လင်းလင်းနှင့် ခဏလေးများ

We Love Music

လင်းလင်းနှင့် ခဏလေးများ

ကိုယ်ရေးတဲ့သီချင်းကို အဆိုတော် တစ်ယောက်ဆိုတာ နားနဲ့ ပထမဆုံး စကြားရတာ ဘယ်သီချင်းဖြစ်မလဲ။
ကိုလေးဖြူထဲက သီချင်းပဲဗျ။ ဘယ်သီချင်းလည်းတော့ မမှတ်မိတော့ဘူး။

ခဏလေးများ နဲ့ နိစ္စဓူဝ သီချင်းနှစ်ပုဒ်မှာ လင်းလင်းပေးချင်တဲ့ ဒဿနက ဘာတွေများ ဖြစ်မလဲ။
ခဏလေးများ သီချင်းကတော့ ဘ၀မှာ ဖြစ်နေတာတွေ၊ ပျက်နေတာတွေ အကုန်လုံးဟာ ခဏလေးပဲဗျ။ အသက် ၅၀ ၆၀ အရွယ်ရောက်လို့ ငယ်စဉ်နောက်ကြောင်းတွေကို လှည့်ကြည့်လိုက်ရင်လဲ ခဏလေးပဲ။ အောင်မြင်ခမ်းနား ကြီးကျယ်တဲ့ အချိန် ပြုတ်ကျ၊ ကွဲပြဲ၊ ပွန်းရှတဲ့ အချိန် အဲဒီအချိန်တွေကလည်း ခဏလေးပါပဲ။ အဲဒါတွေကို ပြောချင်တာပါ။ နိစ္စဓူဝ သီချင်းကတော့ နေ့တိုင်း ဒီပုံစံတွေချည်းပဲ ထပ်တလဲလဲ ရိုးအီနေတဲ့ ကိစ္စတွေပေ့ါ။ တစ်နေ့တာ ဒါပဲဆိုတဲ့ သဘောပါ။

လင်းလင်းကြိုက်တဲ့ တေးရေးဆရာတွေကို ပြောပါဆိုရင်။

အများကြီးပဲဗျ။ အကုန်လုံးနီးပါးက သင်ဆရာ၊ မြင်ဆရာ၊ ကြားဆရာ ဖြစ်နေတာကိုး။ ဒါပေမယ့် ကိုမောင်မောင်ဇော်လတ်နဲ့ ကိုအယ်ဖြူတို့ရဲ့ သီချင်းတွေကိုတော့ အများဆုံး အနီးကပ်သင်ယူခွင့် ရခဲ့ပါတယ်။

အခုမှ သီချင်းစရေးတဲ့ လူငယ်တစ်ယောက်က လင်းလင်းကို အကြံဥာဏ် တောင်းလာရင် ဘယ်လိုဖြေမလဲ။
ကျွန်တော် အကြံပေးချင်တာကတော့ နိုင်ငံခြား သီချင်းတွေ များများနားထောင်ပါ။ တတ်နိုင်သလောက် စာလည်းများများ ဖတ်ပါ။ ပြီးရင် ကိုယ်ကြိုက်တဲ့ သီချင်းတွေကို ကိုယ့်ဟာကို ဂစ်တာလေးနဲ့ လိုက်တီး။ နုတ်စ်ထုတ်ကြည့်ပေ့ါ။ နောက် အဲဒီထဲက စာသားတွေကို တတ်နိုင်သလောက် ဘာသာပြန် လေ့လာကြည့်ပေါ့။ အဲဒီလိုမျိုးများများ လုပ်ဖို့တော့ အကြံပေးချင်ပါတယ်။

Instrument တစ်ခုခုကို သေချာမတတ်လည်း သီချင်းရေးလို့ရပါတယ်ဆိုတဲ့ လူငယ်မျိုးရှိရင်ကော ဘယ်လို အကြံပေးချင်သလဲ။
ကျွန်တော့်အမြင်တော့ အဲဒါမဟုတ်ဘူးလို့ထင်တယ်။ ကွန်ပြုတာ Music တွေကိုတော့ ကျွန်တော် နားမလည်လို့ မပြောတတ်ဘူး။ Instrumental တစ်ခုခုကို အရမ်းကြီး မဟုတ်တောင် ပုံမှန်လောက် မကျွမ်းကျင်ပဲနဲ့ ဖန်တီးဖို့ဆိုတာ မလွယ်ဘူးထင်တယ်။

ကိုယ့်ဘ်က ပေးနိုင်လိုက်တယ်လို့ ထင်တဲ့သီချင်းမျိုး လင်းလင်းဆီမှာ ဘယ်နှစ်ပုဒ်ရှိခဲ့ပြီလဲ။
အဲဒီလိုတော့ မထင်ပါဘူးဗျာ။ ကိုယ်သိသလောက် မှတ်သလောက်တော့ သီချင်းတိုင်းမှာ အားထည့်ထားပါတယ်။

အလင်္ကာမှာ ကိုအယ်ဖြူ တစ်ခါပြောခဲ့ဖူးပါတယ်။ သီချင်းရေးတဲ့နေရာမှာ ဂစ်တာရယ်၊ စာအုပ်ရယ်၊ ဘောပင်ရယ်၊ ခေါင်းအုံးရယ် လိုတယ်တဲ့။ လင်းလင်းရော ဘာတွေလိုမလဲ။
ကျွန်တော်လိုတာကတော့ ဆရာအယ်ဖြူ ပြောတဲ့ ပစ္စည်းတွေရယ် နောက်ထပ် မိုးချုပ်ရမယ်၊ ကွမ်းရှိရမယ်၊ ဆေးလိပ်ရှိမယ်ဆိုရင် ရပါပြီ။ အရမ်းကြီးတော့ မပြည့်စုံသေးဘူးဗျ .. ဟဲ ဟဲ။

