ထုတ်ယူခံခဲ့ရသော_အိုင်စတိုင်းရဲ့ဦးနှောက်

ကမ္ဘာကျော် သိပ္ပံပညာရှင် အိုင်စတိုင်းသည် ၁၉၅၅ ခုနှစ် ဧပြီလ ၁၇ ရက်တွင် မိမိရင်ဘတ် နာကျင်နေမှုကို ပရင့်စ်တန် ဆေးရုံ၌ စစ်ဆေးမှု ခံယူခဲ့သည်။ ​ဆေးစစ်မှု ခံယူပြီး ​နောက်ရက်တွင် အယ်လ်​ဘတ် အိုင်စတိုင်းသည် ၀မ်းဗိုက်သွေးကြော ဖောင်းကာ ကွယ် လွန်ခဲ့သည်။အသက် ၇၆ နှစ်အရွယ် အိုင်စတိုင်း ကွယ်လွန်ချိန်တွင် ထူးခြားသော ဖြစ်ရပ်တစ်ခု ဖြစ်ခဲ့ရာ ကမ္ဘာပေါ်တွင် အကြီးဆုံးသော ဉာဏ်ရည်ဉာဏ်သွေးကို ပိုင်ဆိုင်ထားသည့် အိုင်စတိုင်း၏ ဦးနှောက် ထုတ်ယူခံလိုက်ရခြင်း ဖြစ်ပေသည်။


အိုင်စတိုင်း ကွယ်လွန်ပြီးနောက် အိုင်စတိုင်း၏ ခန္ဓာကိုယ်အား ခွဲစိတ်မှုပြုရန် ရောဂါဗေဒ သမားတော် ဒေါက်တာ ​ထောမတ်စ် စတို့ဇ်ဟာဗေးသည် ဧပြီလ ၁၈ ရက် နံနက်တွင် ​ဆေးရုံသို့ ​ရောက်ရှိလာခဲ့သည်။ ဒေါက်တာဟာဗေးသည် အိုင်စတိုင်း၏ ခန္ဓာကိုယ်အား ခွဲစိတ်မှုများ ပြုလုပ်ကာ အိုင်စတိုင်း ​သေဆုံးရခြင်းကို ဆုံးဖြတ်ချက် ​ပေးခဲ့သည်။
ထို့​နောက် ဟာ​ဗေးသည် အိုင်စတိုင်း၏ ဦးနှောက်ကို ဦးခေါင်းအတွင်းမှ ဖယ်ရှား၍ တိုင်းထွာ ချိန်တွယ်ခဲ့သည်။ ဟာဗေးက သူသည် အိုင်စတိုင်း၏ ခန္ဓာကိုယ်ကို ခွဲစိတ်ခွင့် ရရှိထားသူ ဖြစ်သဖြင့် ဦးနှောက်ကိုလည်း လေ့လာမည်ဖြစ်ကြောင်း ​ပြောဆိုခဲ့​သော်လည်း ယခုအချိန်တွင် ​ဒေါက်တာဟာဗေးအား အိုင်စတိုင်း ကွယ်လွန်ချိန်တွင် အလောင်းအား ခွဲစိတ်ခွင့် ​ပေးခဲ့သည့် စာရွက်စာတမ်း သို့မဟုတ် အထောက်အထား တစ်စုံတစ်ရာကိုမျှ မတွေ့ရှိခဲ့ရပါချေ။

ဒေါက်တာဟာဗေးသည် စစ်ဆေး တွက်ချက်မှုများ ပြုလုပ်ပြီးနောက် အိုင်စတိုင်း၏ ဦးနှောက်ကို ဖော်မလင် စိမ်ခဲ့သည်။ (ဖော်မလင်သည် သက်ရှိသတ္တ၀ါများ ကွယ်လွန်ပြီးနောက် ခန္ဓာကိုယ် အတွင်းအင်္ဂါများ အပါအ၀င် ခန္ဓာကိုယ် တစ်ခုလုံး မပုပ်မသိုးဘဲ ပကတိအတိုင်း ရှိစေရန် စိမ်ရသည့် ဆေးရည်​ ဖြစ်​သည်​။) ထို့​နောက် ဒေါက်တာ ဟာဗေးသည် အိုင်စတိုင်း၏ မျက်လုံးကို ထုတ်ယူခဲ့ပြီး အိုင်စတိုင်း၏ မျက်စိဆရာဝန် ဟင်နရီ အဒမ်ထံ ​ပေးအပ်ခဲ့သည်။ အိုင်စတိုင်း၏ မျက်လုံးများသည် နယူးယောက်မြို့တော်၏ တစ်နေရာရာတွင် လုံခြုံစိတ်ချရသော အာမခံသေတ္တာ တစ်ခုအတွင်း၌ ရှိနေကြောင်း ​ပြောဆိုကြသည်။ ​ဒေါက်တာဟာ​ဗေးက အိုင်စတိုင်း ၏ ဦးနှောက်နှင့် မျက်လုံးများကို ထုတ်ယူသွားပြီးနောက် အိုင်စတိုင်း၏ ရုပ်ခန္ဓာကိုယ်​ကို သင်္ဂြိုဟ်ခဲ့ကြသည်။


