ဖိနပ်မစီးနိုင်သည့်ဆင်းရဲသားဘ၀ကနေ ဘီလျံနာဖြစ်လာသူ (ဆောင်းပါး စ/ ဆုံး)

ကျောက်သင်ပုန်း

 

#ဖိနပ်မစီးနိုင်သည့်ဆင်းရဲသားဘ၀ကနေ
#ဘီလျံနာဖြစ်လာသူ (ဆောင်းပါး စ/ ဆုံး)

(ယခု မေလထုတ် Myanmar B2B Management Magazine တွင် ဖော်ပြပါရှိသော ကျွန်တော့်ဆောင်းပါးကို ပြန်လည်ဝေမျှလိုက်ပါသည်။)

လေးစားစွာ ...
#LinLinTun @ လင်းလင်း

Kieu Hoang ၀ိုင်ထုတ်လုပ်ရေးလုပ်ငန်း၏ ဖွင့်လှစ်ပွဲအခမ်းအနားကို အမေရိကန်တွင် ၂၀၁၄ ခုနှစ် နိုဝင်ဘာလအတွင်းက ခမ်းခမ်းနားနားကျင်းပခဲ့ရာ နာမည်ကြီး တရုတ်မော်ဒယ်မင်းသမီး Li Bing Bing ကိုယ်တိုင် တက်ရောက်ချီးမြှင့်ခဲ့သည်။ ထို့နောက် ၁၀ လ အကြာတွင် Napa ၀ိုင်လုပ်ငန်းသည်လည်း ယင်း၏ ပထမဆုံးသော ၀ိုင်ပါတီကို ဆန်ဖရန်စစ္စကိုရှိ အဆင့်မြင့် ဗီယက်နမ်စားသောက်ဆိုင် Le Colonial တွင် ကျင်းပခဲ့သည်။ ထိုပွဲသို့ အဆိုပါဝိုင်လုပ်ငန်း၏ ပိုင်ရှင်ဖြစ်သည့် အသက် ၇၁ နှစ်အရွယ် အသစ်စက်စက် ဘီလျံနာသူဌေးကြီး Mr. Kieu Hoang တက်ရောက်နိုင်ခဲ့ခြင်း မရှိချေ။ ဖခင်ဖြစ်သူ Mr. Hoang မှာ လုပ်ငန်းကိစ္စဖြင့် ရှန်ဟိုင်းသို့ ရောက်ရှိနေ၍ ယခုအခမ်းအနားကို တက်ရောက်နိုင်ခြင်း မရှိသည့်အတွက် နောင်တရမိပါသည်ဟု ဧည့်သည်တော်များကို အမှာစကားပါးလိုက်ပါကြောင်း သားဖြစ်သူ Tommy Hoang က ပြောကြားခဲ့သည်။ “ဖေဖေက လုပ်ငန်းကိစ္စတွေ အကောင်အထည်ဖော်ဖို့ အလျင်စလိုသွားခဲ့ရတာ ဖြစ်ပါတယ်” ဟု သားငယ်ဖြစ်သူက ဆိုပါသည်။

တကယ်တော့ Mr. Kieu Hoang သည် အလုပ်များကို ဘ၀တလျှောက်လုံး အလျင်အမြန် လုပ်ကိုင်ခဲ့သူတယောက် ဖြစ်သည်။ ၀တ်ကောင်းစားလှများ ၀တ်ဆင်ထားသည့် ဧည့်သည်တော်များက ပုလင်းပေါ်တွင် Mr. Hoang ၏ မျက်နှာကို ပုံနှိပ်ထားသည့် ၀ိုင်များကို ချီးမြှင့်အားပေးနေကြသည့် ကြီးကျယ်ခမ်းနားသော ညစာစားပွဲသည် စင်စစ်အားဖြင့် ဗီယက်နမ်ကျေးလက်ဒေသတွင် ကြီးပြင်းခဲ့သည့် သူ၏ ငယ်စဉ်ကာလများ၊ ဗီယက်နက်စစ်ပွဲအပြီး အမေရိကားသို့ ပြောင်းရွှေ့ခဲ့သည့် အစောပိုင်းကာလများနှင့် နှိုင်းယှဉ်လျှင် လုံးဝဆန့်ကျင်ဘက်ဖြစ်သည်။

