ဂျပန် ရောက်လို့ လေယာဉ်ပေါ်က ဆင်းရင် ဘာတွေ ဆက်လုပ်ရမလဲ ? ဘာတွေလိုအပ် သလဲ ?

 YA YA YA Japanese Language Academy & Education Centre·Tuesday, February 2, 2016

မြန်မာနိုင်ငံကနေ ဂျပန်နိုင်ငံ တိုကျိုမြို့ရှိ Narita လေဆိပ်သို့ ဆိုက်ရောက်ပြီးနောက် လေယာဉ်ပေါ်က ဆင်းပြီးရင် ဆက်သွားရမယ့်နေရာတွေနဲ့ ကြိုတင် သိသင့်သိထိုက်တာတွေကို စုစည်းရေးသား တင်ပြ ထားတာဖြစ်ပြီး ပညာတော်သင်သွားရောက်ကြတဲ့မြန်မာကျောင်းသားတွေအတွက် အဓိက ထားရေး သားထားတာဖြစ်ပါတယ်။ နိုင်ငံခြားခရီးစဉ်တွေကို အမြဲတစေ သွားလာနေရသူတွေအနေနဲ့ ကြုံနေကြ ကိစ္စတွေဖြစ်တဲ့အတွက် ကိစ္စမရှိပေမယ့် အတွေ့အကြုံ မရှိတဲ့ လူငယ်ကျောင်းသား ကျောင်း သူတွေ အတွက်တော့ အရေးပါမယ်လို့ ယူဆတဲ့အတွက် ဒီပိုစ့်ကို ရေးသားတာဖြစ်ပါတယ်။ ပြင်ဆင်ယူဆောင် သွားရတဲ့ စာရွက်စာတမ်း အချို့ကတော့ Visa Status မတူတဲ့ ခရီးသည်တွေနဲ့ ကျောင်းသားတွေ အနည်းငယ်ကွဲပြားမှု ရှိရုံကလွဲလို့ အားလုံး အတူတူနီး ပါးပါပဲ။ မြန်မာနိုင်ငံကနေ တိုက်ရိုက်ဖြစ်စေ တဆင့်ဖြစ်စေ လေယာဉ်ခရီးစဉ်များနဲ့ တိုကျိုမြို့ Narita လေဆိပ်ကို ရောက်ရှိပြီဆိုတာနဲ့ လေယာဉ်ပေါ် က ဆင်းသက်ရင် အောက်ပါအတိုင်း နေရာတွေ၊ ဂိတ်တွေကို ဖြတ်သန်းသွားရပါတယ်။

၁- ခရီးသည်များ ကျန်းမာရေးဆိုင်ရာ စစ်ဆေးကြပ်မတ် ကောင်တာ ( QUARANTINE )

၂- လူဝင်မှုကြီးကြပ်ရေး ( IMMIGRATION )

၃- ပစ္စည်းရွေးဌာန ( BAGGAGE CLAIM )

၎- အပင်နှင့် တိရိစ္ဆာန်များ စစ်ဆေးကြပ်မတ် ကောင်တာ ( PLANT & ANIMAL QUARANTINE)

၅- အကောက်ခွန် စစ်ဆေးရေး ( CUSTOM INSPECTION )

၆- ဆိုက်ရောက် ခန်းမ ( ARRIVAL LOBBY )

၁- ခရီးသည်များ ကျန်းမာရေးဆိုင်ရာ စစ်ဆေးကြပ်မတ် ကောင်တာ ( QUARANTINE )

