လူတွေ အကောင်းမမြင်တဲ့သူအဖြစ်ကနေ လူတကာအားကျတဲ့ အောင်မြင်သူဖြစ်အောင် ဒီနှစ်တွေအတွင်း ဗီတိုရီးယား ဘာတွေများပြောင်းလဲခဲ့သလဲလို့ လူအများက သိချင်နေကြပါလိမ့်မယ်။

 Nine Nine Sanay @ နိုင်းနိုင်းစနေ

 

လူတွေ အကောင်းမမြင်တဲ့သူအဖြစ်ကနေ လူတကာအားကျတဲ့ အောင်မြင်သူဖြစ်အောင် ဒီနှစ်တွေအတွင်း ဗီတိုရီးယား ဘာတွေများပြောင်းလဲခဲ့သလဲလို့ လူအများက သိချင်နေကြပါလိမ့်မယ်။

ဇာတ်လမ်းကို ဟိုးသူ့ငယ်ဘဝကနေ စပြောရပါလိမ့်မယ်….

ဗီတိုရီးယားက ချမ်းသာကြွယ်ဝတဲ့မိသားစုက ဆင်းသက်လာသူဖြစ်တယ်။ ကျောင်းတက်စအရွယ်တည်းက Rolls-Royce ကားစီးပြီး ကျောင်းတက်ခဲ့သူဖြစ်တယ်။

ကျောင်းမှာက ပိုက်ဆံချမ်းသာပြီး အလှအပမက်ရင် အပယ်ခံရတတ်ပါတယ်။ ဒါကြောင့် သူဟာ ကျောင်းသားအများရဲ့ လျစ်လျူရှုတာကို ခံခဲ့ရတယ်။ ဘယ်သူမှ သူနဲ့အတူ တစ်ခုံတည်းမထိုင်ချင်ခဲ့ကြဘူး။

သူဟာ ငယ်ရွယ်စဉ်ကတည်းက အနုပညာအသိုင်းအဝိုင်းထဲဝင်ဖို့ ကြိုးစားခဲ့တယ်။ အသက် ၁၉နှစ်မှာတော့ တစ်ကမ္ဘာလုံးကို ရိုက်ခတ်ခဲ့တဲ့ နာမည်ကြီး Spice Girls အဖွဲ့ထဲ သူပါဝင်ခဲ့ပြီးနောက် နာမည်ရစပြုလာခဲ့တယ်။

အဲဒီအဖွဲ့ထဲမှာ သူ့နာမည်က Posh ဖြစ်တယ်။ အဓိပ္ပာယ်က အထက်တန်းလွှာ၊ ကြော့မော့ တန်ဖိုးကြီးတာဖြစ်တယ်။

တစ်ခေတ်တစ်ခါမှာ Spice Girls က အရမ်းထင်ရှားကျော်ကြားခဲ့တယ်။ ပါဝင်သူတွေလည်း ကြိုးစားခဲ့ကြတယ်။ ဆက်စီကျတဲ့နေရာမှာတော့ ဒီကနေ့ ကိုရီးယားအဆိုတော်အမျိုးသမီးအဖွဲ့တွေထက်တောင် သာပါတယ်။

ဒေးဗစ်ဘက်ခ်ဟမ်းက တီဗီပေါ်မှာ Spice Girls အဖွဲ့ကိုမြင်လိုက်တာနဲ့ ဗီတိုရီးယားကို ချစ်မိသွားခဲ့တယ်။ အဲဒီနောက် ပါတီတစ်ခုမှာ သူရဲ့အချစ်ဘုရင်မ ဗီတိုရီးယားနဲ့ မမျှော်လင့်ဘဲသူဆုံခဲ့တယ်။ သူ့ဖုန်းနံပါတ်ကို ဗီတိုရီးယားက အရင်တောင်းလိုက်မယ်လို့ သူထင်မထားခဲ့မိဘူး။ ဒီလိုနဲ့ သိပ်မကြာခင်မှာပဲ သူတို့ချစ်ကြိုက်သွားခဲ့ကြတယ်။

သူတို့က သူဌေးသမီးနဲ့ဆင်းရဲသား အချစ်ပုံပြင်ထဲကအတိုင်းပဲ။ အဲဒီတုန်းက ဘက်ခ်ဟမ်းနာမည်မရှိသေးဘူး။ သူ့အမေက ဆံပင်ညှပ်ဆိုင်မှာ အလုပ်လုပ်တယ်။ ဗီတိုရီးယားက နာမည်ကြီးတဲ့အဆိုတော်ဖြစ်နေပြီ။ ပြီးတော့ ကုမ္ပဏီလည်းဖွင့်ထားသေးတယ်။

