မြန်မာ့ဆက်သွယ်ရေး ဘာလဲ? ဘယ်လဲ?

Written by Soe Htet

မြန်မာ့ဆက်သွယ်ရေး လုပ်ငန်းနဲ့ ကျွန်တော်တို့ သုံးနေတဲ့ အင်တာနက်လိုင်း အကြောင်းကို ရေးဖို့ တေးမှတ်ထားတာ ကြာခဲ့ပြီဗျာ။ ရင်ဘတ်ထဲက အစိုင်အခဲတွေ၊ အကြိတ်အခဲတွေ တဖြည်းဖြည်း ပြည့်နှက်လာခဲ့တာ မနည်

းတော့ဘူး။ အောင့်အည်းသည်းခံထားရလို့ ငြိမ်ဝပ်သယောင်ယောင် ဖြစ်နေပေမယ့် တစ်ချိန်ချိန်မှာ ပေါက်ကွဲထွက်လာမှာ အသေအချာပါပဲ။ အင်တာနက်လိုင်း မကောင်းကြောင်းပဲ ကျွန်တော်တို့ ခင်ဗျားတို့ ညည်းညူနေကြပေမယ့် ကောင်းမွန်ပြည့်စုံမယ့် အခြေအနေတစ်ခုရောက်ဖို့ အဖြေထုတ်ခဲ့ မိကြရဲ့လား။ မစဉ်းစားမိတဲ့ အကြောင်းအရာတွေ ဖြစ်နေလို့လား။


အဖြေထုတ်ရမယ့် အချိန်ကတော့ အခုရောက်နှင့်ပြီ။ အများညီရင် ဟိုဟာ ..ဤ ကို ကျွဲ လို့တောင် ဇွတ်မှိတ်ပြီး ဖတ်လို့ရသေးတာပဲ။ ကျွန်တော်တို့က ဤ ကို ကျွဲဆိုပြီး လိမ်လည်ပြီး မဖတ်တတ်ပါဘူး။ ဒါပေမယ့် ဤ ကို ဤ လို့ ပီပီသသ အသံထွက် စာလုံးပေါင်းဖတ်ပေးမှရမယ်။

ဟိုလိုလို ဒီလိုလိုနဲ့ သောက်တလွဲ အင်ဖော်မေးရှင်းတွေပေးတဲ့ နေရာ၊ အင်တာနက်လိုင်း ချပေးတာကို ညွန်ကြားချက် မထွက်သေးပါဘူး၊ အထက်က အမိန့်မလာသေးပါဘူး ဆိုပြီး အရှက်မရှိပြောတတ်တဲ့ နေရာ၊ အိတ်ချိန်းနဲ့ မီတာ ၂၀၀ ကျော်ဝေးတဲ့ ဖုန်းတွေကို ADSL အင်တာနက် မပေးပါဘူး ဆိုပြီး ပုစွန်ဆိတ် ဦးနှောက်နဲ့ ၀န်ထမ်းတွေ ရှင်းလင်းချက် ပေးတဲ့နေရာ (ရုံးကအထွက် လမ်းထိပ်ရောက်တာနဲ့ မီတာ ၃၀၀ တောင် ကျော်နေ ပြီ၊ ကိုယ်ပြောတဲ့စကား ဘာမှန်းမသိပဲ စွတ်ပြောတဲ့ ၀န်ထမ်းတွေ ရှိတဲ့နေရာ... အဲ့ဒီနေရာ အစုအဝေးကြီးက ဘာလဲဆိုတော့ ကိုယ့်လူတို့ သိရဲ့လား။ မြန်မာ့ဆက်သွယ်ရေး လုပ်ငန်း ရုံးတွေပေါ့ဗျာ။

