တက်တူးထိုး ဆေးစွဲဖူးတဲ့အမျိုးသမီး သို့မဟုတ် အိန်ဂျလိနာဂျိုလီ

Nine Nine Sanay @ နိုင်းနိုင်းစနေ added 10 new photos.

တက်တူးထိုး ဆေးစွဲဖူးတဲ့အမျိုးသမီး သို့မဟုတ် အိန်ဂျလိနာဂျိုလီ
---------------
တလောက ဂျိုလီအရမ်းပိန်သွားတယ်။ အရိုးပေါ်အရည်တင်တဲ့ သူ့ပုံကိုကြည့်ပြီး ဒါဟာ ကျွန်မနှစ်သက်ခဲ့တဲ့ ပြည့်ပြည့်ဖြိုးဖြိုးဂျိုလီရော ဟုတ်ရဲ့လားလို့တွေးမိတယ်။ မင်းသမီးတွေ ရုတ်တရက်ပိန်ကျသွားတဲ့သတင်းကို မကြာခဏဖတ်ခဲ့ရပါတယ်။ တော်ဝင်မင်းသမီး ကိတ်"တောင်မှ ရုတ်တရက်ပိန်ကျသွားလို့ သတင်းမှာအဖော်ပြခံခဲ့ရသေးတာပဲ။ ဂျိုလီပိန်ကျသွားတာကလည်း အခုမှမဟုတ်ပါဘူး။ ပိန်လွန်းလို့ အရိုးအကြောတွေပေါ်နေတဲ့ သူ့ပုံတွေကို အင်တာနက်မှာ တော်တော်တွေ့ရပါတယ်။

--
ဘဝဆိုတာ ဒီလိုပဲ အပြောင်းအလဲမြန်လွန်းပါတယ်။
.
တလောကလုံးက သူ့ကို မကောင်းမြင်ခဲ့ချိန်မှာ သူ့မှာအကြောက်တရားမရှိခဲ့ဘူး။ သူ လှပမြဲ လှပခဲ့တယ်။
.
အခု တလောကလုံးက သူ့ကို လေးစားအားကျချိန်မှာ သူက အရိုးပြိုင်းပြိုင်းထအောင် ပိန်နေခဲ့ပါပြီ။
.
တလောကလုံး ဂျိုလီကို ဘာကြောင့် အကောင်းမမြင်ခဲ့သလဲလို့မေးလာရင် သူ့အကြောင်းကို အစကနေ ပြန်ပြောရပါလိမ့်မယ်။
.
အိန်ဂျလိနာဂျိုလီက သရုပ်ဆောင်မျိုးဆက် ဒုတိယမျိုးဆက်ဖြစ်တယ်။
.
သူ့မိခင်က အမေရိကန်နာမည်ကြီး သရုပ်ဆောင်တစ်ဦးဖြစ်ခဲ့သလို သူ့ဖခင်ကလည်း သရုပ်ဆောင်တစ်ဦးဖြစ်ခဲ့တယ်။ သူ့ဖခင်က အော်စကာဆုတောင်ရခဲ့ဖူးပါတယ်။ ဂျိုလီမှာ အရမ်းချောတဲ့အစ်ကိုတစ်ယောက် ရှိပါသေးတယ်။ ဒီလိုပတ်ဝန်ကျင်းအသိုင်းအဝိုင်းမှာ ကြီးပြင်းလာခဲ့တဲ့ဂျိုလီဟာ ကျန်းကျန်းမာမာကြီးပြင်းပြီး မိဘတွေရဲ့အမွေကိုလက်ဆင့်ကမ်းသူဖြစ်ခဲ့မှာပေါ့။
.
ဒါပေမယ့် သူ့အသက်ငယ်ရွယ်စဉ်မှာပဲ သူ့မိဘနှစ်ပါးရဲ့ကွာရှင်းခြင်းအရိပ်မည်းကြီးက သူကြီးပြင်းလာချိန်မှာ သူ့ကိုပြဿနာကောင်မလေးအဖြစ် ပြောင်းလဲပစ်ခဲ့တယ်။
.
သူဆိုးခဲ့တယ်။ ဆေးလည်းစွဲခဲ့တယ်။ ကိုယ့်ကိုယ်ကိုမကြာခဏ သေကြောင်းကြံခဲ့တယ်။ မကောင်းတာမှန်သမျှလုပ်ပြီး ဆန့်ကျင်ပုန်ကန်မှုတွေ သူလုပ်ခဲ့တယ်။
.
