနှစ်၊ ဒီဇင်ဘာလတွင် ပြည်ပသို့ တင်ပို့မှုစုစုပေါင်းတန်ဖိုး အမေရိကန်ဒေါ်လာ ၁၇၅၇.၆၀ သန်းသို့ စံချိန်တင် ရောက်ရှိခဲ့ပါတယ်။ ထို့ကြောင့် ၂၀၁၀ ခုနှစ်မှ ၂၀၁၄ ခုနှစ်အထိ မြန်မာနိုင်ငံ၏ ပြည်ပတင်ပို့မှုကို ပျမ်းမျှ တွက်ချက်ကြည့်ပါက အမေရိကန်ဒေါ်လာ သန်း ၈၀၀ ကျော်ဝန်းကျင်ရှိသည်ကို တွေ့ရှိရမှာပါ။
သို့ဖြစ်ပါ၍ ထိုများပြားလှသော ပို့ကုန်အမျိုးအစားများ၊ ပစ္စည်းများကို မရိုးမသားသော ပြည်ပ ၀ယ်ယူသူများမှ ကာကွယ်နိုင်ရန် အာမခံစနစ်တစ်ခု လိုအပ်လာပါတယ်။ ယခုလက်ရှိတွင်ပင် မိမိလုပ်ငန်းထံမှ အကြွေးဝယ်ယူသောသူများမှ လိမ်လည်၍ အများအပြားကို တွေ့နိုင်မှာပါ။ ထိုပြဿနာများကို သိမြင်၍ ၂၀၁၄-၂၀၁၅ ခုနှစ် ဘဏ္ဍာရေးနှစ်တွင် အသေးစိတ်နှင့် အလတ်စား လုပ်ငန်းရှင်များကို Credit Guarantee Insurance များ ရောင်းချရန် အစီအစဉ်ရှိကြောင်း ဘဏ္ဍာရေး ၀န်ကြီးဌာနရဲ့ ထုတ်ပြန်ချက်အရ သိရှိရပါတယ်။ (Credit Guarantee Insurance ရှိခြင်းဖြင့် ဘဏ်များမှ အလွယ်တကူ ငွေချေးနိုင်သော အကျိုးကျေးဇူးကိုလည်း ရရှိစေနိုင်ပါသည်။)
မြန်မာနိုင်ငံရှိ ပုဂ္ဂလိက အာမခံလုပ်ငန်းများသည် ပေါက်ဖွားပြီးစ ကာလအခြေအနေတွင်သာ ရှိနေပြီး အာမခံအမျိုးအစားများ အနေဖြင့်လည်း အရေအတွက်အနည်းငယ်သာ လုပ်ကိုင်ခွင့်ရရှိထား သောကြောင့် ပြည်သူများထံသို့ အာမခံသဘောတရားများနှင့်ပတ်သက်ပြီး စိမ့်ဝင်မှုအား နည်းသေး တယ်လို့ ဆိုနိုင်ပါတယ်။ သို့ဖြစ်ပါ၍ အာမခံကဏ္ဍအတွက် Public Awareness ရရှိမှုကို ပိုမို အထောက်အကူပြုရန်နှင့် နိုင်ငံ့စီးပွားရေးတွင် အရေးပါသော Credit Insurance အကြောင်း ပိုမိုသိရှိစေရန်အလို့ငှာ Global Banking & Finance Review မှ Atradius Trade Credit Insurance နှင့် တွေ့ဆုံမေးမြန်းထားသည်ကို ဆီလျော်အောင် ဖော်ပြပေးလိုက်ရပါတယ်။
------------
ယခုလို ကျွန်တော်တို့ကို အချိန်ပေးတာ အထူးကျေးဇူးတင်ရှိပါတယ်။ မိမိအကြောင်းနဲ့ Atradius Trade Credit Insurance အကြောင်းကို မိတ်ဆက်ပေးပါဦး။
-------------
Atradius ဟာ ကမ္ဘာပေါ်မှာ ဒုတိယအကြီးဆုံး Credit Insurance ကုမ္ပဏီတစ်ခုဖြစ်ပါတယ်။ ကျွန်တော်တို့ရဲ့ ကုန်ပစ္စည်းတွေနဲ့ ၀န်ဆောင်မှုတွေကို နိုင်ငံပေါင်း ၅၀ ကျော်မှာရှိတဲ့ ရုံးခန်းပေါင်း ၁၆၀ ကနေ ရယူနိုင်ပါတယ်။ ကျွန်တော်ကတော့ ဈေးကွက်အရာရှိချုပ် (Chief Marketing Officer) ဖြစ်တဲ့အတွက် ကမ္ဘာအနှံ့မှာရှိတဲ့ Atradius ရဲ့ လုပ်ငန်းတွေ အောင်မြင်ဖို့အတွက် တာဝန်ယူထားပါတယ်။

Credit Insurance က ဘယ်လို အလုပ်လုပ်ပါသလဲ?