ဒီနေရာကတော့ အခြားနိုင်ငံများမှ ကူးစက်ရောဂါပိုးများကို ဂျပန်နိုင်ငံတွင်းသို့ မပျံ့နှံ့ မ၀င်ရောက်စေရန် လုပ်ဆောင်နေတဲ့ နေရာဖြစ်ပါတယ်။ H1N1 , အီဘိုလာ ကဲ့သို့ အခြားနိုင်ငံအချို့တွင် ရောဂါ များဖြစ် ပွားနေတဲ့ အချိန်မျိုးတွေမှာ ဂျပန်နိုင်ငံသို့ ၀င်ရောက်လာတဲ့ ခရီးသည် များကို ထိုနေရာမှာ စစ်ဆေးပြီးမှ ဆက်လက် ထွက်ခွာခွင့်ပေးတာမျိုးဖြစ်ပါတယ်။ အခြားအချိန်များမှာတော့ စစ်ဆေးမှုတွေ ပြုလုပ်လေ့ မရှိ ပါဘူး။ လေ ဆိပ် သို့ရောက်ရှိသောအခါ ခရီးသည်များ ကျန်းမာရေးဆိုင်ရာ စစ်ဆေးကြပ်မတ် ကောင်တာသို့ လမ်းညွှန် အတိုင်းသွားနိုင်ပါတယ်။ လေယာဉ်ပေါ်မှ သင့်အား ကျန်းမာရေး အခြေအနေ မေး၍ ဖြည့်စွက်ရန် စာရွက်ငယ်ကို ပေးအပ်ပါက ထိုမေးခွန်းစာရွက်ငယ်ကို ဖြည့်စွက်ပြီး စစ်ဆေး ကြပ်မတ် ကောင်တာ သို့ပေးအပ်ပါ။ အကယ်၍ သင်သည် လတ်တလော ၀မ်းပျက် ၀မ်းလျောခြင်း ၊ ဖျားနာနေခြင်း တို့ရှိပါက အဆိုပါ ဌာနမှ အရာရှိ (သို့မဟုတ်) ကျန်းမာရေး စစ်ဆေးရေးခန်းသို့ သတင်းပို့ပါ။ သီးခြားကျန်းမာရေး ကြပ်မတ်မှူ ဆိုင်ရာ သတင်းအချက်အလက်များကိုလည်း ထို ကောင်တာ တွင်ရရှိ နိုင်ပါသည်။ လိုအပ်ပါက အသုံးပြုနိုင်ပါသည်။

• ၂- လူဝင်မှုကြီးကြပ်ရေး ( IMMIGRATION )

သင့်နိုင်ငံကူး လက်မှတ်ကို လူဝင်မှုကြီးကြပ်ရေး ဂိတ်တွင် ဆိုက်ရောက် ခရီးသည် စစ်ဆေးရေး အ တွက် ပြသပါ။ သင့် နိုင်ငံကူး လက်မှတ် စစ်ဆေးပြီးစီးပါက ဒုတိယထပ်ရှိ ဆိုက်ရောက် ခန်းမဆောင် (2F- Arrival Lobby) သို့ သွားပါ။ ဤနေရာတွင် ကျောင်းသားများအနေဖြင့် နိုင်ငံကူးလက်မှတ် ( Passport ) ၊ Disembarkation Card ( ၎င်းကတ်များကို လေယာဉ်ပေါ်မှာ ဝေငှပေးပါတယ်။ Immigration Gate ရှေ့တွင်လည်း စင်များဖြင့် တင်ထားပြီး လိုသလောက် ယူ ၍ ဖြည့်နိုင်သည်) ၊ COE ၊ အချိန်ပိုင်း အလုပ်လုပ်ခွင့် လျှောက်လွှာ တို့ကို ပြသနိုင်ရန်အဆင်သင့်ပြင် ဆင် ထားရပါမည်။ အချိန်ပိုင်းအလုပ် လုပ်ခွင့် လျှောက်လွှာတင်ပြပြီးနောက် သင့်အား The Residence Card (Zairyu Card; 在留カード) ကို ပြန်လည်ပေးအပ်ပါလိမ့်မယ်။ ထို့နောက် လူဝင်မှုကြီးကြပ်ရေးမှ သင့်ရဲ့ လက်ဗွေများရယူ၍ သင့် မျက်နှာကို ဓါတ်ပုံရိုက် ယူမည်ဖြစ်ပါတယ်။ အသေးစိတ် ပုံများကို အောက်တွင် ဆက်လက်ကြည့်ရှုပါရန် -

မြန်မာနိုင်ငံကူးလက်မှတ် ( Passport )

Disembarkation Card ( အရှေ့ဘက် )

Disembarkation Card ( ကျောဘက် )

  COE ( Certificate Of Eligibility )

