"အတွင်းရန်" ကို ထုတ်ဖော်လာတဲ့ မရာဇ်ချမ်းနွန်

ဂီတအကြောင်း သောင်းပြောင်းထွေလာ

 

"အတွင်းရန်" ကို ထုတ်ဖော်လာတဲ့

မရာဇ်ချမ်းနွန်

မြန်မာနိုင်ငံမှာ အမျိုးသမီးရော့ခ်ကာဆိုတာ ရှိတော့ရှိတယ် ရှားတယ်။ ထွက်ပေါ်လာပြီဆိုလည်း ရော့ခ်ကာမမတွေက အလန်းစားတွေချည်းပဲ ဟဲဟဲ။
မွန်တိုင်းရင်းသားတွေထဲမှာ ကျနော်သိတဲ့ ရော့ခ်ကာနှစ်ယောက်ရှိတယ်၊ လဝီနဲ့ ဂိုနိ....။ တကယ်က မွန်လိုဆိုထားတဲ့ မွန်ရော့ခ်သီချင်းတွေ အများကြီးရှိသလို မွန်ရော့ခ်ကာတွေလည်း အများကြီးရှိတယ်။ ခု မွန်အမျိုးသမီး မရာဇ်ချမ်းနွန်ဟာ ရော့ခ်သီချင်းအယ်လ်ဘမ်တစ်ချပ်နဲ့ ပရိသတ်ရှေ့ ထွက်ပေါ်လာခဲ့ပါပြီ။ စီးရီးတိုင်တယ်က "အတွင်းရန်" ပါ။ ရော့ခ်ဂီတကို ရူးသွပ်ပြီး ဂစ်တာတီး သီချင်းရေး သီချင်းဆိုတဲ့ ရှားပါး ရော့ခ်ကာတစ်ယောက်ပါပဲ။
ကဲ... အမြည်းပေးမယ့် သီချင်းနှစ်ပုဒ်ကို ဒေါင်းယူနားမဆင်ခင် မရာဇ်ချမ်းနွန်ရဲ့ အတွင်းစိတ်ကို နည်းနည်းတီးခေါက်ထားတာ ဖတ်ကြည့်လိုက်ကြရအောင်ပါ။

Q - မရာဇ်ချမ်းနွန်ဆိုတဲ့ နာမည်လေးအကြောင်း စပြောလိုက်ကြရအောင်ပါ
A-ဟုတ်ကဲ့၊ မရာဇ်ချမ်းနွန်က မွန်နာမည်ပါ (မြဆာန်နန်) အသံထွက်ပါ။ နန်းချစ်ဓါးလို့ အဓိပ္ပါယ်ရပါတယ်။

Q-မိန်းကလေးတယောက် ရော့ခ်ဂီတအပေါ် စွဲလမ်းတိမ်းညွတ်မိခဲ့ရတဲ့အကြောင်းက
A-ရော့ခ်ကို ရော့ခ်မှန်းမသိခင်တည်းက ကြိုက်မိခဲ့တာပါ။ မြူးကြွတယ်၊
အားမာန်ပေးတယ်၊ ညစ်တာတွေကို လစ်သွားစေတယ်၊ ဘဝရဲ့ခွန်အားကိုပေးလို့ ကြိုက်ပါတယ်။

Q-ဒီအခွေကို ဘယ်တုန်းကတည်းက စလုပ်ဖြစ်တာလဲ၊ အရင်တုန်းကကော သီချင်းတွေဘယ်မှာဆိုဖူးလဲ
A-စင်ပေါ်သီချင်းစဆိုတာတော့ 2000 ခုနှစ် ဆေးဘက်ဆိုင်ရာ နည်းပညာတက္ကသိုလ်ရဲ့ Fresher Welcome မှာပါ။ ပြီးတော့ Mon Family Welcome။ 2010 တုန်းကတော့မွန် Rock Album (Tahun Drai=Mirage)ထုတ်ဖြစ်ပါတယ်။ ဂီတကို ငယ်ငယ်တည်းက ရူးသွပ်ပါတယ်။ ကိုယ့်သီချင်း ကိုယ်ညည်းသူပါ။

Q-ဒီခွေအတွက် အချိန်ဘယ်လောက်ထိ ယူခဲ့ရလဲ
A-နှစ်နှစ်ခွဲပါ။

Q-ရှေ့ကရှိခဲ့တဲ့ အမျိုးသမီးရော့ခ်ကာတွေထဲမှာ ဘယ်သူ့ကို အားကျလဲ၊( ပြည်တွင်း ပြည်ပ)
A- ပြည်တွင်းဆိုရင် ဖြူဖြူ၊ ပြည်ပကတော့ များပါတယ်။ Nightwish က Tarja Turunen, Floor Jensen,Epica,Evanescence....

