မြန်မာ့နည်း မြန်မာ့ဟန်ဖြင့်သာ

 

Mi Mi Tun

 

မြန်မာ့နည်း မြန်မာ့ဟန်ဖြင့်သာ
==================
==================

ကိုမိုးဟာ ငယ်စဉ်ကပင် မောင်နှမ ခြောက်ယောက်၌ အငယ်ဆုံးဖြစ်ပြီး အစ်မငါးယောက်၏ အုပ်ထိန်းမှုကို ခံလာရ သူ။ ကျိုးမှာစိုး၊ ကန်းမှာစိုး၊ ပဲ့မှာစိုးနှင့် စိုးရိမ်ခြင်း အချက်များစွာကြောင့် ဂေါ်လီပင် ကောင်းကောင်း မရိုက်တတ်ခဲ့သူ။ ကိုးတန်းရောက်မှ အဖေနှင့် ကြက်တောင်ကောင်းကောင်းကစားဖြစ်၏။ မြို့နယ်အ ဆင့်ရှိသူနှင့်လည်း ပြိုင်ရိုက်ဖူး၏။ နိုင်၏။ ပြိုင်ပွဲဝင်ခွင့်တော့မရ။ အိမ်က ခွင့်မပြု။ အိမ်ကကွင်းမှာပင် လာကစားခွင့်ရှိ၏။ အစ်မလတ် အိမ်ထောင်ကျတော့မှ ယောက်ဖတစ်ယောက် ရလာ၏။ ကိုတင်မောင်အုန်း။ သူနဲ့ အစ်မလက်ထပ်တာ ကျွန်တော့်အတွက်တော့ အတော် ကံကောင်း၏။ ဂစ်တာတီးခွင့် ရသွား၏။ သူသင်ပေး၏။ အပြင်မှာ ကရာတေး သင် တန်း တက်၏။

ကိုမိုးရဲ့ဝါသနာက စာဖတ်တာ အဓိက ဖြစ်ပေမဲ့ လက်ဝှေ့ပွဲတွေကြည့်ရတာလည်း နောက်တိုးဝါသနာဖြစ်လာ၏။ ဆိုချင်တာက ကိုမိုးဟာ ဘောလုံးပွဲကြည့် ပရိသတ်အများစုလိုပင် ကိုယ်သာအဖြစ်ရှိ အောင် မထိုးတတ်တာ အားနည်းချက် တော့ မြင်တတ်၏။ ကလော်ဆဲတတ်တယ် ဆိုတာပါ။

အခု MMA အ ပြိုင်ပွဲကြီး မကျင်းပမီကပင် မြန်မာ့လက်ဝှေ့လောကမှာ ဝေဖန်သံတွေ ဆူညံနေ၏။ မြန်မာ့လက်ဝှေ့သည် အမှတ်ပေးစနစ်ဖြင့် ထိုးရသည့် ပွဲမဟုတ်။ လဲရှုံး၊ ကွဲရှုံး၊ ကျန်တာ သရေပွဲဖြစ်၏။ ဒါကို အမှတ်ပေးစနစ်ဖြင့် ပြိုင်ခိုင်း၏ဟု ဆိုကြ ၏။ မြန်မာ့လက်ဝှေ့သည် သတ်ကိုးသတ်ရှိ ၏။ သတ်ကိုးသတ်ပိုင်မှ ရ၏။ ထိုတိုက်ကွက်များမှာ ခေါင်းတိုက်ခွင့်နှင့် တံတောင် သုံးခွင့်ဖြုတ်၏။ ဒါကိုလည်း မြန်မာ့လက်ဝှေ့ ချစ်ပရိသတ်မနှစ်ခြိုက်ကြ။ လူမှုကွန်ရက်စာမျက်နှာတွင် ဆူညံစွာ ပလူပျံအောင် ဖတ်ခဲ့ရ၏။

