ဆရာမြင့်မိုးအောင်အပေါ်အထင်မှားခြင်း နဲ့ ဆရာမြင့်မိုးအောင် ၏ *ဗုဒ္ဓပူဇနိယ * ရှင်းတမ်း

 Music Crazy Te Te Tar Tar added 2 new photos.

ဆရာမြင့်မိုးအောင်အပေါ်အထင်မှားခြင်း
နဲ့
ဆရာမြင့်မိုးအောင် ၏ *ဗုဒ္ဓပူဇနိယ * ရှင်းတမ်း
=====
Arakanese Community ဆိုသောFacebook စာမျက်နှာတွင် HADAYA မှတင်ထားသောPOSTပါ ……
ဓာတ်ပုံမှာ… ပြည်ထောင်စုသမ္မတ မြန်မာနှိင်ငံတော်အစိုးရ၏ ပညာရေးဝန်ကြီးဌာနမှ ထုတ်ဝေသော ပထမတန်း `ရခိုင်ဖတ်စာ´၏ နောက်ဆုံးစာမျက်နှာတွင်ပါရှိသည့် ဗုဒ္ဓပူဇနိယ ယိမ်း သာခြင်းစာများ ဖြစ်ပါသည်။

တေးသံရှင်`ချမ်းချမ်း´သီဆိုပြီး နှိင်ငံကျော်ခဲ့သည့် ရခိုင်လူမျိုးတို့၏ `ယိမ်းသာခြင်း´တစ်ပုဒ် ဖြစ်ပါ၏။
တေးရေးသူမှာ စစ်တွေမြို့မှ ရခိုင်လူမျိုး `ဦးဦးဘသာ´ဖြစ်ပါသည်။၁၉၆၄ခုနှစ် ပြည်ထောင်စုနေ့တွင် ရန်ကုန်သို့ကပြဖြေဖျော်မည့် ရခိုင်ရိုးရာယဉ်ကျေးမှုအဖွဲ့၏ မြတ်ဘုရားရှင်ကို ပူဇော်သည့် ရခိုင့်ဆီမီးခွက်အကယိမ်းအတွက် သင့်လျှော်လိုက်ဖက်လွန်းစွာ စပ်ဆိုရေးသားခဲ့သည့် သီချင်းတစ်ပုဒ် ဖြစ်ပါ၏။

ပထမဆုံးသီဆိုသူမှာလည်း `တေးရေးသူ-ဦးဦးဘသာ´ ကိုယ်တိုင်ပင် ဖြစ်ပါသည်။ထို့နောက် ဖိုးလမင်းယပ်တောင်လုပ်ငန်းနှင့် စေတနာပုံနှိပ်တိုက်ကို လုပ်ကိုင်ခဲ့သည့် ဦးအောင်ကျော်သာနှင့် ရခိုင်ရိုးရာ ယဉ်ကျေးမှုဌာနမှဖြစ်သော မစန္ဒာသန်း မဥမ္မာသန်းတို့က တိပ်ခွေထုတ်၍ သီဆိုခဲ့ကြသည်။
မစန္ဒာသန်းနှင့် မဥမ္မာသန်းတို့မှာ ညီအစ်မနှစ်ဦးဖြစ်ကာ ရခိုင်ရိုးရာ ယဉ်ကျေးမှုဌာန၏ အဖွဲ့ဝင်လူကြီးတစ်ဦးဖြစ်သူ ဦးအောင်ကျော်သန်း၏ သမီးများဖြစ်ပါသည်။ လက်ရှိ ပြည်တော်သာရပ်ကွက်တွင် နေထိုင်ပါသည်။
ဦးအောင်ကျော်သာမှာ ရခိုင်မိုနို တေးသံရှင်တစ်ဦးဖြစ်ပြီး နဝတခေတ်မှ ဆိုကရေးတီး ပြိုင်ပွဲများတွင် ရွှေတံဆိပ်ဆု ရရှိခဲ့ကာ… နောက်ပိုင်း၌ နှိင်ငံတော်အဆင့် ဆိုကရေးတီး ဒိုင်လူကြီးအဖြစ်လည်း ကူညီဆောင်ရွက်ပေးခဲ့ပါသည်။လက်ရှိလည်း ဆောင်ရွက်နေဆဲသာ ဖြစ်ပါသည်။
ဤမျှလောက်ဆိုက တေးသံရှင်ချမ်းချမ်း၏ `ဗုဒ္ဓပူဇနိယ´သီချင်းမြစ်ဖျားကို သိရှိ အရိပ်ကျကြပေတော့မည်။
ဤသို့ ရေးသားတင်ပြရခြင်းမှာ အဆိုတော်ချမ်းချမ်းကိုယ်တိုင်က သူ့ဘဝ၏ အနုပညာခရီးတွင် မှတ်တိုင်တစ်ခုအဖြစ် စိုက်ထူနှိင်ခဲ့သည့် ဗုဒ္ဓပူဇနိယသီချင်း၏ မူလတေးရေးနှင့် မူလတေးသံရှင်များကို ထုတ်ဖော်ပြောကြားသံကို မကြားမိဘဲ တေးရေးဆရာ ကိုမြင့်မိုးအောင်က ဆိုခိုင်းလို့ ဆိုလိုက်တာပါဟုသာ မြင့်မိုးအောင်ကဘဲ တေးရေးသလိုလို ဝေလည်လည် လုပ်နေ၍ဖြစ်ပါသည်။