အချိန်ပိုင်းအလုပ်လုပ်ခွင့် လျှောက်လွှာ

The Residence Card (Zairyu Card; 在留カード)

အသေးစိတ် လေ့လာလိုပါက >> http://www.japanvisitor.com/japan-residents/residence-card-zairyu-card

လက်ဗွေနှိပ်ခြင်း ၊ မျက်နှာဓါတ်ပုံ ရိုက်ခြင်း 

၃- ပစ္စည်းရွေးဌာန ( BAGGAGE CLAIM )

ခရီးဆောင်အိတ်နှင့် ပစ္စည်းရွေးရန်နေရာတွင် သင်၏ လေကြောင်းလိုင်းနှင့် လေယာဉ် အမှတ်စဉ်ကို ရှာဖွေ၍ သက်ဆိုင်ရာ ရွေ့လျားစင်တန်းများပေါ်တွင် ရွေးယူပါ။ သင့်ပစ္စည်းများ မှန်ကန် သေချာစေရန် ပစ္စည်း လက်ခံ စာရွက် ( Baggage Claim Receipts ) နှင့်တိုက်ဆိုင် စစ်ဆေးပါ။ အထုတ်အပိုး တင်ဆောင်ရန် တွန်းလှည်း များကို ထိုနေရာတွင် ရရှိအသုံးပြု နိုင်ပါသည်။ ထို့ကြောင့် ဤနေရာတွင် ပစ္စည်း လက်ခံ စာရွက် ( Baggage Claim Receipts ) ကို အသင့်ပြင်ဆင်ထားရန် လိုအပ်ပါတယ်။

( ANA လေကြောင်းလိုင်း Baggage Claim Receipts နမူနာ )

( ထိုင်း လေကြောင်းလိုင်း Baggage Claim Receipts နမူနာ ) 

၎- အပင်နှင့် တိရိစ္ဆာန်များ စစ်ဆေးကြပ်မတ် ကောင်တာ ( PLANT & ANIMAL QUARANTINE)

ခရီးသည်များသည် ဂျပန်နိုင်ငံသို့ သစ်ပင်ပန်းမံများ (သစ်သီး၊ ဟင်းသီးဟင်းရွက် ၊ မျိုးစေ့များ အပါအ၀င်) သို့မဟုတ် တိရိစ္ဆာန်များ နှင့် သားငါး ( ၀က်ပေါင်ခြောက်၊ ၀က်အူချောင်း စသည် တို့အပါအ၀င်) တို့ကို ယူဆောင်လာပါက အပင် နှင့် တိရိစ္ဆာန် စစ်ဆေးကြပ်မတ်ရေးဂိတ် တွင် စစ်ဆေးဖြတ်သန်းရမည်။ ( မှတ်ချက် ။ ။ မြန်မာနိုင်ငံမှ ကျောင်းသားများ ထည့်ယူလေ့ရှိသော ငပိကြော်ထုတ်များ၊ ငခြောက်ကြော် ထုတ်များ စသည့်အခြောက်အခြမ်းများအား စစ်ဆေးလေ့မရှိကြောင်း သိရပါသည်) အပင်နှင့် တိရိစ္ဆာန် စစ်ဆေးကြပ်မတ်မှု ဆိုင်ရာ သတင်းအချက်အလက် လက်ကမ်း စာရွက် များကို လိုအပ်လျှင် အသုံးပြုနိုင်ရန် ထို နေရာတွင် ရရှိနိုင်ပါ သည်။ ဤနေရာတွင် အသင့် ပြင်ဆင်ထားရန်မှာ တင်သွင်း ယုဆောင်လာသော ပစ္စည်းများဖြစ်ပါတယ်။

၅- အကောက်ခွန် စစ်ဆေးရေး ( CUSTOM INSPECTION )