တကယ်တော့ MMA သည် ကိုယ်ခံ ပညာပေါင်းစုံယှဉ်ပြိုင်တဲ့ အားကစားပွဲ ဖြစ်၏။ မြန်မာ့လက်ဝှေ့ပွဲ လုံးဝမဟုတ်။ ကိုယ်ခံပညာပေါင်းစုံတတ်မြောက်သည့် ပညာရှင်များ ယှဉ်ပြိုင်ပွဲတွင် မြန်မာ့လက်ဝှေ့သမားများက ဝင်ရောက်ယှဉ်ပြိုင်ခြင်းသာဖြစ်၏။ ထို့ကြောင့် သူတို့ စည်းကမ်းနှင့် သူတို့ရှိသည်။ သူများနိုင်ငံမှာ သွားပြီးနေထိုင်သောသူသည် သူများနိုင်ငံ၏ ချမှတ်ထားသော ဥပဒေကို လိုက် နာရမည်။ ထိုကဲ့သို့ သဘောပင်ဖြစ်၏။ ဒါကို မြန်မာ့လက်ဝှေ့ ချစ်ပရိသတ်တို့ နားမရှင်းကြခြင်းပင်ဖြစ်၏။

အသိသာဆုံးနှင့် အမြင်သာဆုံး ဥပမာ တစ်ခုပြပါမည်။ အောင်လနှင့် ဂါလာနီတို့ ထိုးသတ်ပွဲကိုပင် ဥပမာပြပါမည်။ ပြိုင်ပွဲနှင့် ဝေးသေးသော ကာလများမှာ အောင်လ၏ မှတ်ချက်မှာ ဟဲဗီးဝိတ်မှ ဂါလာနီသည် အလွန်လျင်မြန်ပြီး အားကောင်း သော တိုက်ခိုက်ရေးသမားတစ်ဦးဖြစ်၏။ ထို့ကြောင့် အကောင်းဆုံးကြိုးစားယှဉ်ပြိုင်သွားမည်ဟု ဆိုခဲ့၏။ ပြိုင်ပွဲနီးကပ်သော အချိန်တွင် အောင်လသည် သူ့ကိုယ်သူ ယုံကြည်သွား၏။ မည်သည့်ပညာရှင်မဆို ပြောခဲလှသော စကားမျိုးကို သူပြောနိုင်သွား၏။ နှစ်ချီအတွင်း အလဲထိုးမည်ဟု ပြောလာသည်။ လက်တွေ့တွင်မူ ပထမအချီပင်မကြာလိုက်ပါ။ ဘာကြောင့်လဲ။ MMA သည် အောင်လ ကျင်လည်ကျက် စားသည့်နေရာ။ လက်ရှိ ချန်ပီယံလည်း ဖြစ်နေပြီ။

ဂါလာနီဘက်ကို ကြည့်ကြရအောင်။ ဂါလာနီ၏ ခြေကန်ချက် တစ်ချက်ထိလျှင်ပင် လဲကျပြီး ရှုံးသွားကြသော်လည်း ဂါလာနီ၏ ခြေကန်ချက်ကို အောင်လက ဂရု မစိုက်သည့်အပြင် မျက်နှာကိုပင် တန်ပြန် လက်သီးထိုးနိုင်ခဲ့၏။ ဂါလာနီက အောင် လကို အပေါ်မှဖိ၍ ထိုးနေသော လက်သီး လေးငါးချက်သည် အခြားပြိုင်ဘက်များ ကို ရှုံးသွားစေသော်လည်း ကြံ့ခိုင်မှု အား ကြီးသည့် အောင်လကိုမူ မတိုးနိုင်ခဲ့။

အောင်လသည် အောက်မှ ပက်လက် အနေအထားမှ မတ်တတ်ရပ်ရန် ညာ က်လက်ကို တံတောင်ဖြင့် ကြမ်းပြင်၌ ထောက်ထားစဉ်အချိန်တွင် အောင်လ၏ မျက်နှာသည် ဂါလာနီ၏ ဘက်လက်ဖြင့် ထိုးသတ်ရန် အဆင်သင့်ဖြစ်နေ၏။ သို့ သော် ဂါလာနီသည် မွေထိုင်း ချန်ပီယံသာ ဖြစ်၍ ဂျူဂျစ်ဆုကို အောင်လလောက် မကျွမ်းကျင်။ မျက်နှာကို မထိုး ဘဲ အောင်လ၏ ညာလက်ကို အတင်းဖြုတ်ပြီး အောင်လမတ်တတ်မရပ်နိုင်ရန်သာ ကြိုး စား၏။ အပေါ်စီးအနေအထားကို မစွန့်လွှတ်ချင်။ ဂါလာနီ၏ တစ်ကိုယ်လုံးတွင် လည်ပင်းတစ်နေရာသာ အားအပျော့ဆုံး ဖြစ်သော်လည်း ထိုသည်ပင်းကို ဂါလာနီ က အောင်လနှင့် ဝေးအောင် မထားနိုင် ချေ။ ထို့ကြောင့်ပင် ဂါလာနီရှုံး၏။

