ထူးအိမ်သင်နှင့် စကားလုံးများလဲလှယ်ခြင်း (ဇာတ်သိမ်း)

 

ဂီတအကြောင်း သောင်းပြောင်းထွေလာ

 

ထူးအိမ်သင်နှင့် စကားလုံးများလဲလှယ်ခြင်း
(ဇာတ်သိမ်း)
====================================

=====================================
Q - ဒီတော့ ခင်ဗျားသီချင်းတွေ(ကိုယ်ပိုင်သံစဉ်) ဖွဲ့စည်းတဲ့အခါ
ဘာကို အရင်ဖွဲ့စည်းသလဲ၊ တေးစာသားလား။
=====================================
A - မဟုတ်ဘူး၊ အရင်တုန်းကတော့ အဲဒီနည်းကို သုံးဖူးတယ်။
စာသားတွေ ရေးချပြီးမှာ ဂစ်တာတစ်လက်နဲ့ အသံတွေ လိုက်ထည့်တာမျိုး
သုံးဖူးတယ်။ အဲဒီနည်းနဲ့လည်း ဒီသီချင်းတော်တော်များများ ရေးဖူးတယ်။
ဒါပေမယ့် နောက်ပိုင်း ဘာသွားတွေ့ရသလဲဆိုတော့၊ အဲဒီနည်းကို..
သုံးခြင်းအားဖြင့် ကိုယ်လိုချင်တဲ့ Music အနေအထားကို မရောက်ဘူး
ဆိုတာ သိလာရတဲ့အပြင် စာသားပေါ်မှာ အလေးသွားထည့်တော့
စာသားရဲ့ ထိန်းချုပ်မှုကို Music က ခံနေရတယ်။ စကားလုံးတွေရဲ့ 
ခေါ်တဲ့နောက်ကို Music က ပါသွားရော။ ဘာပဲပြောပြော...
စကားလုံးမှာ အသံရှိတယ်။ အဲဒီတော့ စကားလုံးတွေမှာရှိတဲ့
အသံတွေခေါ်တဲ့နောက်ကို Music က လိုက်သွားနေရတယ်။
ဒီတော့ Music နဲ့ စကားလုံးတွေ မမျှတော့ဘူး ဖြစ်သွားတယ်။
အခုနောက်ပိုင်းကျတော့ အကြောင်းအရာတစ်ခုကို စိတ်ထဲက
စဉ်းစားထားတယ်။ စဉ်းစားထားတဲ့ အကြောင်းအရာတွေ...
အများကြီးရလာမှ မှတ်စုထဲမှာ ချရေးထားတယ်။ ဒါမှမဟုတ်လည်း
ခေါင်းထဲမှာပဲ မှတ်ရင်မှတ်ထားလိုက်တယ်။ အဲ..မှတ်ထားတဲ့
အကြောင်းအရာကို အမြဲတမ်း သတိရနေတာ မဟုတ်ဘဲနဲ့
မကြာမကြာ ခေါင်းထဲမှာ သီချင်းအဖြစ် ရေးလို့မပြီးသေးဘဲ...
သီချင်းဖြစ်မလာသေးတဲ့ အထိပေါ့လေ။ အဲဒီအကြောင်းအရာက
ခေါင်းထဲမှာ တလည်လည် ဖြစ်နေတယ်။ အဲဒီတော့ အချိန်တိုင်း
ဒီအကြောင်းအရာကို ခေါင်းထဲမှာပဲ သိမ်းဆည်းထားလို့
ပြောလို့ရတယ်။ အဲ...နောက်တစ်ခုပေါ့လေ။ စိတ်ထဲမှာ...
ခေါင်းထဲမှာ ပေါ်လာတဲ့အသံတွေကို ချပြီးရေးသွားတယ်။
ချပြီးရေးထားတာတွေကို တီးကြည့်၊ မကြိုက်ရင်ထား။
နောက်ထပ်ရတဲ့အသံတွေကို ချရေး၊ ပြန်တီးကြည့်နဲ့
Music ပုံသဏ္ဍာန်တစ်ခု ပီပီသသ ပေါ်လာတဲ့အခါမှာ..။
ဒီ Music ထဲမှာ စောစောက ကိုယ်သိမ်းဆည်းထားခဲ့တဲ့
အကြောင်းအရာ မြောက်မြားစွာထဲက အကြောင်းအရာတစ်ခုက
အံကျသွားဖြစ်နေရော။ အဲဒီအခါကျတော့ သိပ်ပြီးအားစိုက်
ရတာမျိုး မရှိတော့ဘဲ ဒီ Music ထဲကို words တွေက
လျောကနဲ ဝင်သွားတယ်။ အဲဒီလို သီချင်းတစ်ပုဒ်အဖြစ်
ပြည့်စုံသွားပြီဆိုတော့ ခေါင်းထဲမှာ တဝဲဝဲလည်လည်ဖြစ်နေတဲ့
ဒုက္ခပေးနေတဲ့ ကိစ္စတွေ ပျောက်သွားတော့တယ်။