RAAS နှင့် Shanghai RAAS အမည်ရှိ သွေးရည်ကြည်ကုမ္ပဏီနှစ်ခုကို အောင်မြင်စွာ တည်ထောင်ခဲ့ပြီးသည့်နောက် Mr. Hoang သည် Forbes ကုမ္ပဏီမှ ရွေးချယ်သည့် ထိပ်တန်းအယောက် ၄၀၀ စာရင်းတွင် ပထမဆုံးအကြိမ် ရွေးချယ်ဖော်ပြခံခဲ့ရသည်။ သူ၏ အသားတင်ပိုင်ဆိုင်မှုမှာ ၃.၈ ဘီလျံရှိပြီး အဆင့် ၁၄၉ နေရာတွင် ဖော်ပြခံရခြင်းဖြစ်သည်။ ထို့ပြင် သူသည် အဆိုပါ ထိပ်တန်း ၄၀၀ စာရင်းတွင် ပထမဆုံးအကြိမ် ရွေးချယ်ခံရသူများအနက် အချမ်းသာဆုံးပုဂ္ဂိုလ်တဦးလည်း ဖြစ်သည်။

Mr. Hoang ၏ ကြွယ်ဝမှုအများစုသည် ရှန်ဟိုင်းရှိ Shanghai RAAS ကုမ္ပဏီတွင် ရင်းနှီးမြှုပ်နှံရာမှ ရရှိခဲ့ခြင်း ဖြစ်သည်။ ၁၉၈၇ ခုနှစ်တွင် သူသည် ရှန်ဟိုင်းသွေးဌာန (Shanghai Blood Centre) နှင့် မိတ်ဖက်အဖြစ် လုပ်ကိုင်ခဲ့သည်။ ထို့နောက် ၁၉၉၂ ခုနှစ်တွင် Shanghai RAAS ကို တည်ထောင်ခဲ့သည်။ ရောင်းအားပမာဏ အမေရိကန်ဒေါ်လာ ၂၁၄ သန်းရှိပြီး ဈေးကွက်တန်ဘိုး (Market Capitalization) အမေရိကန်ဒေါ်လာ ၁၇.၇ ဘီလျံရှိသည့် အဆိုပါကုမ္ပဏီသည် Forbes ၏ တီထွင်ဆန်းသစ်မှုအရှိဆုံး ကုမ္ပဏီများစာရင်း (Most Innovative Companies) တွင် အဆင့် ၂၀ နေရာမှ ဖော်ပြခံခဲ့ရသည်။

ထို့အတူ ၂၀၁၅ တွင်လည်း Forbes မှ ရွေးချယ်သည့် Asia’s 200 Best Under A Billion တွင် ရွေးချယ်ခံခဲ့ရသည်။ Mr. Hoang သည် Shezhen စတော့အိပ်ချိန်းစာရင်းဝင် အဆိုပါကုမ္ပဏီ၏ ၃၅ ရာခိုင်နှုန်းကို ပိုင်ဆိုင်ထားသည်။ ပြီးခဲ့သည့်နှစ်များအတွင်း ထိုအများပိုင်ကုမ္ပဏီ၏ ရှယ်ယာတန်ဘိုးများ မြင့်တက်ခဲ့မှုကြောင့် သူ၏ ပိုင်ဆိုင်မှုသည်လည်း သုံးဆကျော်အထိ ပိုမိုကြွယ်ဝလာခဲ့သည်။ Mr. Hoang ၏ အခြားပိုင်ဆိုင်မှုများမှာ Agoura Hills တွင် တည်ရှိသည့် ကယ်လီဖိုးနီးယားအခြေစိုက် Rare Antibody Antigen Supply ခေါ် RAAS ဆေးဝါးလုပ်ငန်းဖြစ်သည်။ ထိုကုမ္ပဏီကို ၁၉၈၅ တွင် စတင်တည်ထောင်ခဲ့သည်။ အခြားလုပ်ငန်းတခုမှာ ၂၀၁၄ က ၀ယ်ယူကာ ဖွင့်လှစ်ခဲ့သည့် ၀ိုင်ထုတ်လုပ်ရေးလုပ်ငန်း ဖြစ်ပါသည်။