Q-"အတွင်းရန်"ဆိုတဲ့ စီးရီးခေါင်းစဉ်ကို ဘယ်လိုပေးဖြစ်သွားတာလဲ..
A-အတွင်းရန်က အားလုံးနဲ့သက်ဆိုင်တဲ့သီချင်းမို့၊
နားထောင်လိုက်ရင် အကျိုးရှိစေမယ်လို့ထင်လို့
ကြိုက်လည်းကြိုက်လို့ ရွေးဖြစ်တာပါ။ လူတိုင်းမှာရှိတယ်လေ အတွင်းရန်က။

Q-သီချင်းတွေက ရေးပြီးသားကို ဝယ်တာလား။ ကိုယ့်ပုံစံနဲ့ကိုက်မယ့်သီချင်းတွေ ရွေးအပ်တာလား။
A-သီချင်း ခုနှစ်ပုဒ်လောက်က ကိုယ်ရှာထားတဲ့ မယ်လိုဒီပါ။ သီချင်းက အများကြီး ရေးထားတာရှင့်။ ကျန်တာက ကိုယ်ကြိုက်တဲ့ Mon Rocker တွေဆီ အပ်ထားတာပါ။ ကိုယ်ကြိုက်တဲ့ပုံစံ ရွေးအပ်ပါတယ်။ သူတို့က သူငယ်ချင်းအရင်းတွေပါ။

Q- The Scare ပြူးကြီးနဲ့က
A- အော် မေ့လို့၊ ပြူးကြီးကိုတော့ လေးစားလို့၊ အားလုံးပြီးခါနီးမှာ တစ်ပုဒ်ထပ်တိုးတာပါ။ `အမုန်းတေး´ပေါ့။ သူ့အနုပညာကို အရမ်းလေးစားလို့ပါ။ နာမည်ကျန်ရစ်နေမယ်ခွေထဲက သီချင်းတွေအရမ်းကောင်းတယ်လေ။ စောသိရင် အများကြီး အပ်တာပေါ့။

Q-Featuring နဲ့တစ်ပုဒ်ပါတယ်။ လုပ်ဖြစ်ခဲ့ပုံလေး ပြောပြပါဦး။
A-အဲ့ဒါက မောင်လေးအရင်းပါ၊
သူလည်း ဂီတကိုဝါသနာထုံသူမို့ ဆိုဖြစ်တာပါ။

ဗညားနွန်..
ဟုတ်ကဲ့...

Q-အားရကျေနပ်မှု ရာခိုင်နှုန်းကရော..
A-အတီးပိုင်း သီချင်းပိုင်းကို အားရတယ်။ ၈၅ % ပေါ့။ များသွားပြီထင်တယ်။

Q-အဆိပ်သင့်ခန္ဓာရဲ့ vocal expression အယူအဆလေး ပြောပြပါဦး။
A-အဲ့ဒါက လေ့ကျင့်တာပါ
တီးလုံး flowအတိုင်း လိုက်ရင်းပါ။

Q-ဒီစီးရီးကို စသွင်းဖြစ်တဲ့အချိန်ကနေ ပြီးသွားတဲ့အချိန်ထိ ကြုံတွေခဲ့ရတဲ့ အခက်အခဲလေးတွေရှိမှာပေါ့..အဲ့ထဲကမှမှတ်မှတ်ရရရှိနေမယ့် အခက်အခဲ တစ်ခုလောက် ပြောပြပါလား။
A-အခက်အခဲက ပြန်ခွင့်... အလုပ်တစ်ဖက်ဆိုတော့ ခွင့်ကသိပ်မရပါဘူး၊
တစ်နှစ်မှ တစ်ခါပြန်ရတာ
ရက်လည်းနည်းတော့။ body ကို ကမန်းကတမ်းတီး၊ အဲ့တုန်းက စာသားလည်းမပြီးသေးဘူး။ Singapore က Studioမှာလည်း ဆိုပါတယ်။ ဒါပေမယ့် Rock သီချင်းကို ကိုယ်က အားရပါးရအော်တာ Engineerက မအော်နဲ့တဲ့။ သူတို့က Bosnovaတို့ Jazz တို့ပဲ၊ ဒါနဲ့ ငါးပုဒ်ပဲဆိုပါတယ်၊
ဒါပေမယ့်လည်း မကျေနပ်လို့ Proမှာထပ်ဆိုပါတယ်။

