“ပရော်ဖက်ရှင်နယ်တို့ ကျဆုံးချိန်"

 

ကျောက်သင်ပုန်း

 

“ပရော်ဖက်ရှင်နယ်တို့ ကျဆုံးချိန်"

ကျွန်တော် ဖေ့စ်ဘွတ်မှာတင်တဲ့ ဓါတ်ပုံတွေကို ကောင်မလေးတွေက သည်းသည်းလှုပ် အားပေးကြရင်းနဲ့ တဖြည်းဖြည်း နာမည်ကြီးလာကြတယ် ဆိုပါတော့။ ဘာဆက်ဖြစ်မလဲ။ ရုပ်ရှင်ကုမ္ပဏီတစ်ခုက ဆက်သွယ်လာမယ်။ နာမည်ကျော်တွေ တစ်ပုံကြီးပါတဲ့ ဟာသကားထဲမှာ မင်းသမီးငယ်လေးတစ်ယောက်နဲ့ ကျွန်တော်က စုံတွဲတစ်တွဲအနေနဲ့ ရိုက်ရမယ်။ ဟာသကားလည်းဖြစ်၊ ဘာမှလည်း ဇာတ်ကောင်စရိုက်ရယ်လို့ မရှိတော့ ပေါ့ပေါ့ပါးပါးပဲ။ နောက်တော့ “အပုန်းတို့ရွာ” တို့၊ “မသိဘူး ချစ်တယ်” တို့ ဟာသကားတွေ ဆက်တိုက်ထွက်လာမယ်။ ကျွန်တော်လည်း နာမည်ကြီးမယ်ပေါ့။

ကျွန်တော့်လိုပဲ နောက်တစ်ယောက်ကျတော့ ဒီလိုအခွင့်အရေးမျိုး ရလာတယ်။ ဒါပေမယ့် သူက ငြင်းလိုက်တယ်။ ဘာဆက်ဖြစ်မလဲ။ ဘာမှဆက်မဖြစ်ဘူး။ သူနာမည်မကြီးတာ၊ ပိုက်ဆံမရတာပဲ အဖတ်တင်မယ်။ တဖြည်းဖြည်း ဘာပါဖြစ်လာမလဲဆိုတော့ ‘ကျွန်တော်တို့ အနုပညာရှင်တွေဆိုတာ’ တို့၊ ‘ပရိသတ်ကြီးကို ဘာမက်ဆေ့ပေးမယ်’ တို့ ပြောနေတဲ့ ကျွန်တော့်ကိုကြည့်ပြီး သူ နောင်တရလာမယ်။ မှားသွားသလို ခံစားရမယ်။

ဆိုလိုတာက ဘာလဲဆိုတော့ ခေတ်က အပြိုင်အဆိုင်များလာတဲ့အခါမှာ လူတွေက အရည်အသွေးတို့၊ ကျင့်ဝတ်တို့ကို မကြည့်တော့ဘူး။ နာမည်ကြီးဖို့၊ ပိုက်ဆံရဖို့ပဲ ဖြစ်လာတယ်။ လူအများက ဒီလိုဖြစ်လာတဲ့အခါမှာ ဒီရေစီးကြောင်းကို တွန်းလှန်ဖို့ရာ တော်တော်ခက်တယ်။ တွန်းလှန်လည်း ဘယ်သူကမှ မချီးကျူးဘူး။

တစ်ခါတစ်လေ နယ်ပယ်တစ်ခုမှာ အပျော်တမ်းဝင်လုပ်တဲ့သူက ဒီထဲက တကယ့်ပရိုအစစ်တွေထက် ပိုတော်နေတာ၊ ပိုနာမည်ကျော်နေတာမျိုး ရှိနိုင်ပါတယ်။ ဥပမာ စာရေးဆရာစစ်စစ်ထက် စီးပွားရေးလုပ်ငန်းရှင်တစ်ယောက် သူ့အတွေ့အကြုံတွေ ရေးထားတဲ့ စာအုပ်က ပိုပေါက်နေတာမျိုး။