Mr. Hoang ကို ၁၉၄၄ ခုနှစ်တွင် ဗီယက်နမ်နိုင်ငံ Quang Tri ပြည်နယ်ရှိ Bich Khe ကျေးရွာတွင် မွေးဖွားခဲ့သည်။ သူသည် ငယ်စဉ်က လွန်စွာဆင်းရဲခဲ့သည်။ မိခင်အတွက် သူသည် အင်္ကျီမပါ ဖိနပ်ဗလာဖြင့် တောခုတ်ဓားတလက်ကိုင်ပြီး သစ်ခုတ်ကာ လုပ်ကျွေးခဲ့ရသည်။ “အဲဒီအချိန်တွေတုန်းကဆိုရင် ကျွန်တော့်ငယ်ဘ၀ဟာ သိပ်ကို ကြမ်းတမ်းခဲ့တယ်” ဟု Hoang က ပြောပြောင်းပြောပြသည်။ ထို့နောက် အသက် ၅ နှစ်အရွယ်ခန့်တွင် ဦးလေးဖြစ်သူ Hoang Thi နှင့် နေထိုင်ရန် ဆိုင်ဂုံသို့ ပြောင်းရွှေ့လာခဲ့သည်။ ဗီယက်နမ်နာမည်ကြီး တေးရေးဆရာတဦးဖြစ်သည့် ဦးလေးဖြစ်သူသည် Mr. Hoang ၏ ပညာရေးကို ပံ့ပိုးပေးခဲ့သည်။

Mr. Hoang သည် တက္ကသိုလ်တွင် သိပ္ပံဘာသာရပ်ကို ဗီယက်နမ်စစ်ပွဲ စတင်မဖြစ်ပွားခင်အထိ တနှစ်ကြာ သင်ယူခဲ့သည်။ ထို့နောက် သူသည် အမေရိကန် အထူးတပ်ဖွဲ့သို့ ၀င်ရောက်ကာ Chief Combat Interpreter အဖြစ် တာဝန်ထမ်းဆောင်ခဲ့သည်။ ထိုအတွေ့အကြုံက သူ့အား ကိုယ့်ကိုယ်ကိုယ် အားကိုးစိတ်ကို ဖြစ်ပေါ်စေခဲ့ပြီး ၁၉၉၀ ပြည့်လွန် အစောပိုင်းနှစ်များတွင် စက်ပစ္စည်းပြည့်စုံမှု မရှိသော်လည်း Shanghai RAAS အတွက် စက်ရုံတည်ဆောက်ခြင်း အပါအ၀င် ဘ၀မှာ ရင်ဆိုင်ခဲ့ရသည့် အခြားသော စိန်ခေါ်မှုများအတွက် စိတ်ဓာတ်ခွန်အား ဖြစ်စေခဲ့သည်ဟု ဆိုသည်။

၁၉၇၅ ခုနှစ် ဗီယက်နမ်စစ်ပွဲ ပြီးဆုံးခါနီးချိန်တွင် Mr. Hoang သည် သူ၏ မိသားစုနှင့် အခြား ဗီယက်နမ်လူမျိုး စစ်ဘေးဒုက္ခသည်များကို တိုင်းပြည်မှ ထွက်ခွာနိုင်အောင် အကူအညီပေးပြီးနောက် သူကိုယ်တိုင်သည်လည်း အမေရိကားသို့ ရွှေ့ပြောင်းနေထိုင်ခဲ့သည်။ “သူတို့တွေ တိုင်းပြည်ကနေ ထွက်ခွာနိုင်ဖို့အတွက် လိုအပ်တဲ့ဗီဇာရရှိအောင် ကျွန်တော်ဟာ ပြည်ထဲရေးဝန်ကြီးဌာနနဲ့ ပူးပေါင်းဆောင်ရွက်ခဲ့ပါတယ်” ဟု သူက ရှင်းပြသည်။ ထိုစဉ်က သူ့အသက်သည် ၃၂ ခန့် ရှိပြီဖြစ်သည်။

