မျှဝေပေးကမ်းခြင်း

Bamaw Thein Pe added 2 new photos.

ကြီးပွားအောင်မြင်ရေးအကျင့် (၂၆)
#မျှဝေပေးကမ်းခြင်း
မျှဝေပေးကမ်းခြင်းရဲ့စွမ်းအားကြီးမားပုံကို လူတွေတော်တော်များများ မသိကြပါ။ မျှဝေပေးကမ်းခြင်း ဆိုတာ ငွေကြေးတစ်ခုပဲမဟုတ်ပဲ ပစ္စည်းတစ်ခုခု ဒါမှမဟုတ် အသိပညာပေးဝေခြင်းလည်း ပါပါတယ်။ အဲဒီလို ပေးကမ်းမျှဝေပေးလိုက်တဲ့အရာဟာ လူတွေဆီရောက်သွားပြီးရင် မိမိဆီကို ပြန်ရောက်လာတတ်ပါတယ်။ အဲဒီပြန်ရောက်လာတဲ့ အရာတွေဟာ မိမိမျှဝေပေးလိုက်တဲ့ အရာထက် အဆပေါင်းများစွာ ပိုပါလိမ့်မယ်။ ဒါကို မျှဝေပေးကမ်းခြင်းရဲ့ အစွမ်းလို့ ပြောရပါလိမ့်မယ်။ မျှဝေပေးကမ်းခြင်းနဲ့ ပတ်သက်တဲ့ ပုံပြင်လေး တစ်ပုဒ်ကို ဖတ်ဖူးလို့ မျှဝေပေးပါရစေ။

ပီတာဆိုတဲ့ ပိုက်ဆံချမ်းသာတဲ့ လူတစ်ယောက်ဟာ လမ်းဘေးမှာ စားရမဲ့ သောက်ရမဲ့ ဖြစ်နေတဲ့ ကလေး တစ်ယောက်ကို မြင်ပြီး သနားသွားတာနဲ့ သူ့အင်္ကျီအိပ်ထောင်ထဲမှာ ပါလာတဲ့ ဒေါ်လာတစ်ရာတန် ငွေစက္ကူတစ်ရွက်ကို ထုတ်ပေးလိုက်တယ်။ ကလေးဟာ အိမ်အပြန်မှာ စားစရာတွေနဲ့ သူ့အမေအတွက် ဆေးဝါးလေးတွေ ဝယ်သွားတယ်။ သူ့အမေဟာ နေမကောင်း ဖြစ်နေလို့ အလုပ်မလုပ်နိုင်တာ အတော် ကြာနေပြီ။ သူ့သား ၀ယ်လာတဲ့ ဆေးဝါးတွေသောက်ပြီး အစားအသောက်တွေ စားလိုက်ရလို့ မကြာခင်မှာပဲ အမေဖြစ်သူဟာ နေပြန်ကောင်းသွားပြီး အလုပ် ပြန်ဆင်းနိုင်လာတယ်။ အမေဟာ ကြိုးစားအလုပ်လုပ်ရင်း ရတဲ့လုပ်ခထဲက ပိုက်ဆံတွေကို သူ့သား ပညာရေးအတွက် တတ်နိုင်သလောက် စုနေခဲ့တယ်။
ကလေးလည်း အထက်တန်းကျောင်းအောင်ပြီး အမှတ်ကောင်းတာနဲ့ ဆေးကျောင်းဆက်တတ်တယ်။ သူ့အမေရဲ့စုဆောင်းထားငွေနဲ့ ဆေးကျောင်းပြီးအောင် တက်နိုင်ခဲ့တယ်။ ခွဲစိတ်ဆရာဝန်တစ်ယောက် ဖြစ်လာခဲ့တယ်။ အဲဒီအချိန်မှာ ပီတာဟာ စီးပွားပျက်ပြီး စုဆောင်းငွေတွေလည်း မရှိ၊ နေစရာအိမ်လည်း မရှိတော့လို့ လမ်းဘေးမှာ ခွက်တစ်လုံးနဲ့ တောင်းစားနေရတယ်။ ညဆိုရင် လမ်းဘေးမှာပဲ အိပ်ရတယ်။ ထမင်း နှပ်မှန်မစားရတာလည်း ကြာနေပြီ။ တစ်နေ့ သူတောင်းရမ်းနေတုံး မူးလဲသွားလို့ လမ်းမှာတွေ့သူတွေက သူ့ကို