ဆိုလိုသည်မှာ မွေထိုင်းချန်ပီယံ ဖြစ်ခဲ့ သော်လည်း MMA သည် MMAသာ ဖြစ်၏။ အပူးအသတ် အချုပ်တို့တွင် ချန်ပီယံ ဖြစ်ထားသော အောင်လကို ဂါလာနီသည် သူကျွမ်းကျင်ရာမဟုတ်၍ ရှုံး၏ဟု ကျွန်တော်မြင်၏။
အလားတူပင် မြန်မာ့လက်ဝှေ့ အား ကစား သမားများသည် ကိုယ်ခံပညာ ပေါင်းစုံ ပါဝင်ဆင်နွှဲနိုင်သော MMA ကို ယှဉ်ပြိုင်ချင်လျှင် ဝင်ရောက်ယှဉ်ပြိုင်နိုင်ပါ သည်။ ထိပ်ဆုံးရောက်ရန်မူ ဂျူဂျစ်ဆုကို ပူးတွဲသင်ယူရမည်။ ကျွန်တော်တို့ လိုချင် သည်မှာ ခေါင်းမဖြုတ်၊ တံတောင်မပယ်၊ အမှတ်ပေးစနစ်မပါသော မြန်မာ့ကိုယ်ပိုင် အားကစားလက်ဝှေ့ကို မြန်မာ့နည်း မြန်မာ့ဟန်ဖြင့်ပင် ကမ္ဘာကျော်စေလိုခြင်းဖြစ်၏။ ကိုယ့်နိုင်ငံမှ မြန်မာ့လက်ဝှေ့သည် ပင်မ အားကစားဖြစ်ပြီး ထိုမှတစ်ဆင့် ခွဲဖြာထွက်သော အားကစားသည် ယနေ့အချိန်တွင် ကမ္ဘာပင်ကျော်နေပြီဖြစ်၏။ အကြောင်းရင်းမှာ နိုင်ငံရေး ခေတ်စနစ်မကောင်းခဲ့၍ပင် ဖြစ်၏။ ယခုလို ကာလတွင် မြန်မာ့လက်ဝှေ့ကို မူပိုင်အတိုင်း ကမ္ဘာကျော်အောင် ဖော်ထုတ်နိုင်ရန် အခွင့်အလမ်းများစွာ ရနေပေပြီ။ မြေတောင် မြှောက်ပေးမှု အားနည်းလွန်းနေသေး၍ ကမ္ဘာမကျော်ခြင်းသာဖြစ်၏။

စစ်တုရင်ကို ကမ္ဘာ့အဆင့်အထိ အောင်မြင်အောင် နွှဲလာပြီး အပြန်ခရီးတွင် လေဆိပ်၌ မိသားစုမှတစ်ပါး ကြိုဆိုသူ မရှိသည့် နိုင်ငံသည်လည်း မြန်မာနိုင်ငံပင် ဖြစ်ခဲ့ပြီးပြီ။
ဟုတ်ကဲ့ ၊ တခြားအားကစားတွေထက် ထိုးဖောက်အောင်မြင်ရန် ပိုမိုအခွင့်အလမ်း သာသော မြန်မာ့လက်ဝှေ့ကို မြန် မာစည်းကမ်းအတိုင်း ကမ္ဘာ့အလယ် ထင်ပေါ်စေဖို့ ဝိုင်းဝန်းပေးကြပါရန် ဆော်ဩ လိုက်ပါရစေခင်ဗျား။



ကိုမိုး

===========

Kumudra