အမေရိကားတွင် ဘ၀ကို စတင်ရခြင်းသည် Mr. Hoang ၏ မိသားစုအတွက် မလွယ်ကူ မချောမွေ့ခဲ့ပါ။ အမေရိကားကို စတင်ရောက်ရှိစဉ်က ၎င်းတို့ကို ကယ်လီဖိုးနီးယားတောင်ပိုင်း လော့စ်အင်ဂျလိစ်အနီးရှိ Westlake Village Women’s Club နှင့် United Methodist Church of Westlake Village တို့မှ ပံ့ပိုးခဲ့ကြသည်ဟု ဆိုသည်။ Abbott Laboratories တွင် လုပ်ကိုင်နေသည့် ဘုရားကျောင်းအဖွဲ့ဝင်တဦးက Mr. Hoang ကို ၀င်ခွင့်အင်တာဗျူး မေးမြန်းခဲ့သည်။ သူ့တွင် လိုအပ်သည့်အရည်အချင်း မရှိသည်ကို သိရှိခဲ့သည့် Mr. Hoang က သူသည် ဉာဏ်ရည်ထက်မြက်သဖြင့် သင်ယူတတ်မြောက်လွယ်သူတဦး ဖြစ်ကြောင်း ယုံကြည်မှုအပြည့်ဖြင့် အင်တာဗျူးသူကို ပြောကြားခဲ့သည်။ သို့ဖြင့် မွေးနေ့တွင် Mr. Hoang တယောက် ရရှိခဲ့တော့သည်။ လုပ်အားခမှာ တနာရီလျှင် ၁.၂၅ ဒေါ်လာ ဖြစ်သည်။ ထို့နောက် ၂ ရက်အကြာတွင် အလုပ်စဆင်းခဲ့သည်။ Hoang သည် သူ့ကို လှူဒါန်းထားသည့် ၅၀ စီစီ မော်တော်ဆိုင်ကယ်ဖြင့် အလုပ်သွားလေ့ရှိသည်။ “အဲဒီကာလတွေဟာ ခက်ခဲပင်ပန်းလွန်းခဲ့ပေမယ့် ကျွန်တော်တို့ အကောင်းဆုံးကျော်ဖြတ်နိုင်ခဲ့ပါတယ်” ဟု Mr. Hoang က ပြန်ပြောင်းပြောပြသည်။

၂ နှစ်ခန့် ကြာပြီးနောက် Abbott တွင် သူသည် ရာထူးတိုးမြှင့်ခြင်း ခံရသည်။ နောက်ထပ် ၆ လအကြာတွင် ကြီးကြပ်ရေးမှူးအဖြစ် ခန့်အပ်ခံခဲ့ရသည်။ ထို့နောက် ၆ လအကြာတွင်မူ မန်နေဂျာဖြစ်လာခဲ့တော့သည်။ နောက်ဆုံးတွင် သူသည် ကုမ္ပဏီထိပ်ပိုင်းအထိ ရောက်ရှိလာခဲ့ပြီး သွေးရည်ကြည်နမူနာများကို စမ်းသပ်စစ်ဆေးမှုနှင့်ပတ်သက်ပြီး တာဝန်ယူရသည့် ဒါရိုက်တာတဦး ဖြစ်လာခဲ့သည်။ “Abbott ဓာတ်ခွဲခန်းမှာ သွေးရည်ကြည်တွေကို စမ်းသပ်စစ်ဆေးမှုတွေ ပြုလုပ်နိုင်ဖို့ Bureau of Biology (FDA ၏ ယခင်အမည်) ရဲ့ ခွင့်ပြုလိုင်စင်ကို ပထမဆုံးရရှိခဲ့တဲ့အတွက် ကျွန်တော် ဂုဏ်ယူမိပါတယ်” ဟု Mr. Hoang က ဆိုသည်။ ထို့နောက် Abbott တွင် အသည်းရောင်အသားဝါ ဘီ (Hepatitis B) ရောဂါပိုးကို စမ်းသပ်မှု စတင်ခဲ့သည်။

