ထောင်ကျသွားတဲ့ဦးနှောက်များ

မိုးရှင်း - I.M.T

 

ထောင်ကျသွားတဲ့ဦးနှောက်များ
==================

ငယ်ငယ်တုန်းက အဖြစ်အပျက်လေး တစ်ခုကို အခု
ထက်ထိ သတိရနေမိသေးတယ်။ ၇တန်းလား၊၈တန်း
လားတော့ သေချာမသိ။ စာသင်ချိန်တစ်ခုမှာ ဆရာမ
က မေးခွန်းတစ်ခုမေးတယ်။ ကျွန်တော်အသေးစိတ်
တော့ အရမ်းမမှတ်မိတော့ပါဘူး။ ဒါပေမယ့် ဆရာမ
ရှင်းပြတာက လူ(၄)မျိုးအကြောင်းပါ။

၁) မကြိုးစားပဲ ချမ်းသာချင်သူ
၂) ကြိုးစားခြင်းလည်းမရှိ ချမ်းလည်းမချမ်းသာချင်သူ
၃) ကြိုးစားပြီး ချမ်းသာချင်သူ
၎) ကြိုးစားသော်လည်း မချမ်းသာချင်သူ

ကလေးတို့ ...ဒီလူ(၄)မျိုးထဲက ဘယ်လိုလူဖြစ်ချင်လဲ
လို့ ဆရာမမေးလိုက်တဲ့ အချိန်မှာ တော်တော်များများ
က ဆရာမကြိုက်လောက်မယ့် အဖြေဖြစ်တဲ့ ကြိုးစားပြီး
ချမ်းသာချင်သူဖြစ်ချင်ပါတယ် ဆရာမလို့ ဖြေကြပါ
တယ်။ ကျွန်တော်ကတော့ ၁) မကြိုးစားပဲ ချမ်းသာချင်
သူ ဖြစ်ချင်ပါတယ်.. လို့ဖြေခဲ့ပါတယ်။ ထိုင်နေတာက
ပထမဆုံး အတန်းလည်းဖြစ်တော့ ဆရာမက ကြားသွား
ခဲ့ပါတယ်။ ကျွန်တော့်ကို မတ်တပ်ရပ်ခိုင်းပါတယ်။
ပြီးတော့ ဆူပါလေရော.. ဒီ Memory က ကျွန်တော့်
ခေါင်းထဲက မထွက်ပါဘူး။ ဆရာမကို စော်ကားချင်တဲ့
စိတ်ကြောင့် မဟုတ်ပါဘူး။ မိမိရဲ့ ထင်မြင်ချက်ကို
လွတ်လွတ်လပ်လပ်ပြောမိတာကြောင့် အဆူခံရတဲ့
ခံစားချက်ပါ။ မြန်မာလူငယ်တွေကို မေးခွန်းမေးရမှာ၊
စိတ်ထဲထင်တာပြောရမှာကို ကြောက်ရွံ့စေတဲ့စိတ်တွေ
မြစ်ဖျားခံလာတဲ့ စာသင်ခန်းတွေပါ။

ကျွန်တော် ၇တန်းအရွယ်က ဦးနှောက်နဲ့စဉ်းစားရင်
နံပါတ်(၁)အဖြေကို အကြိုက်ဆုံးပါပဲ။ ကျွန်တော်ဖြေ
လိုက်တဲ့အဖြေဟာ ဘာ့ကြောင့်မှားတာလဲဆိုတဲ့
ဖြေရှင်းချက် ကျွန်တော်မရရှိခဲ့ပါဘူး။ ကျွန်တော်ဟာ
ပုံသေကားချပ်ထဲက ထွက်ခဲ့မိတဲ့ လူတစ်ယောက်ဆို
တော့ အဆူခံခဲ့ရပါတယ်။ ကျွန်တော်ဖြေတဲ့အဖြေမှန်ခြင်း၊
မှားခြင်းကိုကျွန်တော် Focus လုပ်ချင်တာမဟုတ်ပါဘူး။
ကျွန်တော်မကြိုးစားပဲ ချမ်းသာချင်တဲ့စိတ် အခု၂၅နှစ်
အရွယ်မှာ ရှိလည်း မရှိတော့ပါဘူး။