Q-MTV ထပ်လုပ်ဖို့ရောရှိလား။
A-အားယူရပါဦးမယ်။ ဟဲဟဲ ပိုက်ဆံစုရဦးမယ်။

Q-Instrument ကိုရော ဘယ် instrument ကို ရူးသွပ်လဲ
A-Guitar ပေါ့ Electric Guitar. Electric guitar ကြီးလွယ်ပြီးသီချင်းဆိုဖို့ အကြိမ်ကြိမ်အိမ်မက်ဖူးတယ်။ အလုပ်အားတဲ့နေ့ တစ်ယောက်တည်း မတောက်တစ်ခေါက်တီးပါတယ်။ Solo လည်း ကစ်ချင်ပါတယ်။

Q-အခုလို သီဆိုနိုင်ဖို့ အသံကို ဘယ်လို လေ့ကျင့်လဲ၊ ပြီးတော့ အသံကို ဒီအနေအထားပဲ ဖြစ်နေအောင် ဘယ်လို ထိန်းသိမ်းလဲ။
A-ဒီလိုပဲ အလုပ်နားရက်ဆို အိမ်မှာ အသားကုန်လေ့ကျင့်ပါတယ်၊ လူလစ်ရင်လစ်သလို အော်ပါတယ် အပြင်မှာဆိုလည်း၊ လယ်တောထဲမှာတို့ ကမ်းခြေတို့ဆို အကြိုက်ဆုံး ဟစ်လို့ကောင်းတဲ့နေရာတွေပေါ့။ ဘီဒိုထဲလည်း ခေါင်းထည့်အော်ဘူးတယ် ဟဲဟဲ။

Q-ရေး/ဆို/တီးတွေကို လေးစားပါတယ်။
A-ဟုတ်ကဲ့၊ အတီးပိုင်းက အများကြီးကြိုးစားရမှာပါ၊
Playerတွေကို အရမ်းအားကျတယ်၊
ပြောရမယ်ဆို အတီးပိုင်းက ပိုပညာသားပါတယ်၊ ပိုခက်တယ်၊ တေးရေးပိုင်းတွေရော ငယ်ငယ်ကဆို သီချင်းကောင်းရင် တေးရေးဘယ်သူဆိုတာ စပ်စုတတ်တယ်။

Q-Arrangement ပိုင်းကိုရော သီချင်းရဲ့ expression ကိုရော playerတွေနဲ့ ဘယ်လို အပေးအယူမျှခဲ့ကြလဲ
A-Arrangement က Runner က အစ်ကိုတွေ စုပေါင်းလုပ်ကြတာပါ၊
သူတို့ စေတနာထားပေးပါတယ်၊
ကိုယ်က အရမ်းရူးသွပ်တော့ Melody လေး ညည်းပြလိုက်ယုံပါပဲ။

Q-မွန်ရော့ခ်ကာတွေထဲက လေးစား အားကျရသူတွေ ပြောပြပါလား
A-မွန်Rocker ထဲမှာဆို
Lawi, Banyar Eco,Banyar Htaw
Sueriyamarn,Sekka,Agga..

Q-အတွင်းရန်စီးရီးကို စပြီး ဖြန့်ချိလိုက်ပြီပေါ့နော်၊အဲ့အချိန်ကခံစားမှုလေး ပြောပြပေးပါဦး။
A-အနှစ်နှစ်အလလက ဖြစ်ချင်နေတဲ့ဆန္ဒတစ်ခု
ပြည့်ဝသွားလို့ ပီတိဖြစ်တယ်။ တားဆီးတဲ့ကြားက ဒီခွေလုပ်တာပါ၊

Q-ကိုယ်ရေးပြီး ကိုယ်ကြိုက်ခဲ့ရတဲ့သီချင်းက
A-အတွင်းရန်ပေါ့။ နောက်တစ်ပုဒ်က မညီညွတ်တဲ့ချည်နှောင်ခြင်း၊ အရမ်းကြိုက်၊ နည်းနည်းတော့ မျောတယ်။ အဲ့ဒါက သူငယ်ချင်းရဲ့ကဗျာကို သံစဉ်ထည့်လိုက်တာပါ။ ကျောင်းတက်တုန်းက တစ်ခန်းတည်းနေတဲ့ Senior အစ်မ
ကဗျာသင်္ခါရ၊ သူ့ကဗျာ တော်တော်များများကို melody ထည့်ပစ်ပါတယ်။