၁၉၇၀ ပြည့်လွန်နှစ် အဆုံးပိုင်းတွင် Mr. Hoang သည် အနာဂတ်ရှေ့အစီအစဉ်များအတွက် စတင်စဉ်းစားလာခဲ့သည်။ သူ့တွင် ဆရာသမားတဦးပေးခဲ့သည့် အကောင်းဆုံးအကြံဉာဏ်တခု ရှိသည်။ “သင့်ရဲ့ အသိပညာဗဟုသုတတွေကို ဈေးပေါပေါနဲ့ မရောင်းပါနဲ့” ဟူ၍ဖြစ်သည်။ သွေးရည်ကြည် စမ်းသပ်ခဲ့ဖူးသည့် အတွေ့အကြုံရှိသည့် Mr. Hoang သည် Rare Antibody Antigen Supply Inc အမည်ရှိ ကိုယ်ပိုင်သွေးရည်ကြည်ကုမ္ပဏီကို တည်ထောင်ရန် ဆုံးဖြတ်ခဲ့တော့သည်။ ထို့နောက် သွေးရည်ကြည်ဌာနများ စတင်ပိုင်ဆိုင်လာခဲ့သည်။ ၁၉၈၅ တွင် အမေရိကန်တလွှား သွေးရည်ကြည်ဌာနပေါင်း ၁၁ ခုအထိ ပိုင်ဆိုင်ခဲ့သည်။
ထို့နောက် ၂ နှစ်အကြာတွင် နိုင်ငံတကာသို့တိုင် ဖြန့်ကျက်ခဲ့ကာ တရုတ်ပြည်ကို ၀င်ရောက်ခဲ့တော့သည်။ စင်စစ် ထိုအချိန်က တရုတ်ပြည်သို့ စီးပွားရေးလုပ်ငန်း သွားရောက်လုပ်ကိုင်ရန် ကြိုးပမ်းသည့် အမေရိကန်လုပ်ငန်းရှင်ဆိုသည်မှာ အလွန်ရှားကြောင်း Mr. Hoang က ပြောသည်။ “တရုတ်မှာ လုပ်ငန်းလုပ်ကိုင်ဖို့ ဘယ်လုပ်ငန်းရှင်တွေ စဉ်းစားခဲ့ကြလည်းဆိုတော့ ကျွန်တော်တယောက်တည်းပဲ ရှိတယ်ဗျ” ဟု ဆိုသည်။

Mr. Hoang တရုတ်ပြည်ကို ၀င်ရောက်ခဲ့ချိန်သည် အချိန်အခါကောင်း ဖြစ်ခဲ့သည်။ တရုတ်ပြည်တွင် ၁၉၈၇ က အသည်းရောင်အသားဝါအေရောဂါ (Hepatitis A) ဖြစ်ပွားခဲ့ရာ မသန့်ရှင်းသည့် ပိုက်ဆံမှတဆင့် လူပေါင်း ၃ သိန်းခန့် ကူးစက်ခံကြရသည်။ “ဒီရောဂါနဲ့ပတ်သက်ပြီး ကျွန်တော်ကူညီနိုင်ပါတယ်လို့ သူတို့ကို ကျွန်တော် ပြောနိုင်ခဲ့ပါတယ်” ဟု Mr. Hoang ဟု ပြန်လည်ပြောပြသည်။

ထိုစဉ်က မည်သည့်နိုင်ငံခြားကုမ္ပဏီမှ တရုတ်ကုမ္ပဏီ၏ ၅၀ ရာခိုင်နှုန်းထိ ပိုင်ဆိုင်ခွင့် မပြုခဲ့ပါ။ သို့သော် Mr. Hoang သည် ၁၉၈၇ တွင် ရှန်ဟိုင်းသွေးဌာန (Shanghai Blood Centre) နှင့် အကျိုးတူ ပူးပေါင်းနိုင်ခဲ့သည်။ ထို့နောက် ၁၉၉၂ တွင် သူသည် ရှန်ဟိုင်းရှိ Shanghai RAAS ကို ဖွင့်လှစ်ခဲ့ပြီး လူ့ခန္ဓာကိုယ်အတွက် အဘူမင် (Abumin) ကို AlbuRAAS အမည်ဖြင့် ရောင်းချခဲ့သည်။ ယင်းသည် သွေးရည်ကြည်ကို စုစည်းပေးထားသည့် ရင်းမြစ်တခု (Concentrated Source) ဖြစ်သည်။ ကုမ္ပဏီမှ ရောင်းချသည့် အခြားဆေးဝါးများမှာလည်း သွေးရည်ကြည်မှတဆင့်ရရှိသည့် ဆေးဝါးများဖြစ်သည်။ ယနေ့အချိန်တွင် တရုတ်ပြည်တွင် သူထုတ်လုပ်သည့် ဆေးပစ္စည်းများကို ဈေးကွက်တောင်းဆိုမှု လွန်စွာမြင့်မားလာခဲ့ရာ Shanghai RAAS အနေဖြင့် ပြည်နယ်တခုစာကိုပင် လိုအပ်သလောက် အပြည့်အ၀ မဖြည့်ဆည်းပေးနိုင်ကြောင်း Mr. Hoang က ဆိုသည်။