-----------------------------------------------------------
အရိုးရှင်းဆုံးဖြေရရင်တော့ ကျွန်တော်တို့ဟာ အကြွေးပေးဖို့ စိတ်ချလို့မရတဲ့ ကုမ္ပဏီတွေ (non-creditworthy companies) ကို ဖော်ထုတ်ပေးတာပါပဲ။ ကျွန်တော်တို့ဆီမှာ အာမခံထားထားတဲ့ ရောင်းသူ (Seller) ရဲ့ Customer က သူဝယ်ထားတဲ့ ပစ္စည်းအတွက် ငွေချေးဖို့ ပျက်ကွက်ခဲ့ရင် ကျွန်တော်တို့က ထိုငွေကြေးကို ရောင်းသူကို ပေးအပ်ပေးခြင်းဖြင့် ကြွေးဆုံးမှုကို ကူညီပေးပါတယ်။
ဒါပေမယ့် Credit Insurance ကို အသုံးပြုတဲ့ ကုမ္ပဏီအများစုအတွက်ကတော့ ဒီဟာ အခြေခံအချက်မျှသာ ဖြစ်ပါတယ်။ တစ်ခြားအာမခံတွေလိုပဲ အန္တရာယ်တွေကိုလည်း အာမခံပေးပါတယ်။ အန္တရာယ်တွေလို့ဆိုရာမှာ ၀ယ်သူတွေရဲ့ သူတို့ပစ္စည်းတွေဝယ်ရာမှာ ပေးရမည့် ပေးချေမှုစည်းမျဉ်းတွေကို လိုက်နာနိုင်မှုလည်း ပါပါတယ်။ ဥပမာ- တချို့အထူးထုတ်ထားတဲ့ ကုန်ပစ္စည်းတွေဟာ ၀ယ်သူတစ်ယောက်အတွက်ပဲဖြစ်ပြီး တခြားတစ်ယောက်ကို ပြန်ရောင်းလို့မရတာ မျိုးတွေရှိပါတယ်။ ထိုအချိန်မှာ ၀ယ်ယူကပစ္စည်းရောက်တာနဲ့ ငွေပေးချေမယ် (Cash on delivery) လို့ ပြောထားပြီးမှ ပျက်ပြယ်သွားတာမျိုးတွေအတွက် အာမခံပေးပါတယ်။
Atradius ဟာ ၀ယ်သူတွေ (buyer) မိမိဝယ်ထားတဲ့ပစ္စည်းအပေါ် ငွေချေနိုင်မချေနိုင် ကြည့်ရုံ တင်မကပဲ တစ်ခြားအချက်အလက်များကိုလည်း ခြုံငုံသုံးသပ်ပါတယ်။ ထိုမှရတဲ့ သတင်းအချက်အလက်တွေကိုသုံးပြီး ရောင်းသူကတော့ ဘယ်လောက်တန်ဖိုးအထိပဲ ရောင်းသင့် တယ်၊ ၀ယ်သူကတော့ ဒီတန်ဖိုးထိပဲ ၀ယ်နိုင်တယ်ဆိုတာမျိုးကို စီစစ်တွက်ချက်ပါတယ်။

Credit Insurance အပေါ်မှာရှိတဲ့ လူတွေရဲ့ အမြင်မှားတွေကိုလည်း ပြောပြပေးပါဦး။
---------------------------------------------------------------------
