နေကြာပန်းလေးရဲ့ချစ်ပုံပြင်

ကံကောင်းခြင်းလက်ဆောင် added 2 new photos.

နေကြာပန်းလေးရဲ့ချစ်ပုံပြင်
******************
တခါတုန်းက
ပင်လယ်စောင့်တဲ့နတ်သမီးလေး တပါးရှိခဲ့ဖူးတယ်၊
သူက အမြဲတမ်း ရွှေဝါရောင်အဝတ်အစားတွေပဲ ဝတ်တတ်တာမို့ သူ့ကို သူငယ်ချင်းတွေက ဝါဝါ လို့ခေါ်ကြတယ်..။ တနေ့မှာတော့ နေနတ်သားလေးသူရိန်က
ပင်လယ်ကြီးကိုဖြတ်ကျော်ရင်း ဝါဝါကို တွေ့သွားခဲ့တယ်။ ဝါဝါရဲ့ တောက်ပတဲ့ အလှအပတွေက နေနတ်သားလေးသူရိန်ကို စိတ်ဝင်စားစေခဲ့တာပေါ့။ သူရိန်က ရည်းစားအရမ်းများတဲ့သူပါ။ သူက ကမ္ဘာပတ်နေရတဲ့သူဆိုတော့ သူ့ကိုစိတ်ဝင်စားတဲ့သူတွေလည်း အရမ်းများသတဲ့လေ။

နောက်နေ့ တွေမှာ သူရိန်လေးက ပင်လယ်ကြီးကိုကျော်ဖြတ်တဲ့အခါတိုင်း ဝါ ဝါလေးကို လှမ်းလှမ်းနှုတ်ဆက်သတဲ့။ မကြာမကြာလည်း ဝါဝါလေး ကို
အရမ်းလှတဲ့အကြောင်းတွေ ချစ်စကားလေးတွေထည့်ထည့်ပြောသွားတာ ပေါ့။အချိန်တွေကြာလာတော့ နတ်သမီးလေးဝါဝါ က သူရိန်လေးကိုချစ်မိသွားပြီး သူရိန်လေးထွက်လာမဲ့အရှေ့အရပ်ကိုလည်း ထွက်ထွက်ပြီးမျော်နေတော့သတဲ့ ။ သူရိန်ကလည်း ဝါဝါသူ့ကိုချစ်နေတာကိုသိသတဲ့ ။ဒါပေမယ့်သူရိန်လေးက ဝါဝါကို တကယ်ချစ်တာ မဟုတ်ဘူးလေ၊ ပြီးတော့ သူက ကမ္ဘာကြီးက်ိုအမြဲတမ်းအလင်းရောင်ရဖို့ အလုပ်လုပ်နေရတဲ့သူဆိုတော့ သူနဲ့ဝါဝါရည်းစားတွေဖြစ်ကြရင် ဝါဝါ ကိုဂရုစိုက် အားမှာ မဟုတ်ဘူးလေ..။ဒါကြောင့် အဲနေ့က စပြီး ဝါဝါ ကိုအဆက်သွယ်ဖြတ်ခဲ့တယ်။ သူ့ကို ဝါဝါ မမြင်အောင် တိမ်တိုက်တွေနဲ့ ဖုံးအုပ်ပြီး ပုန်းနေခဲ့တယ်..။
ဝါဝါ လေးကတော့ နေနတ်သားလေးသူရိန်ကို လွမ်းနေတာပေါ့ သူ့ကို မတွေ့ရတဲ့ အချိန်တွေ ကြာလာတော့ အစားအသောက်တွေ အအိပ်တွေပျက်တဲ့ထိ ဖြစ်လာခဲ့တယ်။
သူငယ်ချင်းတွေက ဝိုင်းပြီး အားပေးနှစ်သိမ့်ကြပေမယ့် အရာမထင်ခဲ့..ဘူး။ နောက်ဆုံး မှာတော့ပင်လယ် နတ်သမီးလေး ဝါဝါ ဟာ နေနတ်သားလေး သူရိန်ကို လွမ်းတဲ့စိတ်နဲ့ပဲ သေဆုံးသွားခဲ့တယ်...။

ချစ်တယ်လို့ အဖြေမပေးခဲ့ရပေမယ့် သူကိုချစ်သွားခဲ့သလို
မုန်းတယ်လို့ မပြောပဲနဲ့လည်း သူတို့တွေ ဝေးခဲ့ရတယ်..။
ဝါဝါလေး သေဆုံးပြီး နောက်တနေ့မှာတော့ ပင်လယ်ကြီးရဲ့ကမ်းတဖက်မှာ ပန်းပင်လေးတပင် ပေါက်လာခဲ့တယ်...။အဲပန်းပင်လေးက သေသွားတဲ့နတ်သမီးလေး ဝါဝါနဲ့အရမ်းတူသတဲ့....။
ပြီးတော့ ပန်းပင်လေးရဲ့ အတွင်းထဲက အစေ့လေးတွေဟာ
မျက်ရည်ပေါက်တွေအများကြီးစုစည်းထားသလိုဖြစ်နေခဲ့တယ်...။ အဲဒီပန်းပင်လေးဟာ နံနက်အချိန်ကစပြီး ညနေ နေဝင်တဲ့အချိန်ထိ နေမင်းကြီးရှိတဲ့ဘက်ကို မျက်နှာမူပြီး နေမင်းကြီးကို အချိန်ပြည့် စိုက်ကြည့်နေတတ်သတဲ့...။
တခြားပင်လယ်စောင့် နတ်သမီးတွေက ဒီပန်းကလေးကိုတွေ့သွားခဲ့ အရမ်းထူးဆန်းတဲ့ပန်းလေးကို နာမည်တခုခုပေးဖို့ စဉ်းစားကြသတဲ့...။နောက်ဆုံးတော့နာမည် တခုက်ို သူတို့ ရသွားခဲ့ကြတယ်..
"ပန်းလေးနာမည်က "နေကြာပန်း"တဲ့
ဟုတ် တယ် ဒီပန်းလေးဟာ နေမင်းကြီးကိုပဲ အချိန်အကြာကြီး လိုက်ကြည့်နေတတ်တဲ့ ပန်းလေးဖြစ်လို့..သူ့ရဲ့နာမည်ကို
"နေကြာပန်း"လို့ ခေါ်ကြတော့တယ်...။
ဒါပေမယ့် နတ်သမီးလေးဝါဝါနဲ့အရမ်းတူတဲ့ဒီပန်းလေး ဟာ
ဝါဝါလေး သေပြီး ပန်းကလေးဖြစ်သွားတာလား ..
ဒါမှမဟုတ်..ပန်းလေးကပဲ...
နတ်သမီးလေးဝါဝါနဲ့ တိုက်တိုက်ဆိုင်ဆိုင်
လာ တူနေသလား...ဆိုတာကိုတော့ ဘယ်သူ့မှ မသိကြပါဘူး....။
တကယ်လို့ ဒီစာကိုဖတ်နေတဲ့ သင်သာ နေကြာပန်းလေးတွေကိုတွေ့ဖြစ်ခဲ့ရင်...
"အချစ်ကြီးတဲ့ပင်လယ်စောင့်နတ်သမီးလေးဝါဝါဟာ ခင်ဗျားလားလို့" မေးဖြစ်အောင် မေးလိုက်ပါလို့ အကြံပေးလိုက်ပါရစေ.....
မေတ္တာဖြင့်#@
**သစ်ရိပ်ရှင်**
20.11.2016.
Photo: credit