Aung Ko Latt added 2 new photos — at ASIA HOTEL.
+++++++
အလုပ်လုပ်တဲ့ လူအချင်းချင်း စိတ်နေစိတ်ထားအရရော၊ ကြိုးစားမူအရပါ အတန်းအစားကွာခြားသွားတတ်ပါတယ်။ ကိုယ့်ကိုကို ဆန်းစစ်ပြီး ၀င်တန်းစီကြည့်ရအောင်၊ ပြီးရင် အတန်းကူးနိုင်အောင် ကြိုးစားကြပါဆို့။
၁။ လူအောက်တန်း-------- ဟိုဟာမကောင်းဘူး၊ ဒီဟာမတရားဘူး၊ ဒါ သက်သက်စော်ကားတာပဲ၊ ဒါတော့ လုံးဝကြည့်လို့ မရဘူး ၊ စသည်ဖြင့် အမြဲတမ်း အဆိုးမြင် အပြစ်တင်နေတဲ့လူတန်းစားမျိုး၊ ပြသနာမရှိ ပြသနာရှာ၊ ဟိုတို့လိုက်၊ ဒီဖွလိုက်၊ အတို့အထောင်နဲ့ အသိုင်းအ၀ိုင်းငယ်ဖွဲ့ဖြစ်ကြတယ်။ ဒီလိုလူမျိုးဟာ ဘယ်အဖွဲ့ ဘယ်ဋ္ဌာနထဲမှာပဲ ရှိရှိ ငါးခုံးမ ဖြစ်ပါတယ်။ ကိုယ့်အနားမှာ ဒါမျိုးလူစားရှိရင် မပေါင်းပါနဲ့၊ ရှောင်ရှားလိုက်ပါ။ အခန့်မသင့်ရင် တစ်လှေလုံး ပုတ်သိုးလို့ ကိုယ်ပါ ပုတ်သွားနိုင်ပါတယ်။
၂။ လူပျင်းတန်း----------- လုပ်ခအမြဲ ပိုရချင်တယ်။ အလုပ်လျှော့လုပ်ချင်တယ်။ ခွင့်ရက်တိုးစေချင်တယ်။ လခတက်စေချင်တယ်။ တာဝန်ကျေရုံတင် အလုပ်လုပ်ချင်ကြတယ်။ ၀တ်ကျေတန်းကျေသမားများဖြစ်ကြတယ်။ ရေစုန်မျောသမားများဖြစ်ကြပါတယ်။ တစ်ခါတစ်လေ ကိုယ့်ကိုကို အထင်ကြီးတတ်ကြသေးတယ်။ ဒီလူစားမျိုးဟာ အချိန်ကုန်ပြီး အသက်သာကြီးသွားမယ်၊ ဘာမှဖြစ်လာမဲ့လူစားမျိုးမဟုတ်ပါ။
၃။ ပုံမှန်တန်း------------ တာဝန်ပေးတဲ့အတိုင်းလုပ်မယ်။ မခိုင်းရင်တော့ မလုပ်ဘူး၊ အမိန့်ကို အမြဲစောင့်နေတဲ့လူစားမျုိုးဖြစ်တယ်။ အပိုအလုပ်မစဉ်းစားပါ။ မလုပ်မရူတ်မပြုတ် လူတန်းစားမျိုးပါ။ အစိုးရ ဋ္ဌာနတွေမှာ လုပ်သက်အလျောက် ရာထူးနည်းနည်း တက်သွားနိုင်ပါတယ်။ ထူးချွန်တဲ့ ခေါင်းဆောင်ဖြစ်မလာနိုင်ပါ။
၎။ လူတော်တန်း---------- စိတ်ပါဝင်စားစွာ အလုပ်လုပ်ပါတယ်။ တာဝန်သိစိတ်ရှိတယ်။ စဉ်းစားတတ်တယ်။ အစီအစဉ်ကျကျ လုပ်တတ်တယ်။ ကိုယ့်ဋ္ဌာန၊ ကိုယ့်မြို့ကိုယ့်ရွာ၊ ကိုယ့်တိုင်းပြည် ကောင်းစားမှ ကိုယ်ကောင်းစားမယ်လို့ ယူဆထားသူများဖြစ်တယ်။ အများအတွက် ပူပန်ပေးတတ်သူများဖြစ်တတ်ကြတယ်။ အဖွဲ့အစည်းတွေထဲမှာ ခေါင်းဆောင်အလိုလိုဖြစ်သွားတတ်ပါတယ်။
၅။ လူထိပ်တန်း------------- စိတ်တည်ငြိမ်တယ်။ အလုပ်ကို ထဲထဲဝင်ဝင် စိတ်နှစ်ကိုယ်နှစ် လုပ်တတ်တယ်။ လိုအပ်လာရင် အတွင်းစိတ်အာရုံဝင်စားတဲ့အထိ နက်နက်နဲနဲ စဉ်းစားပြီး အဖြေရှာနိုင်တဲ့ အရည်အချင်းရှိတယ်။ အလုပ်တစ်ခုလုံးကို ခြုံငုံ သုံးသပ်ပြီး ဆုံးဖြတ်ချက် ခိုင်ခိုင်မြဲမြဲ ချမှတ်တတ်တယ်။ တစ်ခုခုလုပ်ဖို့ ဆုံးဖြတ်လိုက်ပြီဆိုရင် ရှေ့မှာ တုံးတိုက်တိုက်၊ ကျားကိုက်ကိုက် အောင်မြင်တဲ့အထိ အကောင်အထည်ဖေါ်နိုင်စွမ်းရှိတယ်။ အများအကျိုးကိုလည်း အမြဲ ဦးစားပေး စဉ်းစားပေးတယ်။
Ref: Wechat
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။