ဒါပေမယ့် အဲ့ဒီစာသင်ခန်းထဲက လူ၅၀လောက်မှာ
ဘယ်နှစ်ယောက်လောက်များ "ငါဟာ ငါ့ရဲ့သဘော
ထားအမှန်ကိုပြောလို့မရဘူး။ လူတွေကြိုက်တာပဲ
လိုက်ပြောရမယ်" ဆိုတဲ့ ကြောက်ရွံစိတ် ခိုအောင်း
သွားခဲ့ပါသလဲ။ သင်သိချင်ရင် ယနေ့ခေတ်ရဲ့လုပ်ငန်း
ခွင်တွေမှာ မြင်နုိုင်ပါတယ်။ လုပ်ငန်းထဲမှာ Any
Question ဆိုရင် ဘာမှမေးစရာမရှိကြပါဘူး။
မတန်ရာကို ခိုင်းနေလဲ Yesပဲ ဖြေကြပါတယ်။ပြီးမှ
အတင်းပြောကြပါတယ်။ နိုင်ငံခြားသားတွေဆို
အဲ့ဒီလုပ်ရပ်ကို နားကိုမလည်ကြပါဘူး။ ဘာလို့များ
ခိုင်းတုန်းက လုပ်နုိုင်၊မလုပ်နုိုင် အကျိုးအကြောင်း
မရှင်းပြကြတာလဲလို့ မေးလေ့ရှိပါတယ်။ အကြောင်း
ရင်းကတော့ ရှင်းပါတယ်။ ၁၀တန်း အထိ ဦးနှောက်
ထောင်ချတဲ့ ပညာရေးစနစ်ကြောင့်ပါ။

ဒီပို့စ်ကိုဖတ်ပြီးရင် အချို့တွေက မင်းဆရာ၊ဆရာမ
ကို စော်ကားတာလားဆိုပြီး လုပ်ကြပါအုံးမယ်။
ကျွန်တော်ပြောနေတာဟာ ဆရာ၊ဆရာမတွေပဲ
မဟုတ်ပါဘူး။ နိုင်ငံရဲ့ ပညာရေး စနစ်ကြီးတစ်ခု
လုံးပါ။ ဆရာ၊ ဆရာမတွေဟာ ကျေးဇူးရှင်တွေမို့လို့
မထောက်ပြရတော့ဘူးလား။ အဲ့ဒီလိုကြောက်စိတ်
ကြောင့်ပဲဘယ်သူမှ ထောက်မပြရဲကြပါဘူး။ တကယ်
တော့ စာသင်တယ်ဆိုတာ မလွယ်ပါဘူး။ ကျွန်တော်
ကိုယ်တိုင် Englishစာသင်ဖူးပြီး ဘယ်လောက်ခက်
တယ်ဆိုတာသိပါတယ်။ စာသင်ရတာလွယ်တယ်လို့
ပြောနေခြင်းမဟုတ်ပါဘူး။ ဒါပေမယ့် စာသင်ခြင်းအလုပ်
ကို Professional အဖြစ်လုပ်ပြီဆိုတည်းက မိမိအလုပ်
ကို စေတနာပါရပါမယ်။ မိမိတိုးတက်ဖို့လိုနေကြောင်း
သိရှိရပါမယ်။ Professionalပီသတယ် ဆိုတဲ့ စကားလုံး
မှာတကယ်တော့ မိမိအလုပ်ကို စေတနာထားခြင်းဆိုတာ
ပါပြီးသားပါ။

အရင်ခေတ်က ဆရာ၊ဆရာမတွေကို အပြစ်တင်နေခြင်း
မဟုတ်ပါ။ ပြီးခဲ့တာတွေပြီးပါပြီ။ အခုခေတ်မှာတော့
နောက်ထပ် Generation တစ်ခု ဒီထက်ပိုကောင်းတဲ့
ပညာရေးစနစ်နဲ့ ကြုံစေချင်ရင် ပညာရေးစနစ်ကြီးတစ်
ခုလုံး တိုးတက်ဖို့လိုအပ်လာပါပြီ။ ကျောင်းသားတွေ
တွေးတတ်အောင် သင်ပေးနေသင့်ပါပြီ။ အလွတ်ကျက်
မှတ် ဆိုတာကြီး မဖြစ်သင့်တော့ပါဘူး။

#မိုးရှင်း (I.M.T) ရေးသားသည်