ဒါပေမယ့် ကြားဖူးတဲ့စကားလေး ရှိပါတယ်၊ “ဘယ်နယ်ပယ်မဆို အပျော်တမ်းတွေ သိပ်များလာနေပြီဆိုရင်တော့ အဲဒီပရော်ဖက်ရှင်နယ်လောကဟာ ကျဆုံးချိန် ရောက်လာပြီလို့ပဲ ဆိုရမှာပါ”တဲ့။ ဒီအလုပ်နဲ့ အသက်မွေးနေသူတွေက အပျော်တမ်းဝင်လုပ်သူတွေလောက်တောင် သုံးမရတာလား၊ ဒါမှမဟုတ် အပျော်တမ်းတွေကိုပဲ တအားနေရာပေးနေတာလား။ နှစ်ခုထဲက ဘယ်ဟာဖြစ်ဖြစ် တစ်ခုမှတော့ မကောင်းပါဘူး။

ဒါဖြင့် ပရို ဆိုတာ ဘာလဲ။

ဖတ်ဖူးတာလေးတစ်ခု ဝေမျှပါရစေ။ (ပြန်မရှာနိုင်လို့ အနည်းငယ်လွဲကောင်းလွဲနိုင်ပါတယ်၊ ဆိုလိုရင်းကိုပဲ အဓိက ယူပေးပါ) တစ်ခါက ဘုရားကျောင်းတစ်ခုက မျက်နှာကြက်ကို အနုအလှဖန်တီးဖို့ သားအဖနှစ်ယောက်ကို ခေါ်ပြီးလုပ်ခိုင်းပါတယ်။ အဲဒီမှာ လုပ်နေလိုက်တာ တော်တော်နဲ့မပြီးဘူး။ နောက်ကျတော့ သားကိုယ်တိုင်က စိတ်မရှည်တော့ဘူး။ အဖေ ဒီနေရာလောက်က ချောင်ဒီလောက်ကျတာ၊ မြန်မြန်လုပ်လိုက်၊ ဘယ်သူမှ သိမှာမဟုတ်ဘူး ဆိုတော့ သူ့အဖေ ပြန်ပြောတာလေး သိပ်လှတယ်၊ “ငါ့သား ဘယ်သူမှမသိလည်း မင်းနဲ့အဖေ သိတယ်” တဲ့။

ပရို ဆိုတာ ဒါပဲ။ ကိုယ့်အလုပ်နဲ့ပတ်သက်လာရင် ကောင်းသထက်ကောင်းအောင်၊ ရှိရမယ့် စံချိန်စံညွန်းထက် တစ်ပြားသားမှ မလျော့အောင် အမြဲအားထုတ်နေသူတွေဟာ ပရော်ဖက်ရှင်နယ်တွေပဲ။

နယ်ပယ်တစ်ခုမှာ ပရော်ဖက်ရှင်နယ်အဖြစ် ရပ်တည်ဖို့ဆို 3 S လိုအပ်ပါတယ်။

၁။ Salary (၀င်ငွေ) - အသက်မွေးရမယ့်အလုပ် ဖြစ်တာမို့ ပိုက်ဆံရမှဖြစ်မယ်။ ပိုက်ဆံမရရင်၊ ဒါလုပ်ပြီးပဲ အသက်မွေးလို့မရရင် ဒီလူဟာ ဘယ်လိုမှ ကောင်းသထက်ကောင်းအောင် အာရုံစိုက် ကြိုးစားနိုင်မှာမဟုတ်ဘူး။