အင်တာနက်လိုင်းလေး တစ်လိုင်းရအောင် လျှောက်ပြီး အင်တာနက်ဆိုင် ဖွင့်စားတဲ့ လူတွေ၊ ကွန်ပျူတာ သင်တန်းလေး ဖွင့်ပြီး ပင်ပင်ပန်းပန်း ပညာဖြန့်ဝေတဲ့လူတွေ၊ ဒီလိုလူတွေမှာတော့ ပိုက်ဆံကို နဖူးက ချွေးခြေမ ကျအောင် ရုန်းကန်ပြီး နှေးကွေးတဲ့ လိုင်းနဲ့အပြိုင် မိုးရွာသမျှကို ရေခံရတဲ့ဘ၀။ ရွာတဲ့မိုးကလည်း ကျဲကျဲ ပါးပါးပါပဲ။ မစို့မပို့လေးကိုမှ မရရအောင် သည်းခံအောင့်အည်း လုပ်ကိုင်ရင်း အသက်ရှင်နေရတယ်။

မြို့တစ်မြို့မှာ အင်တာနက်ဆိုင်တစ်ဆိုင်၊ ကွန်ပျူတာ ဆားဗစ်သို့မဟုတ် အရောင်းဆိုင်လေး တစ်ဆိုင် ရှိနေရင် အဲ့ဒီမြို့လေး ကံကောင်းခြင်းတွေ စတင်လာတာပဲ။ အင်တာနက်လိုင်း ချိတ်ဆက် အသုံးပြုတဲ့ လူငယ်တွေမှာ ရည်ရွယ်ချက် အမျိုးမျိုး ရှိပါလိမ့်မယ်။ ပညာသင်ဖို့၊ သတင်းတွေဖတ်ဖို့၊ ပြည်ပမှာရှိတဲ့ ဆွေမျိုးသားချင်းတွေနဲ့ ဆက်သွယ်ဖို့ ဆိုတာမျိုးအပြင် နှာဘူးဇာတ်လမ်းတွေ ကြည့်မယ်ဆိုတာမျိုးလည်း ရှိပါတယ်။ ဘာပဲဖြစ်ဖြစ် အင်တာနက်အသုံးပြုတတ်သွားရင် ပြည်ပနိုင်ငံကြီး လူတွေနဲ့ အသိပညာပိုင်းမှာ ပခုံးချင်းယှဉ်နိုင်သွားပြီ။

ကျွန်တော်တို့က ထမင်းစားတယ်။ ပြည်ပရောက် ဆရာသမားတွေက ပေါင်မုန့်စားမယ်။ စားတာချင်းကွာပေမယ့် သတင်း အချက်အလက် စီးဆင်းနားလည်မှုက အတူတူဖြစ်နေတယ်။ သတင်းကို စဉ်းစား နားလည်ပုံ ဝေဖန် ပိုင်းဖြတ်ပုံ တစ်ယောက်တစ်မျိုးစီနဲ့ အင်တာနက်သုံးတတ်ရင် လုံးဝ ခေတ်နောက်မကျဘူး ဆိုပြီး တဲ့တဲ့ ဘွင်းဘွင်းကြီး ပြောလို့ရတယ်။

ဒီဘက်ခေတ်မှာ အစွမ်းထက်တဲ့ သတင်းနည်းပညာ လက်နက်ကို တပ်ဆင်သူတွေ ထိန်းချုပ်သူတွေ ကိုယ်တိုင် သိပ်ပြီး smart ကျမှဖြစ်မယ်။ စနစ်ကျမှ ဖြစ်မယ်။ ပျင်းရင်ခါးဆန့် အတင်းပြော စာရွက်စာတမ်း ကိစ္စကို အချိန်ဆွဲလုပ်၊ ပြဿနာဖြစ်လာရင် တာဝန်မခံပဲ ဟိုဘက်ဒီဘက် ဘော်လီဘော ဆွဲပုတ်၊ ရာထူးတိုး နေရာကောင်းရ၊ အောက်ဆိုဒ်များများရအောင် လူကြီးကို ဖား စတဲ့စရိုက်တွေနဲ့ အလုပ်လုပ်နေတဲ့ မြန်မာ့ဆက်သွယ်ရေး လုပ်ငန်းက သိပ်ပြီး ဟန်ကျပန်ကျနဲ့ စနစ်ကျ နေတယ်။ သောက်တလွဲ စနစ်ကျမှု မျိုးပဲဗျို့။