အဲဒီတုန်းက ဒေးဗစ်ဘက်ခ်ဟမ်းရဲ့ပိုင်ဆိုင်မှုကို ဗီတိုရီးယား မမက်ခဲ့ပါဘူး။ ဘက်ခ်ဟမ်းနဲ့မတွေ့ခင်တုန်းက သူ နှစ်ခါစေ့စပ်ခဲ့ဖူးတယ်။ အချစ် တာရှည်မခိုင်ခဲ့ဘူး။ ဘက်ခ်ဟမ်းနဲ့တွေ့မှ သူ့အချစ်ခရီးလမ်းက ရှည်သွားတယ်။ အော်… သူတို့က ကလေးမွေးပြီးမှ မင်္ဂလာဆောင်ကြတာပါ။

မင်္ဂလာဆောင်ပြီးတဲ့နောက် ဘက်ခ်ဟမ်းရဲ့အလုပ်အကိုင်တော်တော်များများကို ဗီတိုရီးယားကူညီခဲ့တယ်။ အဓိက အရေးပါတဲ့အရာက တောသားပုံပေါက်နေတဲ့ ကိုယ့်ယောက်ျားဘောလုံးသမားကို အမျိုးသမီးထုရင်ထဲကမင်းသားအဖြစ် သူပြောင်းလိုက်တာပါပဲ။

ပြောစကားအရ သူတို့နှစ်ယောက်ချိန်းတွေ့စက ဘက်ခ်ဟမ်းက အီတလီနာမည်ကြီးတံဆိပ် Versace ဝယ်ဝတ်သတဲ့။ အဲဒီမတိုင်ခင်တုန်းက Versace ဆိုတာ ဘာမှန်းတောင် ဘက်ခ်ဟမ်းသိတာ မဟုတ်ဘူး။ Versace ဆိုတာ ဘောလုံးသမားတစ်ယောက်ရဲ့နာမည်လို့ပဲ သူထင်ခဲ့တာ။

နောက် ဗီတိုရီးယားကပြောသေးတယ်။ ဒေးဗစ်ဘက်ခ်ဟမ်းက ဘာဖြစ်လို့ ခါးပတ်ကို အမြင့်ကြီးတက်ပတ်ထားမှန်း မသိဘူးတဲ့။ ဘက်ခ်ဟမ်းရဲ့ တောကျပုံကို ပြောပါတယ်။

နှစ်ယောက်အတူနေပြီးနောက် ဘက်ခ်ဟမ်းရဲ့ ဝတ်စားဆင်ယင်ပုံကို ဗီတိုရီးယားတာဝန်ယူတော့တယ်။ အခုချိန်မှာတော့ ဘက်ခ်ဟမ်းဟာ ကိုယ့်ပုံရိပ်ကိုဂရုမစိုက်တဲ့ ကြမ်းကြမ်းတမ်းတမ်းယောက်ျားတစ်ယောက် မဟုတ်တော့ဘူး။ ကိုယ့်စတိုင်လ်အတွက် ငွေကုန်ကြေးကျခံနိုင်တဲ့ boy တစ်ယောက်ဖြစ်သွားပြီ။ သူဆံပင်တစ်ခါညှပ်ရင် စတာလင်ပေါင်ရာကျော်ကုန်တယ်ဆိုပဲ။

ဗီတိုရီးယားက သူ့ယောက်ျားဘက်ခ်ဟမ်းကို 007ဂျိုင်းစဘွန်းနေရာမှာ သရုပ်ဆောင်ဖို့ ကြိုးပမ်းခဲ့ဖူးတယ်တဲ့။ သူ့ယောက်ျားအတွက် သူတော်တော်အပင်ပန်းခံခဲ့တယ်။

လူတစ်ယောက်ကို ထိန်းလွန်းရင်လည်း ကောင်းတာမဟုတ်ဘူး။ တစ်နေ့မှာ ဘက်ခ်ဟမ်းက သူ့လက်ထောက်အမျိုးသမီးတစ်ယောက်နဲ့ အီစီကလီရိုက်နေကြောင်းကို မီဒီယာတွေက ဖော်လိုက်တယ်။