၂။ Skill (ကျွမ်းကျင်မှု) - Technical standard ဆိုတဲ့ သက်ဆိုင်ရာ လုပ်ငန်းကျွမ်းကျင်မှု စံကို မီရပါမယ်။ စာရေးဆရာ၊ ဆရာဝန်၊ အင်ဂျင်နီယာ၊ ဘောလုံးသမား စသဖြင့် ကိုယ့်အလုပ်မှာ တော်သထက်တော်အောင် ကြိုးစားရမယ်။ လက်ရွေးစင်ဘောလုံးသမားက ရပ်ကွက်ထဲက လူငယ်တွေလောက်တောင် သုံးမရတာမျိုး၊ ဆရာဝန်တစ်ယောက်ရဲ့ ပညာက ကျန်းမာရေးစာစောင်တွေ ဖတ်လေ့ရှိသူ အပြင်လူတစ်ယောက်လောက်တောင် မရှိတာမျိုး ဖြစ်လို့မရပါဘူး။

၃။ Self-control (ကိုယ့်ကိုယ်ကိုယ်ထိန်းချုပ်မှု) - ဒါကတော့ Ethical standard လို့ခေါ်တဲ့ ကျင့်ဝတ်ပိုင်းဆိုင်ရာ ပြောတာပါ။ နယ်ပယ်တစ်ခုမှာ ပရိုဖြစ်ချင်ရင် စောင့်ထိန်းသင့် စောင့်ထိန်းအပ်တဲ့အရာတွေ ထိန်းသိမ်းရပါတယ်။ ဥပမာ ဆရာဝန်က ကိုယ့်ကို ပိုက်ဆံပေးထားတဲ့ ကုမ္ပဏီက ဆေးတွေပဲ လူနာကို ညွှန်နေလို့ မရပါဘူး။

ဒီတော့ စဉ်းစားကြည့်ပါ။ ဘယ်နယ်ပယ်မှာ ဘယ်သူတွေ ပရိုပီသနေသလဲ။

နယ်ပယ်တိုင်းမှာ အရည်အသွေးတွေ ကျနေတယ်။ ကျင့်ဝတ်စောင့်ထိန်းမှုတွေ အားနည်းနေတယ်။ ဘာလို့လဲဆိုတော့ ဒီဝင်ငွေတစ်ခုတည်းနဲ့ ရပ်တည်လို့မရတာကြောင့်ပါပဲ။

ဥပမာ အစိုးရအလုပ်ဝင်ထားတဲ့ ဆရာဝန်တွေဟာ ကိုယ့်အရည်အသွေး တိုးတက်သထက်တိုးတက်အောင် ကြိုးစားချိန် မရဘူး။ ရတဲ့လစာ၊ ရှိနေတဲ့အလုပ်ဝန်ကြားထဲမှာ မနည်းရုန်းကန်နေရတယ်။

ကိုယ်က ၀တ္ထုတစ်အုပ်ကို နိုင်ငံတကာမှာလို ၄-၅ နှစ်အချိန်ယူပြီး ရေးလိုက်တယ်။ ဒီ ၄-၅ နှစ်မှာ ပိုက်ဆံမရဘူး။ ကုန်ပေါက်ချည်းပဲ။ နိုင်ငံတကာမှာလည်း ဒီလိုပဲ၊ အဲဒီကာလတွေမှာ ရုန်းကန်ရတယ်။ ဒါပေမယ့် မတူတာက စာအုပ်ထွက်လာတော့ နိုင်ငံတကာမှာဆို သန်းကြွယ်သူဌေးဖြစ်သွားတယ်။ ကိုယ့်ဝတ္ထုက အုပ်ရေသန်းပေါင်းများစွာ ရောင်းရတယ်၊ ဘာသာပြန်ဆိုခံရတယ်။ ဒီမှာကတော့ အုပ် ၅၀၀ တောင် မကုန်ဘူး။ နိုင်ငံခြားက တက်ကျမ်းတွေကို ဘာသာပြန်ထားတဲ့စာအုပ်တွေ၊ ၂ လ တစ်အုပ်လောက်ထွက်နေတဲ့ ၀တ္ထုတွေက အရောင်းရဆုံးစာရင်းဝင် ဖြစ်နေတာကို လက်ပိုက်ကြည့်နေရမယ်။ ဒီတော့ ဘယ်သူက ဒါမျိုးကြိုးစားမလဲ။ ဒီလိုပရော်ဖက်ရှင်နယ်စာရေးဆရာတွေ ဘယ်လိုထွက်လာတော့မလဲ။ ဒါက Skill အရည်အသွေးပိုင်း။