ဦးနှောက်နှင့် မျက်လုံးများကို ထုတ်ယူခဲ့ခြင်းသည် အိုင်စတိုင်း၏ ဆန္ဒမဟုတ်ဘဲ အိုင်စတိုင်းသည် မိမိခန္ဓာ တစ်ခုလုံးကို မီးသင်္ဂြိုဟ်​၍ ပြာများကို လျှို့ဝှက်စွာ ပြန့်​ကြဲသွားစေလိုခဲ့သည်။ အိုင်စတိုင်း၏ ရုပ်အလောင်းကို ခွဲစိတ်ခြင်းသည် အိုင်စတိုင်းကိုယ်တိုင် ဆန္ဒမရှိခဲ့သကဲ့သို့ ​ဒေါက်တာဟာဗေးသည် အိုင်စတိုင်း၏ ဦးနှောက်ကို သိမ်းဆည်းထားခြင်းသည်လည်း ဥပဒေအရ သော်လည်းကောင်း၊ ဆေးပညာကျင့်ဝတ်များ အရသော်လည်း​ကောင်း လုပ်ပိုင်ခွင့် မရှိသည့် လုပ်ရပ်ဖြစ်ခဲ့သည်။

ဒေါက်တာဟာဗေးသည် အိုင်စတိုင်း၏ သားဖြစ်သူ ဟန်းစ် အဲလ်ဘတ်အား အိုင်စတိုင်းကို ဂရုတစိုက် သိပ္ပံနည်းကျ ​လေ့လာမှုပြုပြီး တရားဝင် ထုတ်ဝေနေသည့် ဆေးသိပ္ပံဂျာနယ်တစ်ခုခုတွင် တွေ့ရှိချက်များကို ရေးသားမည်ဖြစ်ကြောင်း ကတိပြုခဲ့သည်။ နယူးယောက်တိုင်းမ်​ သတင်းစာက အိုင်စတိုင်း၏ နာရေးကို ဧပြီလ ၂၀ ရက်က ​ဖော်ပြခဲ့ရာတွင် ဒေါက်တာဟာဗေးသည် သားဖြစ်သူ၏ ခွင့်ပြုချက်ဖြင့် အိုင်စတိုင်း အလောင်းကို ခွဲစိတ်မှု ပြုခဲ့ကြောင်း ​ရေးသားခဲ့သည်။
ဒေါက်တာဟာဗေးသည် အိုင်းစတိုင်း၏ ဦးနှောက်ကို မိမိရုံးခန်းရှိ ခရားတစ်လုံး အတွင်း၌ ထည့်​ကာ သူ့အား ပရင့်စ်တန်ဆေးရုံမှ အလုပ်ထုတ်ပယ်ခဲ့ချိန်အထိ သိမ်းဆည်းထားခဲ့သည်။ အလုပ်ပြုတ်ချိန်တွင် ဟာဗေးသည် အိုင်စတိုင်း၏ ဦးနှောက်ကို သူနှင့်အတူ ယူဆောင်သွားခဲ့သည်။ သူသည် ပင်နီဆာဗေးနီးယား တက္ကသိုလ်သို့ သွားရောက်ခဲ့ပြီး ကျွမ်းကျင်သူ တစ်ဦး၏ အကူအညီဖြင့် အိုင်စတိုင်း၏ ဦးနှောက်ကို အလွှာ ၁၀၀၀ နှင့်အတုံး ၂၄၀ ဖြတ်တောက်ခဲ့သည်။ သူသည် ဦးနှောက်စများကို လေးထောင့်ပုံ ဆယ်လ်လိုလုစ်များဖြင့် ထည့်ထားခဲ့ကာ အများစုကို အခြားသူများအား ​ပေးခဲ့သည်။သူသည် ကျန်ရှိနေသည့် ဦးနှောက် အပိုင်းအစများကို ဖော်မလင် ဖြည့်ထားသော ဖန်ခရားနှစ်လုံးတွင် သိမ်းဆည်းထားခဲ့သည်။

ဒေါက်တာဟာဗေးသည် ၂၀၀၇ ခုနှစ်တွင် ကွယ်လွန်ခဲ့ရာ သူ မကွယ်လွန်မီ သူသိမ်းဆည်းခဲ့သည့် အိုင်စတိုင်းဦးနှောက် အပိုင်းများကို ပရင့်စ်တန်ဆေးရုံသို့ လှူဒါန်းခဲ့သည်။ နှစ် ၅၀ ကျော် ကြာမြင့်ခဲ့သည့် အိုင်စတိုင်း ဦးနှောက်ကို ပြည်သူများနှင့် သုတေသီများက စိတ်ဝင်စားမှုများ မြင့်တက်လာခဲ့သည်။ အိုင်စတိုင်း၏ ဦးနှောက်အလွှာများကို ရရှိထားကြသော သုတေသီများသည် ပရင့်စ်တန် ဆေးရုံနှင့် ပင်နီဆာဗေးနီးယား တက္ကသိုလ်သို့ ပြန်လည် ပေးအပ်ခဲ့ကြသည်။ ယခုအချိန်တွင် အိုင်စတိုင်း၏ ဦးနှောက် အစိတ်အပိုင်းများ ဖြစ်သည့် ဖြတ်တောက်ထားသည့် အလွှာများနှင့် ဒေါက်တာ ထောမတ်စ်ဟာဗေး၏ လက်ရေးဖြင့် ရေးသားထားသော မှတ်စုများကို ဖီလာဒီဖီးယားရှိ မူလာပြတိုက် တစ်နေရာတည်း တွင်သာ ပြသထားနိုင်ပေသည်။
Written By ကောင်းစည်သူ (သုတစွယ်စုံ)


 http://hotnewsmyanmar.com