အဓိက အမြင်မှားနှစ်ခုကတော့ Credit Insurance ဟာ ကုမ္ပဏီကြီးတွေအတွက်ပဲ ဆိုတာရယ် Credit Insurance ထားရင် ဈေးအရမ်းကြီးတယ်ဆိုတာပါပဲ။ Credit Insurance ထားခြင်းအားဖြင့် လုပ်ငန်းတွေအနေနဲ့ သူတို့ရဲ့ ကြွေးမီစီမံခန့်ခွဲမှုစနစ် (Credit Management) ကို စိတ်ဖိစီးမှုကင်းစွာနဲ့ ပိုမိုအာရုံစိုက်နိုင်မှာပါ။ ၀ယ်သူအရေအတွက်တွေ၊ ရရှိရန် (receivable) တွေ များပြားလာတာနဲ့အမျှ ကုမ္ပဏီအသေး၊ အကြီးမဆို စွန့်စားရမည့် အန္တရာယ်တွေလည်း များပြားလာပါ တယ်။ ကုမ္ပဏီကြီးတွေအတွက်တော့ Credit Insurance ရှိခြင်းအားဖြင့် ကြွေးမြီအပိုင်းတွေအတွက် စိတ်ပူစရာမလိုတော့ပဲ တခြားကဏ္ဍတွေကို ပိုမိုအာရုံစိုက်နိုင်မှာပါ။
ကုမ္ပဏီအသေးတွေ အတွက်ကျတော့ သာမန်သူတို့ ရယူဖို့မလွယ်ကူတဲ့ ၀ယ်သူရဲ့ Credit Information တွေ ရရှိနိုင်မှာဖြစ်ပြီး သူတို့ရဲ့ ငွေကြေးအတွက် စိုးရိမ်ပူပန်မှုကို လျော့ကျစေနိုင်မှာပါ။ ဒါပေမယ့် ကုမ္ပဏီအသေးအများစုဟာ အာမခံထားတဲ့ဈေးနှုန်းကို ဈေးကြီးတယ်လို့ထင်မြင်ကြပြီး သူတို့ပြန်ရရှိမည့် တန်ဖိုးတွေကိုလည်း လျော့တွက်ကြပါတယ်။ တကယ်တော့ တစ်နှစ်စာအာမခံ ၀ယ်ယူမယ်ဆိုရင်တောင် ပေးရမည့်တန်ဖိုးက ကုမ္ပဏီရဲ့ တစ်နှစ်စာရောင်းအားရဲ့ ၁ ရာခိုင်နှုန်းပဲ ရှိပါတယ်။

ဘာကြောင့် Trade Credit Insurance က Letter of Credit L/C ထက်ပိုပြီး အရေးပါတာပါလဲ?
---------------------------------------------------------------------------------
L/C နဲ့ Credit Insurance တို့ဟာ Third party ဆီက ငွေပေးချေရန် ပျက်ကွက်မှု အန္တရာယ်ကို လျော့ကျနိုင်ဖို့ဆိုတဲ့အချက်ကတော့ တူညီကြပါတယ်။ သို့ပေသည့် L/C ဟာ အရောင်းအ၀ယ်တစ်ရပ်အတွက်သာ ပြုလုပ်ခြင်း၊ ၀ယ်သူရဲ့ ကြွေးမြီတချို့ကို ထိန်းချုပ်ထားခြင်းတို့ ကြောင့် Buyer ဘက်ခြမ်းက သူတို့အတွက် ဈေးကြီးမှုတွေ၊ ၀န်ထုပ်ဝန်ပိုးတွေ ဖြစ်ပေါ်စေပါတယ်။
Credit Insurance ကတော့ အရောင်းအ၀ယ်တစ်ရပ်အတွက်သာမဟုတ်ဘဲ ရရန်ရှိ (Receivable) အောက်က အမျိုးအစားအားလုံးအတွက် အကျုံးဝင်ပါတယ်။ ၀ယ်ယူသူ (Buyer) ဘက်ခြမ်းကတော့ မိမိငွေပေးချေနိုင်မှုနှင့် ပတ်သက်သော up-to-date အချက်အလက်များကို အမြဲ ထောက်ပံ့ပေးဖို့လိုအပ်တာပေါ့။

လက်ရှိ ဘယ်လိုအလားအလာမျိုး တွေ့ရှိမယ်လို့မြင်ပါသလဲ?