=====================================
Q - ကော်ပီသီချင်းတွေကျတော့ Music ရဲ့  ခုတ်ထစ်လှီးဖြတ်ခြင်းကို
စာသားတွေက ခံရပြန်ရော မဟုတ်လား။
=====================================
A - ဖြစ်နိုင်တယ်။ ဒါပေမယ့် စကားလုံးမှာ ပရိယာယ် အများကြီး
ရှိတယ်။ Music မှာ ပရိယာယ်နည်းတယ်။ ဥပမာ - ဒီအသံ
တစ်ခုဟာ ဒို..မီ..ရေ ဆိုရင် ဒို..မီ..ရေ ပဲသွားရတယ်။ အဲဒါကို
ဒို..ရေ..မီ ဆိုရင် သူက MOOD ပါ ပြောင်းသွားတယ်။ ဒို..မီ..ရေ
သွားရင်သွား၊ မသွားရင် ရေ..ဖာ..မီ သွားရင်သွား အဲသလို
မသွားရင် မရသလိုမျိုး၊ ခွင်ကျဉ်းတယ်။ စကားလုံးကျတော့
ပရိယာယ်များတယ်။ သွားတယ်ဆိုတဲ့ စကားလုံးမှာကိုက
နားတယ်တို့၊ ဒိုးတယ်တို့၊ ယွန်းတယ်၊ ရွှေ့လျားတယ်၊ ဖြုန်းတယ်..
အဲသလိုမျိုး စကားလုံးက အများကြီးရှိတယ်။ ဆိုတော့ Music ထဲမှာ
စကားလုံးအမျိုးမျိုးပြောင်းပြီး အကြောင်းအရာကို ခံစားလို့ရအောင်
ထည့်သွင်းနိုင်တယ်။ ဒီအကြောင်းအရာဝင်အောင် Music က
ချိုးဖဲ့တာထက်စာရင် Music ကို ဒီအကြောင်းအရာထဲဝင်အောင်
စကားလုံးတွေကို တိုက်စားတာက ပိုပြီးလွယ်တယ်။ စကားလုံး
တွေကို အရင်ရေးချပြီး Music ကို ဒီစကားလုံးတွေထဲသွင်းရင်
ကိုယ်စိတ်တိုင်းကျနိုင်တဲ့ Music ဖြစ်လာမှာ မဟုတ်ဘူး။
အင်မတန် ကံကောင်းတဲ့အခါမျိုးက လွဲလို့ပေါ့လေ။ ကံကောင်းတယ်
ဆိုတာကလည်း ကိုယ်ရေးထားတဲ့ စကားလုံးတွေရဲ့ ရမ်သမ်က
ဒီ Music အတွက် အတော်ကြီး အဆင်ပြေနေမှ ကောင်းနိုင်မယ်။
ဒီလိုမဟုတ်ရင်တော့ Sorry ပဲ။ ဒါကြောင့် Music ထဲ စကားလုံးတွေ
ထည့်တာက ပိလွယ်တယ်။ စကားလုံးက ပရိယာယ်များလို့။
အဲ..ဒါဆိုရင် Music အနိုင်ကျင့်မှုကို စကားလုံးတွေက
မခံရဘူးလားလို့ အပြန်အလှန် မေးရင်တော့၊ ခံရတယ်လို့ပဲ
ဖြေရမယ်။ ဒါပေမယ့် ခံရပေမယ့် စကားလုံးက ပရိယာယ်
များတဲ့အတွက်၊ Music ကို မလိမ့်တပတ် လက်တစ်လုံးခြား
လုပ်နိုင်တဲ့အတွက် အခံရသက်သာတယ်။