ကိုယ့်သီချင်းကို လက်ဖက်ရည်ဆိုင်မှာ ဖွင့်တာ မထမဆုံးကြားလိုက်ရတဲ့ အချိန်က စိတ်ထဲမှာ ဘယ်လိုနေမလဲ။ မှတ်မှတ်ရရရှိရင် ပြောပြပါဦး။
မှတ်မိတယ်ဗျ၊ ကိုလေးဖြူရယ် ကိုဇော်လတ်ရယ် ကျောက်မြောင်းက အုပ်စုတွေရယ် လက်ဘက်ရည်ဆိုင်မှာ ထိုင်နားထောင်တာ။ ကိုလေးရဲ့ ခဏလေးများ ထွက်တဲ့နေ့မှာလေ။ ကျွန်တော်ကတော့ ၀မ်းသာပြီး ဘာပြောရမှန်းတောင် မသိဘူး။ ထမင်းစားချင်တာလိုလို၊ အိမ်သာတက်ချင်တာလိုလိုနဲ့ လေထဲမှာ လွင့်နေတာပါပဲဗျာ။

Music ပုံစဲတစ်ခုအနေနဲ့ လေ့လာချင်ဆုံး ပုံစံ၊ ဖန်တီးချင်ဆုံး ပုံစံရယ်လို့ သီးခြးရှိမလား။
ပုံစံတစ်ခုတည်း အနေနဲ့ကတော့ ကျွန်တော့်မှာ မရှိဘူးဗျ။ လက်တလောမှာ အရူးအမူးဖြစ်နေတဲ့ Music ပုံစံကို လုပ်ချလိုက်တာပါပဲ။ Rock ရဲ့ အပြင်ကိုတော့ မထွက်ဘူးပေ့ါ။

မန္တလေးကနေ ဒီလောကထဲကို တိုးဝင်ချိတ်ဆက်ခဲ့ပုံလေးတွေကို ပြန်ပြောပါဦး။
ကျွန်တော် ဆယ်တန်းအောင်တော့ ရန်ကုန်ကိုလာတယ်။ အမေက အိမ်မှာ ဆယ်တန်းအောင်တဲ့သူမရှိဘူး။ ဘွဲ့ဓါတ်ပုံလေးတော့ ချိတ်ချင်တယ် ပြောလို့ အဝေးသင်တက်ပြီး ရန်ကုန်မှာနေတယ်။ ကျောင်းတော့ မန္တလေးမှာ ပြန်တက်တယ်။ စာမေးပွဲဖြေကာနီးဆိုရင် စာမေးပွဲပြန်ဖြေတယ်။ အဲဒီလိုနဲ့ ရန်ကုန်မှာ ဟိုလုပ်ဒီလုပ်လုပ်ရင်း ကျွန်တော်ရေးထားတဲ့သီချင်းတွေ ကိုလေးဖြူကိုပြဖို့ ကြိုးစားတယ်။ တစ်ရက်မှာ ကိုလေးဖြူဆီကို ကျွန်တော်ဖုန်းဆက်ပြီး သီချင်းတွေ ပြဖြစ်တယ်။ ကိုလေးဖြူက အဆင်ပြေတယ် စိတ်ဝင်စားတယ်ဆိုပြီး ဒီလိုဖြစ်သွားတာပေါ့။

ကိုလေးဖြူကိုမှ သီချင်းပြဖြစ်တဲ့ အကြောင်းပြချက်ကော ရှိလား။
အများကြီးရှိပါတယ်။ ကျွန်တော်က IC အရူးလေ။ ကျွန်တော်ဂစ်တာစတီးသင်တာကိုက ကိုလေးဖြုရဲ့ "အသည်းကွဲသီချင်းသစ်" နဲ့ စသင်တာ။ ပြီးတော့ ကျွန်တော်ကလည်း I.C နဲ့ ကိုလေးဖြူနဲ့ ကြီးပြင်းခဲ့တာ။ အဲဒါကြောင့် ကိုလေးဖြူကိုပဲ သီချင်းပြဖြစ်တာပေါ့။

အနုပညာလုပ်ငန်းနဲ့ပတ်သက်ပြီး လင်းလင်းရဲ့ ကျေးဇူးရှင်တွေကို ပြောပြပါဆိုရင်၊
အများကြီးပဲဗျ၊ ဒါပေမယ့် ကိုလေးဖြူနဲ့ ကိုမောင်မောင်ဇော်လတ်ရဲ့ ကျေးဇူးကတော့ အများကြီးပါ။ ကိုလေးဖြုနဲ့ ကိုဇော်လတ်ကြောင့်လည်း ကျွန်တော် ဒီလိုဖြစ်လာတာပါ။

Biography
------------
အမည်ရင်း -ထွေးလင်းကို
အိမ်နာမည် - လင်းလင်း
ဖခင် - ဦးကိုကိုကြီး
မိခင် - ဒေါ်ခင်လဲ့ဝင်း
မွေးချင်း - ညီအစ်ကို ၁၄ ယောက်၊ အငယ်ဆုံးသား။
( မှတ်ချက်- အဲသူ ဆိုတဲ့ နာမည်နဲ့လည်း သီချင်းရေးခဲ့ဖူးပါတယ် ‪#‎WeLoveMusic‬ )

အင်္လကာ May. 2007 မိုနိုလေးနှင့် အင်တာဗျူးမှ