------------------------------------------------------------------
Globalization က ပိုမိုကြီးထွားလာပြီး အဆက်မပြတ် ဖြစ်ပေါ်နေတယ်။ နိုင်ငံတကာ ကုန်သွယ်မှုကလည်း ပို၍အရေးပါလာတယ်။ လွန်ခဲ့တဲ့ ၆ နှစ်က ဥရောပမှာဖြစ်ပေါ်ခဲ့တဲ့ စီးပွားရေးကျဆင်းမှုက ပို့ကုန်တင်ပို့မှုကဏ္ဍ ဘယ်လောက်အရေးပါသလဲဆိုတာ ဖော်ပြနေတယ်။ ပို့ကုန်အသားပေးနိုင်ငံဖြစ်တဲ့ ဂျာမနီက ပြည်တွင်းကုန်သွယ်မှုကြီးစိုးတဲ့ UK တို့ Italy တို့ထက် ထိခိုက်မှုလျော့နည်းခဲ့တယ်ဆိုတာ အားလုံးအသိဖြစ်မှာပါ။ ၂၀၁၄ ခုနှစ်အတွင်း အဓိက ဥရောပဈေးကွက်တွေမှာ ကြွေးမဆပ်နိုင်မှုတွေ မြင့်တက်လာလိမ့်မယ်လို့ ခန့်မှန်းပါတယ်။
ဒါပေမယ့် ပို့ကုန်တင်ပို့မှုကတော့ စီးပွားရေးလုပ်ငန်းတွေ နယ်ပယ်ချဲ့ထွင်ဖို့အတွက် တစ်ခုတည်းသော နည်းမဟုတ်ပါဘူး။ Atradius လိုပဲ စီးပွားရေးလုပ်ငန်းတွေဟာ သူတို့ဦးတည်တဲ့ ဈေးကွက်ရှိရာဒေသတွေမှာ ရုံးခွဲတွေ၊ စက်ရုံတွေ ဖွင့်လှစ်ကြပါတယ်။ ဒီလိုပြုလုပ်ခြင်းဖြင့် နိုင်ငံတစ်နိုင်ငံမှာ ကြီးမားတဲ့ စီးပွားရေးချဲ့ထွင်မှုတွေ ပြုလုပ်နိုင်ဖို့ လမ်းစရစေပါတယ်။ ကျွန်တော်တို့ရဲ့ Customer များဟာ ပို့ကုန်တင်ပို့မှုကို အကြီးအကျယ် လုပ်ကိုင်နေကြပြီး နိုင်ငံတကာမှာလည်း ရုံးခွဲတွေရှိခြင်းကြောင့် သူတို့လိုအပ်မည့်နေရာမှာ ကျွန်တော်တို့ရှိနေဖို့ လိုလာပါပြီ။ ဒါကြောင့်မို့ ကျွန်တော်တို့ဟာ တူရကီ၊ ရုရှား၊ ထိုင်း၊ မလေးရှားနိုင်ငံတွေမှာ ယခုနှစ်အတွက် ရုံးခွဲများ တိုးချဲ့ဖွင့်လှစ်ဖို့ စီစဉ်နေပြီး မြောက်အမေရိကနဲ့ တောင်အမေရိကမှာရှိတဲ့ ကျွန်တော်တို့လုပ်ငန်းတွေ တိုးချဲ့ဖို့အတွက်လည်း ပြင်ဆင်မှုတွေ ပြုလုပ်နေပါတယ်။

Atradius က နိုင်ငံပေါင်း ၅၀ မှာ လုပ်ငန်းတွေလုပ်ကိုင်နေတော့ ထိုဈေးကွက်တွေမှာရှိတဲ့ လုပ်ငန်းလည်ပတ်မှုအတွက် အကျိုးတရားတွေ စိန်ခေါ်မှုတွေက ဘယ်ဟာတွေဖြစ်မလဲ။ နိုင်ငံတစ်ခုချင်းဆီမှာ ပြည်တွင်းအမာခံ ပရိသတ်ရအောင် မည်ကဲ့သို့ပြုလုပ်ပါလဲ။
---------------------------------------------------------------------------------------
