သင့်ရဲ့ ဘ၀မှာ လေးလေးနက်နက်တိုင်ပင်စရာရှိတဲ့အခါ မိဘတွေကကူညီပြီး ၀်ုင်းဝန်းဖြေရှင်းပေးခဲ့တဲ့အချိန်တွေသင်ကြုံဖူးမှာပါ။
ဘယ်လောက်ခက်ခဲနက်နဲပါစေ မိဘက အမြဲတမ်းကိုယ့်အတွက်ဝိုင်းဝန်းအဖြေရှာပေးမှာပါ။အလားတူပဲ မိဘတွေရဲ့ ဘ၀နေ၀င်ခါနီးလေးမှာ သူတို့နောက်ဆုံး ဆန္ဒလေးတွေကို အလေးအနက်ထားပြီး သင်ကဆွေးနွေးပေးသင့်တာပေါ့။ဒီအခါမှာလိုက်နာသင့်တဲ့အချက်တွေရှိပါတယ်။
မိဘတွေ ရဲ့ နောက်ဆုံးဆန္ဒကိုမေးဖို့မတုံ့ဆိုင်းပါနဲ့။
ဒါကသင့်အတွက်ခက်ခဲမယ်ဆိုတာမှန်ပါတယ်။ဒါပေမယ့် ဘယ်လောက်ပဲ ခက်ခဲပါစေ ဘယ်လိုနည်းနဲ့မှ ဆွေးနွေးဖို့ မတုံ့ဆိုင်းပါနဲ့။ ကျန်းမာနေတုန်းပဲမို့ မသေခင် ဆန္ဒတွေဆွေးနွေးဖို့ မဖြစ်နိုင်ဘူးလို့တော့ မသတ်မှတ်ပါနဲ့။သေဆုံးခြင်းဆိုတာ ဘ၀စက်ဝိုင်းရဲ့ တစ်စိတ်တစ်ပိုင်းဖြစ်နေလေတော့ မိဘတွေ ဘယ်အချိန်မျက်စိမှိတ်နှုတ်ဆက်သွားမယ်ကိုယ်မသိနိုင်ဘူးလေ။အရမ်းကြီးအလျင်စလို လုပ်ဖို့မလိုသလို နောက်ကျတဲ့ အထိလည်း အချိန်မဆွဲတာ အကောင်းဆုံးပါ။
လွယ်လွယ်ကူကူစကားဝိုင်းလေးစပါ။
မိဘတွေအတွက်ဒီအကြောင်းအရာကိုဖွင့်ပြောတဲ့အခါ ပြောဖို့အကောင်းဆုံးနေရာရွေးနေစရာမလိုပါဘူး။စကားလမ်းကြောင်းလေးစဖောက်ပြီး သူတို့ရဲ့ မသေခင် ဆန္ဒတွေမေးလို့ရတဲ့အထိ ဆွဲသွားရုံပါပဲ။ ဥပမာ -နိုင်ငံခြားဆောင်းပါးတစ်ခုမှာ သူ့တို့ဆီက သက်ကြီးရွယ်အိုတွေက မသေခင် နောက်ဆုံးအစီအစဉ်လေးတွေဆွဲသွား ကြတယ်။အဖေ၊ အမေတို့မှာရော ဘယ်လို ဆန္ဒလေးတွေရှိလည်းပေါ့။
ပေါ့ပေါ့ပါးပါး နဲ့ ရင်ထဲကပါတဲ့စကားပြောပါ။
ဟာသဥာဏ်လေးနှောပြီး ပြောတတ်ရင်တော့ မလွယ်ဘူးထင်တဲ့ အကြောင်းအရာကိုတောင် ပေါ့ပေါ့ပါးပါးပြောတတ်သွားမှာပါ။ရင်ထဲကလာတဲ့ စကားမျိုးပြောတတ်ဖို့လည်းလိုတယ်နော်။ကိုယ့်မိဘတွေအတွက်ကိုယ်က အရေးပါတဲ့ ခံစားချက်မျိုးထုတ်ဖော်ပြတယ်လို့ မိဘက မှတ်ယူသွားအောင်ပြောရင်အကောင်းဆုံးပါပဲ။
ပြောတဲ့အကြောင်းအရာလေးတွေကိုမှတ်တမ်းတင်ထားပါ။
နောက်ဆုံးထွက်သက်မတိုင်ခင်တည်းက ကြိုတင်စီစဉ်ထားမယ်ဆိုရင် မိသားစုတွင်း ပဋိပက္ခတွေနည်းမယ်ဆိုတာ မိဘတိုင်းသိထားပြီးသားပါ။ဒါကြောင့် သူတို့ရဲ့ မှာတမ်းလေးတွေကို သေချာမှတ်သားထားမှသာလျှင်ကိုယ်ချစ်ရတဲ့ သူတွေကို လေးစားရာရောက်ပြီး စကားလိုက်နာရာလည်းရောက်မှာပါ။
Ref: readersdigest.ca
http://yoyarlay.com
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။