ဗိုလ်အောင်ကျော်လမ်းက တိုင်းမန်နေဂျာ ဆက်သွယ်ရေးရုံးကို အင်တာနက်လိုင်း သွားလျှောက်မိပါတယ်။ အထက်ပါ အလုပ်တွေနဲ့ ၀န်ထမ်းတွေ ရှုတ်နေပါရောလား။ ညနေ ၃ နာရီပဲရှိသေး ဆွဲခြင်းတောင်းပြင် အိမ်ပြန်ဖို့ လုပ်နေတဲ့ မမများ အန်တီများနဲ့ ဆုံပါလေရော။ လျှောက်လွှာတင်တာ လက်ခံတာတောင် အင်တင်တင်နဲ့ သူတို့ အလုပ်ချိန်မဟုတ်သလိုလိုနဲ့ ဟိုဘက်စားပွဲကို လွှဲ ဒီဘက်စားပွဲကိုလွှဲ ဆောင့်ကြီးအောင့်ကြီးနဲ့ လက်ခံယူတယ်။

Public service ဆိုတဲ့jပည်သူ့ဝန်ထမ်းပဲ မဟုတ်လားဗျ။ ကျနော်တို့ ရှာကျွေးတဲ့ ပိုက်ဆံတွေထဲက လခရပြီး သူတို့ထမင်းစားရတယ်။ ထမင်းကျွေးသူတွေကို အဆင်ေjပအောင် လုပ်ပေးမယ်ဆိုတဲ့ စိတ်ကူးမျိုး သူတို့ ဆီကနေ ဘယ်သူတွေက မောင်းထုတ်ပစ်လိုက်တာလဲ။ ခေတ်ကြောင့် အခြေအနေကြောင့် ဘာကြောင့် ညာကြောင့်နဲ့ ဆက်ပြီး နားလည်ပေးရဦးမှာလား။ နားလည်မှုတွေနဲ့ အလုပ်ဆက်လုပ်နေကြဦးမှာလား။

ခပ်နှေးနှေး ကမ္ဘာထဲမှာ စိတ်မရှည်မှု ဒေါသထွက်မှု ဆာလောင်မှု ငတ်မွတ်မှုတွေနဲ့ ၂၁ ရာစုကို ကျော်ဖြတ်ရဦးမှာလား။ ကိုင်း ကိုယ့်လူတို့ ... ဤ ကို ကျွဲ လို့ လိမ်ညာပြီး အော်စရာ မလိုပါဘူး။ ကျွဲ ကို ကျွဲလို့ တညီတညွတ်ထဲ ၀ိုင်းအော်ကြရင် ဒီသောက်တလွဲ ဆက်သွယ်ရေး ၀န်ဆောင်မှုပေးတဲ့ ၀န်ထမ်းတွေ ၊ အထက်လူကြီးတွေကို အပါယ်ငရဲ သွားရာလမ်းကနေ နတ်ပြည်ရောက်ကြောင်း နည်းလမ်းကောင်းတွေကို လမ်းညွှန် ပြသနိုင်ကောင်းပါရဲ..။ သူတို့လေးတွေ ငရဲအိုးထဲ ဇောက်ထိုးမဆင်းအောင် ကျွန်ုပ်တို့ ကကြီး ယပင့် ၀ဆွဲ နောက်ပစ် .. ကျွဲ... ဆိုပြီး တစ်ညီတစ်ညွတ်ထဲ သနားညှာတာသော အားဖြင့် ဖေးမ ကူညီပြီး အော်ပေး လိုက်ကြရအောင်။

https://www.facebook.com/soe.htet.3154/posts/162118837266602


NLABR
Web-site: www.nlabr.com

Facebook: Sa Maung
Facebook: Miraculous Master For English Language