====================================
Q - ခင်ဗျား တစ်ခါတုန်းက ပြောဖူးတယ်။ ကော်ပီသီချင်းဆိုတာ
ခင်ဗျားအတွက် အဆိုသင်တန်း တက်ကြည့်တဲ့ သဘောတဲ့။
အခု ခင်ဗျားအနေနဲ့ ကော်ပီသီချင်း စီးရီးနှစ်ခွေ ဆိုပြီးသွားပြီလေ။
ဘာတွေ တွေ့ကြုံရလဲ။
=====================================
A - ကော်ပီဆိုရတာက နဂိုသိထားတာထက် ပိုပြီး သဘောပေါက်
လာတယ်။ တကယ်ဆိုကြည့်တဲ့အခါကျတော့ ကော်ပီမှာ လွယ်တဲ့
အပိုင်းတွေ ရှိသလို၊ ခက်ခဲတဲ့အပိုင်းတွေလည်း ရှိတယ်။ အဲဒါ
အတော်ကို ကြေကြေလည်လည် ရှင်းမှရမယ်။ ဥပမာ....
အကြမ်းဖျင်းပြောရရင် သူ့ Original မူရင်းစာသားရဲ့  Theme၊
သူ့ မူရင်းသီချင်း Theme အတိုင်း ပြန်ရေးထားတဲ့ သီချင်းပေါ့လေ။
အဲဒီလိုမဟုတ်ရင် တစ်မျိုးဖြစ်ဦးမယ်။ စာသား..ဟိုမူရင်းသီချင်းရဲ့ 
အကြောင်းအရာအတိုင်း ပြန်ရေးထားတဲ့ စာသားကိုပြောတာ။
အဲဒီလို သီချင်းမျိုးဆိုရင် နဂိုကတည်းက မူရင်းအဆိုတော်ရဲ့ 
ဆိုထားတာကို ကြားရပြီးဖြစ်တဲ့အတွက် ဘယ်နေရာမှာဘယ်လို
Expression လုပ်ရမယ်။ ဘယ်နေရာမှာ ဘယ်လို Style လုပ်ရမယ်။
ဘယ်နေရာမှာ ဘယ်လိုအသံလှည့်စားရမယ်၊ ဘယ်လိုအသံမျိုးလေး
ထွက်အောင်ဆိုရမယ်ဆိုတာကို Own Tune ဆိုသလိုမျိုး ရှာဖွေ
စဉ်းစားစရာ မလိုတော့ဘူး။ Own Tune ဆိုစဉ်က ဒီနေရာ
ဒီစာသားလေးကို ဘယ်လို Expression, Style နဲ့ဆိုရင်
ကောင်းမလဲ။ ဒီအသံနဲ့ Tone ကို ဘယ်လိုလုပ်ရရင် ကောင်းမလဲ။
တည်တည်ကြည်ကြည် ဆိုရမလား။ ကွဲကွဲရှရှ ဆိုရမလား...
စသည်ဖြင့် Mood နဲ့ Expression နဲ့ Tone နဲ့ကို စဉ်းစားပြီး
ရွေးချယ်ရှာဖွေရသေးတယ်။ ကော်ပီမှာကျတော့ မူရင်းအဆိုတော်က
ရှာဖွေပေးပြီးသား၊ ဘယ်နေရာရောက်ရင် ဘယ်လိုလေး ဆိုရမယ်
ဆိုတာ အသံလေးကို ဘယ်နေရာမှာ ကွဲရမယ်။ ဘယ်နေရာမှာ
ဘယ်လို Mood နဲ့ Express လုပ်ရမယ်ဆိုတာ မူရင်းအဆိုတော်က
ကိုယ့်ကို ပြပေးပြီးသား။ တစ်ခုတော့ရှိတယ်နော် အကြောင်းအရာက
သူ့မူရင်းအကြောင်းအရာအတိုင်း ဖြစ်နေရမယ်။ မြန်မာလို ပြန်ရေး
ထားတာက အဲဒီလိုဖြစ်ရမယ်လို့ ပြောတာ။ ဒါမှမဟုတ်လည်း
အကြောင်းအရာက သူ့မူရင်းနဲ့ တော်တော်နီးစပ်တဲ့စာသား
ဖြစ်ရမယ်။ ဒါမှ သူ့ရဲ့ မူရင်း Mood နဲ့ Expression နဲ့ Tone ကို
ကိုယ်က လိုက်နင်းလို့ရမယ်။ တခြားအကြောင်းအရာကြီး
ထည့်ထားရင်တော့ ကိုယ့်ဟာကိုယ် ပြန်စဉ်းစားရမယ်။
Own Tune ဆိုရသလို ပြန်ဖြစ်သွားတယ်။ Theme အတူတူကျတော့
မူရင်းအဆိုတော် ကျောင်းထားပေးတဲ့ ခင်းထားပေးတဲ့အတိုင်း
ပြန်ဆိုရတာမို့ ကိုယ့်ဟာကိုယ် ရှာဖွေရမှုတွေ လျော့သွားတယ်။
ကော်ပီသီချင်းဆိုတာ နောက်တစ်ပိုင်းရှိသေးတယ်။ အဲဒီလို
မူရင်းဆိုထားတဲ့အတိုင်း သူက ဒီနေရာလေးမှာ အသံကလေး
လှည့်ထားရင် လှည့်ထားတဲ့အတိုင်း၊ တင်ရင်တင်၊ ဝဲရင်ဝဲ၊
ကွဲရင်ကွဲ လိုက်ဆိုဖို့ကျတော့ ကိုယ်လေ့လာထားတဲ့၊
ကိုယ်လေ့ကျင့်ထားတဲ့အပိုင်းနဲ့ လိုက်မိသလား၊ မမိဘူးလားဆိုတာ
စကားပြောလာတယ်။ ကိုယ်လေ့လာ လေ့ကျင့်ထားတဲ့အပိုင်းက
မမီသေးဘူးဆိုရင် အသည်းအသန် လိုက်လုပ်ရတယ်။
အဲဒီမှာ ခက်ခဲသွားရော။