ထိုအတောအတွင်း Mr. Hoang သည် အမေရိကန်သို့ပြန်ပြီး ၂၀၁၄ တွင် လုပ်ငန်းအမျိုးအစားသစ်တခုကို စွန့်စားလုပ်ကိုင်ခဲ့ပြန်သည်။ ယင်းမှာ ၀ိုင်ထုတ်လုပ်ရေးလုပ်ငန်းဖြစ်သည်။ သူသည် Michael Mondavi Family ၀ိုင်လုပ်ငန်းကို ၂၀၁၄ တွင် ၀ယ်ယူလိုက်ခြင်း ဖြစ်သည်။ ထို့နောက် ၂၀၁၄ နိုဝင်ဘာလတွင် ၀ိုင်လုပ်ငန်း၏ ဖွင့်လှစ်ပွဲအခမ်းအနားကို ကြီးကျယ်ခမ်းနားစွာ ကျင်းပခဲ့သည်။ တရုတ်ပြည်၏ အင်ဂျလီနာ ဂျိုလီဟု နာမည်ကျော်လူသိများသည့် တရုတ်မော်ဒယ်မင်းသမီး Bing Bing သည် အဆိုပါ ၀ိုင်ထုတ်လုပ်ရေးလုပ်ငန်း၏ ပြောရေးဆိုခွင့်ရှိသူအဖြစ် တက်ရောက်ချီးမြှင့်ခဲ့သည်။

ဝိုင်ထုတ်လုပ်ရေးလုပ်ငန်းသည် သွေးရည်ကြည်လုပ်ငန်းနှင့် သဘောသဘာဝခြင်း တူသည်ဟု Mr. Hoang ရှုမြင်ခဲ့သည်။ Filter ဖြင့် စစ်ခြင်း၊ pH အဆင့် ချိန်ညှိခြင်းနှင့် အချဉ်ဖောက်ခြင်း စသည့် လုပ်ငန်းစဉ်တို့သည် သွေးရည်ကြည်နှင့် ၀ိုင်ထုတ်လုပ်ခြင်းတို့တွင် ဆောင်ရွက်ရသည့်အဆင့်ခြင်း နီးစပ်လှသည်။ ထို့အပြင် ၀ိုင်မှ ပေးစွမ်းနိုင်သည့် ကျန်းမာရေးအကျိုးအာနိသင်နှင့် ပတ်သက်ပြီးလည်း Mr. Hoang တယောက် အထူးပင် ကျေနပ်ဝမ်းမြောက်နေတော့သည်။ “ကျန်းမာရေးဝိုင်နဲ့ ရိုးရိုးဝိုင်ဆိုပြီး ဆိုပြီး ထုတ်လုပ်နိုင်အောင် ကျွန်တော် ကြိုးပမ်းနေပါတယ်။ နောက်ပြီး စီးပွားရေးလုပ်ငန်းနှစ်ခုဟာ ဆက်စပ်မှုရှိတဲ့အတွက်လည်း အရမ်းကို ပျော်ရွှင်မိပါတယ်” ဟု Mr. Hoang က ပြောသည်။ ၀ိုင်များကို အထူးသဖြင့် တရုတ်ပြည်သို့ တင်ပို့နေပြီး လက်ရှိတွင် အတိုင်းအတာတခုအထိ အောင်မြင်မှုရှိသည်ဟု ဆိုသည်။

ဝိုင်လုပ်ငန်းကို ၀ယ်ယူလိုက်ကြောင်း ကြေညာပြီး ရက်ပိုင်းအကြာတွင် Mr. Hoang သည် ဇွန် ၇ ရက်နေ့တွင် Fund-A-Need အဖွဲ့အစည်းသို့ အမေရိကန်ဒေါ်လာ ၁ သန်း လှူဒါန်းပြီး Auction Napa Valley တွင် စံချိန်သစ်တခု တင်ခဲ့ပြန်သည်။ ယင်းသည် ဗီယက်နမ်တွင် သူ စတင်ခဲ့ဖူးပြီးသားဖြစ်သော ပရဟိတအလုပ်ကို တိုးချဲ့ဆောင်ရွက်ခြင်းသာ ဖြစ်သည်။ “ကျွန်တော် သူတပါးကို ပြန်လည်ကျေးဇူးပြုချင်လို့ပါ” ဟု သူက ဆိုသည်။ Mr. Hoang သည် သူ၏ အသားတင်ပိုင်ဆိုင်မှုအနက် ၂၀ ရာခိုင်နှုန်းကို ပြန်လည်လှူဒါန်းသွားမည်ဖြစ်ကြောင်း ပြောကြားသည်။