နောက်တစ်ပိုင်းက ကျင့်ဝတ်ပိုင်း။ ဟိုတစ်နေ့က Digital marketing လုပ်နေတဲ့ ညီလေးတစ်ယောက်နဲ့ စကားပြောဖြစ်ကြတယ်၊ Blogger တွေရဲ့ အကြောင်း။

တကယ့် Blogger စစ်စစ်က အ၀တ်အများဆုံး အကျီင်္ ၁၀ ခု ဆိုပြီး သူ့ဝက်ဘ်ဆိုက်မှာ ရေးလိုက်တယ်။ လူတွေက ဖတ်တယ်။ ပြီးတော့ တစ်ခုချင်းစီရဲ့ ၀က်ဘ်ဆိုက်တွေကို သွားဝင်ကြည့်ကြတယ်။ ကြိုက်တယ်ဆို ၀ယ်တယ်။ ရေးတဲ့သူက ကောင်းတာ ဆိုးတာ အကုန်ရေးတယ်။ ဥပမာ ဈေးကြီးတယ် ရေးထားတယ်၊ ပေးနိုင်တဲ့သူက သွားဝယ်မှာပဲ။ အရောင်မစုံဘူး၊ အမည်းပဲရှိတယ် ရေးထားတယ်၊ အမည်းပဲကြိုက်တဲ့သူက သွားဝယ်မှာပဲ။ သူ့ဘလော့ဂ်ကို ဖတ်ပြီး ဟိုဘက်မှာ သွားဝယ်တာတိုင်းအတွက် သူက ပိုက်ဆံရတယ်။ သူ့အတွက်ကလည်း ရှင်းတယ်။ ရိုးရိုးသားသား ရေးရုံပဲ။ ဖတ်ပြီး သွားဝယ်သလောက် သူပိုက်ဆံရမယ်။

ဒီမှာကတော့ ကျွန်တော့်ဆီကို ကြော်ငြာပေးရမယ့် အကျီင်္တွေနဲ့ ရေးပေးခ လာပေးသွားမယ်။ ကျွန်တော်က အဲဒါကိုဝတ်၊ မလှလှအောင် ဓါတ်ပုံရိုက်၊ ပြီးမှ ဘယ်လိုကောင်းကြောင်း တင်ပေး။ တချို့ ကိုယ်တကယ်မကြိုက်တာ၊ အရည်အသွေးမကောင်းတာဆို မရေးပေးကြဘူး စောင့်ထိန်းပေမယ့် တော်တော်များများက ဒါမျိုးသွားကြတာ များတယ်။ အဲ့လိုမှမလုပ်ရင်ရော ရလားဆိုတော့ ဒီမှာက ၀က်ဘ်ဆိုက်လည်း ဘယ်သူမှ မသုံးကြဘူး။ Blogger တော်တော်များများမှာလည်း ကိုယ်ပိုင်ဝက်ဘ်ဆိုက် မရှိဘူး။ အွန်လိုင်းကနေ တစ်ခါတည်း ငွေပေးချေလို့ မရသေးဘူး။ ဒီတော့ ဒီလိုပဲ ဆူလွယ်နပ်လွယ် ရေးကြတယ်။ ပရော်ဖက်ရှင်နယ် Blogger ဆိုတာ ပေါ်လာဖို့ မလွယ်ဘူး။ နာမည်ကြီးတုန်း ကြော်ငြာပေးရတာမျိုးပဲ ဖြစ်မယ်။