=====================================
Q - မူရင်းသီချင်းရဲ့ အကြောင်းအရာ မဟုတ်ဘူးဗျာ။ ဒါပေမယ့်
မူရင်းအဆိုတော် ဆိုသလိုမျိုး၊ ဆိုတတ်ရုံနဲ့ရော မရဘူးလား
=====================================
A - ရတယ်။ ဒါပေမယ့် ခင်ဗျားရဲ့ ဒီသီချင်းအပေါ်မှာ ကြိုးစား
အားထုတ်မှုတွေ ဘယ်လောက်ရှိသလဲဆိုတာ ပရိသတ်က
တန်းပြီး တန်ဖိုးဖြတ်သွားမှာပေါ့။ ခင်ဗျားဆိုတဲ့ ကော်ပီသီချင်းရဲ့ 
မူရင်းကို နားထောင်ကြဖူးသူတွေချည်းပဲ။ နားထောင်နေကြသူတွေ
ချည်းပဲ။ ဒီနေရာမှာ မူရင်းအဆိုတော် ဘွန်ဂျိုဗီပဲ ထားပါတော့။
ဗွန်ဂျိုဗီ ဒီနေရာ၊ ဒီစာသားမှာ အသံကို ဘယ်လိုလေး...
လုပ်သွားပြီဆိုတာ သူတို့(ပရိသတ်)က သိနေပြီးသား။
အဲဒါကို ခင်ဗျားပြန်ဆိုတဲ့အခါ အဲဒီနေရာမှာ အဲဒီလိုမလုပ်နိုင်ဘူး။
မလုပ်ခဲ့ဘူးဆိုရင် ဒီသီချင်းအပေါ်မှာ ခင်ဗျားရဲ့ ကြိုးစားအားထုတ်မှု
အာရုံစူးစိုက်မှု ဘယ်လောက်ရှိတယ်၊ မရှိဘူးဆိုတာ သူတို့က
တန်းပြီး တန်ဖိုးဖြတ်သွားမယ်။