တကယ်တော့ လင်မယားအချင်းချင်း အမြင်မတူလို့ ဗီတိုရီးယားက ဘက်ခ်ဟမ်းကို စပိန်မှာတစ်ယောက်တည်း ပစ်ထားခဲ့တာ။ တစ်ယောက်တည်းနေရတော့ စိတ်လေပြီပေါ့။ အဲဒီမှာ အကွက်စောင့်နေတဲ့သူနဲ့တိုးတော့ မဖြစ်သင့်တာတွေ ဖြစ်ခဲ့ကြရတာပေါ့။

ဒီကိစ္စနဲ့ပတ်သက်ပြီး ဗီတိုရီးယား အကြီးအကျယ်စိတ်ဓာတ်ကျသွားခဲ့တယ်။ လက်ထောက်အမျိုးသမီးက သူဟာလိင်တူတစ်ယောက်ပါလို့ ပြောခဲ့ဖူးလို့ ဘက်ခ်ဟမ်းနဲ့ဖောက်ပြန်မယ်မှန်း သူမတွေးခဲ့မိဘူး။

တစ်ကမ္ဘာလုံးက သူ့အရှက်ကို လှောင်ရယ်ဖို့စောင့်နေချိန်မှာ ဗီတိုရီယားက အေးဆေးတည်ငြိမ်တဲ့အသွင်နဲ့ မီဒီယာရှေ့မှာ “ကျွန်မ မငိုဘူး။ ကျွန်မယောက်ျားကို ကျွန်မအမြဲယုံကြည်တယ်”လို့ ပြောခဲ့တယ်။

အိမ်ထောင်ရေးဆိုတာ လျှောက်လှမ်းရခက်တဲ့ ခရီးတစ်ခုလို့ဆိုကြတယ်။ ပြဿနာအမျိုးမျိုး၊ အခက်အခဲအမျိုးမျိုးနဲ့ တွေ့ကြုံခံစားခဲ့ပြီးမှ လူတွေက ပိုကြံ့ခိုင်သန်မာလာတတ်ကြတယ်။

အဲဒီလိုပဲ… အခက်အခဲ ဆင်းရဲဒုက္ခနဲ့ရင်ဆိုင်တွေ့ရမှ အမျိုးသမီးနဲ့ အမျိုးသမီးချင်းကြားက ခြားနားမှုကို တွေ့မြင်နိုင်မှာဖြစ်တယ်။ တချို့အမျိုးသမီးက အခက်အခဲတွေကို တည်တည်ငြိမ်ငြိမ် ရင်ဆိုင်တယ်။ တချို့ကတော့ ကိုယ့်ကိုယ်ကိုအရှုံးပေးပြီး ထွက်ပြေးတယ်။

အသံတိတ်ရင်ဆိုင်ဖြေရှင်းတိုင်း ကိုယ်ဘက်က နစ်နာသွားလို့တော့ မဟုတ်ဘူး။ သိပ်မကြာပါဘူး… ဗီတိုရီယားဟာ ဘက်ခ်ဟမ်းနဲ့တွဲပြီး စွဲမက်ဖွယ်ပုံအမျိုးမျိုးကို ရိုက်ကူးခဲ့တယ်။ ဒါ့အပြင် တတိယကလေးကို မွေးဖွားပြီး ဒီအိမ်ထောင်ရေးကို ခိုင်မာသထက်ခိုင်မာစေခဲ့တယ်။

တကယ်တော့ ဘက်ခ်ဟမ်းအပေါ် ဗီတိုရီယား နစ်နစ်ကာကာချစ်ခဲ့တာပါ။ စိတ်နှလုံးသားနဲ့ ဒီသံယောဇဉ်ကြိုးကို မြဲသထက်မြဲအောင်ထိန်းသိမ်းခဲ့တာပါ။ အလုပ်ဘယ်လောက်များများ သူဟာမီးဖိုချောင်ဝင်တတ်၊ ယောက်ျားနဲ့အတူ ဘောလုံးပွဲကြည့်တတ်တယ်လို့ ဆိုတယ်။ ယောက်ျားခရီးဝေးသွားရင်လည်း မကြာခဏဖုန်းဆက်ပြီး ဂရုစိုက်တတ်ခဲ့တယ်။

အဲဒီအပြင် ဗီတိုရီးယားဟာ မိသားစုကိုအရမ်းချစ်တတ်သူအဖြစ် နာမည်ကြီးပါတယ်။ တစ်ခါက သူ့အလုပ်ပြီးပြီးချင်း ရဟတ်ယာဉ်စီးပြီး သူ့သားရဲ့မိဘဆရာတွေ့ဆုံမှုပွဲကို သွားခဲ့သေးတယ်။