ခရီးသည်များအား လုံး သည် အခွန်ကြေငြာလွှာ (Customs Declaration Form) ကို လေဆိပ် အကောက် ခွန်စစ်ဆေးရေး ဂိတ်တွင် တင်ပြရမည်။ ဂျပန်သို့ ယူဆောင် လာသော ပစ္စည်းများ ၊ ပြည်ပမှ ၀ယ်ယူ လာသော လက်ဆောင်များ စသည်တို့ ကို ထိုပုံစံ တွင်ဖြည့်စွက်ပါ။ ( ၎င်းကတ်များကို လေယာဉ်ပေါ် မှာ ဝေငှပေးပါတယ်။ Immigration Gate ရှေ့တွင်လည်း စင်များဖြင့် တင်ထားပြီး လိုသလောက် ယူ ၍ ဖြည့်နိုင်သည်။ ထို့ပြင် ခရီးဆောင်အိတ်ထုတ်ယူနေစဉ်မှာ တာဝန်ကျဝန်ထမ်းများထံမှလည်း တောင်း ယူနိုင်ပါတယ်။) ခရီးဆောင်လက်စွဲ အိတ်များအပြင် သီးခြားအထုတ် အပိုး၊ ပစ္စည်းများပါရှိပါက အကောက် ခွန်ကြေငြာလွှာနှစ် စောင်တင်ပြရမည်။

> အခွန်ကင်းလွတ်ခွင့် ကန့်သတ်မှူ အတွင်းရှိပါက အစိမ်းရောင် ဂိတ်သို့ သွားပါ။

> အခွန်ကင်းလွတ်ခွင့် ကန့်သတ်မှူ ကျော်လွန်ပါက (သို့မဟုတ်) မသေချာပါက အနီရောင်ဂိတ်သို့ သွားပါ။

> အကောက်ခွန်စစ်ဆေးရေးဆိုင်ရာ သတင်းအချက်အလက် များကို ထို ကောင်တာတွင် ရရှိနိုင်ပါသည်။ လိုအပ်ပါက အသုံးပြုနိုင်ပါသည်။

ဤနေရာတွင် အသင့် ပြင်ဆင်ထားရန်မှာ ခရီးဆောင်အိတ်များ၊ ပစ္စည်းများနှင့် အခွန်ကြေငြာလွှာ (Customs Declaration Form) တို့ဖြစ်ပါတယ်။

အခွန်ကြေငြာလွှာ (Customs Declaration Form)

၆- ဆိုက်ရောက် ခန်းမ ( ARRIVAL LOBBY )

လေဆိပ် အကောက်ခွန်စစ်ဆေးရေး ကိစ္စရပ်များ ပြီးဆုံးလျှင် ခရီးသည် ဆိုက်ရောက်ခန်းမဆောင် (Arrival Lobby ) သို့ သွားပါ။ လေဆိပ် သို့ဆိုက်ရောက် လုပ်ငန်းစဉ်များ ပြီးဆုံးပါပြီ။ ဆိုက်ရောက် ခန်းမဆောင် တွင် အကြွေစေ့ဖုန်းများ၊ ဈေးဆိုင်များ၊ ငွေလဲကောင်တာ၊ ဖုန်းအငှားဝန်ဆောင်မှု၊ Meeting Point ၊ Bus ကားနှင့် ရထားလက်မှတ် အရောင်းကောင်တာ၊ Tourist Information Center စသဖြင့်နေရာများ ကို တွေ့မြင်ရပါမည်။ ထို့နောက် ဤ နေရာသည် သင့်အား လာရောက် ကြိုဆိုသူများနှင့် တွေ့နိုင်ပြီဖြစ်ပြီး လိုရာခရီးသို့ ဆက်လက်ထွက် ခွာနိုင်မည်ဖြစ်ပါသည်။ 

Meeting Point

အကြွေစေ့ဖုန်း 

ငွေလဲကောင်တာ

တိုကျိုမြို့တွင်းသို့ သွားရောက်နိုင်တဲ့ ကား၊ ရထားများ

 တိုကျိုမြို့တွင်းသို့ သွားရောက်နိုင်တဲ့ ကား၊ ရထားများ၏ ဈေးနှုန်း နှင့် အခြား အသေးစိတ်အချက် အလက်များ

ဖတ်ရှုလေ့လာ၍ အဆင်ပြေချောမွေ့ကြပါစေ ..... :) :)

Posted By : YA YA YA Japanese Language Academy & Education Centre

https://www.facebook.com/yayaya.jpl...

Ref: www.narita-airport.jp/