====================================
Q - နေပါဦး..သံစဉ်ရှိပြီးသားပဲဗျာ။ မူရင်းသီချင်းရဲ့ အကြောင်းအရာ
ထားစမ်းပါ။ ကျွန်တော်ကြိုက်တဲ့ စာသားကို အဲဒီသံစဉ်ထဲ...
ဝင်အောင် ထည့်ရေးရင်ရော။
====================================
A - နိုး..နိုး...အဲဒီလောက်နဲ့ဆိုရင်၊ တကယ်တမ်းကောင်းတဲ့
ဂုဏ်သိက္ခာရှိတဲ့၊ ကော်ပီသီချင်း ဖြစ်လာမှာ မဟုတ်ဘူး။ ခင်ဗျား..
မူရင်းသီချင်းကို သေသေချာချာ ခံစားထားသလား။ သီချင်းရဲ့ 
အဓိပ္ပာယ်က ဘာလဲ၊ စာလုံးတစ်လုံးချင်းရဲ့  အဓိပ္ပာယ်ကဘာလဲ။
ခံစားမှုဆိုတာ ဘာလဲဆိုတာ နားလည်ရမယ်။ နားမလည်လည်း
နားလည်အောင် ရှာဖွေရတော့မယ်။ ပြီးတော့မှ အဲဒီသီချင်းကို
ခြုံငုံပြီး နားလည်အောင် ခံစားထားတဲ့အတွက် ဒီသီချင်းကို
ပြန်ရေးတဲ့အခါ သူ့ခံစားမှုကို ပြန်ပြီးကူးပြောင်း ပေးနိုင်မှာပေါ့။
ရှင်းရှင်းလေးပါ။ ကဗျာတစ်ပုဒ်ကို ဘာသာပြန်တာနဲ့ပဲ...
စဉ်းစားကြည့်ပါ။ ဒီအဓိပ္ပာယ် ဒီအတိုင်းပြန်ပြီး ထည့်ပေး
လိုက်ရုံနဲ့တောင်မှ ဒီကဗျာရဲ့ အဓိပ္ပာယ်အတိုင်း(ဘာသာ
စကားအရပေါ့လေ) ဘာသာပြန်ကဗျာကောင်းတစ်ပုဒ်
ဖြစ်လာမှာ မဟုတ်ဘူး။ သူ့ကဗျာမှာရှိတဲ့ ခံစားမှု၊ ဘာသာစကား၊
ဖွဲ့စည်းပုံနဲ့ အလှအပ။ အဲဒါလေးကို အတတ်နိုင်ဆုံး ဟိုဘက်ကို
ကူးပြောင်းပေးနိုင်ဖို့ ကြိုးစားရတယ်။ ပြောင်းပေးနိုင်လေလေ၊
ဒီဘာသာပြန်ထားတဲ့ ကဗျာတစ်ပုဒ် အရည်အသွေး တောက်ပြောင်
လေလေပဲ။ အဲဒီသဘောပေါ့။

=======================================
Q - အတတ်ပညာ အားကောင်းရင်ကော မရဘူးလား။
=======================================
A - အတတ်ပညာသိရုံနဲ့ မလုံလောက်ဘူး။ ခံစားနိုင်ဖို့လိုတယ်။
ကိုယ်ခံစားနိုင်သလို ပရိသတ်ခံစားနိုင်အောင် စီးကူးပေးနိုင်ဖို့
အားရှိရမယ်။ အဲဒါ ဦးနှောက်နဲ့တင် မဟုတ်ဘူး။ နှလုံးသားနဲ့
ဆိုင်သွားတယ်။

=======================================
Q - အသံမှာ ဘာသာဗေဒရှိတယ်လို့ ဘယ်တုန်းကစပြီး သိတာလဲ။
=======================================
A - အောင်ရင်အောင်မြင်နေတဲ့အချိန် ရုပ်ရှင်ရိုက်မယ်ဆိုပြီး....
ဆရာဦးဝင်းဖေနဲ့ ကြံစည်ဖူးတယ်။ အဲဒီမှာ Music ပိုင်း တာဝန်ယူဖို့
အောင်ရင်က အကူအညီတောင်းတယ်။ ကျွန်တော်လည်း လုပ်ပေါ့။
ဒါနဲ့ ဆရာဦးဝင်းဖေဆီရောက်တော့ အောင်ရင်က မိတ်ဆက်ပေးတယ်။
အဲဒီမှာ ဆရာဦးဝင်းဖေက “ ဟုတ်ပြီ Music လုပ်ပေးမယ်ဆိုတာ
သိပြီ။ အဲဒီတော့ ခင်ဗျား Audio Language သိလား ” တဲ့။
ဒီစကားလုံးကို အဲဒီအချိန်ကျမှ ပထမဦးဆုံး ကြားဖူးတာ။
“ ဟာ..ကျွန်တော်မသိဘူး ဆရာ ” လို့ပြောတော့။ “ အဲဒါဆိုရင်
ခင်ဗျား ကျွန်တော်နဲ့ တစ်ပတ် တစ်ရက်၊ နှစ်ရက်လောက်ပေါ့လေ။
စကားပြောကြရအောင် ” တဲ့။ စကားပြောရင်းနဲ့ ကျွန်တော့်ကို
ပြောပြသွားမယ်လို့ ဆရာဦးဝင်းဖေက ပြောတယ်။ စနစ်တကျ
သင်တန်းပုံစံမျိုး သင်ကြားပေးတာတော့ မဟုတ်ဘူးလေ။
ဆရာဦးဝင်းဖေကလည်း ပြောပါတယ်။ ပြောရင်းပြောရင်းနဲ့
ခင်ဗျားသဘောပေါက်သွားမှာပါလို့ ပြောတယ်။ တစ်နေ့...
တစ်နာရီ၊ နှစ်နာရီလောက် ဆရာဦးဝင်းဖေဆီ ရောက်ဖြစ်
ခဲ့တယ်ပေါ့ဗျာ။

