"ဇော်ဝင်းထွဋ်" နှင့် "သူ၏ဆရာများ"

Music Crazy Te Te Tar Tar

 

"ဇော်ဝင်းထွဋ်"
နှင့်
"သူ၏ဆရာများ"
.
±±±±±±±±±±±±
"ဂီတကို ချစ်မြတ်နိုးတတ်အောင်၊ ဂီတသမားတွေကို လေးစားတတ်အောင် လေ့ကျင့်ပျိုးထောင်ပေးခဲ့တဲ့ လက်ဦးဆရာကတော့ ဖေဖေပါပဲ။ ဖေဖေရဲ့  သွန်သင်ဆုံးမမှုတွေကို အခြေခံပြီး ဒီနယ်ပယ်မှာ ရပ်တည်ခဲ့ရတာပါ။ ဒုတိယအနေနဲ့ ကျွန်တော့်ကို သားသမီးလို သဘောထားပြီး အနီးကပ် လေ့လာသင်ကြားပေးခဲ့တဲ့ ဆရာတွေကတော့ ဦးအောင်မြင့် (လူပျံတော် ပတ္တမြား) နဲ့ ဒေါ်ဖြူသီပါပဲ။ တိုက်ရိုက်သင်ကြားပေးခဲ့တာ မဟုတ်ပေမယ့် သူတို့ရဲ့  အိုအေစစ် စတူဒီယိုမှာ နေခွင့်၊ စက်ပစ္စည်းတွေကို ကိုင်ခွင့်ပေးခဲ့ပါတယ်။ ဆရာကျော် (အင်ဂျင်နီယာ) ဆီမှာလည်း အနီးကပ် လေ့လာခွင့် ရခဲ့ပါတယ်။ ကျွန်တော့်ရဲ့  ဂီတသင်တန်းကျောင်းကတော့ အိုအေစစ်လို့ပဲ ပြောရမှာပါ။ ဆယ်နှစ်လုံးလုံး ဂီတသင်တန်းကျောင်းကြီး တစ်ကျောင်း တက်ခဲ့ရသလိုပါပဲ။ ဂစ်တာတီးလိုက်၊ အသံဖမ်းလိုက်၊ ဒရမ်တီးလိုက်နဲ့ ကြုံရာဝင်တီးခဲ့ရပါတယ်။ အဲဒီမှာ ဆရာဦးကောင်းမြတ်နဲ့ ဆရာကိုချာလီတို့က Stage Show တွေ လိုက်ပြင်ပေးတယ်။ ဆရာကောင်းက အသံသွင်း၊ အသံဖမ်းတာနဲ့ ပတ်သက်တဲ့အကြောင်းအရာတွေ၊ ROCK နဲ့ ပတ်သက်တဲ့ အခြေခံအချက်တွေ သင်ပြပေးခဲ့ပါတယ်။ ကျွန်တော်တို့ကို သူငယ်ချင်းလို ပေါင်းပြီး၊ ဘယ်အကြောင်းအရာပဲဖြစ်ဖြစ်၊ သူနဲ့ ပြိုင်ငြင်းခွင့်ပေးပါတယ်။ သူ့ရှုထောင့်ကနေ အကျိုးအကြောင်း ပြန်ရှင်းပြပေးပါတယ်။ ဒီတော့ အတတ်မြန်ပြီး သူများကိုလည်း ပြန်ရှင်းပြနိုင်တာပေါ့။ အဲဒါကြောင့် အရေးအကြောင်း ကြုံရင် ဆရာကောင်းဆီ ပြေးရတာပဲ။ ကျွန်တော့်အစ်ကို ကိုဇော်မျိုးထွဋ်ဆီကလည်း ဂစ်တာကြိုးညှိတာကအစ အနီးကပ် လေ့လာခဲ့ပါတယ်။

သီချင်းခွေ စထုတ်တဲ့အချိန်မှာ မင်းချစ်သူဆီက သီချင်းရေးတဲ့ပညာနဲ့ ပတ်သက်ပြီး လေ့လာဆည်းပူးခွင့် ရခဲ့ပါတယ်။ ကျွန်တော် လေးစားတဲ့ ဆရာ စန္ဒရားဦးအောင်ခင်နဲ့ သိခွင့်ရခဲ့ပါတယ်။ ပထမဆုံး "မာကျူရီည" စီးရီးနဲ့ ပိုစတာ စရိုက်တော့ ဓာတ်ပုံဦးအောင်ချိုနဲ့ ရိုက်ဖြစ်ပါတယ်။ သူ့ဆီမှာကလည်း ပစ္စည်းအစုံလည်းရှိတော့ သူ့ဆီကနေ ကင်မရာ အယူအဆ၊ အလင်းအမှောင်၊ အနေအထား၊ ပုံနှိပ်စက်မှာ ဖလင်ကာလာ ခွဲတာ စတာတွေ သိခွင့်ရခဲ့ပါတယ်။ ကိုလှိုင် (သုခမိန်လှိုင်) က စီးရီးခွေနဲ့ ပတ်သက်ပြီး စီးပွားရေး လမ်းကြောင်းပေါ် ကျွန်တော့်ကို တင်ပေးခဲ့တာပါ။ သီချင်းပိုင်း၊ အယူအဆပိုင်းဆိုင်ရာ ပညာတွေကို ကိုဝင်းမင်းထွေးဆီမှာ လေ့လာခွင့် ရခဲ့ပါတယ်။ အခြေကျသွားတဲ့အရွယ်ရောက်တော့ အရှင်ဆန္ဒာဓိက၊ အရှင်ဇောတိကနဲ့ ဆရာကြီး တက္ကသိုလ် ဘုန်းနိုင်တို့ရဲ့ စာအုပ်တွေဟာ ကျွန်တော့်ရဲ့ ဆရာတွေ ဖြစ်လာပါတယ်။ သူတို့ရဲ့  အဆုံးအမတွေအောက်မှာ ရှိနေသလို ခံစားရပါတယ်။