ကိုယ့် Customer တွေ ကိုယ့်ကိုလိုအပ်နေတဲ့အချိန်မှာ အဆင်သင့်ရှိနေမှသာ Customer တွေအတွက် အကောင်းဆုံး ဖြည့်ဆည်းပေးနိုင်မယ်လို့ Atradius က ယုံကြည်ပါတယ်။ ဒါကြောင့် Customer တွေရှိနေတဲ့ ဈေးကွက်တိုင်းမှာ ကျွန်တော်တို့ ရှိရမယ်ဆိုတဲ့ ရည်မှန်းချက်ထားထားပြီး ထိုရည်မှန်းချက်အတိုင်းလည်း တိုးချဲ့မှုတွေကို လုပ်ဆောင်နေပါတယ်။ ထိုအတွက် စိန်ခေါ်မှုတွေက တော့ Customer တွေဟာ ကျွန်တော်တို့ဆီက အကောင်းဆုံးဝန်ဆောင်မှုနဲ့ ကျွမ်းကျင်မှုတို့ကို ၂၄ နာရီပတ်လုံး ကွဲပြားတဲ့ ဘာသာစကားပေါင်းစုံနဲ့ လိုအပ်နေခြင်းပဲဖြစ်ပါတယ်။ ထို့အပြင် သူတို့ဟာ ဈေးကွက်တစ်ခုချင်းစီအတွက် အထူးပြုလုပ်ပေးပြီး ဈေးကွက်ကြီးတစ်ခုလုံးကို တစ်သမတ်တည်း ၀န်ဆောင်မှုပေးနိုင်ဖို့အတွက်လည်း အလိုရှိကြပါတယ်။ ဒါကြောင့်မို့ တစ်ကမ္ဘာလုံးမှာရှိတဲ့ မျိုးစုံသော Customer တွေအတွက် အကောင်းဆုံး ၀န်ဆောင်မှုတွေပေးနိုင်ဖို့ ကြိုးစားနေပါတယ်။
ကျွန်တော်တို့နဲ့ စတင် စာချုပ်ချုပ်ဆိုလိုက်ကတည်းကဖောက်သည်တွေဟာ သူတို့နဲ့သက်ဆိုင်တဲ့ Account တွေကို ရရှိသွားမှာဖြစ်ပြီး နိုင်ငံပေါင်း ၅၀ က Atradius ရဲ့ ထောက်ပံ့မှုကို တစ်ပြိုင်တည်းရရှိမှာပါ။ ထို့အပြင် ဖောက်သည်တွေလိုအပ်တဲ့ ကုမ္ပဏီမျိုးစုံရဲ့ အချက်အလက်တွေကိုလည်း သက်ဆိုင်ရာ ဘာသာစကားပေါင်းစုံနဲ့ ထုတ်ပြန်ပေးပါတယ်။

၂၀၁၄ ခုနှစ်အတွက် ကုန်ပစ္စည်းအသစ်တွေ၊ ၀န်ဆောင်မှုအသစ်တွေ ပြုလုပ်ဖို့ရာ အစီအစဉ်ရှိပါသလား?
-------------------------------------------------------------------------------------------
Atrdius ဟာ ယခုလက်ရှိပေးနိုင်တဲ့ ၀န်ဆောင်မှုထက် ကောင်းမွန်အောင် အမြဲကြိုးစားနေပြီး ဖောက်သည်တွေနဲ့ ဆက်ဆံလုပ်ဆောင်ရာမှာလည်း ယခုထက်မက ပိုမိုဝန်ဆောင်မှုတွေ ပေးနိုင်ဖို့ ကြိုးစားလျက်ရှိပါတယ်။
ယခုလက်ရှိတော့ အသေးစားနှင့် အလတ်စားစီးပွားရေးလုပ်ငန်းများ (SMEs) ပေါ်ပေးနေတဲ့ ၀န်ဆောင်မှုလုပ်ငန်းတွေတိုးတက်ဖို့ ကြံဆောင်နေပါတယ်။
နယ်သာလန်မှာဆိုရင် SME လုပ်ငန်းတွေအတွက် ကုန်ပစ္စည်းအသစ်နှစ်ခုကို မိတ်ဆက်ပေးခဲ့ပါတယ်။ SME အများစုဟာ သူတို့ဆီက ကုန်ပစ္စည်းဝယ်ယူမည့်သူတွေရဲ့ အကြွေးဆပ် နိုင်အားကောင်းမှု (Credit Worthiness) ကို စစ်ဆေးဖို့ သတင်းအချက်အလက် အပြည့်အစုံမရရှိကြ ပါဘူး။ အသစ်မိတ်ဆက်ခဲ့တဲ့ ကုန်ပစ္စည်းနှစ်ခုထဲက တစ်ခုဖြစ်တဲ့ Infozeker က ထိုလိုအပ်တဲ့ သတင်းအချက်အလက်တွေကို သင့်တင့်တဲ့ဈေးနဲ့ ထောက်ပံ့ပေးနိုင်ဖို့ ဖြစ်ပါတယ်။ နောက်တစ်ခု ဖြစ်တဲ့ MKBZeker ကတော့ တစ်နှစ်အတွင်း ယူရို ၁၅,၀၀၀ အထိရှိတဲ့ ကုန်ပို့လွှာ (Invoice) တွေအတွက် အကျုံးဝင်တဲ့ အာမခံ ကုန်ပစ္စည်းအမျိုးအစား တစ်ခုဖြစ်ပါတယ်။ ထိုကုန်ပစ္စည်း နှစ်မျိုးဟာဆိုရင် SME တွေ လိုအပ်နေတဲ့ ကြွေးမီစီမံခန့်ခွဲမှုစနစ် (Credit Management) ကို အထောက်အကူပြုပြီး သုံးစွဲရလွယ်ကူသလို သူတို့စီးပွားရေးလုပ်ငန်းတွေရဲ့ လိုအပ်ချက်တိုင်းအတွက် ၀န်ဆောင်မှုပေးနိုင်ရန် ပြောင်းလွယ်ပြင်လွယ်ရှိအောင်လည်း ပြုလုပ်ပေးထားပါတယ်။
ထိုနည်းလည်းကောင်း စပိန်မှာဆိုရင်လည်း CyCred ဆိုတဲ့ Online ကြွေးမီ စီမံခန့်ခွဲမှုစနစ်ကို မိတ်ဆက်ပေးနိုင်ခဲ့ပြီး စီးပွားရေးလုပ်ငန်းတွေအတွက် ရောင်းချမှုအသစ်တွေ ပြုလုပ်နိုင်ဖို့ ကူညီပေးလျက်ရှိပါတယ်။ ယမန်နှစ်ကပဲ Early Cost Assessment Program ကိုလည်း စတင်နိုင်ခဲ့ပြီး ထို Program အရ ဖောက်သည်များဟာ အာမခံကြေးထားပြီးသည်နှင့် တစ်ပြိုင်နက် (အကယ်၍ သဘောတူစာချုပ်ထဲက အချက်အလက်တွေအားလုံး မဖောက်မပျက်ပဲ ရှိမယ်ဆိုပါက) မိမိ၏ ငွေပင်ငွေရင်းကို ဘယ်လိုနည်းနဲ့ ပြန်လည်ထုတ်ပေးမည်၊ ဘယ်အချိန် ပြန်လည်ထုတ်ပေးမည် ကို အကြမ်းဖျင်းသိရှိရမှာပါ။
ကျွန်တော်တို့ ယခုနှစ်အစောပိုင်းက စတင်ခဲ့တဲ့ New Cover Opportunity Program ဟာ ဆိုရင်လည်း ကျွန်တော်တို့ဖောက်သည်တွေကို အန္တရာယ်များတဲ့ ၀ယ်သူတွေရဲ့ အကြွေးဆပ်နိုင်အား ကောင်းလာလျှင် အားကောင်းမှုပေါ်မူတည်၍ မည်ကဲ့သို့ အလုပ်လုပ်နိုင်ပုံကို အကြောင်းကြားပေး နိုင်မှာပါ။
ယခုလက်ရှိအနေနဲ့ ကျွန်တော်တို့ဖောက်သည်လုပ်ငန်းတွေအတွက် သူတို့ရဲ့ရရန်ရှိ အမျိုးအစားတွေကို ကောင်းမွန်စွာ စီမံခန့်ခွဲနိုင်ဖို့ account information အပြည့်အစုံ ပါဝင်မည့် Customer Report ကိုလည်း ပြင်ဆင်နေပါတယ်။ ကျွန်တော်တို့ဝန်ဆောင်မှုကို ရယူနေကြတဲ့ Customer တွေရဲ့ ကျွန်တော်တို့ဝန်ဆောင်မှုအပေါ် ကျေနပ်မှုရရှိရေးဟာ အရေးကြီးဆုံးဖြစ်ပြီး ထိုကဲ့သို့ ကျေနပ်မှုရရှိစေမည့် မည်သည့်ကုန်ပစ္စည်း၊ ၀န်ဆောင်မှုမျိုးမဆို ဆက်လက်ပြီး မိတ်ဆက်ပေးသွားမှာပါ။

ဇင်ထွန်းဝင်း
(Myanmar Banking and Finance Magazine)