အမှန်ဆိုလျှင် ချမ်းချမ်းကိုယ်တိုင်ကပင် မူလ/မူပိုင် အနုပညာရှင်များကို ကိုယ့်တို့အနုပညာသည်အချင်းချင်း ရိုင်းပင်းကူညီသည့်အားဖြင့် မြှင့်တင်ဖော်ထုတ် ကျေးဇူးတင်ရပါမည်။ထို့မှတစ်ဖန် ဤသီချင်းကို သီဆိုခွင့်တောင်းခံခြင်း တေးသီချင်း ဉာဏ်ပူဇော်ကြေး ပေးခဲ့ခြင်းမရှိပါက မူပိုင်ခွင့်များပင် ချိုးဖောက်ရာကျကာ `ခိုးယူခြင်း´မြောက်သည့်အတွက် ရခိုင့်အနုပညာရှင်များအနေဖြင့် ဤအတိုင်း ပေါ့ပေါ့တန်တန် မနေကြတော့ဘဲ ထိရောက်စွာ အရေးယူရမည့် ကိစ္စသာဖြစ်ပါကြောင်း တင်ပြအပ်ပါသည်။
- HADAYA-
ဆရာမြင့်မိုးအောင် ၏ *ဗုဒ္ဓပူဇနိယ * ရှင်းတမ်း
ဆရာမြင့်မိုးအောင် ရဲ့
ဗုဒ္ဓပူဇနိယ သီချင်းနဲ့ပတ်သက်ပြီး တေးရေး မြင့်မိုးအောင် မှ အသိပေးရှင်းလင်းချက်
ကျွန်တော် တေးရေး မြင့်မိုးအောင်ဖြစ်ပါတယ်။ပြီးခဲ့တဲ့ရက်အနည်းငယ်က ဒီသတင်းကိုကြားပါတယ်။
ဒါပေမယ့် ကျွန်တော်က Facebook သိပ်မဝင်ဖြစ်တော့အတိအကျမသိဘူးဖြစ်နေတယ်။
ဒီနေ့တော့ တိုက်တိုက်ဆိုင်ဆိုင် 7Days ဂျာနယ်က
လဲမေးပါတယ်။မိတ်ဆွေတစ်ယောက်ကလဲပြပါတယ်။အခုလိုကျွန်တော်ဆီ ကိုFace Book ကနေအကြောင်းကြားတဲ့သူတွေကိုလည်းကျေးဇူးတင်ပါတယ်။အကြီးအကျယ်လွဲမှားမှုကြီးဖြစ်တဲ့အတွက်
ကိုယ်ချင်းစာမိပါတယ်။သက်ဆိုင်သူအားလုံးကို
လဲသေချာရှင်းပြချင်ပါတယ်။
ဗုဒ္ဓပူဇနိယ တေးသီချင်းကို၂၀၀၈ ခုနှစ်လောက်မှာ MRTV4 မှာတင်ဆက်တဲ့Fashion Music Festival
အစီအစဉ် မှာ ကျွန်တော်စီစဉ် ထုတ်လွှင့်ခဲ့ပါတယ်။
ရခိုင်တိုင်းရင်းသားရေဒီယို က မဥမ္မာသန်း အကူအညီနဲ့ပါ။သူပဲမြန်မာပြန်ပေးပါတယ်။အကအဖွဲ့လည်းသူတို့ပါပဲ။တေးရေးသူ အမည်မေးတော့ ဦးအောင်ကျော်ခိုင် လို့ပြောပါတယ်။တေးရေးအမည်လဲတပ်ပါတယ်။
တေးရေးခလဲသူကတစ်ဆင့်ပေးလိုက်ပါတယ်။ကျွန်တော်က Music Producerသက်သက်ပါ။
MTV EXIT ကထုတ်လွှင့်ချိန်မှာတော့ မဥမ္မာသန်း ကလဲ နေပြည်တော် ကို အလုပ်ပြောင်းရွှေ့ရင်းဆိုင်
ကယ်မတော်တဆဖြစ်လို့ဆုံးသွားတယ်လို့သိရပါတယ်။တစ်ခြားအသိ တစ်ယောက်ကလဲ တေးရေး
ဦးအောင်ကျော်ခိုင်မဟုတ်ပဲ ရိုးရာတေးပဲလို့ပြောတဲ့အတွက် MTV EXIT စီစဉ် သူတွေကလဲ တေးရေး ခမပေးဖြစ်ပဲ တေးရေးအမည်လဲအတိအကျမဖော်ပြနိုင်ခဲ့ပဲ ရခိုင်ရိုးရာဓမ္မတေးလို့ပဲဖော်ပြပေးနိုင်ခဲ့ပါတယ်။