ကားနဲ့ ဆေးရုံကို ပို့ပေးလိုက်ကြတယ်။ ဆေးရုံရောက်တော့ ဆရာဝန်တွေက သူ့ကို စမ်းသပ်မှုတွေ လုပ်ကြည့်လိုက်တော့ သူ့ရဲ့ဦးနှောက်မှာ ကင်ဆာအကြိတ်တစ်ခု တွေ့ရတယ်။ အကြိတ်ဟာ သိတ်မကြီးသေးသလို ကင်ဆာဆဲလ်တွေလည်း တခြားနေရာတွေကို မပျံနှံ့သေးလို့ ခွဲစိတ်ကုသရင် ပျောက်ကင်းနိုင်ပါတယ်။ ဒါပေမဲ့ ခွဲစိပ်ကုသစရိတ် အများကြီး ကုန်မယ်။ စားစရာတောင် မရှိတဲ့ ပီတာဟာ ဘယ်မှာ ခွဲစိတ်ကုသခ ပေးနိုင်ပါ့မလဲ။
ပီတာရဲ့ တစ်ဦးတည်းသော သမီးလေးဟာ အဲဒီသတင်းကြားတော့ ငိုနေမိတယ်။ သူ့မှာလည်း အဖေ့ကို ခွဲစိတ်ခပေးဖို့ ပိုက်ဆံ မရှိဘူးလေ။ နောက်တစ်နေ့မှာ ဆရာဝန်တစ်ယောက် ရောက်လာပြီး ပီတာရဲ့သမီးကို သူခွဲစိတ် ကုသပေးမယ်။ ပိုက်ဆံအတွက် သူတာဝန်ယူမယ်လို့ ပြောတယ်။ မကြာခင် ပီတာရဲ့ ဦးနှောက်က ကင်ဆာအကြိတ်ကို ခွဲစိတ် ထုတ်ပေးလိုက်တယ်။ ပီတာလည်း ဆေးရုံမှာ လအတန်ကြာနေခဲ့ရပြီး နောက်ဆုံး စိတ်ချရပြီ။ ကင်ဆာဆဲလ်တွေ မရှိတော့ဘူးဆိုလို့ ဆေးရုံက ဆင်းလာနိုင်ခဲ့တယ်။ ကုသပေးလိုက်တဲ့ ဆရာဝန်ဟာ ဘယ်သူဆိုတာ ပီတာရော သူ့သမီးလေးတို့ မသိလိုက်ကြပါဘူး။ အဲဒီ ဆရာဝန်ဟာ ဘယ်သူဖြစ်မယ် ထင်ပါသလဲ။ သူကလေးဘ၀ကနေ ပီတာက ပိုက်ဆံပေးလိုက်တဲ့ လမ်းဘေးမှာ တောင်းစားနေတဲ့ ကလေးလေးပါ။
ဒါအဖြစ်မှန်လား၊ ပုံပြင်လားဆိုတာ မသိရပေမယ့် စာဖတ်သူတွေကို အတွေးလေးတွေ ပေးခဲ့ပါတယ်။ တစ်ကယ်လို့ ပီတာဟာ သူ့မှာ ရှိတဲ့ ပိုက်ဆံကို ဒီကလေးကို မပေးကမ်းခဲ့ဖူးဆိုရင် ကလေးဟာ သူ့အမေအတွက် လိုအပ်တဲ့ ဆေးဝါးနဲ့စားစရာတွေ ၀ယ်သွားနိုင်ပါ့မလား။ အဲဒီဆေးဝါးနဲ့ စားစရာမရရင် သူ့အမေ ပြန်နေကောင်း လာနိုင်ပါ့မလား။ နေမကောင်းလာဘူးဆိုရင် အလုပ်ပြန်မလုပ်နိုင်လို့ သူ့သားအတွက် နောင်ပညာရေးအတွက် ငွေစုနိုင်ပါ့မလား အဲဒီ စုငွေမရှိရင် အဲဒီကလေးဟာ ပညာဆက်သင်နိုင်ပါ့မလား။ ဆရာဝန်တစ်ယောက် ဖြစ်လာနိုင်ပါ့မလာ။ ဆရာဝန် ဖြစ်မလာခဲ့ရင် ပီတာရဲ့ ဦးနှောက်ကင်ဆာရောဂါကို ပိုက်ဆံမယူပဲ ကုပေးနိုင်ပါ့မလား။ သူ မကုသပေးရင် ပီတာတစ်ယောက် အသက်ရှင်ပါ့အုံးမလား စသဖြင့်ပါ။