======================================
Q - အင်း .. ခင်ဗျားပြောမှပဲ သတိရတယ်။ တချို့  Music တွေ
နားထောင်ရင် အဲဒီဂီတဖွဲ့စည်းမှုက ဘာကိုဆိုလိုနေမှန်း သိသလိုလိုပဲ။
=======================================
A - ခံစားသိပေါ့။ ကြားနေရတဲ့အသံ၊ ဒါတင်မဟုတ်ဘူး၊ အသံရဲ့နောက်မှာ
တစ်ခုခုရှိနေတယ်ဆိုတာတော့ သိနေတယ်။ ဒါပေမယ့် မပြောတတ်ဘူး။
တချို့ ဆိုရင် Music ကိုနားထောင်ပြီး ဟော..လှိုင်းကလေးတွေ၊
ဟော..ငှက်ကလေးတွေ ထပြန်သွားတယ်လို့ ခံစားနိုင်ကြတယ်။
ဒါလည်းဟုတ်တယ်။ Classic ဂီတတွေ နားထောင်တဲ့အခါကျတော့
ပိုပြီးပေါ်တယ်။ ဟာ..စီးနေတဲ့ ရေပြင်ထဲမှာ ဝဲဂယက်ပလုံစီတွေ
ထွက်လာတာတို့၊ မျက်စိထဲ မြင်လာတယ်။ သစ်လုံးအိမ်ကြီးနဲ့
မြက်ရိုင်းတောတွေ မြင်လာတယ်။ မြက်ရိုင်းပင်တွေ တနွဲ့နွဲ့..၊
သစ်လုံးအိမ်ကြီးပေါ်က ဖန်မီးအိမ်ကလေး တစ်ချက်ပွင့်လာပြီး
ပိုးစုန်းကြူးတွေ ပျံသန်းတိုးဝင်နေတာမျိုး မြင်ရတယ်။ အဲဒီ
Music မျိုးတွေ ရှိလာတယ်။

=====================================
Q - အခုနောက်ပိုင်း အဲဒီ Audio Language နဲ့ ပတ်သတ်ပြီး
ဘယ်လောက်တိုးတက်မှုရှိလာသလဲ။
=====================================
A - အခြေခံ သီအိုရီကို ကြားဖူး၊ သင်ဖူးပြီးတဲ့နောက် ကိုယ့်ဟာကိုယ်
ဆက်ပြီး လက်တွေ့လေ့လာတယ်။ အခြေခံသီအိုရီကို လေ့လာရင်းနဲ့
သဘောပေါက်သွားတာတွေလည်း ရှိပါတယ်။

=====================================
Q - ကဲ...ဘာပြောချင်သေးလဲ။
====================================
A - ဘာပြောစေချင်လို့လဲ။

ဟုတ်သားပဲ။
မေးသာမေးလိုက်ရသည်။ ကျွန်တော့်အနေဖြင့် သူ့ကို ဒီထက်ပိုပြီး
မပြောစေချင်တော့။ သည်လိုနှင့်.....................
သူ့ဆီမှအပြန် နှလုံးခုန်သံ လှိုင်းကြပ်ခွပ်တို့ ကျွန်တော့်ရင်ထဲ
တွတ်ထိုးနေတော့သည်။

ဘားလမ်းတဝိုက် Facebook page တွင်တင်ထားသော
မဂ္ဂဇင်းဓါတ်ပုံအား ဖတ်ရအဆင်ပြေအောင် စာရိုက်တင်ပေးသည်။
#KoNaing