တေးသံရှင် ချမ်းချမ်း က သူ့ရဲ့အိပ်မက်စီးရီးထဲမှာထည့်လိုက်တဲ့အခါ ကျွန်တော့် ကိုခင်မင်ရင်းနှီးတယ်ဆိုပြီး ကြိုတင်အကြောင်းမကြားခဲ့ပါဘူး။ စာနယ်ဇင်း ပွဲဖိတ်လို့ရောက်တဲ့အခါမှာတော့သီချင်းစာအုပ်နဲ့ကာဗာမှာမှားယွင်းပုံနှိပ်ထားတာတွေ့ရပါတယ်။ကျွန်တော် Music Producer လုပ်ပေးခဲ့တဲ့သီချင်း၂ပုဒ်လုံးပါ။တစ်ပုဒ် ကတော့ ဆရာမင်းသုဝဏ်ရဲ့ကဗျာကို ဆရာK ရဲ့ သံစဉ် နဲ့ ပုခက်လွှဲချင်းပါ။ရွာဆိုတဲ့ဇါတ်ကားအတွက် ဇါတ်ဝင်တေးအဖြစ်ဖန်တီးခဲ့တာပါ။နောက်တစ်ပုဒ်က ဗုဒ္ဓပူဇနိယပါ။နှစ်ပုဒ်စလုံးကို တေးရေး မြင့်မိုးအောင်ဆိုပြီးမှားတပ်ထားတာပါ။အဲဒီအတွက် စာနယ်ဇင်းတွေသိအောင် ကျွန်တော်ကိုယ်တိုင် ချမ်းချမ်းရှေ့မှာရှင်းလင်းပြောပြပြီး ချမ်းချမ်းကိုယ်စားလည်းသက်ဆိုင်သူ
တွေအားလုံးကို တောင်းပန်ခဲ့ပါတယ်။သူပေးတဲ့တေးရေးခကိုလည်း ပုခက်လွှဲ ချင်းအတွက် ဆရာမင်းသုဝဏ်နဲ့ ဆရာK မိသားစု။ ဗုဒ္ဓပူဇနိယသီချင်းအတွက်တေးရေးသူမသိတောင် ရခိုင်ယဉ်ကျေးမှုအဖွဲ့ကို အပ်နှံဖို့ရည်ရွယ်ခဲ့ပါတယ်။မူပိုင်ခွင့်ကိစ္စတွေ နဲ့ဆက်နွယ်ပြီးဆရာဦးသန်းမောင်(စစ်တွေ)နဲ့တွေ့ဆုံချိန်မှာလဲ တေးရေးအမည်မှန် ကူညီစုံစမ်းပေးရန်နဲ့ မသိခဲ့ရရင် ရခိုင်ယဉ်ကျေးမှု အဖွဲ့ကိုပေးချင်တဲ့အကြောင်းစကားစပ်ရင်းပြောဖြစ်ခဲ့ပါတယ်။
အခုကိစ္စကတော့ ချမ်းချမ်းက သူ့ရဲ့အိပ်မက်စီးရီးကို Myanmar online Store မှာရောင်းတဲ့အခါ
အချက်အလက်တွေမလိုဘူးထင်ပြီး မှန်အောင်ပြင်ဆင်မပေးလိုက်တဲ့အတွက်အခုလိုစိတ်ရှုပ်ထွေးစရာတွေပေါ်ပေါက်သွားရတာပါ။ဒီကိစ္စကိုသိသိချင်းပဲ ချမ်းချမ်းကိုရော Myanmar online Store ကိုရောအကြောင်းကြားပြီးပါပြီ။ပုခက်လွှဲသီချင်းရေးသူအမည်မှန်ကိုလဲ ပြောင်းလဲပြီးပါပြီ။ဗုဒ္ဓပူဇနိယ သီချင်းကတော့ တေးရေးသူနေရာမှာ ရခိုင်ရိုးရာဓမ္မတေး လို့ပဲလတ်တလောပြင်ဆင်ထားပြီး အမည်မှန်သိတဲ့အခါ အတိအကျဖော်ပြနိုင်မှာဖြစ်ပါတယ်။ဦးအောင်ကျော်ခိုင်လား။ဦးဦးဘသာ လား။
တစ်ခြားတစ်ယောက်လား။အတိအကျသိသူတွေကူညီ ပေးစေချင်ပါတယ်။
ကျွန်တော်ဟာမူပိုင်ခွင့်ကိုရော တိုင်းရင်းသားရိုးရာယဉ်ကျေးမှုကိုပါ လေးစားတန်ဖိုးထားသူပါ။
ဘာပဲဖြစ်ဖြစ် ဝေဖန်ရေးသားအကြောင်းကြားကြသူတွေကို ကျေးဇူးတင်သလိုသက်ဆိုင်သူအားလုံးကိုလဲ
အနူးအညွတ် တောင်းပန်ပါတယ်။
လိုအပ်တာရှိသေးရင်လဲ ၀၉ ၇၉၅၀၃၀၇၂၁ ကို
ဆက်သွယ်မှာကြားနိုင်ပါတယ်။
လေးစားစွာဖြင့်
တေးရေး - မြင့်မိုးအောင်