အဓိက ပြောချင်တာက ပေးကမ်းမျှဝေလိုက်တာဟာ ဘယ်တော့မှာ အချည်းနှီး မဖြစ်ဘူးဆိုတာပါပဲ။ တိုက်ရိုက်ဖြစ်စေ၊ သွယ်ဝိုက်၍ဖြစ်စေ မျှဝေပေးသူကို အကျိုးပြုပါလိမ့်မယ်။
တစ်ချို့က ပညာမျှဝေပေးတယ်။ သူတို့ သိထား၊ တတ်ထားသမျှတွေကို သူများတွေကို သင်ပေးတယ်။ အဲဒီလို သင်ပေးလိုက်သူဟာလည်း သင်ယူသူတွေက သူတို့သိချင်တာတွေကို အသေးစိတ်မေးကြတော့ သင်ပေသူဟာ ပိုပြီး လေ့လာရတယ်။ သေသေချာချာ ဖတ်ရှုရတယ်။ အဲဒီတော့ သူလည်း ပိုပြီး တတ်လာတယ်။ ပိုပြီး တော်လာတယ်။ အမေရိကန်နိုင်ငံက Brian Tracy, Jim Rohn နဲ့ Tony Robbins တို့ဟာ သူတို့ ဘယ်လိုကြီးပွားချမ်းသာလာတယ်ဆိုတာကို စာအုပ်တွေ အောင်မြင်ရေးဟောပြောပွဲ Seminar တွေ၊ အသံသွင်း စီဒီခွေတွေ ရောင်းချပြီး မီလျံနာသူဋ္ဌေးကြီးတွေသ ဖြစ်လာကြတယ်။ သူတို့ဟာ သူတို့သိခဲ့တဲ့၊ ကျင့်သုံးခဲ့ကြတဲ့ ကြီးပွားချမ်းသာရေးနည်းတွေကို ဆရာစားမချန်ပဲ အကုန်လုံးပြောပြ၊ သင်ပြခဲ့ကြတယ်။ သူတို့ရဲ့စာအုပ်တွေဖတ်၊ သူတို့ရဲ့ ဟောပြောပွဲတွေကို တက်၊ သူတို့ဟောပြောတာတွေကို အသံသွင်းထားတဲ့ စီဒီအခွေတွေ နားထောင်ပြီး သူတို့နည်းအတိုင်း လက်တွေ့ကျင့်သုံးလုပ်ဆောင်ခဲ့လို့ လူအတော်များများဟာလည်း မီလျံနာသူဋ္ဌေးတွေ ဖြစ်လာခဲ့ကြတယ်။
နောက်ဆုံးတစ်ခု ပြောပြချင်ပါသေးတယ်။ ယနေ့ ကမ္ဘာမှာ အချမ်းသာဆုံးဖြစ်နေတဲ့ ဘီလ်ဂိတ် (Microsoft)၊ ၀ါရင်ဘတ်ဖက် (စတော့ရှယ်ယာသူဋ္ဌေးကြီး)၊ မတ်ခ်ဇာကားဘတ် (FaceBooK) စတဲ့ ဘီလျံနာသူဋ္ဌေးကြီးတွေဟာ သူတို့ပိုင်ဆိုင်တဲ့ စည်းစိမ်ရဲ့ ၈၀ ရာခိုင်နူန်း ဖြစ်တဲ့ ဘီလီယံပေါင်းများစွာကို ကမ္ဘာပေါ်က လူသားတွေအတွက် လှူဒါန်းခဲ့တယ်။ ဒီလောက် ဘီလီယံပေါင်းများစွာ လှူလိုက်လို့ သူတို့ရဲ့ ချမ်းသာတာတွေ လျော့ကျသွားသလား။ ဆင်းရဲသွားသလား။ မွဲသွားသလား။ မဆင်းရဲ မမွဲသွားကြတဲ့အပြင် အရင်ကထက်တောင် ပိုပြီး ချမ်းသာလာခဲ့တယ်။ မယုံမရှိပါနဲ့။ သူတို့ အကြောင်းရေးထားတဲ့ စာအုပ်တွေမှာ ဖတ်ကြည့်ရင် သိနိုင်ပါတယ်။
ဒါကြောင့် မျှဝေပေးကမ်းခြင်းရဲ့ စွမ်းအားကြီးမားပုံကို သံသယ မရှိကြပါနဲ့။
ဗန်းမော်သိန်းဖေ
၀၈-၀၂-၂၀၁၇