ဆိုလိုတာက ၀င်ငွေမကောင်းရင်၊ ဒီအလုပ်နဲ့ပဲ အသက်မမွေးနိုင်ရင်၊ စနစ်က မပံ့ပိုးပေးရင် ပရော်ဖက်ရှင်နယ်အဖြစ် ရပ်တည်ဖို့ခက်မယ်။ လုပ်တော့လုပ်နေမယ်၊ ပရိုပီသဖို့ခက်မယ်။ ဒါကိုပဲ နေ့နေ့ညည လုပ်နေပြီး ကောင်းသထက်ကောင်းအောင် ကြိုးစားနေဖို့ ခက်မယ်။ ဒီတော့ နယ်ပယ်တိုင်းမှာ အရည်အသွေးနိမ့်လာမယ်။ ဘယ်သူနဲ့မှ ယှဉ်လို့မရတော့ဘူး။

ဒါဆို ၀င်ငွေကောင်းအောင် ဘယ်လိုလုပ်မလဲ။

ရှင်းပါတယ်။ တိုင်းပြည်စီးပွားရေးကောင်းဖို့ လိုတယ်။ ဈေးကွက်ကျယ်လာ၊ ၀ယ်လိုအားများလာရင် ရောင်းအားကောင်းလာမယ်၊ ၀င်ငွေပိုရမယ်၊ ဒီသဘောပါပဲ။

နယ်ပယ်အသီးသီးမှာ ပရော်ဖက်ရှင်နယ်တွေ များလာရင် တိုင်းပြည်တိုးတက်လာမှာ ဖြစ်သလို၊ အဲဒီလို ပရော်ဖက်ရှင်နယ်တွေ များလာဖို့ကလည်း တိုင်းပြည်တိုးတက်ဖို့ လိုပြန်ပါသေးတယ်။ ဒါကြောင့်လည်း နိုင်ငံရေးဆိုတာ နိုင်ငံသားအားလုံးရဲ့အရေး လို့ဆိုနေရတာပါ။

တိုင်းပြည်မတိုးတက်သရွေ့ ကျွန်တော်တို့ဟာ အရည်အသွေးနိမ့်မှုတွေနဲ့ပဲ ကြုံနေရဦးမှာပါပဲ။ အရည်အသွေးနိမ့်တဲ့ ကျန်းမာရေးစောင့်ရှောက်မှုတွေ၊ မြန်မာပေါကားတွေ၊ နိုင်ငံခြားတက်ကျမ်းကို ဘာသာပြန်ပြီး ကိုယ်ရေးထားသလိုလို လုပ်နေတာတွေ၊ အဖော်အချွတ်တွေလုပ်ရင်း ဘာဝမ်းစာမှမရှိ၊ ဖြည့်ဖို့လည်း စိတ်မကူးဘဲ ရုပ်ရှင်ဝင်ရိုက်၊ သီချင်းဝင်ဆိုနေတာတွေ၊ စတဲ့ စတဲ့ ခေါင်းကိုက်စရာတွေနဲ့ပဲ တွေ့နေရမှာပါ။

ဒီတော့ လုပ်စရာနှစ်ခုပဲ ရှိပါတယ်။

ရေစီးကြောင်းနောက် မလိုက်ဘဲ ကိုယ့်သက်ဆိုင်ရာနယ်ပယ်အလိုက် ပရိုပီသအောင် ကြံ့ကြံ့ခံ ကြိုးစားကြဖို့ရယ်၊ တိုင်းပြည်အရေးလေးကို စိတ်ဝင်တစားနဲ့ ၀င်ရောက်ပတ်သက်ပေးကြဖို့ရယ်ပါ။

ဒေါက်တာ ဖြိုးသီဟ
၈.၁၁.၂၀၁၇