"မြန်မာပြည်မှာဆိုရင် ဘယ်လိုရှာသလဲ..?"

 

ကျောက်သင်ပုန်း

 

မနေ့က သားတို့အတန်းထဲက ယောက်ျားလေးတစ်ယောက်က ပိုက်ဆံအိတ်ပျောက်သတဲ့..။

ပိုက်ဆံအိတ်ထဲမှာပိုက်ဆံယန်း၈၀၀၀(မြန်မာငွေတစ်သိန်းနီးပါး) ပါတယ်..။ အထက်တန်းကျောင်းသားတစ်ယောက် အဲဒီလောက်တော့ပါကြတယ်လေ..။ အိမ်ကသားကတော့ ကိစ္စမရှိရင် အပိုမဆောင်ဘူး..တစ်ထောင်လောက်ပါလည်း သူကအေးဆေးပဲ..။

ပိုက်ဆံအိတ်ပျောက်တာတော့ ဂျပန်ဆရာတွေဘယ်လိုဖြေရှင်းကြသလဲဆိုတာ အလွန်အမင်းစိတ်ဝင်စားလို့သားကိုရအောင်မေးတော့တာ...။

သားကပြန်မေးတယ်..။
"မြန်မာပြည်မှာဆိုရင် ဘယ်လိုရှာသလဲ..?"
မြန်မာပြည်မှာဆိုရင်လား..ဆရာကကျောင်းသားတိုင်းရဲ့အိတ်တွေကိုလိုက်ဖွင့် (သို့) အတန်းခေါင်းဆောင်က အိတ်တွေလိုက်စစ် (သို့) ယူတယ်လို့ယူဆတဲ့ကျောင်းသားကို ကျောင်းအုပ်ကြီးရုံးခန်းခေါ်စစ် (သို့) ဘယ်သူလို့ထင်သလဲလို့ စာနဲ့လျှို့ဝှက်ပြီးမေး...အဲဒါပဲလေ...။

"အတန်းပိုင်ဆရာက သိပ်အရှည်ကြီးမပြောဘူး...ပိုက်ဆံက၈၀၀၀လား...ကိုင်း ယူတဲ့လူက ဘယ်နှစ်ရက်သုံးနိုင်မလဲ...တစ်ရက်လား..နှစ်ရက်လား..တစ်ပတ်လား...သုံးနေတဲ့ကာလမှာ မင်း ပျော်မလား..မင်းပျော်နေတဲ့အချိန်မှာ မင်းရဲ့အတန်းဖော်က သူ့ပိုက်ဆံအိတ်လေးနဲ့ ပိုက်ဆံ၈၀၀၀ကို သတိရပြီး စိတ်မကောင်းဖြစ်နေမှာကိုတွေးမိသလား..မင်းစိတ်သန့်သလား..တဒင်္ဂမဟုတ်ဘူးနော်...တစ်သက်လုံးစာကိုပြောတာ..ဆယ်မိနစ်နားချိန်ပေးမယ်..ခဏနားချိန်မှာ ကျောင်းထဲမှာလွတ်လွတ်လပ်လပ်နေနိုင်တယ်..ဆယ်မိနစ်ပြည့်ရင် ပြန်စမယ်.."

ဆရာက အဲဒါပဲပြောပြီး အတန်းဖြုတ်လိုက်တာ ပျောက်တဲ့ကောင်လေးရဲ့ ဖိနပ်လော့ကာထဲကို ပိုက်ဆံ၈၀၀၀နဲ့ ပိုက်ဆံအိတ်ပြန်ရောက်နေသတဲ့...။

ဆရာ့ moral educationက တယ်ထိသကိုး...။

ဘာ လောကနီတိမှရွတ်ပြမနေဘူး..။
Psycho သာအပီအပြင်ဖမ်းပေးလိုက်တာ...။
ကိုယ်ချင်းစာနာစိတ်ကလေးမွေးတတ်တဲ့ကလေးတွေကို လမ်းညွှန်ရတာသိပ်လွယ်တယ်..။

အဲဒီ ကိုယ်ချင်းစာစိတ်ကို အသည်းထဲ နှလုံးထဲအထိ ထည့်ပေးတတ်ဖို့ပဲလိုတယ်...။

*ယုမိကို*