ဗီတိုရီးယားဟာ အိမ်ထောင်ရေးကို ထိန်းထားနိုင်ရုံတင်မက စီးပွားရေးမှာလည်း အောင်မြင်သူဖြစ်တယ်။ သူဟာ Spice Girls အဖွဲ့ထဲမှာ တက်လမ်းအရှိဆုံးသူဖြစ်ခဲ့တယ်။

Spice Girls အဖွဲ့က မီးရှူးမီးပန်းလို့ ခဏတွင်းချင်းထွက်ပေါ်လာပြီး ခဏတွင်းချင်းမှာပျောက်ပျက်သွားခဲ့တယ်။ အဖွဲ့ဝင်တွေကွဲကုန်ခဲ့တယ်။ အဲဒီထဲမှာ ဗီတိုရီးယားတစ်ယောက်တည်းပဲ အခုချိန်ထိ အနုပညာလမ်းပေါ်မှာ လျှောက်လှမ်းနေဆဲဖြစ်တယ်။

ဖက်ရှင်လောကမှာလည်း သူဟာ နေရာတစ်ခုရထားသူဖြစ်တယ်။ ရှိုးပွဲကြီးတွေလျှောက်ခဲ့ဖူးတယ်။ နာမည်ကြီးတံဆိပ်တွေကို ကြော်ငြာခဲ့ဖူးတယ်။ သူ့စတိုင်လ်နဲ့သူ စွဲစွဲမြဲမြဲရှိခဲ့တယ်။ ဥပမာ- ဒူးအောက်ရောက်တဲ့ စကပ်တိုမျိုး သူအမြဲဝတ်တတ်တယ်။

၂ဝဝ၆ခုနှစ်မှာ David and Victoria Beckham ဆိုတဲ့ တံဆိပ်ကို ဗီတိုရီးယားတည်ထောင်လိုက်ပြီး သူကိုယ်တိုင် ဒီဇိုင်နာလုပ်တော့တယ်။ နေကာမျက်မှန်၊ ရေမွှေးနဲ့ ဂျင်းထည်တွေကို ထုတ်လုပ်ခဲ့တယ်။

ဒါက ဘာမှထူးဆန်းတဲ့သတင်းတော့ မဟုတ်ခဲ့ပါဘူး။

ကိုယ်ပိုင်တံဆိပ်ထုတ်လုပ်တဲ့ သရုပ်ဆောင်တွေ များလွန်းလှပါတယ်။ နာမည်ကြီးဒီဇိုင်နာတွေငှားပြီး ကိုယ်ပိုင်နာမည်နဲ့ တံဆိပ်ထုတ်တဲ့ သရုပ်ဆောင်တွေ အများကြီးပါပဲ။

ဒါပေမယ့် ဗီတိုရီးယားက မတူခဲ့ဘူး။ သူက တံဆိပ်ရော ဒီဇိုင်းရော သူကိုယ်တိုင်လုပ်တယ်။ နောက်ပိုင်း VB (Victoria Beckham)ဆိုတဲ့တံဆိပ်တစ်ခုထောင်ပြီး အထက်တန်းလွှာဖက်ရှင်တွေပဲ သူထွင်တော့တယ်။ ပထမအကြိမ် ပစ္စည်းသစ်မိတ်ဆက်ပွဲမှာပဲ သူအမှတ်ကောင်းရခဲ့တယ်။ တချို့ကလည်း “ဒီလောက် ကျပ်တဲ့အဝတ်အစား ဘယ်သူဝတ်မှာတုန်း”ဆိုပြီး မကြိုက်ကြဘူး။ အင်္ဂလန်တချို့က ဈေးကြီးလွန်းလို့ ဘယ်သူ့မှဝယ်မှာမဟုတ်ဘူးလို့ လှောင်ရယ်ကြတယ်။

ဗီတိုရီးယားက ပြင်ပဝေဖန်သံတွေကို နားစွင့်တတ်သူပါ။ အရင်တုန်းက သတင်းထောက်တစ်ယောက်က သူ့ကို ရယ်တာမလှဘူးလို့ ပြောခဲ့ဖူးလို့ အဲဒီနောက်ပိုင်း သူမျက်နှာတည်နဲ့ပဲ နေတော့တယ်။ မီဒီယာရှေ့မှာ သူအရယ်နည်းသွားခဲ့တယ်။

ဒါကြောင့် သူ့ဖက်ရှင်အပေါ် ပြင်ပရဲ့ဝေဖန်သံကို သူအလေးထားခဲ့ပြီး ကြိုးစားပြီး ကောင်းသထက်ကောင်းအောင် သူပြင်ဆင်ခဲ့တယ်။

