ဒါ ဖတ်ပြီးမှ ဂျပန်သွားအလုပ်လုပ်ပါ
စက်မှုနည်းပညာထွန်းကားသော ဂျပန်နိုင်ငံက မြန်မာနိုင်ငံမှ အလုပ်သမားခြောက်သောင်းခေါ်ယူမည်ဟု ကြေညာထားသည်။ ယခင်က ဂျပန်သို့ သွားမည်ဆိုလျှင် သိန်းေ ပါင်းများစွာပေးခဲ့ရပြီး အလုပ်သမားများ ငွေလိမ်ခံခဲ့ရသည့် ပြဿနာများလည်း ဖြစ်ပွားခဲ့သည်။ လက်ရှိတွင် ဂျပန်သို့ အေဂျင်စီများမှ တစ်ဆင့် အလုပ်သမား စေလွှတ်မှုကို ဝန်ကြီးဌာနက ကြီးကြပ်၍ မြန်မာပြည်ပအလုပ်အကိုင် ဝန်ဆောင်မှု လုပ်ငန်းရှင်များ အသင်းချုပ် (MOEAF) မှထိန်းကျောင်းပို့လွှတ် မည်ဖြစ်ရာ ဂျပန်သို့ သွားလိုသူများ အ တွက် (MOEAF) ဥက္ကဋ္ဌ ဦးမင်းလှိုင်နှင့် မေးမြန်းတင်ပြလိုက်ပါသည်။
လက်ရှိ ဂျပန်ကနေ မြန်မာလုပ်သားခြောက်သောင်းကို ခေါ်ယူမယ်ဆိုတဲ့အစီအစဉ်ကလည်း ရှိနေတော့ ဒီကနေ ဂျပန်သွားဖို့ စိတ်ဝင်စားတဲ့ လူတွေအတွက် ဘာတွေပြင် ဆင်ထားသင့်လဲဆိုတာကို ပြောပြပေးပါရှင်။
ဂျပန်ကိုသွားမယ်ဆိုရင်တော့ ပထမဦးဆုံး Passport လုပ်ရမယ်။ နောက်ပြီးတော့ အဓိကအရေးကြီးတာ ဂျပန်ဘာသာစကားပေါ့။ ဂျပန်ဘာသာ စကားကို နာရီနှစ်ရာ သင်ကြားရမယ်။ ပြီးတော့ ကိုယ်အလုပ်သွားလုပ်မယ့်အပိုင်းကို တတ်ကျွမ်းရမယ်။ လက်တွေ့ တော့လုပ်တတ်ရမယ်ပေါ့။ အထည်ချုပ်ဆို အထည်ချုပ်တော့ ချုပ်တတ် ရ မယ်။ ဆောက်လုပ်ရေးအပိုင်းဆိုလည်း ဆောက်လုပ်ရေးနဲ့ ပတ်သက်လို့ လုပ်တတ်ရမယ်ပေါ့။
အခုလုပ်သားခေါ်ယူတဲ့ အပိုင်းကိုရော အစိုးရပိုင်းက ထိန်းချုပ်သွားမှာလား။ (MOEAF) အနေနဲ့ အေဂျင်စီတွေကို ထိန်းချုပ်ပြီးလုပ်သားလွှတ်မှာလား ဆိုတာ သိချင်ပါတယ်။
ကျွန်တော်တို့က ဘယ်သူမှ ချုပ် ကိုင်သွားမှာတော့ မဟုတ်ပါဘူး။ ကြီး ကြပ်ပြီးတော့ လွှတ်မယ်ပေါ့နော်။ မှန် မှန်ကန်ကန် ဖြစ်အောင် ကြီးကြပ်ရမှာပေါ့။ ကျွန်တော်တို့က ကြီးကြပ်မှာတော့ မဟုတ်ပါဘူး။ ကြီးကြပ်တာကတော့ အလုပ်သမားဝန်ကြီးဌာနက ကြီးကြပ်မယ်။ ကျွန်တော်တို့က ပံ့ပိုးကူညီသွားမယ်ပေါ့။ လုပ်သားတွေ ဟိုကို သေသေ ချာချာရောက်အောင် ပို့ပေးနိုင်အောင် အေဂျင်စီတွေ နည်းလမ်းမှန်မှန်နဲ့ ပို့ အောင်ဆောင်ရွက်သွားမှာပါ။ အရင်ကဆို ဂျပန်ကိုသွားဖို့ သိန်းရာဂဏန်းနဲ့ ချီပြီး ကုန်ကျတာမျိုး ရှိခဲ့တယ်။