လူတိုင်းမှာ နယ်ပယ်အလိုက် တွေ့ဆုံရတဲ့ဆရာတွေ အမျိုးမျိုးရှိနိုင်ပါတယ်။ ဘယ်လိုဆရာမျိုးနဲ့ပဲဖြစ်ဖြစ် အဓိက,က ကိုယ်လိုချင်တဲ့ပညာရဖို့ပါပဲ။ တစ်ခုရှိတာက ကိုယ်လိုချင်တဲ့ပုံစံနဲ့ ဆရာပေးတဲ့ပုံစံ ကွာခြားနိုင်ပါတယ်။ ကိုယ့်ဘာသာကိုယ် မသိမသာ ခိုးယူရတာမျိုး၊ သူ့အလစ်မှာ အမှတ်တမဲ့ ပေါ်သွားတဲ့ပညာကို အမှတ်တမဲ့ ရလိုက်တာမျိုးတွေ ရှိနိုင်ပါတယ်။ ဂီတအနုပညာမှာတော့ ပေးတိုင်း မြင်ချင်မှ မြင်မယ်။ ဒီလိုလုပ်၊ ဒါပြီးရင် ဒါဆိုပြီး သင်လို့ရတဲ့ပညာမျိုး မဟုတ်တော့ ဆရာရဲ့  အလုပ်တွေထဲကပဲ မြင်အောင်ကြည့်ပြီး ယူရတာပါ။ လူတစ်ယောက်ဟာ ကောင်းသည်ဖြစ်စေ၊ ဆိုးသည်ဖြစ်စေ၊ သူ့ဆီက ပညာတစ်ခုကို ယူထားလိုက်ပြီဆိုရင် အဲဒီလူဟာ ဆရာပါပဲ။ တစ်ခါဆရာဖြစ်ဖူးရင် တစ်သက်လုံး ဆရာပါပဲ။ ဆရာ့ကို သိတတ်တဲ့သူဟာ ဘယ်တော့မှ အောက်ကျနောက်ကျ မဖြစ်ဘူးလို့ ယုံကြည်ပါတယ်။

ကျွန်တော် ထူးထူးခြားခြား မှတ်မိနေတဲ့ စကားတစ်ခွန်းရှိပါတယ်။ အိုအေစစ်မှာ ၁၀ နှစ်နေပြီး နာမည်လေးလည်း ရတဲ့အချိန်၊ လူငယ်မာန်တက်လေး ဖြစ်နေတဲ့အချိန်မှာ ဆရာကောင်းက
"ဘာပဲလုပ်လုပ် အထူးသဖြင့် ကျွန်တော်တို့ မြန်မာနိုင်ငံမှာ လူမှုရေးကို ကျော်မလုပ်ပါနဲ့။ လူမှုရေးက အဓိက ပိုကျတယ်" လို့ ပြောခဲ့ဖူးပါတယ်။ ကိုယ့်ဘာသာကိုယ် ပညာရပ်တစ်ခုမှာ အရမ်းတော်နေလို့ မပြီးပါဘူး။ လူမှုရေးဘက်မှာလည်း မပျက်ကွက်ဖို့ လိုပါတယ်။ မင်းနာမည် ဘယ်လောက်ကြီးမလဲ၊ ငါတို့ အသိအမှတ်မပြုဘူးဆိုရင် ကိုယ်ဘာတတ်နိုင်မှာလဲ။ ဒါကြောင့် ဘာပဲလုပ်လုပ် စေတနာလေးပါမယ်။ လူမှုရေး အဆင်ပြေမယ်ဆိုရင် လူတိုင်းက ကိုယ်ချစ်တဲ့သူကို နာမည်ကြီးစေချင်မှာပါပဲ။ အရင်ကတော့ ကိုယ်လုပ်ချင်ရာ လုပ်ပြမယ်ဆိုပြီး အငမ်းမရလုပ်ခဲ့ဖူးပါတယ်။ ဒါပေမယ့် နောက်ပိုင်းကျတော့ သဘာဝကျကျနဲ့ စေတနာလေးထည့်ပြီး ဖန်တီးဖြစ်ပါတယ်။ ဒါတွေဟာလည်း ဆရာသမားတွေရဲ့  သွန်သင်လမ်းပြမှု၊ ပဲ့ပြင်ညွှန်ကြားမှုတွေကြောင့်ပါပဲ။

-------။-------
Credit - Life Style (စက်တင်ဘာလ ၂၀၀၂)