ဥပမာတစ်ခုပြောရရင် သူဂျပန်သွားလည်တုန်း သူ့ကိုယ်ပေါ်တက်တူးတစ်ခုထိုးခဲ့တယ်။ ထိုးတဲ့တက်တူးကလည်း “သေ” ဆိုတဲ့ စာလုံးဖြစ်တယ်။
.
ဒါပေမယ့် ကံကောင်းတာက ဂျိုလီက မွေးရာပါချောတယ်။ ထင်ရှားကျော်ကြားတဲ့မိသားစုက မွေးဖွားခဲ့သူလည်းဖြစ်တယ်။ လူငယ်ဘဝမှာ သူဘယ်လိုပဲဆိုးဆိုး၊ ဘယ်လိုပဲ ပုန်ကန်ပုန်ကန် သူ့ကိုလမ်းကြောင်းတည့်အောင် လုပ်ပေးတဲ့သူရှိခဲ့တယ်။
.
၁၄နှစ်အရွယ်မှာ ဂျိုလီဟာ အစာမုန်းတဲ့ရောဂါနဲ့ ပိန်သွားခဲ့တယ်။ အမေရဲ့အကြံပေးမှုနဲ့ မော်ဒယ်လောကထဲသူဝင်ခဲ့တယ်။ အဲဒီနောက် အမေရိကန်ကောင်မလေးစတိုင်လ်နဲ့ ဓာတ်ပုံတွေအများအပြားရိုက်ခဲ့တယ်။
.
ဆယ်ကျော်သက်အရွယ်ရောက်တော့ ဂျိုလီရဲ့ခန္ဓာကိုယ်တွေ ဖွံ့ဖြိုးလာခဲ့တယ်။ ကိုယ်လုံးကိုယ်ပေါက်လှတော့ ဘယ်လိုပဲ ဓာတ်ပုံရိုက်ရိုက် ဆွဲဆောင်မှုရှိခဲ့တယ်။
.
ဒါပေမယ့် ဂျိုလီဟာ ခေါင်းမာပုန်ကန်တဲ့ ကောင်မလေးဆိုပေမယ့် သူ့ဘဝကို အလှပြတဲ့ပန်းအိုးတစ်လုံးအဖြစ်တော့ အဖြစ်မခံချင်ခဲ့ဘူး။ မော်ဒယ်လုပ်ရတာ ပျင်းစရာကောင်းတယ်လို့ သူခံစားလာတာနဲ့ ရုပ်ရှင်ရိုက်ဖို့ သူစိတ်ပါလာခဲ့တယ်။
.
ရုပ်ရှင်ရိုက်တာ မော်ဒယ်လုပ်တာလောက်တော့ မလွယ်ခဲ့ဘူး။ စစချင်းမှာ သိပ်လည်းမဟော့ သိပ်လည်းမယဉ်တဲ့ ပုံစံနဲ့ သူရုပ်ရှင်ကားတွေ ရိုက်ခဲ့ပါတယ်။ ဒါပေမယ့် ဆွဲဆောင်မှုကျကျ ဆက်စီကျကျနဲ့ရိုက်တော့ အောင်မြင်ပြီး နာမည်ရလာခဲ့တယ်။ သူဟာ ယောက်ျားသားတို့ရဲ့ စိတ်ကူးယဉ်အတွေးထဲက မိန်းကလေးဖြစ်လာခဲ့တယ်။
.
ဝါနုသရုပ်ဆောင်တစ်ဦးကနေ တဖြည်းဖြည်း အမြင့်ကိုတက်လှမ်းနေတဲ့နည်းတူ ဂျိုလီမှာ သက်တမ်းတိုတဲ့ အိမ်ထောက်ဆက်နှစ်ဆက်ရှိလာခဲ့တယ်။
.
ပထမအိမ်ထောင်က Jonny Lee Miller ဖြစ်ပြီး ရုပ်ရှင်ရိုက်ရင်း သိခဲ့ကြတာဖြစ်တယ်။ လက်ထပ်တော့ ဂျိုလီ အသက် ၂ဝပဲရှိသေးတယ်။
.
ဒုတိယအိမ်ထောင် Billy Bob Thornton ကလည်း သရုပ်ဆောင်တစ်ဦးပါပဲ။ သူက ဂျိုလီထက် အသက် ၂ဝကြီးတယ်။
.