အခုဆိုရင် ဂျပန်သွားမယ့် လူတွေအတွက် ဝန်ဆောင်ခ တိတိကျကျနဲ့ ဘယ်လောက်ကုန်ကျမလဲဆိုတာ သိပါရစေ။
ကျွန်တော်တို့ သတ်မှတ်ထားတာကတော့ အမေရိကန်ဒေါ်လာ ၃ဝဝဝ ပါ။ တရားဝင်ကတော့ ၃ဝဝဝ သတ်မှတ်ထားတာပဲ။ သို့သော်လည်း တရားမဝင်ကတော့ အမျိုး မျိုးတောင်းနေကြတာ။
အခု ဂျပန်ကို အလုပ်သွားလုပ်ဖို့ စိတ်ဝင်စားမှုတွေက များလာတယ်ဆိုတော့ သွားချင်သူတွေအတွက် ဘယ်လို အေဂျင်စီမျိုးတွေနဲ့ ချိတ်ဆက်ပြီး သွားရမလဲ ဆိုတာ အကြံပြုပေးပါ။
ကိုယ်သွားမယ့် အေဂျင်စီရဲ့သမိုင်း ကြောင်းပေါ့။ ဆက်သွယ်တဲ့ အေဂျင်စီက မှန်မှန်ကန်ကန် လုပ်သလား။ နောက်ပြီးအရင်တုန်းက သမိုင်းကြောင်း အမည်း စက်ရှိခဲ့ သလား။ ဒါတွေ ကြည့် ပေါ့။ မရှိဘူးဆိုရင်တော့ စည်းကမ်းတကျနဲ့ လွှတ်ရင်သွားသင့်ပါတယ်။
လက်ရှိ ဝန်ဆောင်ခက ကန်ဒေါ်လာ ၃ဝဝဝသတ်မှတ်ထားတယ်ပေါ့။ ဒါပေမဲ့ လုပ်သားတွေအနေနဲ့ အေဂျင်စီမှား ချိတ်ဆက်မိတာမျိုးရှိရင် (MOEAF) ကို တိုင်ကြားလို့ ရနိုင် မလား။ တိုင်ကြားလို့ ရမယ်ဆိုရင် ဘယ်လို အရေးယူပေးမလဲဆိုတာ သိပါရစေ။
ကျွန်တော်တို့ကိုတိုင်ကြားလို့ ရပါတယ်။ တိုင်ကြားလာပြီဆိုရင် အလုပ်သမား ဝန်ကြီးဌာနဆီကို Report လုပ်မယ်။ သတ်မှတ်ထားတဲ့ ဝန်ဆောင်ခထက်ပိုယူလို့မရပါဘူး။ ပိုယူရင် သက်ဆိုင်ရာ အေဂျင်စီကို Report လုပ်မယ့် ဝန်ကြီးဌာနက သူထိုက်သင့်တဲ့ အရေးယူမှု လုပ်သွားမှာပါ။
ဂျပန်နိုင်ငံကရော မြန်မာလုပ်သားတွေ အလုပ်လုပ်ဖို့စိတ်ချရပါ့မလား။ လက်ရှိ မြန်မာရွှေ့ပြောင်းလုပ်သားတွေရှိတဲ့ ထိုင်းတို့ မလေးရှားတို့မှာ ပြဿနာတွေ တက်နေတယ် ဆိုတော့လေ။ ဂျပန်ကရော လုံခြုံမှု ရှိနိုင်မလား။
ဂျပန်က နိုင်ငံကြီးဖြစ်တယ်။ တိုးတက်သော နိုင်ငံကြီးဖြစ်ပြီး အပြည်ပြည်ဆိုင်ရာ ဥပဒေကို လေးစားလိုက်နာသော နိုင်ငံဖြစ်တဲ့အတွက် လုံခြုံစိတ်ချမှုရှိတယ်။ သွားသင့် တဲ့နိုင်ငံထဲမှာလည်း ပါတယ်။
ဂျပန်က လက်ရှိ ခေါ်ယူနေတဲ့ လုပ်ငန်းပိုင်းတွေကို ပြောပြပေးပါ။
ခေါ်ယူနေတဲ့ လုပ်ငန်းပိုင်းက မျိုးစုံပါပဲ။ စက်ရုံ၊ အလုပ်ရုံတွေ၊ အထည်ချုပ်၊ ဆောက်လုပ်ရေးအပိုင်းတွေရော လုပ်ငန်းမျိုးစုံက ခေါ်ပါတယ်။
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။