Mr. Hoang သည် ၂၀၀၆ ကတည်းက ဗီယက်နမ်ကို အကြိမ်ကြိမ် ပြန်လည်သွားရောက်ခဲ့သည်။ ထို့နောက် ကြက်ခြေနီအဖွဲ့နှင့် ပူးပေါင်းကာ သူ့မွေးရပ်ဇာတိကျေးရွာတွင် အိမ်ခြေ ၅၀၀၀ ဆောက်လုပ်လှူဒါန်းခဲ့သည်။ “ကျွန်တော်က လူတယောက်ကို တစ်ဒေါ်လာ ပေးချင်တယ်ဆိုရင် သူဟာ အဲဒီငွေကို အမှန်တကယ် ရသွားစေချင်ပါတယ်။ ကျွန်တော့်အနေနဲ့ ဘီလ်ဂိတ်တို့ ၀ါးရင်းဘတ်ဖက်တို့လို့ မလှူဒါန်းပေးချင်ဘူးဗျာ။ တစ်လီလျံပြီး တစ်ဘီလျံလေ။ ကျွန်တော်တို့မှာ ဘယ်လောက်များများစားစား ရှိလို့လဲဗျ” ဟု Mr. Hoang က သူ့အတွေးအခေါ်ကို ဝေမျှသည်။

Mr. Hoang သည် ဘီလျံနာသန်းကြွယ်တဦးဟူသည့် သူ၏အဆင့်အတန်းနှင့်ပတ်သက်ပြီး ပြောဆိုရန် စိတ်အားထက်သန်မှု မရှိချေ။ “စတော့အကြောင်း မပြောပါနဲ့၊ ဘီလျံဒေါ်လာတွေအကြောင်း မပြောပါနဲ့၊ ခင်ဗျားဟာ ဒီကနေ့ ဘီလျံနာတယောက် ဖြစ်ပေမယ့် မနက်ဖြန်မှာ ဘီလျံနာဖြစ်ချင်မှ ဖြစ်လိမ့်မယ်” ဟု စတော့ဈေးကွက်၏ ကြိုတင်ခန့်မှန်းနိုင်ရန် ခက်ခဲနက်နဲမှုကို ရှင်းပြသည်။

ထိုသို့ဆိုသည့်အတွက် Mr. Hoang သည် လူသိမခံချင်သူ၊ မထင်မရှား ရှင်သန်နေထိုင်လိုသူတဦးတော့ မဟုတ်ပေ။ အထူးသဖြင့် သူ့မျက်နှာပုံတူကို သူထုတ်လုပ်ရောင်းချသည့် ၀ိုင်ပုလင်းအားလုံးပေါ်တွင် ပုံနှိပ်ဖော်ပြထား၍ ဖြစ်သည်။ သူသည် အနာဂတ်ကာလတွင် သူ့ကို လူတွေက အမှတ်ရနေကြပြီး သူ့အကြောင်းနှင့် သူတီထွင်လုပ်ကိုင်ခဲ့သည့် သွေးရည်ကြည် အဆင့်မြှင့်တင်မှုများကို တခုတ်တရ ချီးကျူးပြောဆိုတာမျိုးကို မျှော်လင့်တောင့်တသူ ဖြစ်သည်။ သူ၏ ၀ိုင်လုပ်ငန်းတွင် အောက်ပါဆိုင်းဘုတ်ကို ချိတ်ဆွဲထားသည်။

“ဘုရားသခင်သည် ရေကို ဖန်ဆင်းတော်မူခဲ့၏။ လူသားများသည် ၀ိုင်ကို တီထွင်ခဲ့သည်”
- ဗစ်တာ ဟူးဂိုး

“Kieu Hoang အမည်ရှိ လူသားသည်
ရေနှင့် ၀ိုင်ကို ဖန်းတီးခဲ့လေသည်”
- Kieu Hoang

Lin Lin Tun @ လင်းလင်း

Ref: Vietnamese-American Pharma Billionaire Debuts On The Forbes 400 (Forbes)