အဲဒီအိမ်ထောင်နှစ်ဆက်အပြင် ယောက်ျားလျာတစ်ယောက်နဲ့လည်း သူတွဲခဲ့ဖူးတယ်။
.
အဲဒီယောက်ျားလျာက သူနဲ့အတူ ရုပ်ရှင်ရိုက်ခဲ့ဖူးတဲ့ Jenny Shimizu ဖြစ်တယ်။ Jenny Shimizu က ၉ဝ ခုနှစ်တွေတုန်းမှာ အမေရိကန်နာမည်ကြီးမော်ဒယ်တွေထဲက အာရှမော်ဒယ်တစ်ဦးဖြစ်တယ်။
.
ဂျိုလီဟာ သံယောဇဉ်နယ်ပယ်မှာ ကွဲလိုက်ကွာလိုက်ဆိုပေမယ့် အလုပ်အကိုင်ဖက်မှာတော့ ကြိုးစားမှုမလျော့ခဲ့ဘူး။ ဟောလိဝှဒ်မှာ ကျင်လည်ကျက်စားခဲ့တဲ့နှစ်တွေအတွင်း သူဟာ ကမ္ဘာလုံးဆု၊ အော်စကာဆုတွေ ဆွတ်ခူးခဲ့သလို တစ်ကမ္ဘာလုံး ထင်ရှားကျော်ကြားခဲ့ပြီး သူ့ကိုပိုအောင်မြင်မှုရစေခဲ့တဲ့ Tomb Raider ဆိုတဲ့ကားကိုလည်း သူရိုက်ခဲ့တယ်။
.
အနုပညာလောကမှာ နှစ်ကာလတော်တော်ကြာ တွေ့ကြုံဖြတ်သန်းပြီး ရင့်ကျက်တဲ့ သရုပ်ဆောင်တစ်ဦးဖြစ်ခဲ့ရုံမက “အိန်ဂျလီနာဂျိုလီ” ဆိုတဲ့ ဒီနာမည်ဟာ တစ်ကမ္ဘာလုံးမှာ ဆက်စီကျဆွဲဆောင်မှုကို ကိုယ်စားပြုတဲ့နာမည်တစ်ခု ဖြစ်လာခဲ့တယ်။
.
ဂျိုလီဟာ ဘဝကို အောင်အောင်မြင်မြင် လျှောက်လှမ်းနေချိန်၊ ထင်ရှားကျော်ကြားနေဆဲမှာ လူသုံးယောက်ရဲ့ဘဝကို ပြောင်းလဲစေခဲ့မယ့် ဇာတ်ကားတစ်ကားကို ၂ဝဝ၄ခုနှစ်မှာ လက်ခံရိုက်ကူးခဲ့တယ်။ အဲဒီဇာတ်ကားက Mr. & Mrs. Smith ပဲဖြစ်တယ်။
.
အဲဒီဇာတ်ကားမှာ သူနဲ့တွဲဖက်သရုပ်ဆောင်ခဲ့တဲ့သူက ကမ္ဘာပေါ်မှာ ဆွဲဆောင်မှုအားအကောင်းဆုံး အမျိုးသားသရုပ်ဆောင်လို့ ထင်ရှားကျော်ကြားတဲ့ Brad Pitt ပဲဖြစ်တယ်။ ဂျိုလီကလည်း ချေသူမဟုတ်ခဲ့တော့ Brad Pitt ကြွေခဲ့ပြီပေါ့။
.
အဲဒီတုန်းက Brad Pitt မှာ မယားရှိပြီသား။ သူ့မယားက ချောလှနုရွတဲ့ ရုပ်ရှင်မင်းသမီး Jennifer Aniston။ သူတို့ကလည်း တစ်ယောက်ကိုတစ်ယောက် အရမ်းချစ်ခဲ့ကြတဲ့သူတွေပါပဲ။ တခြားရုပ်ရှင်မင်းသမီးနဲ့ ဇာတ်ကားလေးတစ်ကားရိုက်လိုက်ရုံနဲ့ ကိုယ့်ယောက်ျားဟာ သူများယောက်ျားဖြစ်သွားလိမ့်မယ်လို့ Jennifer ဘယ်တွေးထင်ခဲ့မလဲ။ ဒီလိုကိစ္စမျိုး ဘယ်သူကြုံကြုံ ဘယ်သူ့မှ ခံနိုင်ရည်ရှိကြမှာမဟုတ်ဘူး။
.