Q-နံရံ..တံခါး.. လိုက်ကာ စကားလုံးရဲ့ သမိုင်း သိလို့ရမလား
A-အဲ့ဒါ ကဗျာသင်္ခါရရဲ့ကဗျာကိုပဲ
သီချင်းအဖြစ် အသက်သွင်းလိုက်တာပါ၊
အဲ့စာသားကိုခိုက်လို့ပါ။

Q-အခွေထွက်ပြီးလို့ ဆန္ဒတစ်ခု ပြည့်ဝသွားပြီပေါ့၊ အတွင်းရန်အတွက် ပရိသတ်ရဲ့ တုန့်ပြန်မှုရော ဘယ်လောက်မျှော်လင့်ထားလဲ
A-စေတနာမှန်ရင် သက်ရောက်မှုအားကောင်းမယ်လို့ ယုံကြည်ပါတယ်။

Q-ဒီအခွေကို ဘယ်အတိုင်းအတာ ထိမှန်းထားလဲ
A-မရာဇ်က Outcome ထက် Process ကို ပိုအလေးထားပါတယ်။ ဆရာတော်ဦးဇောတိကရဲ့စကားပါ။ အဲ့လိုပဲ ခံယူတယ်။

Q-အဆိုတော်အဖြစ်နဲ့ အခိုင်အမာ ရပ်တည်သွားမှာလား
A-လုပ်ရမှာကိုယ့်အပိုင်းပဲ။ ဘဝမှာအဖြစ်ချင်ဆုံးက အခန်းအောင်းတဲ့တေးရေးဆရာ
Melody Finder။ ဒါပေမယ့် ဆုံးဖြတ်ပေးမှာက ပရိသတ်ပါ။

Q-သီချင်းတွေကို ဘယ်လောက်ကြာအောင်ရေးဖြစ်လဲ၊ တစ်လ နှစ်လ စသည်ဖြင့်ပေါ့။
A-တစ်နေ့မှာ Melody 3-4 ရပါတယ်။Mood ဝင်ရင်ဝင်သလို၊Lyricsကတော့ တချို့အပုဒ်တွေ လချီကြာတာပေါ့၊
ကိုယ်က တစ်ပတ်တစ်ရက်ပဲ နားရတာ။
အတွင်းရန်တုန်းက နှစ်နာရီလောက်ပဲ ကြာတယ်။ သူကNaturally Flowing in my heart.

Q-ဂီတကို ဘယ်လိုခံယူချက်တွေနဲ့ ဖက်တွယ်ထားလဲ၊ အရမ်းကို ခက်ခဲခဲ့တာမျိုးတွေရှိရင်လဲ သိချင်ပါတယ်။
A- ခက်တာက အိမ်ကအားမပေးမှု၊ သူတို့က စာပဲ၊ ကိုယ့်ကိုယ်ကို မသိတာလဲပါတယ်။ ကိုယ်က သီချင်းတွေ ငယ်စဉ်တည်းက ညည်းနေတာ ကိုယ်ပိုင်သံစဉ်တွေပေါ့။ ဂီတအတွက် မွေးဖွားလာတယ်လို့ ခံယူထားပါတယ်။ ဒါကို လုပ်ကိုလုပ်ရမှဖြစ်မှာ
ဒါမှမလုပ်ရရင် ဘဝဟာအဓိပ္ပါယ်မဲ့တယ်။
အချိန်ကတော့ နောက်ကျသွားတယ်။

Q-နောက်တစ်ခွေအတွက် ကြိုပြင်ထားပြီလား
ဟုတ် Melody က Ready ပါ။ခုနောက်ပိုင်းတော့ Metalသီချင်းဘက် Mood ရောက်နေပါတယ်။

မရာဇ်ချမ်းနွန် ဘယ်လဲ ဘာလဲဆိုတာ သိလောက်ပြီးဆိုရင် သီချင်းနှစ်ပုဒ် နားဆင်ကြည့်လိုက်ကြရအောင်ပါ။ ကြိုက်တဲ့ဆိုရင် မူရင်းခွေ ဝယ်ယူအားပေးကြပါလို့......

အတွင်းရန် (တေးရေး-မရာဇ်ချမ်းနွန်)
https://my.pcloud.com/publink/show?code=M21ctalK

အမုန်းတေး (တေးရေး- ပြူးကြီး The Scare) feat; ဗညားနွန်
https://my.pcloud.com/publink/show?code=Bu1ctalK

#ဂီတအရူးများ

— with Marick Chan Nwon and Pyae Phyo Nyunt.