အင်တာဗျူးတစ်ခုမှာ သူက “တစ်ခါတုန်းက ကျွန်မဟာ လူအများရဲ့လှောင်ရယ်စရာဖြစ်ခဲ့တယ်။ လူတွေ ကျွန်မကို လှောင်ရယ်နေချိန်မှာ ကျွန်မသင်ယူနေပါတယ်။ ကျွန်မအခုလက်ရှိလုပ်ငန်းအတွက် လိုအပ်တဲ့အရာတွေကို ကျွန်မသင်ယူစုဆောင်းနေခဲ့ပါတယ်”လို့ ဆိုခဲ့တယ်။

အခုတော့ သူဟာနှစ်စဉ်နှစ်တိုင်း လူတွေကို ရိုးသားကောင်းမွန်တဲ့ ထုတ်ကုန်တွေပေးနိုင်ရုံတင်မက အဲဒီလုပ်ငန်းကို အောင်အောင်မြင်မြင် လုပ်ကိုင်နိုင်ခဲ့ပါတယ်။ သူ့ဝင်ငွေက သူ့ယောက်ျားဘက်ခ်ဟမ်းထက်တောင် ပိုများနေခဲ့လို့ သူတို့နှစ်ယောက်ပေါင်းရဲ့ဥစ္စာပစ္စည်းက အင်္ဂလန်ဘုရင်မထက်တောင် ပိုသေးတယ်လို့ ဆိုစမှတ်ရှိခဲ့ဖူးပါတယ်။

ဒီလို အဖက်ဖက်ကပြည့်စုံချမ်းသာနေတာတောင် ဗီတိုရီးယားဟာ မနက် ၆နာရီမှာ အိပ်ရာထတဲ့အကျင့်ကို ပြုလုပ်နေဆဲဖြစ်တယ်။ အိပ်ရာထ၊ ကိုယ်လက်လှုပ်ရှားမှုလုပ်၊ အလုပ်လုပ်၊ ဆိုင်တွေလိုက်ကြည့်၊ ခရီးသွား၊ ကလေးတွေကို ပြုစုစောင့်ရှောက်နဲ့ ဆိုင်အသစ်အတွက် သူကိုယ်တိုင်သွားရောက် ပြင်ဆင်ခဲ့ပါသေးတယ်။

ဒါဟာ ကိုယ်ဟာဘယ်လိုလူစားမျိုးဖြစ်တယ်ဆိုတာကို မီဒီယာအားမကိုးဘဲ ကိုယ့်အားကိုယ်ကိုးပြီး သက်သေပြလိုက်တာပဲဖြစ်တယ်။

New York Fashion Week မှာ ဒီတစ်နွေရဲ့ VB က ဆက်လက်အောင်ပွဲခံခဲ့ပါတယ်။ ဒီပွဲမှာတော့ ဗီတိုရီယားက အရင်ပုံစံနဲ့ မတူခဲ့ပါဘူး။ ဒေါက်ဖိနပ်အမြင့်ကြီးအစား ပေါ့ပါးတဲ့ stan smith ဖိနပ်နဲ့ သူပွဲတက်ခဲ့တယ်။

အင်တာဗျူးတစ်ခုမှာ သူပြောခဲ့ဖူးသလိုပေါ့.. “အရင်တုန်းက လူတွေကြားမှာထင်းလင်းနေအောင် ကျွန်မကိုယ်ကျွန်မဝတ်ဆင်ခဲ့တယ်။ အခုတော့ လွတ်လပ်ပေါ့ပါးပြီး ကိုယ့်ကိုယ်ကို သက်တောင့်သက်သာရှိစေတာကိုပဲ ကျွန်မနှစ်သက်တော့တယ်”။

လူဟာ အသက်အရွယ်တစ်ခုကို ရောက်လာတဲ့အခါ အပြင်ပန်းအလှ၊ ဥစ္စာပစ္စည်းတွေနဲ့ ကိုယ့်ကိုယ်ကိုသက်သေပြဖို့ မလိုအပ်တော့ပါဘူး။ မိမိကိုယ်ကိုယ်ယုံကြည်မှုရှိတဲ့ အမျိုးသမီးကမှ ကိုယ့်တစ်သက်ကို ထွန်းတောက်ရှင်သန်နိုင်မှာဖြစ်ပါတယ်။

----

နိုင်းနိုင်းစနေ (Feb.25. 2016)