ကောလဟလတွေကြားမှာ ပရက်ပစ်ကတော့ ဇနီးနဲ့အရင် ခွဲနေပြီးမှ ဂျိုလီနဲ့ဖြစ်တာလို့တော့ ပြောတာပဲ။ ဒါပေမယ့် ဂျယ်နီဖာကတော့ ကြားလူဝင်လို့ပျက်ရတယ်လို့ ဆိုတယ်။
.
အဲဒီတုန်းက ဒီသုံးပွင့်ဆိုင်ပွဲကို စောင့်ကြည့်နေခဲ့ကြသူက ဂျယ်နီဖာဖက် ထောက်ခံအားပေးပြီး ဂျိုလီကိုတော့ အဖျက်မလို့ တံဆိပ်ကပ်လိုက်ကြတယ်။
.
ပွဲကြီးပွဲကောင်းတုန်းကဆိုရင် အမေရိကန်ပရိသတ်တွေက သူတို့ပုံပါတဲ့ တီရှပ်တွေထုတ်ပြီး ကိုယ်အားပေးထောက်ခံသူပုံပါတဲ့တီရှပ်ကို ဝယ်ဝတ်ခဲ့ကြတယ်။ နောက်ဆုံးမှာ ဂျယ်နီဖာပုံပါတဲ့တီရှပ်က ဂျိုလီပုံပါတဲ့တီရှပ်ထက် ၃ဆရောင်းခဲ့ရတယ်။
.
ဒါပေမယ့်လည်း ဒီအရာတွေက ဘယ်လိုအခြေအနေပဲရောက်ရောက် အတူနေမယ်ဆိုတဲ့ ပရက်ပစ်နဲ့ ဂျိုလီရဲ့ သံမဏိနှလုံးသားကို မတွန်းလှန်နိုင်ခဲ့ပါဘူး။
.
ဒီကိစ္စနဲ့ပတ်သက်ပြီး ကာလအတော်အတန်ကြာတဲ့အထိ ဂျိုလီဟာ လူတွေရဲ့တံထွေးခွက်ကြား မျောပါသူဖြစ်ခဲ့ရတယ်။
.
သတင်းထောက်တွေကလည်း နဂိုတည်းက ဂျိုလီအပေါ် အမြင်လှခဲ့သူတွေမဟုတ်ဘူး။ ဂျိုလီဟာ အရင်တည်းက ခုပဲယူလိုက် ခုပဲကွာလိုက်နဲ့ စိတ်မြန်လက်မြန်သူမို့ သူ့အဖေကတောင် သူ့သမီးကို ကြည့်မရဖြစ်ခဲ့ပြီး ဂျိုလီစိတ်ခုအောင်ပြောခဲ့မိလို့ အဖေနဲ့ သမီးအရာပြတ်စဲဖို့ တရားရုံးကို ဂျိုလီရောက်ခဲ့သေးတယ်။ လူတွေကတော့ ဂျိုလီကို “ဒီမိန်းမ သွေးအေးရက်စက်လွန်းတယ်” လို့ ဆိုခဲ့ကြတယ်။
.
ကမ္ဘောဒီးယားက မိဘမဲ့ကလေးတစ်ဦးကို ဂျိုလီကောက်ယူမွေးစားချိန်တုန်းကလည်း ပရိသတ်ကြား ဆူညံပွက်လောရိုက်ခဲ့သေးတယ်။ “သူ့လိုစရိုက်နဲ့ သူ့ကိုယ်သူတောင် မထိန်းသိမ်းတတ်ဘဲ ကလေးမွေးစားဦးမလို့တဲ့” ဆိုပြီး ဝေဖန်ကဲ့ရဲ့ခဲ့ကြတယ်။
.
ဒါတွေက ဂျိုလီတွေ့ကြုံခဲ့ရတဲ့ အမည်းရောင်သမိုင်းကာလတွေဖြစ်တယ်။ နောက်ပိုင်းမှာ ဖြစ်ပျက်ခဲ့တာတွေကိုတော့ ပရိသတ်အားလုံးသိကြပါလိမ့်မယ်။
-----------
ဆက်ပါဦးမည်...
နိုင်းနိုင်းစနေ